|
|
 ديمقراطية المنبر الحر .. ومشـروعية النهيق .. !
|
قبل البدء
لابد من الاتفاق علي معني محدد للنهيق
قبل الدخول في مشروعيته
وهل هو جائز شرعا ام مكروه
ام امر مستحب
جاء في معجم سيد الكوشة
في تفسير الديمقراطية المغشوشة
بأن النهيق هو كل الافعال أو الاعمال
التي تصدر عن جحش محترم او مستجحش غير محترم
وهو ما يسمي في الاوساط السايبرية
كان راجل طالعني في الدوت كوم
والمصطلح نفسه اشتق عنوة من جملة
نهق الجحش
فالجحش فاعل للنهيق وليس مفعولاً به
او استنهق فهو محرض علي النهيق
ومارق علي أصول الجحشنة
سوا نهق او استنهق
فهو اولاًً واخيراً
جحش ابن حمار ابن ستين حمار
أصل الحكاية
ذات صباح ليس ببعيد
وقف الحمار مستندا علي تل كبير من البرسيم
فنهق واستنهق ثم تزفر ثم استدبر فأعتدل في مقامه
قائلا .. ايها القوم ..
لقد قررت تشكيل لجنة للدفاع عن حقوق الدجاج
يجب اعطاء الدجاج مطلق التصرف
وكامل الحرية بكل شئ
الا نقد الحمار
فنقد الحمار كفر .. والعياذ بالله
فهلل الدجاج موافقاً
كاك كاك كاك كووووووووووك
فعلمنا يقيناً بأن
واطاتنا اصبحت
فشرع بالنهق والنهيق والرفس والرفيس
بطريقة حكيمة .. امام الدجاج المبهور بتلك الحركات
فبدأ ينهق علي الوتر الحساس
ويبرر أعماله الحيوانية بتبريرات تجد صدي عند بعض الدجاج
ويحاول أن يظهر للجميع بأنه
الحمـــار المثالي
وقد صدق فيه قول الشاعر
يقضي علي ( الحمار ) في أيام محنته
حتي يري حسناً ما ليس بالحسن
واخيرا بدأ ينهق بصوت عالً
الا لعنة الله علي العالمين
الا لعنة الله علي العالمين
فهلل الدجاج .. بخشوع
آآآآمين ..
بعد البدء
قالوا
ليس المؤمن بالفتاك
فلا تلعن احد الحمير
فقد دخلت أمرأة النار في هرة
ودخل غيرها الجنة في كلب
ففي كل كبد رطبة أجر
فقلت لهم
كان ابن شبرمة قال للذي حلف بطلاق زوجته
أن لم يكن الحجاج في النار
" عد الى أهلك يا ابن أخي فإن لم يكن الحجاج من أهل النار فلا يضرك أن تزني !"
وانا لا أدري غير ان كل ما حولي يثبت لي أن هناك ثمة حمار لا محالة
وكما يكتب بالحبر السري فهو ينهق ايضا بالصوت السري
|
|
 
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: humida)
|
كفر حمار هذا القطيع منذ زمن بعيد...
قال : نازعوني على حموريتي ...
صاروا أحمر مني ...
و اذا نهق الحمار فاستعيذوا بالله من الشيطان الرجيم ... فإنه رأى شيطان
و إني أرى درباً قد ضل الطريق ... بينما هو يبحث عن مسافر
لستم جديرين بأكاذيبي و بات علي أن أبحث عن مغفلين ... أشد حمقاً منكم ...
يرضون بداخلي .. عقدة الفهم الكاسح ....
و الفتاوى الباباويه التي لا تقبل التشكيك .... في ( سخافتها) ..
أقصد( قداستها )
صبأ حمار هذا القطيع يا ايها الجداوي.... اللميض  ...
فابحثوا لكم عن حمار ....
تحية زي وشك ...
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: humida)
|
في لحظة صفاء .. وسويعة بهاء .. يهطل ( النكد ) على ذلك المزاج الصافي .. فيعكره .. إن لم يهدمه ويزيله .. بل ويقتلعه من جذوره دون أدنى سابق إنذار .. أو اعتبار ..
ها هو امتطى صهوة ( عبث ) آخر جديد .. وقرر صاحبنا أن يضم نفسه لقائمة المنساقين نحو ( مهزلة التقنية الحديثة )
و تقنية هذه اللعينة .. تتكدس فيها ( الإهانات ) بشتى صنوفها .. ففيها تشتم .. بل وتداس كرامتك .. بل و تصفع على خدي غفلتك ومع كل ما يصيبك فلا تتذمر .. ولا تتعكر بل حاول أن تتقمص دور ( الاسفنجة ) .. التي تمتص كل ما سال .. دونما أدنى جدال
الم يقل لك القوم خليك اسفنجة وامتص الصفعات السوداء
الم تسمعهم قديما انهم قالوا
البباري الجداد بوديهو الكوشة
حيرونا زاتو والله
بعد الامس موضوع الاربع بعد غد ملامحه الان بانه استحمي او علي الاقل
يتشطف في منتصف الظلط
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: اساسي)
|
يا عزيزي ..
