|
|
|
 Re: مسادير يا أهل المسادير إلى ما شاء الله........ (Re: بخاري بشير)
|
Quote: نادية اسمك نادية وتاني نادية حروفك
وبيت منصور يزغرد بالقصيد ملهوفك
ياك ست الكلام وبالنمة زاهية جروفك
ما تفوتينا يا الربعة نتمنى ديمة نشوفك |
افوتكم وين أقبّل وانتو ناس النم
عشا البايتات حبابكم شلتو عنى الهم
بخارى الجيت تبشّر بالفرح ينتم
وحاتك مابسيبكم انتو جوّة الدم !!
| |
 
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
الاخ منصور والاخوة الكرام
يحييكم اخوكم مدثر سعيد
على تثنية اقتراح انضمامـه للمنبر,
ويخص الواردة اسماؤهـم في بوسـت التثنية,
Quote: الاخ الشايقي
والاخوة الكرام
منصور, جمال, محمد السيد و الاخت منى
شكراً علي التزكية التي افرحتموني بها والثقة التي اوليتوني اياها
|
أمـا هـذه فجـدعـة منه في حـق الأخ المنصـور,
منصور المسك فايح فسيحة ديارك
في حضرة مني واحمد تشيل شبالك
ومرحبتين شقيقنا جمال وصل مرسالك
ود السيد اهلاً ربي يفرح حالك
ولي تنقاسي ترجع شان نرد افضالك
ان شاء الله سارسل الطلب قريباً
ولكم الود كله
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: صديق يا الظريف جيت بى الفريق شاقينا
جيت يا العندليب حادى الشعر شادينا
شوقا لى أم فصيد شاغل القلوب شاوينا
يا الصديق أخوى شيخنا الفضيل حاوينا
|
يا منصور أخوي قول قولك ، قولك ظريف ساقينا
قولك قول نصاح يفرّح ديارنا الديمة راقدة حزينة
شيخك شيخ شيوخ نفخر بي حاواه وبجلالو يدي سكينة
يا ود المكوك ، ناس الشكرة والتقابة والبمسكو عرينا
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: Sidig Rahama Elnour)
|
الليله الفرح طمبج حلفاية وجدة لا حد عينا
جانا الخبر عقد بكري علي بت الاصول بدعينا
ود سماعين هوزز راسو يوم غني ليو شادينا
ود خالتي الكلس شان نص دينوا بعزم فينا
.......................................................................................
الف مبروك بكري اسماعيل بوردابي جدة,والفرحة تتم مع الاصدقاء.
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: Sidig Rahama Elnour)
|
يا منصور أخوي قول قولك ، قولك ظريف ساقينا
قولك قول نصاح يفرّح ديارنا الديمة راقدة حزينة
شيخك شيخ شيوخ نفخر بي حاواه وبجلالو يدي سكينة
يا ود المكوك ، ناس الشكرة والتقابة والبمسكو عرينا
جيت بالتانى والبكرى القبيل كافينا
كان صاموتى بى مسكة يمن ساقينا
ديك أهل الصلاح طالبين دعاهم لينا
يا الصديق جزم طالب الإله يرضينا
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: الخير محمد عوض)
|
Quote:
جيت بالتانى والبكرى القبيل كافينا
كان صاموتى بى مسكة يمن ساقينا
ديك أهل الصلاح طالبين دعاهم لينا
يا الصديق جزم طالب الإله يرضينا
|
ياالمنصور أخوي كايسين رضا الإله الديمة حاني علينا
سالين الإله من عوج الزمن يعفي الأهل ويعفينا
ويدي أم هبج كوم السحابة الدافقة في وادينا
يفتق شجر الشبع وبت أم ساق البعيدة تجينا
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: إدريس محمد إبراهيم)
|
يا الجنب المجرب للدرو رواح
ويا الدابى المبرقط لى عدوك فحاح
الشافك رجف زاغت عيونو وشاح
وياوارث الكرم واهب الثمين مناح
مدثر مراحب مقنعاً رجّـاح
الجود والكرم أمست طبيعة الراح
للحامل السمينه شان الضيوف ضبّاح
في المسدار حبابك شاعراً صدّاح
في النايبات حديثكم مو كُتُر بتقُصْرو
والطالب حماكم تَحَجوهو كسرو تجُبْرو
ميزان للرجال العالي تحفظو قدرو
والواطي الدني الرعديد تعجلو شُكْرو
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
تساؤل:ـ
الشي الغريب وحيرنا في أفكارنا
في لحظة سهو مسك القلم يمضالنا
وينوا الاتر حقات جرايم أفعالنا
وحق النفوس بين ثروتا و سلطانا
إستياء:ـ
يلاك تعال ونعمل أنانيا شمالنا
كان نلقي فرقة كرسي عن سلطانا
نحلف باليمين هدوها كل امالنا
نقبض العربون ونعدمو البورانا
..........................................................................................
