|
Re: صورى لمناوى وسط جنوده الان بدارفور (Re: بكرى ابوبكر)
|
27 يوليو 2007
الصورة دي ليها سنة إلا شهر ..
أو التاريخ في الكاميرا متأخر سنة إلا شهر برضو..
شكراً يا بكري .. بس كلمة "الآن" خربت الموضوع شوية ..
لو لم تذكر كلمة الآن سيكون الموضوع صالح للنشر ..
يا جماعة الخير ::: مناوي دا رطب يا ما أظنه يرجع للحرب والكماش مرة أخرى ..
تحياتي،،
جاد
| |
|
|
|
|
|
|
Re: صورى لمناوى وسط جنوده الان بدارفور (Re: JAD)
|
الإحتمال الآخر أنو تكون الكاميرا "الديجيتال" الأخدوا بيها الصورة دي خاصية التاريخ فيها ما ضبطوه قبل الإستخدام.. والتاريخ الظاهر في الصورة في الغالب في الحالة دي يكون تاريخ صنع الكاميرا أو إنتاجها أو دخولها السوق.. بقول الكلام دا لأنه نفس الحركة دي حصلت لي قبل اسبوع بالضبط من الآن.. اشتريت كاميرا جديدة لنج والتقطت بيها صور مفروض أنزلها برضو في حتة مشابهة للخبر دا داير أوري فيها انو الصورة حديثة.. بعد كنبن كلامي ونشرت صوري تب اكتشفت أنه التاريخ الفي الصورة يعود للعام 2007م..
الموضوع عادي زي الزبادي ..
ما تشيلوا حس بكري ساكت .. وتخلوا يرفدكم هسع دي
| |
|
|
|
|
|
|
Re: صورى لمناوى وسط جنوده الان بدارفور (Re: بكرى ابوبكر)
|
...
مناوي يهدد باتخاذ إجراءات صارمة ضد قيادات بحركته الوطني يحذر تحرير السودان من سياسة الضغوط
الخرطوم: الرأي العام أكد مني اركو مناوي كبير مساعدي رئيس الجمهورية رئيس حركة تحرير السودان استعداده للعودة إلى الخرطوم متى ما ظهرت بوادر ايجابية لإنفاذ اتفاق أبوجا في الوقت الذي دعا فيه المؤتمر الوطني قيادات الحركة للاحتكام للآليات المتفق عليها في إطار اتفاق أبوجا لمعالجة العقبات التي تعترض سير الاتفاقية. وقال مناوي من منطقة كاموا أمس سأظل في دارفور خلال الفترة القادمة وأوضح أن الحركة مازالت ملتزمة باتفاقية أبوجا وأكد جاهزية لجنة إنفاذ الاتفاقية للحوار والعمل متى ما أراد الطرف الآخر وأضاف مناوي انه سيتخذ إجراءات تنظيمية صارمة لبعض القيادات بالحركة ووصفهم بالخونة والجبناء والعملاء، وقال إنهم تآمروا عليه ونشروا الأكاذيب حول زيارته الأخيرة لدارفور وروجوا بأنه قام بزيارة سرية لتشاد بغرض الفتنة وكشف مناوي عن اتصالات أجراها مع قيادات الحركات كافة بالميدان بما فيها حركة العدل والمساواة لحثهم للانضمام إلى السلام وانتهاج مبدأ الحوار . وقال فيما يخص حركة العدل والمساواة لم ألتق رئيسها إلا انه أشار لمهاتفة د. خليل وبحسب مناوي فان خليل وكل الحركات في الميدان تقر مبدأ التفاوض ونفى مناوي بشدة أن يكون وجوده بدارفور مناورة سياسية. وقال أنا واضح وصريح ولا أخشى أحداً وزيارتي لدارفور لم تكن الأولى وكانت مرتبة قبل هجوم حركة العدل والمساواة على أم درمان ودعا مناوي المؤتمر الوطني لعدم التعامل مع أي شخص دون إذن من رئيس الحركة في إطار إنفاذ الاتفاقية وأضاف إذا كانوا جادين عليهم التعامل مع مؤسسات الحركة وليس الأفراد وأكد انه لم يتلق أي اتصالات تفسيرية من رئاسة الجمهورية حول ما أشيع حول زيارته. من ناحيته دعا د. مصطفى عثمان إسماعيل مستشار رئيس الجمهورية قيادات حركة تحرير السودان بزعامة مناوي إلى ضرورة الاحتكام إلى الآليات المتفق عليها في إطار اتفاق أبوجا والحوار المباشر لمعالجة العقبات وحسم الخلافات التي تواجه إنفاذ الاتفاق. وحذر مصطفى الحركة من اللجوء لإثارة القضايا إعلامياً أو محاولة ممارسة ضغوط خارجية على المؤتمر الوطني باعتبار أن ذلك ينجم عنه تنفيذ مالا يمكن تنفيذه عبر الحوار. وأكد أن جلوس أطراف أبوجا للحوار كفيل بإزالة العقبات وتحقيق مصلحة دارفور والأمن والاستقرار في السودان مستشهداً بدور الآليات المختلفة في إنفاذ اتفاق الشرق ومعالجة الإشكالات التي تواجه اتفاق نيفاشا وقال إن حركة مناوي، بمثل هذه الممارسات أضحت تمثل السبب الأساسي في تعطيل الاتفاق. وأكد د. مصطفى أن اتفاق أبوجا مازال قائماً وآلياته موجودة وأن المؤتمر الوطني على أتم الاستعداد للحوار لإزالة العقبات معرباً عن أمله في أن تتفهم الحركة أن هذا هو المطلوب الآن.