كل الخضار يوم الاربعاء ..
زرنبعة ..
وممكن تمشي سوق الملجة .. وتتأكد بنفسك ..
ليس في الامر .. انه استحما فقط ..
ولكنه اكل ثوم علي ما يبدو لي ..
فلا قامت قيامته ..
ولا عاش .. ليحيا ..
الامر .. سيان ..
تحية .. تشبه سواق الليموزين ..
تعال بكرة بدري .. !
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: almulaomar)
|
الأخ حميدة
اللغة قبل قرون كانت تفتقد التنقيط و التشكيل لكنهم كانوا يقرأونها بطلاقة .. أخاف أن يجيئك من بعينه مرض ويشكّل قولك
Quote:
الا نقد الحمار
فنقد الحمار كفر .. والعياذ بالله
|
فى سبيل شكلة ويديك العين الحمارة .. أتهمك بما إتهمك به الملأ عمر لأنى أحب أن أكون على ملته
| |
|
|
|
|
|
|
|
|
 Re: ديمقراطية المنبر الحر .. ومشـروعية النهيق .. ! (Re: humida)
|
حميده ازيك..
ازيك الاخو العدو...
حلو الاخو العدو دى مش؟
على وزن الاخوة الاعداء..
يعنى اتحاديون وانصار..
شيوعيون وجبهجيه..
انت عارف الواحد بيقى يحمل افكار بى نظرة الاخرين بيقولوا عليها متشائمه جدا..
لكن ياحميده..
وحاتك بلقاها موضوعيه وبيقت اناضل فى سبيللها وفرحان بيها جدا..
يعنى مثال..
حكاية كل زول يشيل كومو دى ..لقيته بعد الخمج والكلام بتاع ثقافه ثقافه ده اجمل فكره ودى واحده من كتير..
يعنى عليك الله اسه ده حال شعب الواحد يناضل من اجلو..
بس الواحد ندمان على كل لحظه قضاها فى مظاهره وقمة تحسرى على انو اتفصلت من جامعتين وووضرب وسجون ووو.ياحليل عمرى الضاع والوالده ربنا يدها طولت العمر لمن دخلته ليها الجامعه ماعشان راجيه منى قروش بس عشان تشوف شهادتى وتفخر بى ..
قضيتها ليها كلها ماعارف ركن ومخاطبه وكما اسه بتذكر ساعة يسوقوك سجن ولا حبس اتخيل كل شعره فى راسها بقت بيضاء الواحد اسه يبكى ويتذكر انو كان بعذب امو كده..
وحاتك كان الواحد مفروض يفخر بى جنس ده لو كان فى النهاية بطلع بشى مفيد ويلقى غيرو يستفيد لكن تقول شنو بس ربك يغفر لينا حق الحاجه ويدها طول العمر بعد ما اتغربنا وكبرنا ياهو بنساسق فى العلم وقايتو ..
ماشين فى السكه نمد..
معليش للكلام الفارغ الواحد كتبو ده لكن لقيتو مناسب مع عنوان بوستك والديمقراطيه وما ادراك ماهي..وناس المنبر ديل جزء من الشعب السودانى يعنى عليك ربك لو كم نفر ماقادرين ينظمو نفسهم حيكون الحال كيف مع ال 30مليون نسمه ديك ..عشان كده لى اسه نحن تحت فى كل شى ..
اتكلمت ليك كلام بالبلدى خالص ولقيت نفسى مرتاح من ماعارف شنو الايدلوجيه والديكتاتوريه وووو
قلنا ولو مره واحده نرجع تانى محمد احمد الطيب الطيبان لكن تقول شنو الخشت ابت تتطلع..
وزى مابتقول كلامك وقع لى فى جرح وكمان غائر..
لك الود
معتز
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: معتز تروتسكى)
|
صديقي اللدود .. تروتسكي ..
| Quote: وناس المنبر ديل جزء من الشعب السودانى يعنى عليك ربك لو كم نفر ماقادرين ينظمو نفسهم حيكون الحال كيف مع ال 30مليون نسمه ديك |
عارف يا عزو ..
انا كل ما اقرأ كمية الاحقاد الموجود هنا دي ..
بفكر جادي ما ارجع السودان نهائي ..
لانه الفكرة لو كانت بالشكل ده ..
يبقي .. صفة وطن انتفت ..
وما تبقي .. قطعة جغرافية .. تستوعب أم المعارك ..
لكن .. ما يطمئنني ..
بأن من يكتبون هنا .. ليس لهم علاقة بالواقع ..
فكلهم .. يسبحون في الماتركس ..
تحيه تشبه الذين يعيشون واقعهم ..
