|
|
 بورداب الرياض...... وناس الرياض ( وصور جميلة)
|
احب السفر والترحال....
وكانت اخر محطاتي في مدينة الرياض
بداية هذا الشهر..........
ناس الرياض ناس حلوين
وبورداب الرياض ناس مميزين
من لم يلتقينا منهم هاتفنا.....(حميدة مثلا)
ومنهم من هرع الينا في مكان اقامتنا
اسبوع كامل كان حافلا بالبرامج الحلوة
|
|
 
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: Waly Eldin Elfakey)
|
انتظروني لامن امشي اشرب قهوة
واجي القادم اجمل وبالاخص الصور
حاجات ما كنت متوقع القاها في الرياض
احتفاء بالتراث.... السوداني
وفرق مسرحية
وفرق موسيقية غنائية
تتغني بالتراث....
يحفظون للبلد تراثها في اراض اجنبية
اكثر مما نفعله هنا في السودان
............ انا تاني راجع للرياض....
ولو رجعت احتمال ما اجي السودان تاني إإإإإ
| |
|
|
|
|
|
|
|
|
 Re: بورداب الرياض...... وناس الرياض ( وصور جميلة) (Re: Waly Eldin Elfakey)
|
Quote: اهم خلاصة طلعت بيها انه الناس ديل
ما راجعين السودان تاني...........
لو فيه اي زول منتظر ليه زول يجي راجع من الرياض يقنع |
لا حولااااا ..
يعني خروج نهائي من السودان ؟..
كيفك يا دكتور والي الدين ..
ياخي كانت فرصة طيبة يوم إلتقيناك وحزنا أنها لم تمتد ..
لكن طالما جايي تاني أكيد ح تلقانا في إنتظارك ..
أبقى طيب وكل من معك ..
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: معتصم دفع الله)
|
Quote: لا حولااااا ..
يعني خروج نهائي من السودان ؟.. |
والله انا كنت اسعد بلقائكم
وبعدين بالشايفو انا ده عودة للسودان صعبة.... خالص
وعندي ليك نصحيحة مهمة اول حاجة تغير صورتك الفي البورد دي
لانها بتكبرك اقل شئ 10 سنوات
بتخليك تكون قدر ناس الامين صديق واصغر بي شوية من صديق الموج
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: Waly Eldin Elfakey)
|
الحبيب والي الدين
مسكاقمي
كنت حريص جداً لملاقاتك في الرياض وعلمت بان لديك برنامج مزدحم في مستشفى الحرس الوطني وكذلك علمت بان بورداب الرياض لديهم الرغبة للاحتفاء بكم وأعدوا برنامجاً لذلك وانا من بورداب الرياض ولكن لم يتم الدعــــوة ورغم عدم الدعــــوة إذا علمت بموعد ومكان الاحتفاء او استقبال شخصكم الكريم كنت ساكون من اول الحاضرين فيا الحبيب الدكتور معليش وان جد آسف لعدم تمكني من السلام والاحتفاء بكم ويبدوا انه كانت هناك انتقائية في الدعـــوة .
فلك العتبى حتى ترضى وخيرها في غيرها .
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: حمزاوي)
|
لا والله يا حمزاوي ما كان فيه انتقائية
حسب علمي وانما انا الكان زمني ضيق
لكن المرة الجاية انشاء الله
والله قدر الناس اللاقيتهم ماقصروا
انا راضي عن كل الناس وجيتك في البوست
براها بتساوي كثير.... اعتبر نفسك جيتنا
وعزمتني جداد في KFC زي ما عمل الامين صديق
واعتبر نفسك طالبني عزومة في قندهار اول ما تيجي
السودان....,. لك كل الود
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: حمزاوي)
|
Quote: وكذلك علمت بان بورداب الرياض لديهم الرغبة للاحتفاء بكم وأعدوا برنامجاً لذلك وانا من بورداب الرياض ولكن لم يتم الدعــــوة ورغم عدم الدعــــوة إذا علمت بموعد ومكان الاحتفاء او استقبال شخصكم الكريم كنت ساكون من اول الحاضرين فيا الحبيب الدكتور معليش وان جد آسف لعدم تمكني من السلام والاحتفاء بكم ويبدوا انه كانت هناك انتقائية في الدعـــوة .