..
| |
|
|
|
|
|
|
Re: صورى لمناوى وسط جنوده الان بدارفور (Re: صلاح شكوكو)
|
Quote: الإحتمال الآخر أنو تكون الكاميرا "الديجيتال" الأخدوا بيها الصورة دي خاصية التاريخ فيها ما ضبطوه قبل الإستخدام.. والتاريخ الظاهر في الصورة في الغالب في الحالة دي يكون تاريخ صنع الكاميرا أو إنتاجها أو دخولها السوق. |
سلامات..يا محمد نور حظك بكري حيرقيك لي وكيل عريف في شعبة الإعلام قسم التصوير/تخصص كاميرات ديجتال .
| |
|
|
|
|
|
|
Re: صورى لمناوى وسط جنوده الان بدارفور (Re: Abd Alla Elhabib)
|
الحبيب عبدالله .. إزيك ..
Quote: سلامات..يا محمد نور حظك بكري حيرقيك لي وكيل عريف في شعبة الإعلام قسم التصوير/تخصص كاميرات ديجتال . |
الترقية ماني دايرها .. زاهد فيها تب.. إلا كان المخارجة لقينا ليه تشفع لينا يقبل لينا بيها زول أخو كتاب -بتشديد التاء- جدا..
-------------- إنت عارف يا عبدالله أنا ذاتي غلطان كان أخلي زولك في السهلة ساي عشان الجماعة يلقو فيه فرقة..بكري دا حقار ياخي وأنا ذاتي شايلها ليه -ومعاه- من بوست "عقد قراني" الما جا بارك فيه بهنابيكو الشينات ديلك.
| |
|
|
|
|
|
|
Re: صورى لمناوى وسط جنوده الان بدارفور (Re: يسرى معتصم)
|
Quote: إنت عارف يا عبدالله أنا ذاتي غلطان كان أخلي زولك في السهلة ساي عشان الجماعة يلقو فيه فرقة..بكري دا حقار ياخي وأنا ذاتي شايلها ليه -ومعاه- من بوست "عقد قراني" الما جا بارك فيه بهنابيكو الشينات ديلك. |
أول حاجة : مبروك يا محمد ..وإنشا الله بيت سترة ومال وعيال يا أخوي. تانيا : بكري والله إتلوم معاك شديد لكن أعذرو والمسامح كريم. تالتا : يا هندسة جيب هنابيكك الملونات ديك وبارك للزول ده رابعا : ضحكتني في نهايات يوم حافل بالإسترس.. خامسا : ده خروفي ليك إبتهاجا بعقد قرانك..أكل اللحم ودق الجلد
| |
|
|
|
|
|
|
Re: صورى لمناوى وسط جنوده الان بدارفور (Re: Abd Alla Elhabib)
|
والله اتلومت معاي يا عبدالله الحبيب .. عليك الله وقت جايب لي خروف اسفيري ياخي ما تجيب ليك خروف زي الناس.. ده شنو الخروف التقول مغطنه ببطانية دا.. علي بالطلاق خروفك دا 3 كيلو عريس زي الناس ما يطلعهم .. وبعدين تعال هنا دا خروف ولا مرفعين .. ياخي خروف قرون مافيه وشين كدا تقول أبوه فيل وأمه قرنتيه.. يا اخوي خروفك دا ضحية ما بيضحي قال يضبحوا في عرس قال .. هوووووووووووي يا زول جيب ليك خروف زي الناس وتعال بارك بالدرب عديل في بوست المباركات .. بكري هسع دي يجي راجع يطين عيشتنا كلنا
------------------- نعل خروفك دا ما خروف ناس عماد عبدالله الحمته يستفرد بحبيبته ديك..
