|
|
 ختام رائع للدورة الرياضية الثانية لرابطة الطلبة السودانيين بالرياض ( صور ولا اروع )
|
اقيم مساء اليوم الجمعة المصادف 30-5-2008 بملاعب معهد العاصمة النموذجي ختام الـدورةالثانية لرابطــة الطلاب السودانيين المقيمين بالرياض وسط حضور مقدر من ابناء جالية منطقة الرياض يتقدمهـم د/ كتور صلاح حميدة امين المؤتمـرالوطني بمنطقة الرياض ونائبه الشيخ / مسلم امام والدكتور محمدين ادريس رئيس الرابطة الرياضية والرياضي المطبوع الاستاذ عبد المنعم عبد العال مدير خدمات التلي موني بالبنك العربي . والاستاذ حسين احمد حسين المدير الاقليمي لسودانير بالمنطقة الاوسطى والباشمهندس موسى الجيو رئيس دائرة الناشئين والعديد من قيادات العمل المدني بالرياض .
بدات المبارة الاولى بين فريقي الوحدة والشعلة لتحديد المركزين الثالث والرابع وجاءت نتيجتها بفوز فريق الشعلة بثلاثة اهداف مقابل هدفين لفريق الوحدة .
ثم كان مسك الختام المبارة الرائعة بين فريقي السلام والدرعية والتي قدم فيها الفريقان تابلوهات رائعة انتهت بفوز فريق الدرعية بخمسة اهداف مقابل هدفين لفريق السلام .
الرعاة الرسميون لهده البطولة الناجحة هم ..
الخطوط الجوية السودانية....
التلي موني ....
جامعة المغتربين ....
ود الباوقة
|
|
 
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: hamam)
|
هلا هلا صديقنا الهمام (همام) كررت الكلام مرتين عارفك بتفتش لى تحياتى وفائق إحترامي
طبعا الموضوع لما يهنيك أخ عزيز فى فلذة كبدك أكيد حيكون له طعم خاص !!
أتمنى ان يكون إبننا متع الجماهير أهم حاجة اليومين ديل البسمة للسودانيين
هى دى ما أول مرة أختير لعامين متتاليين فنى كرة القدم السودانية بالرياض
ممثلا مع زملائه فى فريق الناشين الذى يمثل الرياض وذهب معهم مر تين إلى الخرطوم
وطبعا افادتنى اللجان الفنية بالرياض والمهتمين بشأن الكرة السودانية بالرياض بأنه سوف
يكون له شأن فى الرياضة اذكر منهم :
الباشمهندس / موسى عبدالقادر رئيس دائرة الناشئين
الأستاذ / عبد المنعم عبد العال رئيس الصالحية
المدرب الفذ / متوكل عبدالسلام لا عب الهلال الدولى السابق
مشرفى مدرسة امل السودان الأستاذ/ عبد الحميد عبدالحميد والستاذ/خليفة محمد
كل المدربين بالرياض أذكر منهم الكوتش/ عوض ابو الريش الكوتش / جلال كوستى
الكوتش / محمد صالح والكوتش / محمد نجيب والكوتش/ الخير والكوتش / صلاح
والأستاذ/ عادل إشيقر ... كلهم أجمعوا بانه له شان كروى ليس ذلك وحسب بل
أستاذ الرياضة السعودى أشاد به وطلب منى انو يريد يسجله فى فريق الشباب السعودى
بس قال لى خليه يقوى شوية لانو لازال صغير عموما وزى ما قلت لك اللجنة الفنية الكروية
بالرياض إختارته مرتين وعلى مدى سنتين مع فريق الشباب حيث سافر معهم مرتين إلى الخرطوم
ممثلا لفريق الشباب والاشبال ..
إنت يا همام مع وله ضد ؟ أنا غايتو البعرفوا نحن أبناء السودان العظيم والسودان فى قلوبنا
طبعا أخونا مراسل الشروق ( معاوية التوم ) اعجب به كثيرا واتصل بى وقال لى زمنى ما سمح لكن
كنت داير أعمل معاهو لقاء لانو بصراحة لاعب متميز ..
