قصيبة المُرنـَع السايقات ########يسك
الاستاذ الدكتور صديق ام بده لك الود والتقدير التقيت بك بام سنطة في لقاء عابر واظنك كنت في مهمة انسانية تنموية واذكر انك سالت عن اشعار الاخ حنفي وانا كنت في اجازة في البلد وقد اعددت لك دفتر من اشعار الاخ حنفي وشقيقه ابوالبرعي وعلي الشيخ وعند وصولي سوق ام سنطة كنت قد غادرت واليوم وجدت بريدك طرف حنفي ومرسل لك رائعتين لاخ حنفي ولشقيقه ابوالبرعي يا استاذ صديق كما قالت حكامة الزيادية (صديق ام بده الاسد الناير خده) ولك الود والتقدير عبيد الطيب محمد زين منطقة ام سنطة قصيبة المُرنـَع السايقات قـواديسك خزنة الحاكِم الكـُفــّار حراريسك ولمبة سودرى البقـَّن فوانيسك حلاوة ريا ملفوفات غراطيسك وعبلوجة تجار محزومة بى سيسك ويا أم غــرّه الغــلب سيــّاسى تحنيسك عجيلة عقصــه حاشنك جواميسك وقالب أم شنكل المرقوكى من كيــسك وفرحاناً قدل بى الرسمى بوليسك أشابيب النحاسى اللنبهل ديسك إتـــى شتلة ريدة بيك بخلــن تضاريسك وعلى القاصدك علن بلحيل متاريسك على باقى البنات والله ما اقيسك ليهن يا ام عروض غادى وبعيد ميسك اتى حكايه ما أنفكــّت نواميسك وفى خلق الله ما ظهرت مقاييسك نايم صاحى مشغول بى هلاويسك ولى هسّـــاعة ما تمت كراريسك محمد الطيب (حنفي) عبلوجة الرشيد الماهو هاينها فرّت لى الزِرَد رجعت مواطنها وردت فى الحريق حيضانها قارنها ديفة أم نايط الجفلن رواينها قاجَّه قرونها والصيّاد مباينها مرّات تِنْدرق مـرّات بعاينها لمبة سودرى البقَّــن رتاينها قالب أم شُمبُكْ البوليسها صاينها وبى الوَلـَع الرِقاق شاحن خزاينها بت عرباً عـِزاز والجار مداينها وقادر ربنا الصَوَّر محاسنها مابِتْصُــرْ وجِهها تشوف غباينها وبشاشة وشها توريك بطاينها محمد احمد حاج الطيب ( ابوالبرعى) (عدل بواسطة munswor almophtah on 04-07-2011, 05:54 PM) (عدل بواسطة munswor almophtah on 04-07-2011, 06:00 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]