| |
|
|
|
|
|
|
Re: صورى لمناوى وسط جنوده الان بدارفور (Re: Huda AbdelMoniem)
|
Quote: لـو عزمــك عرس بنت جيرانهـم اوعــة تمشـئ
لكـن ممكــن ترسـل حـق الكشـف |
بس عشان خاطرك يا هدى برسل حق كشف الحال .. لكن والله يا هدى الحكاية دي مزعلاني .. بكري عندو لقطة كدي ما عنده غيرها فيها زي سبع هنابيك .. كان قالوا في طهور ولا سماية ولا حنة ولا تخريج روضة يشيلها ويلصقها.. تحتار تعاين في الهنابيك ولا في صلعته العاملة أكبر من حقتي دي.. زغاريد في تشاد والصين " محمد نور " ولدي عريسا باركوا لي في ذمتك أفتحي البوست دا وشوفي الما جاهنأ منو غير بكري؟؟ وبعد ما احتجيت وسمع الخبر وفات أضانو برضو ما جا؟؟ برضو تقول لي تعال عرس بت خالة بت جبران مرة خالو الكانوا في السامراب وهسع رحلو الشقيلاب ..
------------ إت ظااااااااااااااتك ما جيتي باركتي .. ما تتسلبطي لي في بكري ساكت ..
| |
|
|
|
|
|
|
Re: صورى لمناوى وسط جنوده الان بدارفور (Re: BADRELDIN MAHMOUD)
|
يا جماعة الخير الصورة دى حديثة و مناوى قبل ما يخش القصر الجمهورى ما كان بيلبس مدنى وكان دائما بيلبس لبس الحرب وسط جنوده..وبعدين التاريخ بيسجل فى الصورة على حسب التاريخ المبرمج فى الكاميرا والظاهر ان الزول الاخد الصورة نسى يعدل التاريخ..يعنى معقول حاجة زى دى تفوت على الزعيم بكرى وهو الذى يسير دفة هذه السفينة الضخمة"" سودانييز اون لاين""
| |
|
|
|
|
|
|
Re: صورى لمناوى وسط جنوده الان بدارفور (Re: BADRELDIN MAHMOUD)
|
Quote: بكري عندو لقطة كدي ما عنده غيرها فيها زي سبع هنابيك .. كان قالوا في طهور ولا سماية ولا حنة ولا تخريج روضة يشيلها ويلصقها.. تحتار تعاين في الهنابيك ولا في صلعته العاملة أكبر من حقتي دي.. |
نوصي بإحالة كاتب المادة أعلاه للصالح العام وإعادته للخدمة في 07/2008 وذلك لتطاوله علي صلعة الزعيم . وكذلك على "الهنابيك"...ياخى ما تفضحنا إسمها بالونات وبالعربي بوالين وبالسعودى منيفيخة !! ------------------------------------------------------------ يا ود نور..هسه كان جبت ليك خروف سودانى ولا شاداوى تقول لى مالو ده ? فاقد سوائل ولا شنو??إنت عريس نقناق..كده العروس will change her mind والضحك بشرطك !!
