|
بتعرفو الفي الصورة دي منو؟!
|
رايكم شنو، أي زول عندو صورة ما عرف الفيها منو، ينزلا في البوست ده.. إحتمال نلقى واحد بيعرف أسيادا..
أها.. الفي الصورة دي منو؟!
|
|
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
.... البلوم فى فرعو غنا ... طرانا يا الحبان اهلنا... طرينا مشوار العصارى .... ورقشة الورد البرارى البريد لا بد يدارى ..... والقلوب دايرة المحنة .... وين البلوم فى فرعو غنى.
الغمامة حلاة رحيلا ..... فوق روابينا الجميلة ... الطيور جات لمقيلا........ كلموها خلاص رحلنا ..
| |
|
|
|
|
|
|
Re: بتعرفو الفي الصورة دي منو؟! (Re: Abdelraheem Hamed)
|
صورة مبالغة، الله يرحم أبو العزائم، رحل بذاكرته الحديدية، فياتري من سيدلنا على الباقين؟! أنا حنزل الصورة دي عندي في الجريدة وأطرح السؤال في شكل مسابقة.. بالمناسبة، أخطر سوداني ممكن يتعرف على الصور القديمة، هو الحلفاوي الهندي العجيب، عمنا (شاندولال رامسجي)، الساكن ام درمان وعندو دكان في المنطقة الصناعية.. حمشي ليهو مخصوص أسألو من الصورة دي..
| |
|
|
|
|
|
|
Re: بتعرفو الفي الصورة دي منو؟! (Re: Hussein Mallasi)
|
Quote: أها.. الفي الصورة دي منو؟! |
أنا غايتو عرفت واحد بس فيهم.. ماو تسي تونغ.. بتاع الكمنجة أبو بدلة سوداء..
يا وجدي والله بالغت.. أصحاب الصورة نفسهم ما حايعرفوا الفي الصورة عاوزنا نحن نعرفهم ليك ؟ (دا إذا كانوا أحياء)
| |
|
|
|
|
|
|
Re: بتعرفو الفي الصورة دي منو؟! (Re: Hussein Mallasi)
|
الأستاذ في الصف الثاني (في كرسي النص) أبونضارات هو الأستاذ الجليل حسن محمد عبدالله أستاذ الرياضيات وكان أبو داخليتنا في خورطقت (داخلية ودتكتوك) وكان رئيس نادي المريخ لفترة . أمد الله في عمره ومتعه بالصحة والعافية.
حساس محمد حساس
| |
|
|
|
|
|
|
Re: بتعرفو الفي الصورة دي منو؟! (Re: Abdelraheem Hamed)
|
إضافة . . الشيخ الذي يرتدي قفطاناً . . ويجلس على يسار الأستاذ عبدالله حامد الأمين (3) . . هو الشاعر الفذ والعالم /المرحوم/ عبدالله عبدالرحمن الضرير . . ( شقيق الشيخ علي عبدالرحمن الضرير نائب رئيس الحزب الإتحادي الديمقراطي في فترة الديمقراطية الثانية ) . . -والذي يجلس على يمين الموسيقار إسماعيل عبدالمعين (6) ( إلى الخلف ) هو الأستاذ / الصحفي /المرحوم/ رحمي سليمان . .
| |
|
|
|
|
|
|
Re: بتعرفو الفي الصورة دي منو؟! (Re: Abdelraheem Hamed)
|
الاخ / وجدى الكردى
الصورة الاولى التى نشرتها هى لبعض العازفين ...وهم ..
صف الواقفين من اليسار 1/ حسن الخواض ..كمان 2/بدر التهامى ..كمان 3/ احمد حامد النقر ..كمان صف الجالسين من اليسار 1/ عثمان حامد ..صفارة ابنوس 2/ يوسف الشيخ .. عود 3/محمد نور ... صفارة ابنوس .
