|
|
|
 Re: مسادير يا أهل المسادير//(3).................. (Re: munswor almophtah)
|
Quote: قلبي الصلو مجبول فوق الطبايعوا سمحه
ليك ساقتو في دروب المشاعر لمحه
حاولت جهدي اكبحن خواطري الجمحه
عارفة اقداري لي رايع الاماني بتمحه |
البرق البِولْوِل قِبلي يرسُم ويمحه
شان ما يشيلُّو من فرَّت فِويطْرِك لمحه
مع الدُّغشية سارق وجاب دعاشةً جمحه
قلبي الغاوي شارف وشاشا ليك يا السمحه
| |
 
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
لأخ منصور المفتاح
لك التحية وأنت تنثر هذه الدرر من تراثنا الجميل ومشاركة منا في هذا الجهد دونكم هذه الأبيات التي جادت بها القريحة بعد إطلاق سراح إبننا المقدم إبراهيم عبيدالله الذي ألقي عليه القبض متهما بالمشاركة في المحاولة الآخيرة:
من قومت الجهل فايتهم كتير أندادك
فارس الحوبة وارث الشكرة من أجدادك
نسلك صافي يا إبراهيم نضيف تيرابك
شرّفت القبيلة محربتين ياولدنا حبابك
إبراهيم فارس الكرنة أم سلاحن رزّا
ثابت قلبه دملوج خاتي الرجف والنزّا
خاض هجليج لا قالوا خاف لا فزّا
زغرتي فرّحينا وبشري الأهل يا عزّا
إنت يا قمر العشا البضوّّي الليل
سند الهاكعة أجواداً تعدل الميل
يا خريف الماحلة الضلو باقي مقيل
مهما كان تراه السويتو سار بلحيل
(محمد التجاني)
ما قبضوك في شينه سيدها يمشي ذليل
يا تمساح الكواني الحجّر مشارع النيل
في هجليج نباك يوم الدانه والقمبيل
زعزعت الخصيم تايهاً ما لقالو دليل
(مالك إبراهيم)
دي المحرية فيك يا الولد العزيزة قبيلتك
شرفتهن ناس عزا ركزت شلتها شيلتك
أبو عبد الرحيم البحر المزرقنه نيلتك
معركة هجليج تشهد بي نباك وسيرتك
أبو عبد الرحيم ضي الليالي السوده
شرفت القبيلة حمد الله بسلامة العوده
من دم العدو سرّف سقاها بلوده
أصلو الخوف ما بحل كان تمت المعدوده
(فاطمة إبراهيم)
| |
|
|
|
|
|
|
|
|
 Re: مسادير يا أهل المسادير//(3).................. (Re: الطيب بشير)
|
جمالك نابع من جواك ماهو بس برانى
حاجبك هلال
طبعك دلال
شكرا للخلقك و بيك برانى
براك بس براك يا المابتشوف زول تانى
وكرم المولى دافق للبعيد والدانى
بى أب حاجبا هلال زى ما حباك حبانى
ولى أب طبعا دلال ورانى شوف دلانى
وحباك بمعنى أعطاك حتى لا تقرأ عشقك
ولك السلام توليفه يا باشمهندس
منصور
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
.حجر كيفِك النم النغمته عجيمـــــه
ما شايف البعاشيم في لحمنا كجيما
مشغول عن شياطين الإنس ورجيما
ما قال في أميرة وفي البدورو هجيما
سلــــــطانا عماه حيّرنا تب بالمرة
قسيم البــــــلد من نصو سوا مسرة
كاتل للخلق لاتفـــــــه سبب قال مرة
وما شايف عوج غير طرحتك يا الحرة
...
أمن المجتمع يا ربـــــي أم فـــــــــزّيعه؟
سادر في البنات بي سوطو زايدو رزيعه
ضربا لي القلب شواي تقــــــــول لنزيعه
ونحن نقوللـــــــــو لااااا وبيانّا فيه نذيعه
نون النسوة لمّت كلمتا الدغـــــــرية
لا للقهر لا للذلة لا للسلبطة الغجرية
جوة سجونا كم نمينا لي الفجــــرية
وباكر نطلقك زغرودة آآ الحرية
رباح الصادق
| |
|
|
|
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
بعد الودع زادت أمور تنجيما
زادت غيها والبت حلال ترجيما
قدر الناس تقول متطانشه عامله عجيمه
ما بتدور زمام بتدور تسو تلجيما
البلد المجوبك صايتو راجل الضره
ومنو الناس تفز طالبه البلود البره
غرزت نعمو طب حتى العشر ما درا
نصو هداك وقع قسموهو لينا مضره
...
الخير فيهو واجد والحياه البريه
وفيهو ترب مهيره متل رباح ورقيه
فيهو أسود تحرسو من الغريب دوريه
فيهو دهب مدفق فيهو طاهره وريه
الهول جانا داك والحاله باقيه شنيعه
والوح والوحيح بنجيد جزم تسميعا
لكناهو الصبر بى روح ملايكه منيعه
وقدر الجانا داك مافينا ليهو صنيعه
mansour
| |
|
|
|
|
|
|
| |
munswor almophtah
وضاحة
عبيد الطيب
Yahia Abd El Kareem
محمد التجاني عمر قش
aydaroos
هشام المجمر
الطيب بشير
فيس بوك
تويتر
انستقرام
يوتيوب
بنتيريست