|
Re: ......بورداب الخرطوم .............و الفنان مصطفى السنى يوم السبت 31 مايو (Re: Dr. Moiz Bakhiet)
|
Quote: يبقى أن نقول أن هذا المدخل التعريفي لهو مجرد إشارة لمبدع في ذاكرة الضوء، وأن مصطفي السني فنان حقيقي له صوت جميل ورخيم و ذو أبعاد سداسية، وهو ملحن وعازف وهو نجم الغناء السوداني الأول في غرب اوروبا وخاصة بريطانيا. ورغماً عن غيابه الطويل عن السودان الذي لم يزره منذ عام 1993م إلا أنه نقل كل مرافئ الأبداع في شرايينه من وطن ينام على مدد المحنة لبلاد كانت هي الدوار والعافية وهو قادم للوطن عما قريب فانتظروه لأنه بكل بساطة دفء خاص شهدت له كل أرصفة الوله والترقب والصباح.
|
شكراً بروف معز للإضافات الجميلة
ومصطفى فنان جميل ننتظر منه الكثير
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: essam&amal)
|
بختتتتتتتكم وحات الله بختتكم الماسمع مصطفى السنى وحايلاقيه يوم السبت اول مره حايعرف منو هو هذا السنى المسكون بالابداع حد السقف اتمنى لى الجميع سهرة حلوووة وتحايا خاصة لود امى الحنين مصطفى الشوق نيلين سجل لى السهرة ورسلها لى مع اروى من هسه كلمتك اوع تجينى بدونها على الاقل اشوف ناس نعومة وبورداب الخرتوم الما محظوظة الاقيهم ضمة اذكرك اروى جاية يوم 8/6 ان شاء الله تحياتى للعقاب***
Quote: المرة دي مختلفة لأنو معانا الفنان الجميل مصطفى السني |
نعومة سلامات يا بنية من بطن الاهل مشتااااااااقين يا الحبيبة النبى فيك كان ما قلتى لى مصطفى يغنى ليك طعم الغربة من اجمل الاعمال البينى وبين الزول السمح ده لحنها لحن حنين جدا .. اتحداك يا نعومه لو ما دميعتك جرت جرت دميعات شاعرناالحنين محجوب شريف الله يطراه بالخير يا يمه انا بهديك ليها ولى كل بورداب الخرطوم كلمات واستعدوا للحن الببكى لكم المودة وكل الامنيات بسهرة حلوة زيكم ****طعم الغربة
هديك الليلة شوفو الغربه ماشه شوى... وأنا البتضارا من عينيها ما تشوفني وتنادى على.. أنا البتشابا فوق للغيمه كان الغيمه تشفع لي .. كان الغيمه تختفنى.. وتحلق فوق ديارناالعامرة تسرح بي .. ولماالغربة تمشى تفوت.. أجيكم تانى بين ايديكم.. اللولتنى لما كنت دابى جنى ... ********* لكن انتو ما عارفين . قسم الغربة كيف ببين .... ولماالحاره تصبح جد .. وماهو كلامها شيتاً ني... وكت اللحظة تبقى حقيقة وين بنفوت .. لا بابا بمسك الريح.. ولا قدرا بعرف الشبٌ دابو ندى... 00000 فراقكم انتو يا أهلي.... دريباً قاسى كلو شوك بطعن في القليب الحي..... وبتذكر وداعكم لي .... وكت عتبت باب بيتنا ودموعكم تجرى تصرخ وى..... بحس بجريها في ضلوعى.. وبتعصر في كبيدتى شديـــد وما هو شويـــى.... بحس بالخطوة تبقى تقيله.. أريت التانيه ترجع بي.... واقول لرويحتى وين ماشه.. تسيبي الديره بالفيها . من الجد العجوز واقف .. و لي عند البيحبى حبي.... تقولي خلاص ده ياهو قدر.. ومين بقدر يحبس السيل وكت يهدر يدوس الشتلة ويسرح تى ..... وسقت خطاي000 سقت خطاى ........ وشلت حنانكم الغالي ... وحفظتو معاى بين ايدى.. وكت اشتاق ..