|
Re: يا جماعة 00000000 الحاجات البتعملو فيها دي غلط (Re: حمد عبد الغفار عمر)
|
حمد يااخوى ....
والعجب لو الواحد نزل الاجازة السودان ...
فلان اخوك ياخد ليك اجازة من شغله...يومين بس .... ويرجع تانى ..اصلوا ماتشوفه... وعمتك تخلى المسلسل الكانت بتشوفه...يومين بس ...وتانى حركة مادايرة تسمعها فى البيت عشان دى الحلقات الاخيرة وكدة .... واختك تساهر معاك للصباح اخر ونسة...يومين بس... وتانى تديك ضهرها وتقبل على الحيطة وجارتك تقيل... وتخلى وليداتها... يومين بس ...تانى الا تجى تودعك... وصينية الغداء داك يالمحمر والمشمر يومين بس ... تانى يسالوك دايرة تتغدى شنو انت وعيالك...ولا هداك المطبخ قدامك انتى ماغريبة تقعد 20 يوم معاهم ....تخلص ...انت ياولدى حاجز بتين للسفر ...تأشيرتك ماقربت تنتهى ياولدى بتضيع شغلك عليك... ولا الحاجة تقول ليك... كان بتك قحت ساى ... ياحليلها هسى كان كانت مع ابوها ماكانت مرضت المرضة دى بلدكم مانضيفة هناك ...
| |
|
|
|
|
|
|
Re: يا جماعة 00000000 الحاجات البتعملو فيها دي غلط (Re: ناهد بشير الطيب)
|
الاستاذة ناهد
شكرا ليك يا مبدعة
Quote: تانى يسالوك دايرة تتغدى شنو انت وعيالك...ولا هداك المطبخ قدامك انتى ماغريبة تقعد 20 يوم معاهم ....تخلص ...انت ياولدى حاجز بتين للسفر ...تأشيرتك ماقربت تنتهى ياولدى بتضيع شغلك عليك... ولا الحاجة تقول ليك... كان بتك قحت ساى ... ياحليلها هسى كان كانت مع ابوها ماكانت مرضت المرضة دى بلدكم مانضيفة هناك ... |
انتهازية مجتمع تعمل وجع القلب
و تخلي الواحد indifferent في كيفية مساعدة الاخرين
| |
|
|
|
|
|
|
|