|
|
|
 Re: عضو جديد و عضلات حديد (Re: Taha Babiker)
|
| Quote: اقدم لكم نفسي كضو جديد و متابع قديم جدا جدا يعني بعرف افرز ناس المشاكل من ناس الشمارات وكده البرحب بي معناتو عايز يصاحبني و انا ما بتصاحب و المابرحب بي معناتو انو ناصبني العداء و الله قال بي قولو و البسكت ساي ده موضوعي معاوه بعدين |
يا زول مالك زول شر كده
الله يدينا خيرك ويكفينا شرك
مرحب بيك الف مليون
الخواف ربى عيالو
تخريمة
الله قال بى قولك انت
تلفونات للدوحة نعمل خروج بدون عودة
شوف اخوان البنات
ابو ساندرا
هارون دياب
القريش
محمد الطيب
وسانى
ديل بس من طرف الملف
صلى على النبى وادخل اخو بس
نشيلك فى عيوننا
ام وضاح
| |
 
|
|
|
|
|
|
|
|
Re: عضو جديد و عضلات حديد (Re: Taha Babiker)
|
مشكور كتير يا ازهري2 علي الترحيب و الورودالجملية رغم اني بحب القاش يعني المرة الجاية لو رسلتها كاش احسن من تشتري لي ورد ما نجيك في شينه
الاخ كمال شكرا علي الترحيب و التصليح شكلك حاتصلح كتير لانو اخوك ساقط لغة عربية وكده المهم نبارك ليك جديد وليداتك و للضمان جديدك
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
مرحبا بكم
يا طه خوفتنا وحياتك!!
Quote: وانا متفرغ تماما للنت وللضمان اشتريت لي كي بورد إضافي
لزوم السرعة وكده و البقية تاتي. و تحياتي للجميع (حتي إشعار آخر) و شكري للمهندس بكري
ابوبكر لقبول طلبي للإنضمام للسودان اون لاينز
السلام ختام
طه بابكر
الدوحة-قطر |
معقوله بس !!
| |
|
|
|
|
|
|
|
|
|
Re: عضو جديد و عضلات حديد (Re: Tragie Mustafa)
|
من قبيل و انا بفكر ارد عليك ولا اسكت المهم قويت قلبي وقلته بتكون تراجي اتخارجت حقو ارد عليها قبل ما تجي راجعة و تفند كلامي كلمة كلمة وحرف حرف المهم للضمان شكرا علي الترحيب وتحياتي لك ...
طه
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
الشكر موصول لام وضاح انا قلته اعمل بالمثل البقول الفيك بدربو شكرا علي الترحيب و انا مرتب اموري في الدوحة مع الهنود و البنغال يعني ما بتجيني عوجة و عامل خروج و عودة للهند وكده
| |
|
|
|
|
|
|
|
|
|
Re: عضو جديد و عضلات حديد (Re: طارق جبريل)
|
يعني انا حا اقعد ارد عليكم واحد واحد(ة) رايكم شنو في تا النسوه دي يعني حركة في شكل انا ما عنصري و كده بهتم بالجنس الآخر رغم انو زوجتي بتدعي عكس ذلك المهم شكري و تقديري و امتناني لك من شجعني (ت) او هاجمني (ت) التاء دي للنسوه برضو ماعارف مكانها ده صاح ولا غلط المهم انا وضعتها للضمان و ماشايف تهاني من بكري ولا ترحيب شكلو اداني العضوية بالغلط الله يستر المهم كان ماشوفتوني بكره سايق عليكم النبي تاسلو عني و تتضامنو معاي و انا لا انسي من وقف معي في محنتي و الله ولي التوفيق
طه
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
| Quote: البرحب بي معناتو عايز يصاحبني و انا ما بتصاحب |
وبعدين نصدق ياتو فيهم؟؟؟؟؟؟؟؟؟؟؟؟؟
| Quote: عليكم النبي تاسلو عني و تتضامنو معاي و انا لا انسي من وقف معي في محنتي و الله ولي التوفيق |
وكت انت خواف كده جاي تبيع الموية في حارة السقايين مالك
وبرضو بنرحب بالضيف مهما كان
اهلن بيك ضيف عزيز وكريم بيننا وحبابك عشرة وكان ما حبيتنا بنزود ليك الحباب للمية
الا الحليفة بالنبي خليها
| |
|
|
|
|
|
|
|
|
|
Re: عضو جديد و عضلات حديد (Re: انعام حيمورة)
|