افرً ايدى ..... ألاقيك يمه... ألاقى الخالة.... ألاقى العمة بتقول لي .. ودعتك الله ود بطني.. قريب ترجع و تانى تضوي متل الضى... 0000 دياركم انتو يا أهلي..... دياراً زين وبلد الطيبة... كست دروبا حاره.. وحاره.. سكه.. وسكه.. بي رجلي.... بيعرفنى الكبير عايش.. وبعرفني الصغير الشلتو فوق كرعى .... بتعرفنى الرمال الشاربة من موية بحرنا.. البيها اتعطرت لما كنت دابى صبى.. وحتى قصبنا بشهد بى بى روائع نيلنا.. ساقيه الحنان راويه عزً الري.. دى ما بلدي ...وكيف انتو ..إياكم انتو ما بلدي. .وإياكم انتو ما أهلي.... وإياكم انتو غنوه قديمه في شفتي... بشيلكم آهه في الغربة.. وبشوفكم نغمه في الفرحة.. وحنانكم يا هو نور عيني.... 0000 رضيت بالغربة يا أهلي ... رضيت بالغربة شان عزة حروفاَ غالية فوق أحلامي تضارا وتقول لي .... ياني راجياك تانى ترجع لي. ولو عارف السنين بتهون كفاى الفات ... وكان اديتك الباقي … وبراك عارف الحنان العندى متل اللبنة صافى نقى.... صفا السمحين.. دعاء الطيبين.. مشاتل عامره بى فرح الصغير.. العبً من رمل الجروف الجاريه شاقه ودى. 0000 هناك في الغربة يا أهلي ... بشوف الناس غريبة وتايهه في أحزانا طاويه ألحي .... بشوف في عيونا نظرات الودار ..مليون سؤال. في جوفي تكويني وتخلف الكى.... وحتى القمرا .. حتى القمرا ما بتشبه قمر بلدى… البضوى الساحة صافى لبى.... ووين الخضرة .. ؟؟ وين الخضرة وين راحت ... وديــــك المويه فوق للصخره…. تصرخ تبكى وووووب وأحي....
وحاتكم انتو يا أهلي ... ما فى احنً من أهلي .. منو الغيركم بعرف البى..... ويقاسمني الزمن لو جاني تارى على...... لكنى خلاص اتيمنت ... واتيقنت .... ما دام الغربة صبحت نغمه… بسمع صوتا فوق أضنى........... وطعم الغربة في لساني…. واصابعو تدور تأشر لي.... بسلم أمري للأيام.. واجيكم تانى .شان بى شوفتكم أتعطر …. .واكحل بيه ضى عيني.... واكحل بيه ضى عينى..
تحياتى اسماء الجنيد مسقط *** متاوقة طبعا مصطفى ما حيغنيها كلهالانه القصيدة كبيرة
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: soma)
|
Quote: نعومة سلامات يا بنية من بطن الاهل مشتااااااااقين يا الحبيبة النبى فيك كان ما قلتى لى مصطفى يغنى ليك طعم الغربة من اجمل الاعمال البينى وبين الزول السمح ده لحنها لحن حنين جدا .. اتحداك يا نعومه لو ما دميعتك جرت جرت دميعات شاعرناالحنين محجوب شريف الله يطراه بالخير يا يمه انا بهديك ليها ولى كل بورداب الخرطوم كلمات واستعدوا للحن الببكى لكم المودة وكل الامنيات بسهرة حلوة زيكم
|
يا سلااااااام يا سوما
قصيدة حنييييينة شديد
وشكراً للإهداء الجميل
والدميعات يا سوما براهن قريبات مالك علينا
ويا ريت لوكنتي معانا
ربنا يديك العافية
ــــــــــــــــــ كلمت ليك مصطفى بوصيتك الفوق دي
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: بكرى ابوبكر)
|
يا إنعام عبد الحفيظ... كان قلتى الشيرنق بالقديم يعنى 20.000 دينار يكون عايزانا ما نجى بس... واكان قلتى بالجديد ... يانا السافرنا برا السودان
هسع إختارى ومن اللول تانى
Quote: وبينجمع عند أزهري الطريفي - إشراقة حيمورة - انعام عبد الحفيظ - محمد صباحي |
شكلكم يا سودانيز اونلاين مخالفين للدستور الإنتقالى ومتجاهلين الوضع السياسى الراهن ... بس نعمل شنو حنجى لانكم مننا وفينا...
أخ انا منكم.........
