|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: داليا الكباشى)
|
Quote: يا حميده .. الحايشيل الحاجات من المطار منو؟؟؟ |
.. يعني أنا دا ما مالي عينك ؟؟ بعدين حميدة شنو العايزه تخلي مصاير الناس معلقه بيهو .. ؟ الكرتونة دي حتى لو مشى حميدة جابه من المطار .. فلابد من انو اعمل ليها فحص للحاجات الفيها وبعداك اعمل ليها فسح .. واحتمال كبير ماف زول زاتو يشوفه ... أنا قاعد احب الكراتين البتجي من السودان مباشرة ..
أما فيما يتعلق بي افطار بورداب الرياض فاعتقد انو حاجة كويسة . والأكوس من كدا إنو الواحد ليهو كم يوم ما قاعد ياكل من الصباح .. لاول مرة ح يستعمل بورداب الرياض في افطارهم الجماعي خاصية كشف الصايمين .. يعني بالنسبة لي صديق المووج .. ومن لف لفهم .. عندنا لمبة بيان في مدخل الاستراحة .. أول ما يجي زي نوعية صديق دي وكاتل ليك حيلو وعامل فيها الود روحو طالعة من الصيام .. تقوم تولع اللمبة .. من ضمن المرشحين .. - صديق الموج عاصي جدا - محمد الصايم - طارق نقد - ادريس خليفه
كما أرجو تغطية كامل الفعالية من بكاميرا المحترف المهندس صلاح غريبة ...
ـــ
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: tmbis)
|
Quote: . يعني أنا دا ما مالي عينك ؟؟ |
ماليييييييييييييييييييها ... ومدفق لمن ركبيت لي سباليق ..
Quote: بعدين حميدة شنو العايزه تخلي مصاير الناس معلقه بيهو .. ؟ |
والله انا زوله جديده وحاجات الناس الكبار امي قلات لي ما تتدخلي فيها ... انا برسلو انشالله يوم الاتنين .. وانت استلمو من المطار .. مش انت دقيت صدرك يلا خم وصر
بس الكاميرا بتاعت صلاح غريبه تشيل لينا زوووم ان كده على منظر الحاجات في مخرج 18 يوم الفطور ...
ابقى عشره وشكرا لاهتمامك يا تمبسكا ..
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: محمد عبد الماجد الصايم)
|
Quote: أما فيما يتعلق بي افطار بورداب الرياض فاعتقد انو حاجة كويسة . والأكوس من كدا إنو الواحد ليهو كم يوم ما قاعد ياكل من الصباح .. لاول مرة ح يستعمل بورداب الرياض في افطارهم الجماعي خاصية كشف الصايمين .. يعني بالنسبة لي صديق المووج .. ومن لف لفهم .. عندنا لمبة بيان في مدخل الاستراحة .. أول ما يجي زي نوعية صديق دي وكاتل ليك حيلو وعامل فيها الود روحو طالعة من الصيام .. تقوم تولع اللمبة .. من ضمن المرشحين .. - صديق الموج عاصي جدا - محمد الصايم - طارق نقد - ادريس خليفه |
تمبس ياخى حرام عليك طلع واحد من ديل بس ما انا.. بعدين الكرتونه يا داليا كان داير تساعدينا ختى فيها قندول من النوع ابوكديس داك, وارد واو.. ونرسل ليها صلاح غريبة للاستلام ونقوم نبلغ،،،،
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: ادريس خليفة علم الهدي)
|
Quote: يا شباب .. شنو .. دا فطور رمضان .. ما سماية علوية .. |
والله يا شباب الموضوع كبر واستفحل واستعصى علينا000 لكن انا عارف ده من الصيام والحر 000
ظروف بتعدي 00ما تهتموا للايام!!!!
لكن النجيضه يا شباب البرنامج ح يكون كالاتي:- الفطور بما تيسر000
بعد الصلاة مباشرتا سوف تتفرز اليمان000
التحليه والعصائر للمؤمنين000
و شلة الكيفين (صعود 000سجائر 000شيشه000 وما تيسر من ( فرص الكيف وتعلية الدماغ)
وديل الصابئه بقيادة الرعديد ود الصايم ودرس واخرون
بعدها المحاضرة الدينية 000 ودي طبعا معروف البحضره منه ونحن الكيفين عازرنهم لظروفهم الانسانية0
الفقرة التالية ح تكون الصلاة والتراويح وطبعا دي لي ناس التحلية والعصير برضو000
البرنامج الاخير بعد التراويح ح يكون شعر ومسرح واعمال حقيبه 000 وهنا طبعا ح يكون الكيفين انتهوا من مسائهم الانسانية وح يختلط الحابل بالنابل000
على فكرة انا من الكيفين!!!
رمضان كريم وتصوموا وتفطروا على خير00000
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: طارق عبد اللطيف نقد)
|
Quote: التحليه والعصائر للمؤمنين000 و شلة الكيفين (صعود 000سجائر 000شيشه000 وما تيسر من ( فرص الكيف وتعلية الدماغ) وديل الصابئه بقيادة الرعديد ود الصايم ودرس واخرون بعدها المحاضرة الدينية 000 ودي طبعا معروف البحضره منه ونحن الكيفين عازرنهم لظروفهم الانسانية0 |
.... .. والله المنفيستو بتاع طارق نقد دا كويس .. اوصي بي ادراجه في التوصيات .. مع الابقاء على المراغبة اللصيقة جدا لي صديق المووج .. لو جا قبل الفطور بي نص ساعة .. لانو آخر فتوى وصلتنا قال انو تبع الهيئة العليا للتذوق المنبثقة من ضبط الجودة .. .. يا طارق نقد .. والله انا خايف برنامجكم الثقافي دا الواحد يقوم يعمل ليكم حملة تفتيش يلقاكم (متبلين) ليكم (سواكني) وكانونكم في الضهرية .. عاين دا رمضان ما عيد الضحية .. الله يهديك ما تجيب معاك الكانون والشواية .. خلي ناس درش ديل ينجمو شوية في رمضان دا ويهجسو .. ياخ كمية الخرفان الاكلتوها في الرياض دي .. تضحي تلاتة مواسم حج لي قدام ..