تفاؤل:ـ
عسي وبعد الســلام والسعد الجانا
ماننسي القــري من نصيب اموالنا
مقبولة خاطرا طيب ولاجئين اوطانا
مايبقو العتب دسنــاهو باقدامنا
لسان الحال يقول:ـ
دم بالعزه ياوطني
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Aisha Hommaida)
|
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
بت حميدة أخيتي مانا العدل ناسنو
و لي عدل الامور دآك الدرب خابرنو
بالمال والنَفِس فيهو الرجال ما بضنو
الاّ حرام تكون دارفور تمن دافعنو
عشان يتهنو ناس ناس للسيوف بيسنو ؟
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: مدثر ابراهيم سعيد)
|
قبل السلام المنقوص اركان العدل مطلوبة
فرحتنا بالسلم كيفن تتم وباقى الأمور مقلوبة
بالحساب تنجرد السوابق وترجع المنهوبة
وكتين يروح الغل يالهميم نفرح نقلب الهوبة
وندق طبول سعدنا ونتجمع لو تحت راكوبة
اسباب الحرب ما مال ولاها سعية
من زمناً قديم جبر الكسور بالديّة
اسباب الحرب جوّا النفوس مخفية
مِن تركو الحكم سوها بيهو قضية
ليه الناس تموت شان يركبو العربية ؟
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: مدثر ابراهيم سعيد)
|
اسباب الحرب ما مال ولاها سعية
من زمناً قديم جبر الكسور بالديّة
اسباب الحرب جوّا النفوس مخفية
مِن تركو الحكم سوها بيهو قضية
ليه الناس تموت شان يركبو العربية ؟
المدثر اخوى سلام ينعم صباحا زين عليك لعشية
دارفور العزيزة هانت وجاعت صارت تمد للعشم كورية
حرائرها وشيوخها نزحوا سابوا الديار فى حرق مأذية
ايه ذنبها هى الكريمة تدفع فعال ناساَ عدام شخصية
من قوم حزب الضلال و الغى الحكموا البلد زندية!!!
انشوف اخرتها!
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Aisha Hommaida)
|
ود مفتاح سلام يفتح عليك خزاينو
ينجيك الإله من الدهر وحزاينو
دارك ديمة عامر وبنظمك زاينو
تتعلى رتبك يالهميم والأحبة يعاينو
معليش السلام جاء متاخر
إفتح ليك وزيد يالملكه إنت الدائن
وإحفظ كل مناك إحفظ خلوق ومدائن
من النيل هناك لا عند مشارف الراين
إزرعا بالورد يا عاشه ليك تعاين
ولك من السلام ما يرضيك /منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
دارفور الملوك خبر السلام سرانا
يا أرض المصاحف بالعلم بارانا
الكان قبيل داك فى الجنوب غشانا
جابا بضاعتو زاتا وبيها كم تشانا
المنصور سلام تسلم دارك العامرة بالخير دوام مهدية
سلام ابوجا جانا مقسموم ماهو كامل و ضيع المحرية
ناس الظلم قسموا للبلاد وفى دافور شعلوها نار جهوية
لاجبروا الخواطر لانصروا المسيكين ولا تحزموا لدفع الدية
صادروا حق بلد وكمموا للخشوم لاشورى لا ديمقراطية
شاحداك يا لكريم بجاه الرسول وببركة ابوى سلمان جنا العوضية
تتعطف علينا و تعّجل بنهاية شيوخاَ نهبوا البلد ضحوية
ينزاح الهم وننعم بالعدل من ستيت و نمولى لحدود ملوية
والعرجاء لمراحها
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: munswor almophtah)
|
إفتح ليك وزيد يالملكه إنت الدائن
وإحفظ كل مناك إحفظ خلوق ومدائن
من النيل هناك لا عند مشارف الراين
إزرعا بالورد يا عاشه ليك تعاين
ولك من السلام ما يرضيك /منصور
ود مفتاح سلاماَ يجبر الخاطر المسكور هو غاية المأمول
كلمة اعتذار يالمنصور تزيل الحسرة وتكشف المسدول
شفافية واعتراف ورد لحق مساكيناَ طقوا النباح واللول
فرحتنا منقوصة مادام حزب الشيوخ السوا البدع والهول
جاثم فى صدر البلد زارع غيوا فى الجروف همبول
سلام كامل عشان حق وليداتنا الفقدوا الرويحة الغالية