فلك العتبى حتى ترضى وخيرها في غيرها . |
كيفك يا خال ..
ليس هناك إنتقائية أو خلافه ..
كل ما هناك إلتقينا بالحبيب والي الدين في مناسبة أبناء الدويم ..
ونسبةً لبرنامجه المزدحم لم نقم بترتيب برنامج خاص للقائه ببورداب الرياض كمجموعة ..
ويمكن لإسماعيل وراق أن يعلق على ذلك ..
وهذا للتوضيح فقط ..
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: معتصم دفع الله)
|
الحسيب النسيب د. والي الدين
سلام كبير يليق بمقامكم عندنا
قابلت الأخ إسماعيل وراق الجمعة الماضية و قال لي ضربت ليك تلفون بخصوص والي الدين ما رديت
قلت له على الطلاق بالتلاتة ما إستلمت منك أي إتصال
قال فتحت بوست
قلت له حتى لو فتحت بوست كان مفروض تكون في رسائل للتنبيه أو ماسنجر داخلي للفت النظر للبوست الذي لم نره أصلاً.
رغم مشغولياتنا في العمل و مشروع الماجستير فإننا نتاوق هنا من فترة لأخرى
قلت له في آخر لحظة و في وقت حرج جداً إتصل بي كل من معتصم و حميدة ، و لكن ما كان باليد حيلة للقاء أو حتى الحضور لحفل ناس الدويم لأنه أصلا لم تصلنا دعوة ، و لو ما وصلتنا دعوة و عرفنا إنك حتكون هناك كنا عملنا المستحيل للحضور للسلام فقط
لم يكن مقدرا أن نلتقي ، فليكن لقائنا في الخرطوم أو ستلقانا نحن يانا نحن هنا ( بتأشيرة خروج نهائي ) ..
مصير الحي يلاقي
كن بخير
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: Waly Eldin Elfakey)
|
| Quote: ناس الامين صديق واصغر بي شوية من صديق الموج |
ياخي انا قدر معتصم !!!
معتصم دا عمري بس مقضيهو حفلات ورحلات
تقول لي انا قدر معتصم
والموج الله يطول لينا في عمره ويديه الصحة والعافية
دجاج شنو يا ولي
والله لو ما الزمن ضيق والله كان ضبحت ليك
المرة جاية ما تجينا مستعجل وما تجينا براك
جيب ابو النيذ وتورتسكي معاك
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: Waly Eldin Elfakey)
|
عزيزي .دكتور والي الدين ..
للاسف لاعلم لنا بقدومك ولا حتى بوجودك
بيننا ولانلومك ولكن اللوم على اخونا
معتصم على الاقل كنا اتعرفنا بيك عن
قرب وعملنا ليك برنامج خاص.
وسرني اهتمامك بالتراث ونشر هذه الصور
الجميلة عن اوبريت جمعية التراث والثقافة
السودانية بالرياض والتي كانت تدعم هذا
الاحتفال بكل الياتها وقنواتهابمناسبة عضوها
النشط(حيدر طه المحينة)وارجو نشر المزيد من
الصور التي بحوزتكم مع الشكر والتقدير.
املا نراك في المرة القادمة.
| |
|
|
|
|
|
|
|
|
|
Re: بورداب الرياض...... وناس الرياض ( وصور جميلة) (Re: صالح عبده)
|
اوبريت جمعية التراث والثقافة
يا صالح عبده ياخي ديل اطفال ما شاء الله
فرقة موسيقية ومسرحية... ناس مبدعين
مما يدلل علي ان ورائهم فنانيين مبدعين
المفترض يجو السودان هنا يقدموا عروض في اكبر المسارح
ولا منافس لهم....
والمفروض تلفزيونا يتعاقد معاهم لانتاج برامج جيدة...
هل صحيح ان الابداع يتولد في الغربة....
ام انه بسبب هجرة المبدعين في ظل الوضع السياسي الجاثم
ليك كل الود
| |
|
|
|
|
|
|
| |
Waly Eldin Elfakey
شهاب الفاتح عثمان
معتصم دفع الله
ابو جهينة
انعام حيمورة
عمران حسن صالح
صالح عبده
فيس بوك
تويتر
انستقرام
يوتيوب
بنتيريست