زمان أخوك كان شديد مع الولد يا ود بلا كورة بلا كلام فارغ خليك فى فرايتك وكل يوم معاهو فى
ملاوة لكن أخيرا حسبتها كده وقلبتها قلت ياود أرخى شوية يمكن تجى منو ويجيب حاجة كده وله كده
يقوم كمان ينسانا أصلو أولاد الزمن ده خليهم ساكت بس لكن برضو هو راجل وانا راجل وكلو زول
ياكل ناروا بس أنا شايف نارو هادئة ويمكن تنجض التبيخ ... ولانو هو هلالى هسع اخوك ساعى بجدية
الاتصال بالاعب الفنان ( الرشيد المهدية ) ودايرين نقول ليهو يشوف للود خانة مع الموج الأزرق
اسال الله الكريم أن يحفظه ويمكنه فى هذا المجال ويساعد فى رفع علم السودان عالى يرفرف فوق
السارى وللكورة السودانية التقدم والازدهار .. اما أنا وإنت ياصحبى خلينا فى الذى منو .. مع
تحياتى وفائق إحترامى ولا عدمناك أخى العزيز همام لك الود والشوق بحرررررررررررررر
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ود الباوقة)
|
Quote: نعم هذا اللاعب الفنان هو ابن اخونا المشاغب الهلباوي ... لقــــــد قدم عرضا رائعا يبشر بامكانية الاستفادة منه في الهلال او المريخ . او اي فريق هنا في السعودية ..
|
هلا هلا ود الباوقة اللذيذ تفاحه ... تحياتى وفائق إحترامى
عارف الود قال شنو .. قال لى عارف يا باباالريس العم عبد المنعم عبد العال قال لي شنو ؟
قلت ليه قال ليك شنو يا ولد ؟
قال لي مبروك وقال لى قول لأبوك خلى يخلى الكلام الفارغ ويبطل الهرجلة البيعمل فيها دى !!
قلت يا إبنى عمك يمكن زعلان منى شويه هو قلبو طيب وما تشيل هم إنشاء الله حنرضيه !!
| Quote: يعني يا هلباوي شايفك راقد قفا تحمد سيدك ... |
إنت بس قول يا لطيف .. كده بس خلى الود يتمكن ويؤكد كلام الناس ديل ويثبت نفسه
بعدين إنشاء الله مع ( التمكين ) ما حننساك إنت أصلا عزيز وغالى مع تحياتى وفائف الاحترام.
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ادم الهلباوى)
|
العم الكريم / ود الباوقة تحياتى وفائف احترامى
اشكرك جزيلا ياعم عمر وجزاك الله عنا كل خير وإنشاء الله دوما أنت فى خير وصحة جيدة
مع تحياتى لكل من ساهم فى هذا الاحتفال كما أزف التهنئة لإخوتى فى فريق الدرعية
الف مبروك كما اقول لإخوتى فى فريق السلام الذين لولاهم لما وصلت لهذا التكريم لهم
التجلة وفائق الاحترام وإنشاء الله خيرها فى غيرها وما هنت يا سوداننا يوما علينا
والشكر موصول لكل الحضور وخاصة مشجعى الفرق الذين كانوا إضافة حفيفية لهذا الاحتفال
والشكر موصول للكوتش عوض أبو الريش الذى كان يذيع المباراة وتشجيعه لى كان محفزا
كما أشكر العم الكبير الريس عبد المنعم عبد العال والعم المدرب المهندس موسى الجيو
وأشكركم كثيرا بإختياركم لى كأحسن لاعب وهديتكم القيمة لى هذا الكأس الذى هو محفز لى
لكم الود وفائق الاحترام .
إبنكم محمد الهلباوى
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ادم الهلباوى)
|
ابني العزيز المهذب محمد العالم الهلباوي ..
اولا لك الشكر والتقدير على هذه الرسالة العظيمة التي سطرها يراعكم الطاهر والتي تعكس بجلاء
مدى تهذيبكم وحسن تربيتكم فالتحية عبرك لصديقنا المناكف والدكم الهلباوي الكبير ..