يا جماعة .. (المديدة) بتاعت القمردين الجايبة منـو..؟ أرجو ممن يأنس في نفسه الكفاءة .. أن يعلن عن (مديدة) القمردين هنا دا .. والله يا مووج (مديدة) القمردين دي فيها شغــل (بعد رمضان) .. مبالغــة لكن بالنسبة ليك إنت وطارق نقد .. وادريس وزير الري .. والله إلا نديكم بي معلقة الدواء الصغيرة ديك .. طبعا بعدما نقلبه على صفحته يا كاروووشة .. جايب شيشتك الكبيرة واللا الصغيرة ..؟ غايتو في خلطـه كدا عامله براي .. لو ما اتغديت كويس قبال الفطـور دا اصلو ما تجازف .. ولو بالصدفة لقيتني لافي بي جمبك أعمل حساب اني ما ازرع ليك حاجة تحت الحجر .. لانو لو زرعت ليك حاجة .. احتمال كبير جدا تلقط اكياس في شارع الأمير تركي الأول ..
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: humida)
|
حضوري للرياض مرتبط بشغلة ملخبطة شديد وقد نبقى في الرياض حوالي 17 ساعة فقط يعني الهبوط سوف يكون عشرة ونص وخمسة صباحاً بتوقيت الرياض لكن بحوال ازوق واجيكم والله يسهل مجرد ما اصل المطار سوف اتصل بس امسك في محمد مدني قوي
Quote: انت شغال امام جامع .. ما وكت الفطور دا ناس الاشغال كلهم بيكونوا مقفلين .. اتصل نصل .. |
ضحكتني وحننتني على امام الجامع بس البلح والموية وجري يا الجامع لكن نانسنا ديل بعرفوا الدقيقة بتساوي كم والكم دي ذاتها كم دقيقة
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: أحمد الصديق)
|
Quote: الارباب .. ياخي ما تحكي لينا عن محاضرة صلاح غريبة عن ( الفايس بوك ) ..!! |
حبيبنا حميــدة ..
تصدق ماعرفته صلاح غريبة .. قدمته الإعلامية الرائعة ذ/ إبتسام .. لها مني التحية ولأسر عزة السودان .. تصدق قاعدة تقدم في سيرته الذاتية لمدة ساعة بالضبط [ تخرج من مصر .. كان من ضمن كوكبة من الذين شيدوا مطار الأبيض .. محرر صحيفة ظلال التبلدي .. سودانيز أون لاين .. الخ الخ الخ الخ الخ الخ الخ .. ثم ختاماً خبير في الفايس بوك] .. أنا قلته والله صلاح غريبة ده زول ماساهل ساكت مباري ناس سودانيزأون لاين الوهم ديل ....
بمناسبة الطعمية والفري .. لقيتكم ماناس نصيحة [ نسيتوا السمك الدجاج واللحم والبوفيه المفتوح ] .. شوفوا اليعزمكم تاني ...
صديقي المبدع طارق مرغني .. ينصر دينك ياخي .. الجماعة قالوا لي بطل لبط .. طارق ده ماصديقك ولا بعرفك .. فجاء نصرك الموزر عبر شبكة الجوال .. وفقها الله .
ليك مني جركانتين عصير فرري ..
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: ismeil abbas)
|
Quote: تصدق ماعرفته صلاح غريبة .. قدمته الإعلامية الرائعة ذ/ إبتسام .. لها مني التحية ولأسر عزة السودان .. تصدق قاعدة تقدم في سيرته الذاتية لمدة ساعة بالضبط [ تخرج من مصر .. كان من ضمن كوكبة من الذين شيدوا مطار الأبيض .. محرر صحيفة ظلال التبلدي .. سودانيز أون لاين .. الخ الخ الخ الخ الخ الخ الخ .. ثم ختاماً خبير في الفايس بوك] .. أنا قلته والله صلاح غريبة ده زول ماساهل ساكت مباري ناس سودانيزأون لاين الوهم ديل |
دعاية مجانية!!!
كمان جابت ليها زلاته ومشويات
يعمينا ماشفنا غير الفول والطعمية والعصير المجاني!!!!!
| |
|
|
|
|
|
|
Re: افطار بـورداب الريـاض الســنوي .. الخميس 13 رمضان ( تأكيد الحضور من خلال البوست ) .. (Re: سيف بخيت موسي)
|
Quote: وضع الزلاطة بين الطعمية والمشويات |
واهم من يعتقد ان الزلاطه هي الترجمة الخطأ للسلطه
خاصة ان موقعها في موقع القلب من الوجبات الشهيه التي قدمها اخي الارباب
اي ما بين الطعمية والمشويات ... هذا خطأ كبير
ان الزلاطه عباره عن تحليه مستحدثه
وبما ان زوجة اخي الارباب من العرب المستعربة ومن شمال افريقيا
فهذه الوجبه عباره عن خليط من الزلابيه والباسطه.
لاخي ود الباوقه الفضل في ابتداع هذه التسمية الجديده
اتمني ان ياخذ بها كل الشيفات في الفنادق الكبري
| |
|
|
|
|
|
|
|