انا ما دقسته و حالتي بظبط في اللغة العربية و دخلت معهد كمبيوتر عشان السرعة وكدة و في النهاية جيت في الزمن الغلط معليش المرة الجاية لمن يسحبو مني العضوية و يرجعوهالي بعمل حسابي و ما اتقدم في ليلة ذي دي المهم شكرا علي ترحيبك و اجابة علي سوالك عن خطتي فهي مبنيه علي 1-5-5 يعني هجومية تماما و ليس لدي اي دفاع
| |
|
|
|
|
|
|
|
|
 Re: عضو جديد و عضلات حديد (Re: Taha Babiker)
|
قريت مقدمتك دي طوالي اتذكرت قصة طه مع شيخ العرب يونس ود دكين و اهديك منها الأبيات ديل:
البلقي القبائل ما بسوي سواتك
خربت قدلتك يا طه وين دعواتك
اول خفنا ليك من البهادل هادي
يا طه البهدد ما بضرب الوادي
نافذ فيك قدر يا طه انت عميت
في الهروب وقعت عترت ما سميت
شفت كيف؟
| |
|
|
|
|
|
|
|
|
|
Re: عضو جديد و عضلات حديد (Re: محمد البشرى الخضر)
|
Quote: اقدم لكم نفسي كعضو جديد و متابع قديم جدا جدا يعني بعرف افرز ناس المشاكل من ناس الشمارات وكده البرحب بي معناتو عايز يصاحبني و انا ما بتصاحب و المابرحب بي معناتو انو ناصبني العداء و الله قال بي قولو و البسكت ساي ده موضوعي معاوه بعدين المهم انا جيتكم بالدرب عديل و من غير اي واسطة وما عندي اي دليل يعني مافي زول يطلب مني اثبات الكلام ده. وانا متفرغ تماما للنت وللضمان اشتريت لي كي بورد إضافي لزوم السرعة وكده و البقية تاتي. و تحياتي للجميع (حتي إشعار آخر) و شكري للمهندس بكري ابوبكر لقبول طلبي للإنضمام للسودان اون لاينز
السلام ختام
|
برلوم برّاي جنس بري
يا أخوي قول بسم الله
وبعدين مرحب بيك
| |
|
|
|
|
|
|
|
|
|
Re: عضو جديد و عضلات حديد (Re: haroon diyab)
|
اخوك بتلقاوه في الحارة و مابخزلك و مشكور علي الترحيب و كسير التلج و حاتك لمن قريت كسير التلج دي في الاول قلته ولدنا هارون ده بتاع قعدات وكده و لكن حمدت الله كثيرا عندما وصلت الي آخر الموضوع و نجيك في( رفع) بوست انشاء الله
طه
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
يازول حبابك تاني ناس نورث كارولينا ديل بحومو بالعراريق في نص الحلة امريكا قلبتوها الحلة الجديدة  ييييييييييييك هسي يجونا ناس الحلة الجديدة يقول لي شفتنا وين و ما شفتنا وين اها شفتكم !!
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
| Quote: انتو كيف عاملين ومعاك منو من الشباب سمعت انو شباب كتار رحلو كاليفورنيا الحكاية شنو |
نحن تمام والله
وبعدين كاليفورنيا دي عالم تاني خالص
معي من قرين اسبورو جمال محمد نور اخو يس
صلاح حامد, عثمان ابراهيم وكان معانا مجدي سعد ولكنه رحل الان اريزونا
| |
|
|
|
|
|
|
|
|
 Re: عضو جديد و عضلات حديد (Re: Taha Babiker)
|
اخي Taha Babiker حبــابك ..
ومرحبا بمن من الدوحــه زائر ..
ولا للارهــاب نعم للكبـــاب ..
نورت الحـوش ..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: عضو جديد و عضلات حديد (Re: شهاب الفاتح عثمان)
|
طه :
بتعرف الموت يوم القيامة؟
أها دي حدثت للشاعر محمد محمد على
لشقاوته مات يوم موت جمال عبدالناصر
وطبعا مات سمبلة ساي مافي زول اشتغل بيهو
يقولو ليك في روز حايم في البورد
تجي داخل
أشتر تقول ما من مربع 12
أمشي محطة 7 وتعال
بهاء
| |
|
|
|
|
|
|
|
|
|
Re: عضو جديد و عضلات حديد (Re: عبدالله كع)
|
مرحبا بيك طه و من كلامك (ما غريب الدار)..
| Quote: البرحب بي معناتو عايز يصاحبني و انا ما بتصاحب و المابرحب بي معناتو انو ناصبني العداء و الله قال بي قولو و البسكت ساي ده موضوعي معاوه بعدين |
يا زول تعال صاحب الناس و اعمل ليك شلة عشان لما تبدأ (الشكلة) (الشلة) تشاكل معاك..
