|
|
 Re: محمد فرح يهددنى و مولانا خدر بالاعتقال والتعذيب (Re: د.نجاة محمود)
|
لا حولا يا هندسه
انا كنت قايلك رشاشه بس
اتاريك رشاشه وشيوعى كمان 
عشان كدا يا محمد فرح
اوعك تهدد بس
الباشمهندس ود المجمر دا لازم تطلبوهو بالانتربول وعلى وبيوت الاشباح طوالى
وما تفكوهو الا فى حاله واحده بس
اذا قال يعيش جمال الوالى يعيش
واردف يعيش حسن عبد السلام صاقعة النجم كمان
اما مولانا خدر
فدا ما عندكم بيهو شغله
عليكم بهشام المجمر فقط الى ان يقول الرووووب
| |
 
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
سلام د. نجاة
شكرا على قصيدة هاشم الممتازة ، فعلا التفاهة شئ مقرف و بالنسبة لى اكتر قرفا "تفاهة" الثوار .
قصيدة هاشم فيها جانبين، جانب رفض التفاهة و جانب الدعوة لتغيير الواقع القائم ده بما فيهو التفاهة عموما
هاشم لم يكتب عن تفاهة الثوار و توقف ، بل دعا لتجاوزها بفعل "ثورى" حقيقي ، يتجاوز ضيق الافق الموجود في التنظيم و في ادمغة بعض اعضاءه ....
عشان كده قال برضو:
Quote: تعيش يا معنى كلمة لا
تدك الحصن الضلال
بى اشرف الاشعار
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطى
وقلب واعى وصاحى
شباب واقف
سنين مشتاق
تقوم الجبهة من تعسيلة الاوراق
تقوم الجبهة من تعسيلة الاوراق |
و ده فرق كبير ...
سلام
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
شكرا عصام جبر الله علي هذه القراءة الحصيفة
Quote: قصيدة هاشم فيها جانبين، جانب رفض التفاهة و جانب الدعوة لتغيير الواقع القائم ده بما فيهو التفاهة عموما
هاشم لم يكتب عن تفاهة الثوار و توقف ، بل دعا لتجاوزها بفعل "ثورى" حقيقي ، يتجاوز ضيق الافق الموجود في التنظيم و في ادمغة بعض اعضاءه .... |
فعلا هاشم صديق يرفض سلبيات اليسار ...ولكنه لا يرفضها من موقع يميني
أو أسلاموي... فهاشم هو القائل:
الخلاص جبهة يسارك...( أنا لا أختزل الخلاص في قبائل اليسار فاللوسط دوره)
التحية لهاشم الواقف ضد الأنقاذ وضد الهوس وضد الاسلام السياسي وضد
الشمولية والقمع ..... التحية لهاشم المراهن علي الشباب والثورة و التغير:
Quote: شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطىوقلب واعى وصاحى
شباب واقف
سنين مشتاق |
...........أنه يراهن علي هولاء في وجه القبح والقمع وتكميم الافواه
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: kamalabas)
|
سلامات يا عصام
تفاهة الثوار التي كرهها هاشم هي تلك التفاهة التي تهدر حق الاخر
وهي التفاهة التي تحول الوطن الى ركام,,
هي تفاهة شوفوني مناضل.. وهي تفاهة ضيف الافق كما قلت..
ضيق الافق الذي يجعل كل من ليس معنا ضدنا...
ضيق الافق الذي يجعل من كل من يقول رايه فيما يحدث ولا يوافق الثوار التافهين
كوز وربما اذا خالفهم اكثر وبقى حسكنيت امنجي ...
عندما نجد ديل
| Quote: شباب ثورى وديمقراطىوقلب واعى وصاحى |
سيشم وطنا العافية...
نتفلسف عن الثورة
وعن المنفى وعن الاحباط
ونتحذلق عن المعنى
وعن الاسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف افعالنا بالاحلام
وفى الدوامة
تتبدل سمانا سواد
يموت معنى الوطن
وفى زفة الاوغاد
يضيع نبض الوطن
فى زحمة الاحقاد
يئن شرف الوطن
وبرضو هاشم هنا وصف حالنا وكيف لا الشاعر نبي يستشرف المستقبل
لم يقف هاشم في حد الاستشراف بل قدم الحلول بعد ان شرح الجرح..
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
ولك السلام
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
Quote: وبرضو هاشم هنا وصف حالنا وكيف لا الشاعر نبي يستشرف المستقبل
لم يقف هاشم في حد الاستشراف بل قدم الحلول بعد ان شرح الجرح.. |
والله كويس لسع مانسيتي النقد الأدبي.
طيب ما تنقدي لينا بقية القصائد الموجودة في البوست الهامل دا.
صدقيني تاني صاحب البوست دا ما يقدر إمشي جنبو
لكن بيني وبينك
هشام إستاهل أكتر من كدا
شنو شابكنا...هددوني....هددوني...
أها إخم و صر
طلعتي ليهو إنت
في زمتك مش كان أفضل ليهو مليون مرة
إجي محمد فرح يعذبو وإضربو في راسو المدور دا
ويكسر ليهو الكمبيوتر زاتو
بدل ما يطلع ليهو الغول?