لقد تابعت كما تابع غيري المستوى الباهر والامكانيات الهائلة التي تتمتع بها في ترويض كرة القدم كيفما تريد ولقد بهرنا جميعا بالمستوى الرائع الذى ظهرت به في ختام الدورة الرياضية
والذي يؤكد بجلاء تام بانكم في الطريق بعون الله تعالى الى اللعب في اندية المقدمة .
وفقكم الله وسدد خطالكم وحفظكم من كل سوء ..
غايتو يا ابني محمد كان سجلت هدف من الكورة التي ارتطمت بالقائم كان غيرت نتيجة المبارة.
عموما خيرا في غيرا ...
ود الباوقة
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: محمد نجيب عبدا لرحيم)
|
حصول الابن الموهوب محمد هلباوى علي جائزة أحسن لاعب وهذا ليس بمستغرب علي هذا النابغة الذى شاهدته
وهو صغير وتدرب معي مع منتخب ناشئ الرياض وأنا اول من تحدثت عن موهبته وانشاء سيكون احد الحلول
القادمة لعنوان الكرة السودانية الجديد لو وجد العناية والتدريب الحديث
استاذنا النجيب ..
شكرا على المرور .. الدفع بهولاء الموهوبين الى عالم الشهرة هي من المسؤوليات الملقاة على عاتقكم
فاجتهدوا بما استطعتم في سبيل ذلك . وسيكون التوفيق حليفكم بعون الله ..
ود الباوقة
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ود الباوقة)
|
ود الباوقة
إزيّك يا أخي الكريم
يا أخي أنا جاييك شاحد الكريم
صورك البي عمم
في البوستات السابقة
داير أغشش منها
ممكن؟
والله نورت البورد بي توثيقاتك الحلوة
خصوصاً الصور اللّي فيها عمم كتيرة في بوستات سابقة
انا أصلي عندي مرض اسمو العمّة
والله العمل دا جميل الناس اللّي قايمين بيه ناس تمام
أصلو زي ما قالوا ناس شدّاد ما في أمل إلا إنو أولادكم ديل يطلعوا لينا منهم ناس يرفعوا سمعة الكورة الواقعة دي.
وإذا كان دا شغلكم ياناس المؤتمر الوطني فقول لي آدمو دا إنت حقك رايح كفاية ولدك اللي بيتكلم زي
العسل دا مش لابس لي عمة صفراء تقول كان في أول جيش سوداني
هلباوي مبروك والله فرحت لي محمد البطل دا مش زي صاحبك خلّي
  
شكراً ود الباوقة
ولد آدمو
مبروك تاني
وبالله بارك لي محمد كمان
| |
|
|
|
|
|
|
|
|
|
طلاب الرياض (Re: ود الباوقة)
|
شباب قنع لا خير فيهم
وبورك في الشباب الطامحينا
..............
التحية لكل أب سوداني أمسك ابنه بيده وخرج به من ضيق الشقة لسعة الجامع وبرحة الميدان وآفاق المعرفة والعلم ...
بعيدا عن البلى استشن...والفشار...وقوارير الببسي
أيها الآباء...ألم تسمعوها
علموا أولادكم...الرمايه والسباحة وركوب الخيل
كرة القدم
التعامل مع الناس
ثم الفوز كما فعلها محمد الهلباوي
والتهنئة لشقيقى الرائع المامون الحاج بفوز شباب الدرعيه
| |
|
|
|
|
|
|
|
|
|
Re: طلاب الرياض (Re: علي الكرار هاشم)
|
والتهنئة لشقيقى الرائع المامون الحاج بفوز شباب الدرعيه
فاتك يوم مشهود اخي الكرار.. واخونا مامون كان في فرحة لا توصف بفوز فريقه بالكاس ...
عموما قرب تعال ما تبتعد ....
ود الباوقة
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: نهي محسن أبوراس)
|
| Quote: الجدير بالذكر أن جائزة أفضل لاعب في هذه الدورة كانت من نصيب الطالب/ محمد العالم آدم الهلباوي من فريق السلام بمنطقة شمال الرياض .. |
الريس ود الباوقة ..
وضيوفه الكرام أجميعن ..
التحيات الطيبات الصافيات لكم ولهولاء الكوكبة الطيبة من أبنائنا الذين أبدعوا في تلك المباريات الودية الجميلة التي أبرزت العديد من المواهب ..