| |
|
|
|
|
|
|
|
|
|
Re: عضو جديد و عضلات حديد (Re: rosemen osman)
|
الشكر موصول لكل من مر و رحب دون فرز و احب اوضح موقفي من الان لانو اتضح و بما لا يضع مجالا للشك انو مشاكل الامة كلها سببها (ة) النسوة و سوف اعمل بوست خاص و سري لهذا الموضوع
تحت تحت
شكر خاص للعضوه الجديدة
| |
|
|
|
|
|
|
|
|
|
Re: عضو جديد و عضلات حديد (Re: حسين محي الدين)
|
وينك يا بجو معقولة بس.. ألف مرحب نورت الدار،
ياخ انت بقيت ابن بطوطة عديل كده.. من الخرطوم للرياض لنورث كارولينا للدوحة. نحن لسه حارسين ليك العقاب في الرياض.
بعدين اسم طه ده ما واقع لينا خليهو للرسميات.. نحن بنقوليك حاتم بث.
ألف مرحب يا صديقي وقريبي.
وتحياتي للأسرة الكريمة.
عوض الله
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
أهلا بك أملا متقدا و ضاءا بين أهلك و عشيرتك ، و نحن نعبر لك عن فرحتنا بقدوووومك فإطلالتك البهية هى التى تخلق فينا الأمل ، فمرحبا بك يا عزيزى ، و ننتظر مساهماتك النيرة .
و لك الود
| |
|
|
|
|
|
|
|
|
|
Re: عضو جديد و عضلات حديد (Re: هويدا شرف الدين)
|
| Quote: اقدم لكم نفسي كعضو جديد و متابع قديم جدا جدا يعني بعرف افرز ناس المشاكل من ناس الشمارات وكده البرحب بي معناتو عايز يصاحبني و انا ما بتصاحب و المابرحب بي معناتو انو ناصبني العداء و الله قال بي قولو و البسكت ساي ده موضوعي معاوه بعدين المهم انا جيتكم بالدرب عديل و من غير اي واسطة وما عندي اي دليل يعني مافي زول يطلب مني اثبات الكلام ده. وانا متفرغ تماما للنت وللضمان اشتريت لي كي بورد إضافي لزوم السرعة وكده و البقية تاتي |
هيييييييييييييييييييييييييييييييييييع ياودشيقوق
اخونا ودبابكر مرفعين الليل جاااااااااااااكم...
والله انارحبت بيك قبل مايدوووووووووووووك الباسبورت اقصد الباسورد... 
وقول يابادي وابداء بي ناس الذبادي..
صنفره
--------
ياناذر امانه ماوقع راجل طااااااااااااااااااب
| |
|
|
|
|
|
|
|
|
|
Re: عضو جديد و عضلات حديد (Re: Taha Babiker)
|
اخونا الكريم طه .. اولا مرحب بيك شديد ..
وثانيا مطلوب في هذا الاسفير الواسع فكر حديد .. وتقبل لكل
راي ونقاش شديد .. اما العضلات فهي في حلبات المصارعة .. ..
لان العنف غير الحضارة .. والحضارة رقي .. ونحن السودانيين
بمقاييس كثيرة مشبعين بالرقي الداخلي جوة الانسان المواطن؟؟
تاني مرحب بيك جارا لكل الاعضاء ..
| |
|
|
|
|
|
|
| |
Taha Babiker
ALazhary2
كمال علي الزين
essam&amal
Tragie Mustafa
Sayed Bekab
طارق جبريل
انعام حيمورة
محمد البشرى الخضر
mohmed khalail
القلب النابض
فيصل محمد خليل
haroon diyab
emad altaib
محمد نور أحمد
غباشي
شهاب الفاتح عثمان
حيدر حسن ميرغني
عبدالله كع
الحاج حمد الحاج
rosemen osman
فدياس نجم الدين
البشير دفع الله
ممدوح عثمان
حسين محي الدين
motaz
أبوبكر أبوالقاسم
nazar hussien
عبود عبد الرحيم
الزنجي
محمد عبد الماجد الصايم
عمر صديق
Ahmed Yousif Abu Harira
osman righeem
هويدا شرف الدين
Magdi Ahmed Elsheikh
khalid saad
عبد الرحمن الطقي
baha eassa
Elwaleed M. Ahmed
فيس بوك
تويتر
انستقرام
يوتيوب
بنتيريست