|
من تحـــــــــت العمــــــود .. !
|
في تالتة جامعة .. سمستر فايف كنت زهجت من مسألة القراية دي خلاص وانتهت حلاوة الجامعة كملنا القعاد في المدرجات ... و الونسة مع الجكس وشراب السجاير وشلت مادتين .. بمبدأ .. انه الدكتور ما ناقش حاجة ست الشاي .. أدينت منها قروش علي أساس انه أنا طالب قديم .. ونظام يا خديجة داير أجيب للحاجة بارد مشيت في المظاهرات .. وسمعت أركان النقاش وعملنا يوم مفتوح .. وتلاتة أيام مقفولة .. وحفلتين .. واعتصام وزرت اغلب زميلاتي في بيوتهم ودي حركة جامعية بحتة مسألة الزيارات دي و ما زميل وكدا وفي الخضم دا .. اتشاكلت مع العميد فبقيت مضطهد من قبل الإدارة .. برتبة مناضل صغيروني ما كان في حاجة ما عملتها فجأة كدا .. جاتني الحالة مية واحد وتمنين إجراءات وبقيت قاعد تحت العمود في ناصية شارعنا أربعة وعشرين ساعة بلا جامعة .. بلا بلولة ياخي بعد تلاتة أيام اكتشفت ليك .. انه اليوم مواسم من ستة لي تمنية .. موسم الجكس بتاع العالي وبعد تسعة .. جكس الحلة بغرف البلاعة عشرة ونص .. يلبسوا تيابهم .. و تبدأ القطيعة حداشر ونص .. بفكو شفع المدرسة اتناشر .. بمرقوا ناس سنة سادسة اتناشر ونص .. جكس العالي بجي راجع واحدة .. ست إنصاف بتجي شايلة عيش .. وجارة شفعا واحدة ونص واحدة ونص واحدة ونص .. الشارع خلا والكهرباء قاطعة أطير وين أنا يعني هسع أتنين ألا تلت .. بشة بكون جا من وين ما عارف شايل جريدة الدار .. وكيس صعوط و مية دولار .. كان رسلها ليهو اخوهو الفي شيكاغو وكل يوم من ستة شهور بمشي السوق عشان يفكها بلقا السعر نازل جيب سفة أديني الصفحة الرياضية كدي جيب المية بتاعتك دي نطبقا ... نصين .. نرفعها في الشمش .. نقلبها تاني نطمئن ما مزورة يدخلها في نص الكشكول بتاعو يعاين لي .. يا زول نهاية البرنامج بتاعك دا شنو هند بتسأل منك .. و أيمن قال داير تلفونك و خديجة قالت دايرة قروشها والامتحانات باقي ليها شهر .. ناس عمار معسكرين في اركويت ...................... .................... ..................... أتنين ونص عالـــــــــــــــــــــــــم الرياضة تلاتة .. النشرة أربعة الدافوري ستة .. رجعنا للعمود ستة وربع .. حاجة بتول بتجي تشيل اللبن ستة وتلاتة و أربعين دقيقة حاج إبراهيم بجي ينبذ بتاع الدكان لأنه اللبن .. قَطع سبعة بجي .. مدحت .. يقعد يمين العمود بعده .. بجي حسن .. يقعد شمال العمود اسكو بكون بكورك من أول الشارع مأمون بجيب كرتونة بقعد عليها .. عشان ما يتوسخ حاتم .. ما بسلم .. بقعد ساكت وما في زول يسأله عمر الطاهر .. بجيب تسالي .. و معاهو مصطفي شرفي الهلال مغلوب تلاتة صفر الصهاينة ديل محظوظين خلاص اسمها سارة .. شديدة شدة العدو طلع معفن ساكت ياخي جيب سفة السلام عليكم .. وعليكم السلام الدولار نازل ماشي عمرة .. احتمال ما أجي ساكنة وين بالله .. ههههههه .. هيق .. هيق .. هيق جيب سفة أبيت عليك الله قلت ليك .. أبيت ادهو موتر .. جبهجي معفن البوووووش ما عندي قروش خمسمية .. ميتين وخمسين .. مية جنيه ما تعمل شطة .. خمستاشر عيشة .. موية فول .. موية جبنة ربع رطل زيت جيب حبة شطة مأمون .. جيب لينا موية من بيتكم باردة عليك الله جيب سفة ميتينك ياخي .. كرهتنا والله يآآآ شباب يا حريقة .. أتفضل ياخي في حِلة ناس معاوية عرس أخت مصعب الدلاهة داك طرزان يا معلم قوموا .. ارحكاكوم فيفيان .. ترا .. ترا فيفيان .. ترا .. ترا فيفيان يا روحي .. جنوبية فيييييفي .. ضوت لينا الخرطوم يا شباب وعليكم السلام وقلبي مشغول بصبية .. شالت النوم من عينيا الحفلة دي مالها مليانة وهم كدا يا معلم .. ههههههه .. بكم كرت دي فكها أنت داير تحك بيها ضهرك .. ما طويلة الساعة حداشر الحفلة انتهت فيفيان .. ترا .. ترا فيفيان .. ترا .. ترا فيفيان يا روحي .. جنوبية فيييييفي .. ضوت لينا الخرطوم يا شباب وين كدا يلا .. سلام .. تمورو مورنغ وستمية .. و دقسونا الجبهجية .. يااا ناس وستمية .. ترم .. ترم ................. ................ اتناشر عارف يا بشة كلب ناس عطا دا .. غتيت خلاص سبعة سنين .. أنا ما شفته سكا ليهو عربية مما جا الجريو داك .. بدا يسك في العربات .. لمن علمو الحركات دي وفي النهاية .. دقشتو عربية وصاحبنا .. بطل الشغلة .. ورقد في حتته راجع هههههههههه .. هيق .. هيق الامتحانات قربت يا زول .. نهايتو شنو ................. ................ واحدة ونص أتنين تلاتة وربع أربعة وخمسة و أربعين دقيقة الله اكبر .. الله اكبر اشهد أن لا اله ألا الله .. اشهد أن لا اله ألا الله اشهد أن محمد رسول الله .. اشهد أن محمد رسول الله حي علي الصلاة .. حي الصلاة حي علي الفلاح .. حي الفلاح الصلاة خير من النوم .. الصلاة خير من النوم الله اكبر .. الله اكبر لا اله ألا الله ......................... ......................... ......................... خمسة وربع الله اكبر .. الله اكبر اشهد أن لا اله ألا الله اشهد أن محمد رسول الله حي علي الصلاة حي علي الفلاح قد قامت الصلاة .. قد قامت الصلاة الله اكبر .. الله اكبر لا اله ألا الله ......................... ......................... ......................... ستة ونص رواية جديدة .. من تحت العمود
|
|
|
|
|
|
|
العنوان |
الكاتب |
Date |
من تحـــــــــت العمــــــود .. ! | humida | 05-20-05, 10:40 AM |
Re: من تحـــــــــت العمــــــود .. ! | ياسر مكاوي | 05-20-05, 11:56 AM |
Re: من تحـــــــــت العمــــــود .. ! | almulaomar | 05-22-05, 11:00 AM |
Re: من تحـــــــــت العمــــــود .. ! | هاشم نوريت | 05-22-05, 11:02 AM |
Re: من تحـــــــــت العمــــــود .. ! | ali elhassan | 05-22-05, 04:38 PM |
Re: من تحـــــــــت العمــــــود .. ! | garjah | 05-23-05, 00:38 AM |
Re: من تحـــــــــت العمــــــود .. ! | humida | 05-25-05, 00:14 AM |
Re: من تحـــــــــت العمــــــود .. ! | almulaomar | 05-25-05, 05:09 AM |
Re: من تحـــــــــت العمــــــود .. ! | garjah | 05-25-05, 08:53 AM |
Re: من تحـــــــــت العمــــــود .. ! | garjah | 05-26-05, 00:01 AM |
Re: من تحـــــــــت العمــــــود .. ! | Sobajo | 05-26-05, 04:50 AM |
Re: من تحـــــــــت العمــــــود .. ! | humida | 05-26-05, 12:42 PM |
Re: من تحـــــــــت العمــــــود .. ! | humida | 05-26-05, 12:48 PM |
Re: من تحـــــــــت العمــــــود .. ! | Sobajo | 05-28-05, 02:20 AM |
Re: من تحـــــــــت العمــــــود .. ! | humida | 06-02-05, 09:22 AM |
Re: من تحـــــــــت العمــــــود .. ! | Noor Ahmed | 06-02-05, 04:22 PM |
Re: من تحـــــــــت العمــــــود .. ! | humida | 06-04-05, 02:18 PM |
Re: من تحـــــــــت العمــــــود .. ! | Noor Ahmed | 06-04-05, 04:16 PM |
Re: من تحـــــــــت العمــــــود .. ! | humida | 07-09-05, 04:53 PM |
Re: من تحـــــــــت العمــــــود .. ! | نادية عثمان | 07-10-05, 03:41 AM |
Re: من تحـــــــــت العمــــــود .. ! | almulaomar | 07-11-05, 04:12 AM |
Re: من تحـــــــــت العمــــــود .. ! | محجوب البيلي | 07-10-05, 09:04 AM |
Re: من تحـــــــــت العمــــــود .. ! | shatat | 07-10-05, 11:36 AM |
Re: من تحـــــــــت العمــــــود .. ! | garjah | 07-11-05, 00:23 AM |
Re: من تحـــــــــت العمــــــود .. ! | nashaat elemam | 07-11-05, 01:01 AM |
Re: من تحـــــــــت العمــــــود .. ! | humida | 07-11-05, 09:25 AM |
Re: من تحـــــــــت العمــــــود .. ! | tmbis | 07-11-05, 11:11 AM |
Re: من تحـــــــــت العمــــــود .. ! | garjah | 07-12-05, 00:34 AM |
Re: من تحـــــــــت العمــــــود .. ! | almulaomar | 07-12-05, 01:15 AM |
Re: من تحـــــــــت العمــــــود .. ! | humida | 07-12-05, 03:20 PM |
Re: من تحـــــــــت العمــــــود .. ! | garjah | 07-13-05, 00:40 AM |
Re: من تحـــــــــت العمــــــود .. ! | almulaomar | 07-13-05, 03:20 AM |
Re: من تحـــــــــت العمــــــود .. ! | humida | 07-27-05, 11:04 PM |
Re: من تحـــــــــت العمــــــود .. ! | garjah | 07-27-05, 11:34 PM |
Re: من تحـــــــــت العمــــــود .. ! | قرشـــو | 07-28-05, 03:57 AM |
Re: من تحـــــــــت العمــــــود .. ! | humida | 07-29-05, 04:43 AM |
Re: من تحـــــــــت العمــــــود .. ! | نادية عثمان | 07-29-05, 06:48 AM |
Re: من تحـــــــــت العمــــــود .. ! | humida | 10-15-05, 01:38 AM |
Re: من تحـــــــــت العمــــــود .. ! | صلاح الدين عبدالله محمد | 10-15-05, 02:20 AM |
Re: من تحـــــــــت العمــــــود .. ! | humida | 10-15-05, 05:03 AM |
|
|
|