عن نفسي تمنيت حضور مباراة الكأس لكي أمتع نفسي بفنيات ذلك اللاعب الفذ [ محمد العالم أدم الهلباوي ] الذي تنبأ له الكثيرون من خبراء الكرة في الرياض بمستقبل باهر كما يعتبر إمتداد لللاعب الجميل الرشيد المهدية بأسلوبه المميز وأدائه الرائع .. وهو مفخرة لنا أبناء ولكل البورداب حيث أنه إبن حبيبنا البوردابي أدم الهلباوي .. فهنيئاً لنا كبورداب ذلك الكأس الذي حازه إبننا ..
وألف مبروك هلباوي ..
كونوا بخير،
أخوكم/ الأرباب
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: Khalid Saeed)
|
الاخ العزيز ود الباوقة
لك الود و التقدبر و الاعزاز
أشيد برابطة الطلاب السودانيين و القائمين على امرهاعلى هذا الجهد المقدر و حقيقة كان اليوم فى غاية الروعة و الابداع . للاسف لم اتمكن من حضور المباراة حتى نهايتها و لقد ابلى الفريقان بلاءا حسنا و قدم فريقا السلام و الدرعية عرض كروى رائع جدا انشاء الله يتم بثه عبر قناة الشروق الفضائية فى الايام القادمة من خلال برنامج اوتار الحنين الذى تقدمه الزميلة الاستاذه اكرام محمد عبد الله يوم الاثنين الساعة الثامنة مساء من كل اسبوع و يعاد بثه فجر الاربعاء الواحده صباحا و الخميس الثانية ظهرا.
الاين المتألق (العالم ادم الهلباوى )ابن عضو البورد ادم الهلباوى هو (هذا الشبل من ذاك الاسد ) و اسمحوا ان احى باسمكم جميع البورداب الذين ينتمون لهذا الحوش الجامع حوش ( بكرى ابو بكر )ان اقدم التهنئه الحارة للزميل ادم على فوز ابنه بكأس افضل لاعب فى الدوره و هذا ليس بغريب على الابن العالم فوالده حقق نجاحات و اشراقات متعدده فى عالم الصحافة و له كتابات متميزه فى عدة صحف و مجلات سودابية و عربية و لا ننسى مشاركته الفاعلة فى اصدار صفحة متخصصة مع الرائع اسماعيل وراق بجريدة السودانى و التى ناقشت العديد من القضايا الاجتماعية و السياسية التى تهم المواطن السودانى بالمهاجر المختلفة و عكست نشاطاو حراكا ثقافيا كبيرا للجالية السودانية بالسععودية. و نعد الاستاذ ادم الهلباوى بزيارة كاميرا الشروق للابن العالم بمنزلكم بالرياض ( انشاء الله ).
مرة اخرى نحى الاخ ود الباوقة على هذه اللفته الرائعة و هى التغطية الاعلامية لليوم الختامى لاتحاد الطلاب السودانيين بالرياض ز
دمتم
معاوية التوم
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: معاوية التوم محمد طه)
|
أشيد برابطة الطلاب السودانيين و القائمين على امرهاعلى هذا الجهد المقدر و حقيقة كان اليوم فى غاية الروعة و الابداع . للاسف لم اتمكن من حضور المباراة حتى نهايتها و لقد ابلى الفريقان بلاءا حسنا و قدم فريقا السلام و الدرعية عرض كروى رائع جدا انشاء الله يتم بثه عبر قناة الشروق الفضائية فى الايام القادمة من خلال برنامج اوتار الحنين الذى تقدمه الزميلة الاستاذه اكرام محمد عبد الله يوم الاثنين الساعة الثامنة مساء من كل اسبوع و يعاد بثه فجر الاربعاء الواحده صباحا و الخميس الثانية ظهرا.
اخي معاوية التوم ..
نعم لقد قدم الاخوة القائمين على امر الرابطة بقيادة الاخ الكريم دكتور محمدين ادريس جهدا مقدرا في الاعداد والتنظيم مما جعلها تخرج بثوب زاهيا ناصع البياض ..
