|
|
 الرقابة على الهواء مباشرة فى تلفزيون الانقاذ
|
عصر الامس كنت اشاهد فى حلقة مملة من برنامج الخط الساخن
مذيع بطى ومتردد يحاور لواء شرطى مبرراتى مسكين
المذيع يسال عن حوداث الخطف فى قلب الخرطوم
واللواء يتحدث عن غرباء دخلوا الخرطوم وما عندهم اصالة اهل الخرطوم
وكلام عن جرائم احتيال فتيات فى الشقق المفروشة وينصح اللواء الزول طوالى حقو يمشى الشرطة ....شرطة شنو يا داقس مع الفضيحة
المهم
قوم يا المذيع الشليق نط
وقول عاوز اسال عن موضوع ذبح الصحفى محمد طه قالوا الادلة الجمعتوها كلها طلعت فشك
واللواء الغلبان يبد ا فى الاجابة
فى الحقيقة قضية محمد طه
فجاءة ياتى صوت حازم
هذه القضية امام القضاء ولا يجب التحدث فيها
المذيع اتخلع وطير عينو
واللواء تراجع
وردد وراء المذيع شكرا سيادة الفريق
وهنا فى شوية استهبال
الفريق قائد الشرطة السابق كان خارج الاستديو ولا من مسؤليتو التدخل على الهواء مباشرة
الصوت من شخص داخل التلفزيون
واشك فى انو صوت العبيداحمد مروح وانا بعرف صوتو
الناس البيعرفو تفاصيل العمل فى داخل التلفزيون عاوز رايهم
المهم
معروف ان اغلب الكوادر فى التلفزيون من اعضاء الموتمر او بيخافو من الموتمر
المذيع الزبير من ناس المؤتمر وبالرغم من ذلك لم يؤتمن
واشرع فوق راسه سيف الرقابة القامع
مثل هذه الممارسات الرقابية
والتدخل الفظ يختفى فى كل دول العالم ويزدهر فى دولة الانقاذ
|
|
 
|
|
|
|
|
| |
mohmmed said ahmed
فيس بوك
تويتر
انستقرام
يوتيوب
بنتيريست