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: humida)
|
التحايا النواضر..
عزيزى الصديق برهان..
وحاتك احييك بكل ما تحمل المعاتى .
وجد الواحد كان بكتب وهو مخنوق ولو ما مسك نفسو كان يكتب كلام كتير لكن ياهو ..
انت ايضا كما قلت
*----------------
العمر يتقاصر .. وديونك تتراكم... يا امى ..
انت شايف براك الحاصل لايحتاج لشرح ومافيهو اى رؤيه لمستقبل مشرق .
عشان كده الواحد شعر بانو كان مجرم فى حق الكتيرين..
فى نفسو واسرتو ووووو
وامه..
شكر ليك ياجميل ومايجى يوم نعدمك...
حميده
نغير ليك شويه
خالص التحايا..
حماده ..يعينى نمشى وين نحن عاد من التحايا النواضر..
بينى بينك حماده انته داير (تجندنى ) عفوا تسوقنى وين..
لووووووووووووووووووووووول
حماده انت برضو لو خليت .ال.....
ماعندك عوجه تب..
وتحياتى ياعدو ياعاقل..
ولك الود..
ياظلامى صغيرون...
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: معتز تروتسكى)
|
الفتي حميدة
سلام ورمضان كريم
حاولت عبثاً أن أستعيد صورة كانت في عيني من قبل ، أن أتجاوز أزقة كلماتك المنحازة للحقيقة ، لكنني وقعت عند نصوص نهشها الرصاص وأمتلكها التمرد نحو تخثر الأمنيات وكأن هناك قوة تحاكمنا على عدم الفوضى.كل يومٍ نضيف وصفاً تراجيدياً لما آلت اليه أحوالنا ، أتحسس ذلك حتى أنني أكاد أصل كل مرة لدرجة (الاستفراغ والتقيوء) الحياتي ، لكنني ألفظ حزني بحزنٌٍ اخر في داخلي لانه أصبح مجرد أحساس باهت متأكل لم تتبقي منه إلا عوائق متشبثة بالذاكرة. وهاهو نصك يحرضني على ذلك
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: humida)
|
حميدة .. ما تبيع لى البوست دة ياخ ..!
ليتك يا تروتسكى رايت فاطنة.. والدة لسان الدين ..
تجتر الدموع فى حالك الليالى .. مسلوبة الارادة .. و لم يتفضل احد عليها ..ولو بالسؤال عن فلذة كبدها.
تكالبت الحصاوى على مرارتها..
زرتها فى مستشفى الخرطوم بعد العملية ..
كم تمنيت لو كانت تعرفنى .. حتى لا اكتفى بالمصافحة .. والمم دمعتى و ارحل ..
ما اجبننى ..!
و ما اكثر الاحلام يا تروتسكى ..
اقلها .. ان ارى طرفى نقيض مثلك و حميدة .
و كبارا تصيبهم عدوى الفهم من صغارنا .. فيصابون بداء الانسانية .
و لا يشفون منه اينما اتجهوا . .. يسارا او يمينا .
ربنا يحفظكم .
| |
|
|
|
|
|
|
|
|
|
Re: ديمقراطية المنبر الحر .. ومشـروعية النهيق .. ! (Re: برهان تاج الدين)
|
برهان العزيز..جدا..
وحاتك كلامك انت اليقطع القلب..
ولسان الدين لو ما اقول ليك مايقدر زول يحس بهو زى..
لانى مجرب ..
زول قدم وماخلى شى..
نهايتو الوطن يهديهو سجن وخراب..
اتخيل فى انو جد يحتاج الى برنامج نفسى ..
او سيغير كل مفاهيمو..
اذا كان هؤلاء لايجتمعون الالمصالحهم يابرهان..
ويطلقون انفسهم التجمع الوطنى الديمقراطى..
كم انت جميل يا لسان الدين..
ووالدتك كنا امى.
اتخيلها .
كم وكم..
ياااااااااااااااااااااااااااااااه..
برهان جدا.
من زمن نسمع به لم نلتقيه ..
فى الجامعات وفى كل المنابر
نسمع به ..
لكن ماكان لنا ان نفعل شيئا ..
ونحن ارزل القوم..
وجرد ابواق (كنا)..
*انت انسان فى زمن الانسانيه المافى...
فالتسقط كل الشعارات بداية من هذا المنبر..
لان من هنا ..
بعضهم يختلف ايدلوجيا مع لسان الدين..
رفض ان يقوموا ولو بعملية توقيع..
ناهيك عن شى اخر..
برهان ..
شكرا لك لانك تزيد احزانى ..
وكم انا حزين بك...
| |
|
|
|
|
|
|
| |
humida
اساسي
almulaomar
قرشـــو
معتز تروتسكى
برهان تاج الدين
Sidig Rahama Elnour
فيس بوك
تويتر
انستقرام
يوتيوب
بنتيريست