التحية لهم فردا فردا ونسال الله لهم التوفيق والسداد في كل ما يودون انجازه ...
الاين المتألق (العالم ادم الهلباوى )ابن عضو البورد ادم الهلباوى هو (هذا الشبل من ذاك الاسد ) و اسمحوا ان احى باسمكم جميع البورداب الذين ينتمون لهذا الحوش الجامع حوش ( بكرى ابو بكر )ان اقدم التهنئه الحارة للزميل ادم على فوز ابنه بكأس افضل لاعب فى الدوره و هذا ليس بغريب على الابن العالم
عطفا على الاداء الرائع الذي قدمه ابننا محمد في حتام دورة الطلاب الثانية فاني اتوقع له مستقبلا باهرا بعون الله في عالم المستديرة .
شكرا اخي معاوية وحضوركم وتسجيلكم للتظاهرة في تلفزيون قناة الشروق اثلج صدورنا جميعا.
ود الباوقة
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: Khalid Saeed)
|
عن نفسي تمنيت حضور مباراة الكأس لكي أمتع نفسي بفنيات ذلك اللاعب الفذ [ محمد العالم أدم الهلباوي ] الذي تنبأ له الكثيرون من خبراء الكرة في الرياض بمستقبل باهر كما يعتبر إمتداد لللاعب الجميل الرشيد المهدية بأسلوبه المميز وأدائه الرائع .. وهو مفخرة لنا أبناء ولكل البورداب حيث أنه إبن حبيبنا البوردابي أدم الهلباوي .. فهنيئاً لنا كبورداب ذلك الكأس الذي حازه إبننا ..
وألف مبروك هلباوي ..
ارباب دار جعل ..
غايتو يا ارباب في كورة دقت في القايم كان ود الهلباوي دا جابا قون كان كلمت ليهو كابتن
محمد الدعيع يسجلوا في الهلال..
ما شاء الله .. تبارك الله .. عيني باردة ..
ود الباوقة
| |
|
|
|
|
|
|
|
|
 Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ود الباوقة)
|
الاخ ود الباوقة
السلام عليكم ورحمة الله
لقد نقلتناعبر عدسات كاميرتك الجميلة من القطب الشمالي (الاسكيمو) الي ديرة عيال عبدالعزيز ( مدينة الرياض) , وايقظت فينا شجون الزكريات الخالدة في الاعماق , حيث قضيت في الرياض اربعة اعوام خضر , لم اشعر فيها يوما بالغربة , لانه اينما التفت كنت اجد من حولي اخوان صدق يقفون مع بعضهم البعض في السراء والضراء , نعم تذكرت تلك الايام لما رايت صورة صديقنا الفاضل واستاذناالجليل والاخ الكبير ابوبكر محمد علي , ذلك الرجل النحلة, تجده دوما سباق في كل منشط , وكرار في كل مكره , لا يلين له عظم , ولا تفتر له همه, وهو من معادن الرجال الذين قلما تجد لهم مثيل في هذا الزمن الصعب, ومعروف لدي اقرانه واصحابه بعدة اسماء _ وكما قيل اذا كثرة اسماء الرجل فان ذلك يدل علي محبته بين الناس _ فعندما كان في عطبرة ممثل للحركة الاسلامية الطلابية كان مشهور هناك بابي بكر ادروب , وعندما كان في بورتسودان الثانوية الحكومية كان لا يعرف الا بابي بكر البطل , واليوم اضفت اليه انت اسم جديد وهو ابوبكر قرورة نسبا الي مسقط راسه .
فله ولك ولجميع اهل الرياض الخضراء التحية والاجلال .
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: hamid abdalah)
|
الله يعطيك العافية يا ود الباوقة على هذا النقل الرائع لمهرجان ختام دوري رابطة الطلاب والله أدخلت البهجة في أنفسنا بتلك الصوّر الجميلة المعبرة وعوضتنى ما فاتني من الحضور والمشاركة في هذا المهرجان والتمتع بكورة حية من الشباب الواعد أمثال إبن أخونا الهلباوي الذي نال تلك الجائزة وبجدارة لأني سبق أن شهدت له عرض رائع وكورة ممتعة من قبل.