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: مدثر ابراهيم سعيد)
|
ناحلة الضمير سالباني نومي وفكري
من تبيت صغير ونطقت كانت ذكري
في توتيل وقُلْسَة كتبتو اجمل شعري
ويوم راحت علي اريتو كآن يوم شُكري
يوم شكرك مايجى يالرزين الدخرى
ناحلات الضمير ياود الكرام لو تدرى
شالن هم بلد الجدود المرملة بدرى
حالفات يمين مايهجعن والبلاوى بتسرى
ومافيش راحة لامن نسكنهم مقابر البكرى
داخلنا حلف فى هاالأمر
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: يابت حميده يا الشايله الهموم محريه
يا المحريه من أسلافك السابقين ولاد عوضيه
دارفور الصمود بالبلوى كم مبليه
كم من كم حسانا مع الضباع ملهيه
منصور |
ود مفتاح الكلس يامقنع بنونه ورَّية
معاك داعين بالسلام تسلم ضمايراً حية
الحرابة مابندورا بندور ديارنا هنية
ناديت يوت بالعدل للفكك خلفت الكية
تتبارك يالأصم بجاه الحسن النورو جلابية
تسلم يالمبروك
عاشة
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: مدثر ابراهيم سعيد)
|
زميل القنصة والمسدار حباب منصور سيدنا سيد الدر..
الدار ناره قايدة وبيك عامرة والضيوف مرتاحين امثال مدثر وعايشة حميدة ومحمد السيد..
حبابكم الف...ونادية نوارة الفريق وهداية الطريق ...ونشات الظريف...وكلهم اهل همة وحارة..
أنخت ناقتى فى دارك يامنصور منذ وقت وحين ..واخذت مهرتى فى مشوار عاقب الكباشية والوعد ان
ان تاتى وتزين المسدار وتلهمنا ...وطال سفرى ..وطوتنى وهاد الكبابيش وانجذبت كالدرويش..
وان لى ان اعود الى دار ودمفتاح اهنى النفس وامتعها بمسدار وانا مشحون ببعض شجن وكثير
حنين...هلا قبلتمونى ...ولسان حالى يقول العود احمد بعد ان تعبت مهرتى من السرى وحنت ناقتى
لسربة فى دار ود التوم...
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
دعواتكم بالشفاء لزينب المزيونة
عامر دراها يوت وبالعطف تضوى حنونة
حبوبة الجميلة اليوم صحت ممكونة
شاحدة ربى يتم شفاهاام سعد وأمونة
ترجع سالمة لليتيم تشيل تمد ماعونا
لاتبخلوا بالداعاء بالشفاء
للحاجة زينب بت الخليفة خالد
بت خالد متوكه يا الإله تشفيها
وأمرق من عضاها الدى دوام أبريها
زينب بت أصول واصله الفضايل بيها
واصله الناس جميع خيراتا كم تديها
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
بت خالد متوكه يا الإله تشفيها
وأمرق من عضاها الدى دوام أبريها
زينب بت أصول واصله الفضايل بيها
واصله الناس جميع خيراتا كم تديها
منصور
يشفيك من كل هم يالمنصور وليكا ممنونين
رب العباد يسمع ويمن عليها باللطف واللين
تتعافى امنا زينب بت الرجال الشرابهم هين
نشوف فيها خالد المحيط الكان ماليهو تنين
عشميق الرجال العرش مثل الدود يمين تسعين
تطيب تشفى الكريمة سليلة الصلاح رجال الدين
ممنونين يالمنصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
ياربي الكريم تشفيها من الصّادا
زينب نصِّحا يتهنو بيها ولادا
ترجع لليتيم ماعونا فيهو زوادا
وبت حميدة أخيتي تتمو ليها مرادا
المدثر سلام يمرح بالرزاز يروح غاشيكا
دعواتك تعلى تصدف ملك معاك يقول لبيكا
تشفى زينب تجود بالحكمة من كنوز تهديكا
لعاطر سيرتها يخط ويسطر قلم اخوها شبيكة
المدثر تتدثر بالعافية قادر ياكريم
| |
|
|
|
|
|
|
| |
munswor almophtah
Abdelfatah Saeed Arman
أحمد الشايقي
عبد الله عقيد
بخاري بشير
مدثر ابراهيم سعيد
Sidig Rahama Elnour
إدريس محمد إبراهيم
nashaat elemam
الخير محمد عوض
Yahia Abd El Kareem
ابوعسل السيد احمد
فيس بوك
تويتر
انستقرام
يوتيوب
بنتيريست