إستاهل الشراد
----------------
الصبيان الجروا سابو البوست هملوا
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
Quote: صبري الاستاذ المحترم
تحياتي
نعم .. فذلك ركن ركين من أركان المقومات .. لا يمكن اتهام
هشام بأنه يريد ان يصنع من نفسه بطل ومناضل بدون مقومات؛
و هو الذي سجن مع كمال الجزولي في سجن واحد.
_____
هي المقومات دي كيفنها!! |
المحترم ملاسي
والله انا هشام شايفو في نظري ركن افضل من رواق السنارية
ولا يحتاج لان يعتقل مع كمال الجزولي وهو هرم في الفهم والمواقف المحترمة الي الان
الجبهة العالية لا تحتاج تاج يزينها
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
Quote: المحترم الشريف
كونها لا تحتاج لان تتزين شي؛ و كونها تزينت بالفعل شي تاني |
العزيز ملاسي
برضو ما اعنيه ان اعتقال هشام هباني ان كان مع نقد او كمال الجزولي لن يصير اعتقال خمسة نجوم
لنا اصدقاء اعتقلوا مع الميرغني والصادق ونقد
وعانوا امر الاعتقال في اجسادهم تعذيبا وقهرا ولم يجنوا من رفقة العتقال اي ميزة
بل لا يذكرهم احد الان وبعضهم التحق بالرفيق الاعلي
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: Sabri Elshareef)
|
Quote: لنا اصدقاء اعتقلوا مع الميرغني والصادق ونقد وعانوا امر الاعتقال في اجسادهم تعذيبا
وقهرا ولم يجنوا من رفقة العتقال اي ميزة بل لا يذكرهم احد الان وبعضهم التحق بالرفيق الاعلي |
العزيز الشريف
أن لا يقوم أحد بذكرهم أمر مؤسف للغاية؛
و هو مصير بائس لا أريده للصديق هشام المجمر.
______
صديق اسفيري يا سهام .. عشان
ما تجي تعملي من صديق دي موضوع!
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: Hussein Mallasi)
|
| Quote: بدل ما يطلع ليهو الغول? |
الغول يا عمر "بتغول " على الناس..
انا هنا لو رجعنا للاساطير وكدا
بكون الفارس ابو درع لامع الوسيم.. الجا ينغز الاميرة الجميلة
من الغول..
دا بالرؤية القديمة
بالرؤية المعاصرة حقت مهيرة بت عبود
بتاعة هاكم رحاطتنا وادونا السيوف..
لما الناس تشوف الظلم والكذب والافتراء تسكت..
لازم يجي شخص ما يحق حق...
ما قلت لينا هل هدد محمد فرح هشام بالاعتقال والتعذيب ولا لا ؟
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
المجمر سلامات
قدرت تابعت الوصلة الوضعتها في بداية البوست وحسب تسلسل المداخلات:
كتب هشام في الرد على القلب النابض:
وجا خدر كتب:
وجا فرح كتب:
بالنسبة لي السطر الأول لفرح "انصحك ان لا ترى لان رؤيتك بتوديك مع ناس بحر"
خلاف إنو ينطوي على قمع بيّن لرأي هشام، فيه تهديد واضح، ولو أني أرجح أن فرح قصد منه فقط إسكات هشام عشان ما يشوش على السيناريو الشايفو هو. لكن دا ما ينفي إنو دا تهديد واضح ولا يحتاج تأويل، إلا إذا كان معتقلات الإنقاذ بقت زي سجون السويد!!
جملة "وبالمرة كلم معك اخونا خدر" لأنها جات بعد السطر التاني "والخبر صحيح واصبر شوية انتظر المحاكم..." تحتمل التأويل،
يعني خدر برضوا ينتظر المحاكم عشان يتحقق من بطلان رؤيتك كما تحتمل التأويل كذلك بتهديد خدر.
في تقديري دا تهديد أجوف من فرح في سعيه لتثبيت إميج محددة تخدم رؤيته واقصاء أي رؤى تانية ممكن تشكك في السيناريو دا.
| |
|
|
|
|
|
|
|
|
|
Re: محمد فرح يهددنى و مولانا خدر بالاعتقال والتعذيب (Re: هشام المجمر)
|
الباشمهندس هشام أولا كيف الدوحة ؟؟ تمام
طبعا هذا البوست كلما رأيته أستغرب في أنجرارك وراء هؤلاء ال......لأنه ديل أتكشفوا وأنتهوا
وبيحاولوا الأنصراف بقضايا جانبية هناك أسئلة يجب على هؤلاء أجابتها -
- كيف لقوات العدل والمساواة الوصول لأمدرمان ،ده سؤال الى الآن من الرئيس لحدي اللي بيهددك ده ما عارفين يجاوبوا عليه
-كيف لطائرة تقع في قلب المطار وسبقتها طائرات كثر في الهبوط
-كيف ح.يتخارجوا من المعلومات التي يملكها أحمد هارون وكوشيب وهم سيقبضوا قريبا
كيف وكيف وكيف ؟؟؟؟
نصيحة يا هشام زمان أهلنا القدامى رحمهم الله جميعا قالوا لا تتشاكلوا مع الناس الغير متربية لأنهم ما عندهم شئ يخسرونه ... فهمت ولا أقول كمان
| |
|
|
|
|
|
|
| |
على محمد على بشير
محمد فرح
kamalabas
عمر دفع الله
Hussein Mallasi
Ashraf el-Halabi
A.Razek Althalib
فيس بوك
تويتر
انستقرام
يوتيوب
بنتيريست