ونسأل الله أن يجمع شتاتنا ولو على الرياضة ويزيل الكراهية والبغضاء عن نفوس السودانيين.
تحياتي
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: عبد الفتاح محمد)
|
الأعمام الكرام / خالد سعيد والأستاذ/ معاوية التوم مراسل قناة الشروق وكل المشجعين
اشكرك لكم مشاعركم الطيبه وإشادتكم بى هذا من فضلكم وطيب أصلكم لكم مودتى وجل إحترامى
أقول للعم / معاوية التوم أنا بالمناسبة من المعجبين بالشروق اعرف كل أسماء مقدى وقدمات
البرامج بصراحه الشروق إشراق بحق وحقيقة ويشرفنا جدا حضوركم لمنزلتا المتواضع فيا مرحب
وحنفرش لكم الأرض ورود حنعطركم بالود ونلبسكم وشاح المحبة ونحن فى إنتظاركم ولكم من الشوق
مدين مع تحياتى وفائق الاحترام .
إبنكم / محمد الهلباوى
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ادم الهلباوى)
|
العم عمر ود الباوقة
المحترم
ارجوك تشرفنا فى منزلنا المتواضع بشمال الرياض مع العم معاوية التوم لذلك اللقاء
حضورك عندنا مفخرة لنا وحيكون اضافة حقيقية للشروق بالله عليك لازم تشرفنا بحضورك
حقيقة أنا مبسوط منك وكلامك الجميل ومدحك ده إنشاء الله حافظ لى لبذل المزيد من الجهد
حقيقة أنا للأن مستغرب كيف تلك الكورة ضربت فى القائم عارف يا عم لو صدف تحقق ذلك الهدف
كنت اصدق نفسى إننى سوف أكون لاعب تمام لأننى بذلت فيه كل جهدى وفكرى لكن صدته القائمة
لكن زى ما قلت خيرها فى غيرها أكرر شكرى لك يا عمى العزيز لكن بالله لازم تجينا مع العم
مراسل الشروق معوية التوم والشكر موصول لكل من اشاد بى وكل من قدم لى نصيحة ودربنى
وأخص بذلك العم محمد نجيب عبدالرحيم ولا زلت أذكر كلمته العب الكرة أول بأول وكان جادا
اسال الله لكم جميعا الصحة والعافية مع شكرى الجزيل وفائق الاحترام .
إبنكم / محمد الهلباوى
| |
|
|
|
|
|
|
|
|
|
Re: ختام رائع للدورة الرياضية الثانية لرابطة الطلبة السودانيين بالرياض ( صور ولا اروع ) (Re: ادم الهلباوى)
|
أخى الكريم إبن البركل العالى الهمام / همام .. تحياتى وفائق الاحترام
| Quote: و بالمرة نقول لأخونا .. الغلباوي .. آدم الهلباوي مبروك لابننا (محمد) ، و إنشاء الله يواصل التميز و يحافظ على هذا المستوى رياضياً و أكاديمياً. |
نيابة عن إسرتى وأصالة على نفسى نتشرف بدعوتك لذلك اللقاء الموعود من الأستاذ / معاوية التوم
هذا الرجل الشهم الاجتماعى إبن السودان البار مراسل قناة الشروق المتجددة ومزيدا من الازدهار
وكما قال إبنك محمد الهلباوى أنك سوف تكون إضافة حقيقية وتزيدنا بهجة وسرور فهلا تفضلت أخى
الكريم ( همام ) ويا الف مرحب بك ..........
أخوك آدم الهلباوى أو الغلباوى كما يحلو لك أن تسمينى
حتى لو الغرباوى .. لا مشكلة حياك الله وأبقاك
| |
|
|
|
|
|
|
| |
Deng
A.Razek Althalib
ادم الهلباوى
محمد نجيب عبدا لرحيم
عبدالفتاح أبوشيمة
علي الكرار هاشم
ghariba
نهي محسن أبوراس
Khalid Saeed
معاوية التوم محمد طه
hamid abdalah
عبد الفتاح محمد
هويدا شرف الدين
فيس بوك
تويتر
انستقرام
يوتيوب
بنتيريست