لك الود
| |
|
|
|
|
|
|
Re: بتعرفو الفي الصورة دي منو؟! (Re: رشا سالم)
|
إنتو أصلو ناس وين؟ ومن مواليد كم؟ معقول ما تكونوا عرفتوا الجماعة ديل؟ طيب ليه مجنننا ثورة اكتوبر... ثورة اكتوبر؟
أولاً: في الصف الأول: اللواء محمد احمد عروة - اللواء طلعت فريد - الفريق ابراهيم عبود -اللواء حسن بشير نصر - اللواء احمد مجذوب البحاري ثم اللواء المقبول الأمين الحاج.
ثانياً: في الصف الثاني مولانا محمد احمد أبورنات وزير العدل وإلى يمينه مولانا قاضي قضاة السودان ومفتي الجمهورية وأظنه احمد ابوالقاسم وهو يتحدث مع شخص أظنه - وبعض الظن ليس إثماً- هو السيد بابكر عوض الله.
أزعم زعمي هذا وأستغفر الله لي ولكم.
حساس محمد حساس
| |
|
|
|
|
|
|
Re: بتعرفو الفي الصورة دي منو؟! (Re: رشا سالم)
|
Quote: اعتقد..ان التاني والتالت من اليسارفي الصف الاول
هم السفاح نميري وسابقه عبود..والله اعلم
|
رشا سالم يا بتي أظنك تكوني من مواليد الإنقاذ !!!
نميري وعبود في صورة واحدة؟؟؟ معقولة برضه كويس الما قلتي أبوداؤود والفلاتية؟؟؟
ديل يا بتي المجلس العسكري لإنقلاب عبود والحكم السودان من 17 نوفمبر 1958م إلى 21 أكتوبر 1964م. وزي ما ذكرم ليك البروف ود الريح أو حساس محمد حساس.
ومعذرة يا بروف قاعدين مع وليدات صغار يمكن يكونوا متحف التاريخ الطبيعي ما عارفنوا وين؟؟
الشايقي
http://alkatwah.com www.Alshaygi.dubaimlm.com
.
| |
|
|
|
|
|
|
Re: بتعرفو الفي الصورة دي منو؟! (Re: ابراهيم عدلان)
|
الأخ إبراهيم عدلان صورتك فى القصر الجمهرى يتوسطها الزعيم الأزهرى على يساره الفنان عثمان حسين ثم الموسيقار على ميرغنى ثم الأستاذ غلى شمو على يمين الزعيم الأزهرى شخص ثم الفنان محمد وردى أمام وردى يجلس العازف محمديه
| |
|
|
|
|
|
|
Re: بتعرفو الفي الصورة دي منو؟! (Re: Al-Shaygi)
|
Quote: فى طريقه لتسليم نفسه بعد فشل إنقلاب 19 يوليو، عرج جوزيف على المستوصف الذى وضعت فيه زوجته لوداعها ومولوده الذى أطلق عليه الأطباء هناك إسم الحارث |
منو فيكم بيعرف مكان (الحارث جوزيف قرنق)؟!
| |
|
|
|
|
|
|
Re: بتعرفو الفي الصورة دي منو؟! (Re: اسيا ربيع)
|
طبعاً وجدي الكردي عامل فيها صحفي كبير ما بيرد إلا على الناس اللي بيعرفهم.. لزوم إنو الراجل مهم وكده.. مع العلم بأن أكبر الصحفيين الذي أنجبهم السودان كانوا في قمة التواضع والتفاعل مع الناس..
| |
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
وجدي
Quote: ضياء شنو البكلمني يا نادية؟! غايتو.. عليهو جنس غتاتة..! |
بالغت ياخ (أبوالضيق) ليس بغتيتِ وإنما رقيقِ .. مُرهف .. شفاف
طيب ولا مكنات قال ليك إني جيت مكتبكم مرتين ؟!!
هو إنت مكتبكم ياتو لفّة من مكتب مكنات ؟!!
| |
|
|
|
|
|
|
Re: بتعرفو الفي الصورة دي منو؟! (Re: نادية عثمان)
|
Quote: وهل عندك في ذلك ثّمة شك يا أخا العرب |
بالطبع يا أختاه..أنا أشك وأطعن وأدين وأستنكر غتاتة ضياء الظلامي المظلم الظالم..!