| |
|
|
|
|
|
|
Re: صورى لمناوى وسط جنوده الان بدارفور (Re: Abd Alla Elhabib)
|
Quote: الإحتمال الآخر أنو تكون الكاميرا "الديجيتال" الأخدوا بيها الصورة دي خاصية التاريخ فيها ما ضبطوه قبل الإستخدام.. والتاريخ الظاهر في الصورة في الغالب في الحالة دي يكون تاريخ صنع الكاميرا أو إنتاجها أو دخولها السوق. |
تفسير منطقى جدا
| |
|
|
|
|
|
|
Re: صورى لمناوى وسط جنوده الان بدارفور (Re: على محمد على بشير)
|
هوووووووووووي يا جماعة الخير .. هل هل على الجد والجد هل هل عليه.. أنا ما عارف بكرينا دا جاب خبره دا من وين؟ والصورة دي ترجع لمتين؟ لكن البعرفه والمتأكد منه أنه أخونا مناوي دا كل كم شهر بياخد ليه غطسه في الغرب يزور فيها عساكره ويودي ليهم القاسمها ربنا ويقعد معاهم كم يوم وبيجي راجع لمكتبه المطل على شارع النيل ويواصل الترطيبة.. أها المره دي لمن غطس وطول شوية سمعنا قالوا "أنجنج" ودخل الخلا ولبس الكاكي .. والجماعة هللوا وكبروا.. بعد كم يوم تاني سمعنا أنه اتكلم عبر لقاء هاتفي في تلفزيون السودان وأخرس الألسن التي تدعي تمرده ودخوله الغابة..وبرضو الجماعة هللوا وكبروا .. والمعلومات متضاربة تضارب ما يديك الدرب .. ياهو كل زول فينا بما فيناأمير المؤمنين/ عمر البشير خاتي يده في خده وراجنه يجي عشان يقول هو ما زال باق على العهد وما اتمرد.. لكن مع الأسف معلومات غير مطمئنة وغير مؤكده وردتني من أنجمينا وتداولتها بعض أوساط المعارضة التشادية تفيد بأن السيد/ مني أركو مناوي ينزل الآن الآن في هذه الأثناء في ضيافة الرئيس التشادي في الغرفة المجاورة لتلك التي يشغلها د. خليل إبراهيم في الـ Palais Rose.. ونفس تلك المصادر أكدت حرص الرئاسة التشادية هذه الأيام وسعيها الدؤؤب لعقد إجتماع تنسيقي بين بعض الفصائل الدارفورية يتم الترتيب له في مقبل الأيام.. من الصعب تأكيد تلك المعلومات المتعلقة بتواجد مناوي في أنجميناأو نفيها لكن تواجد د. خليل بها والتمهيد للإجتماع التنسيقي بين بعض الفصائل الدارفورية وضربة أم درمان أخرى قادمة يظل خبرا عاديا ومستهلكا..
الله يجيب العواقب سليمة..
| |
|
|
|
|
|
|
Re: صورى لمناوى وسط جنوده الان بدارفور (Re: بكرى ابوبكر)
|
.. . بكرى يا تورا بورا !! جايب صورة من الإرشيف بمناسبة الأرشفة بقيت بتاع لفحى .. والله درب تراجى الا يغطس حجركـ .. قرقر قرقر قرقر
_____________
دقست يا (..... ) ما بقدر اقول ما بقدر اصرح يمكن شئ يفوح يمكن شئ يجرح ..
وتقوم تشوتنى بره ..
| |
|
|
|
|
|
|
Re: صورى لمناوى وسط جنوده الان بدارفور (Re: Tabaldina)
|
أها الخبر دا ورد في واحدة من مواقع المعارضة التشادية ..شوفوا ليكم زول يترجموا ليكم لأني ماشي أنوم .. أنتو جلابة جلود جنكم ملح، زول مفكر يدفع أتعاب ترجمة مافي ..كل مرة نجيب ليكم الأخبار ونترجمها ليكم ببلاش والجماعة ينبذونا في الفاضي..
Quote: Deby est en train de mettre en place une nouvelle structure de la rébellion du Darfour. Il vient d’exfiltrer Minni Arkou, Chef de la branche MLS, signataire de l’Accord d’Abuja. Ce dernier séjourne présentement à N’djamena, logé dans une chambre contigüe à celle de Deby, au Palais rose. Très satisfait du comportement des éléments du MJE à Am-zoer, Deby a fait venir également Dr Khalil dont les forces ont été en première ligne contre la colonne de l’AN.
Le chef du MJE fut aussi logé au même lieu que Minni. Deby a eu plusieurs rencontres avec les deux hommes. Il a été largement question de l’unité militaire de la rébellion de Darfour et surtout des activités militaires à mener contre le régime soudanais mais aussi contre la rébellion tchadienne. Au cours de cette même rencontre, pour la première fois, un compte rendu détaillé de l’attaque d’Omdurman fut élaboré et Deby fut soulagé d’apprendre que l’attaque n’a pas été aussi catastrophique que cela et qu’une autre tentative est largement possible selon le point de vue de Minni, présent à Khartoum lors de l’attaque. Deby a en retour suggéré que Dr Khalil attaque avant la saison des pluies une des garnisons importantes de l’armée soudanaise dans le Darfour. En attendant une réunion regroupant tous les groupes armés de Darfour, Deby a chaleureusement félicité Dr Khalil et l’a cadeauté de la totalité des véhicules récupérés de l’AN à Am-zoer y compris l’anti aérien. Ainsi, Dr Khalil, remonté en bloc par Deby, devenu incontournable dans la stratégie de celui-ci, vient d’arriver à Am-zoer à la tête d’une colonne de 54 véhicules dont plus de la moitié flamboyant neufs.