بمناسبة اللا مناسبة: أمبارح لاقيت معتصم محمد الحسن، أداني إذن مفتوح بنشر صورتو معاكي
هاكي الصورة...
| |
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
Quote: أنا أشك وأطعن وأدين وأستنكر غتاتة ضياء الظلامي المظلم الظالم..! |
ويحك ( تاااااااااني)
يارجل لو كان للإستنارة والنور والسراج المستنير والقناديل المنيرة إسما فهو ذلك النور الساطع ضياء بلال !!
تقولي شنو وتقولي منو !!
Quote: بمناسبة اللا مناسبة: أمبارح لاقيت معتصم محمد الحسن، أداني إذن مفتوح بنشر صورتو معاكي |
سجمنا !!
ومعتصم لاقاني وييييييين لما إتصور معاى دون أن أدري يارجل ؟!!
الله يكفينا شر التكنولوجيا والاقمار الصناعية غايتو
| |
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
Quote: خلاص، من هسّع بديتي (تحمبكي)؟! الصورة جد جد، لا فيها شيطنة تكنلوجيا ولا شطارة دبلجة.. |
سجمنا ( تااااااااااااني) !!
أغايتو مامتذكرة نهائي إني قعدت كده و............
آآآآآآآآآآآآآآآآآآ
إتذكرت الأن والصورة دي وأحدة من إتنين
يا إما التقاط من التلفزيون لأنو معتصم قبل كده إستضافني في سهرة في تلفزيون القومي
يا إما في عرس الزولة بت جريدة الوطن ويكون صورنا حمزة لأنو ده المكانين الوحيدين الإتلاقيت فيهم مع
النجم الكبير معتصم .. صاح كده ؟!!
وجدي
قووووووووووام رسل الصورة في إيميلي لأنو كده الفار إبتدأ يلعب في ( عبي) !!
سمح ؟
| |
|
|
|
|
|
|
Re: بتعرفو الفي الصورة دي منو؟! (Re: نادية عثمان)
|
Quote: الأستاذ في الصف الثاني (في كرسي النص) أبونضارات هو الأستاذ الجليل حسن محمد عبدالله أستاذ الرياضيات وكان أبو داخليتنا في خورطقت (داخلية ودتكتوك) |
تصدق يا دكتور .. زمني دا كلو قايلو الأستاذ عبد الرحمن عبد الله
| |
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
الاخ وجدي الكردي
بوست جميل جدا ...
شاعر الشعب محجوب شريف - مشروع صحبة راكب ابريل 2008
_____________________
بالنسبة للصور القديمة - عرفت الزعيم الازهري و عبود واسماعيل عبد المعين وعثمان حسين وردي وعلى شمو والباقين الفي الصورة ..
| |
|
|
|
|
|
|
Re: بتعرفو الفي الصورة دي منو؟! (Re: essam&amal)
|
الشخص الذى يرتدى بدلة سوداء مباشرة خلف أزهرى و على يمين من يرتدى ملابس عسكرية هذا الشخص يشبه المرحوم / محمد العبيد إسماعيل مدير الإذاعة السابق إبان عهد عبود و بعده و من أوائل المذيعين العسكرى غالبا ما يكون الصاغ التاج حمد مراقب عام الإذاعة السابق .... و يبدو ان الصورة تشمل أذاعيين و موسيقيين
| |
|
|
|
|
|
|
Re: بتعرفو الفي الصورة دي منو؟! (Re: وجدي الكردي)
|
تأكد لى من الأستاذ / شوقى عزالدين المسرحى السابق أن من خلف الزعيم الأزهرى هو المرحوم / محمد العبيد و هو من أوائل المذيعين ... و كان مدير للإذاعة فى عهد عبود و بعد ... وكان التاج حمد مراقبا عاما للإذاعة... و فى موقع الإذاعة على الإنترنت لا توجد له صورة هناك ....
| |
|
|
|
|
|
|
الإثنين غير متاكد منهم الأستاذ صلاح احمد إبراهيم على يمين البروف عبدالله الطيب و الثانى المجذوب
راحت علينا....
| |
|
|
|
|
|
|