Selon les témoins de la rencontre entre Deby et les rebelles soudanais, une intense activité militaire est attendue dans les jours à venir.
|
لو في زول داير يرجع للمصدر يطبظ هنا
| |
|
|
|
|
|
|
Re: صورى لمناوى وسط جنوده الان بدارفور (Re: محمد نور أحمد)
|
Quote: أها الخبر دا ورد في واحدة من مواقع المعارضة التشادية ..شوفوا ليكم زول يترجموا ليكم لأني ماشي أنوم .. أنتو جلابة جلود جنكم ملح، زول مفكر يدفع أتعاب ترجمة مافي ..كل مرة نجيب ليكم الأخبار ونترجمها ليكم ببلاش والجماعة ينبذونا في الفاضي.. |
الموضوع ماعاد محتاج تخصص قوقل بيقوم بالترجمة زي الترتيب
تحايا يا اخ محمد نور
| |
|
|
|
|
|
|
Re: صورى لمناوى وسط جنوده الان بدارفور (Re: ثروت سوار الدهب)
|
Quote: الموضوع ماعاد محتاج تخصص قوقل بيقوم بالترجمة زي الترتيب |
مافي حاجة خاربة علينا السوق غير عمك قوقل وإنت ثروت سوار الدهب دا يعني نحنا نموت يعني.. مالك قطاع أرزاق كدا يا ثروت يا اخي.. أها أمشي جيب ترجمة قوقل المخرمجة ديك والكلام يتشقلب ونبقى في حيص بيص..
| |
|
|
|
|
|
|
Re: صورى لمناوى وسط جنوده الان بدارفور (Re: ثروت سوار الدهب)
|
معليش اتاخرنا عليكم شوية ..
نحن ( نحن ) وكخبراء صور وأخبار عاجلة ( عاجلة) نرى الاتي :-
1- نهنئ الاخ بكري على السبق اولاً . 2- الصورة حديثة (جداً ) ولم يتم ضبط تاريخ الصورة أو تم العبث به كعادة السودانيين .
ونقرر ( نقرر ) احالة المدعو بكري ابوبكر للجنة تحقيق مكونة من الاتية اسمائهم :- 1- فيصل نوبي . 2- تمبس. 3- ابو جهينة . وذلك للتحقيق في :- 1- التاريخ الظاهر على الصورة. 2- الخطأ الواضح في عنوان البوست .. انتهي ..
| |
|
|
|
|
|
|
Re: صورى لمناوى وسط جنوده الان بدارفور (Re: طلحة عبدالله)
|
بكري ( صفرجت ) .. تعال احكي ليك القصة الظريفة دي .. قالوا كان في شيخ ومعاهو اتنين من حيرانه ماشين في الخلا .. لاقاهم واحد محنن ومكبرت ولابس ليهو غويشات وحلق وشايل ليهو دلوكة .. سلم علي الشيخ .. وقال ليهو عليك الله يا شيخي خلي واحد من حيرانك ديل يدق لي الدلوكة دي .. الشيخ ابتسم .. وقال للحوار دق للزول دا .. اها صاحبنا ما كضب .. شي بالرقبة وشي لورا .. وشي ترترة .. لمن الشيخ اتكيف .. وقال ليهو يا ولدي امشي الله يبارك فيك .. قام الحيران استغربوا قالوا ليهو يا شيخنا كيفن عاد الكلام دا .. دا زول باطل تقول ليهو الله يباركك .. قال ليهو .. يا اولادي الزول لمن يعمل حاجة ينجضا كويس والزول دا منجض شغلتو دي تب ..
.. ..
دحين يا بكري يا اخوي .. ما عندي مانع انك تتبنى خط واحد في هذا المنبر رغم حديثك عن الانفتاح والرأي الآخر .. بس عليك الله نجض شغلتك كويس ..
.. ..
بعد ما تقرا الكلام دا ممكن تمسحوا .. كالعادة هذا الايام ..
| |
|
|
|
|
|
|
Re: صورى لمناوى وسط جنوده الان بدارفور (Re: humida)
|
بسأل بس: متمردو دارفور هل تكذبون؟
Quote: اتهم متمردو دارفور حكومة الخرطوم بتسليمها اسلحة من الحكومة العراقية السابقة وتخزينها في مناطق غرب السودان قبيل اندلاع الحرب التي اطاحت نظام صدام حسين، |
طوالي أحذفو يا بكري.. الآن أحذفو حذفو الضريب .. ده بوست لعين بيفقد الواحد مصداقيتو في منطق المنبر.. بدون ضلال وتضليل البوست ده بجيب صلعة في العيون..
الآن فقط بقول ليكـم يا جماعة..
إلا سيد الكورة بكرى ابوبكر يا ناس..
| |
|
|
|
|
|
|
|