____________________________________ اسمعى كلام إسماعيل التاج الفوق داك كويس
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: شول اشوانق دينق)
|
Quote: يا إنعام عبد الحفيظ... كان قلتى الشيرنق بالقديم يعنى 20.000 دينار يكون عايزانا ما نجى بس... واكان قلتى بالجديد ... يانا السافرنا برا السودان
هسع إختارى ومن اللول تانى
|
يا شول انت بس تعال الشيرنق بتاعك ح يندفع
( ح يدفعوا عنك إسماعيل التاج )
Quote: شكلكم يا سودانيز اونلاين مخالفين للدستور الإنتقالى ومتجاهلين الوضع السياسى الراهن ... بس نعمل شنو حنجى لانكم مننا وفينا...
أخ انا منكم......... |
يا شول كل ركن من بلدنا ليهو نفس معزة الركن الآخر
والبلد بلدنا كلنا
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: بكرى ابوبكر)
|
Quote: ****طعم الغربة
هديك الليلة شوفو الغربه ماشه شوى... وأنا البتضارا من عينيها ما تشوفني وتنادى على.. أنا البتشابا فوق للغيمه كان الغيمه تشفع لي .. كان الغيمه تختفنى.. وتحلق فوق ديارناالعامرة تسرح بي .. ولماالغربة تمشى تفوت.. أجيكم تانى بين ايديكم.. اللولتنى لما كنت دابى جنى ... ********* لكن انتو ما عارفين . قسم الغربة كيف ببين .... ولماالحاره تصبح جد .. وماهو كلامها شيتاً ني... وكت اللحظة تبقى حقيقة وين بنفوت .. لا بابا بمسك الريح.. ولا قدرا بعرف الشبٌ دابو ندى... 00000 فراقكم انتو يا أهلي.... دريباً قاسى كلو شوك بطعن في القليب الحي..... وبتذكر وداعكم لي .... وكت عتبت باب بيتنا ودموعكم تجرى تصرخ وى..... بحس بجريها في ضلوعى.. وبتعصر في كبيدتى شديـــد وما هو شويـــى.... بحس بالخطوة تبقى تقيله.. أريت التانيه ترجع بي.... واقول لرويحتى وين ماشه.. تسيبي الديره بالفيها . من الجد العجوز واقف .. و لي عند البيحبى حبي.... تقولي خلاص ده ياهو قدر.. ومين بقدر يحبس السيل وكت يهدر يدوس الشتلة ويسرح تى ..... وسقت خطاي000 سقت خطاى ........ وشلت حنانكم الغالي ... وحفظتو معاى بين ايدى.. وكت اشتاق ..افرً ايدى ..... ألاقيك يمه... ألاقى الخالة.... ألاقى العمة بتقول لي .. ودعتك الله ود بطني.. قريب ترجع و تانى تضوي متل الضى... 0000 دياركم انتو يا أهلي..... دياراً زين وبلد الطيبة... كست دروبا حاره.. وحاره.. سكه.. وسكه.. بي رجلي.... بيعرفنى الكبير عايش.. وبعرفني الصغير الشلتو فوق كرعى .... بتعرفنى الرمال الشاربة من موية بحرنا.. البيها اتعطرت لما كنت دابى صبى.. وحتى قصبنا بشهد بى بى روائع نيلنا.. ساقيه الحنان راويه عزً الري.. دى ما بلدي ...وكيف انتو ..إياكم انتو ما بلدي. .وإياكم انتو ما أهلي.... وإياكم انتو غنوه قديمه في شفتي... بشيلكم آهه في الغربة.. وبشوفكم نغمه في الفرحة.. وحنانكم يا هو نور عيني.... 0000 رضيت بالغربة يا أهلي ... رضيت بالغربة شان عزة حروفاَ غالية فوق أحلامي تضارا وتقول لي .... ياني راجياك تانى ترجع لي. ولو عارف السنين بتهون كفاى الفات ... وكان اديتك الباقي … وبراك عارف الحنان العندى متل اللبنة صافى نقى.... صفا السمحين.. دعاء الطيبين.. مشاتل عامره بى فرح الصغير.. العبً من رمل الجروف الجاريه شاقه ودى. 0000 هناك في الغربة يا أهلي ... بشوف الناس غريبة وتايهه في أحزانا طاويه ألحي .... بشوف في عيونا نظرات الودار ..مليون سؤال. في جوفي تكويني وتخلف الكى.... وحتى القمرا .. حتى القمرا ما بتشبه قمر بلدى… البضوى الساحة صافى لبى.... ووين الخضرة .. ؟؟ وين الخضرة وين راحت ... وديــــك المويه فوق للصخره…. تصرخ تبكى وووووب وأحي....
وحاتكم انتو يا أهلي ... ما فى احنً من أهلي .. منو الغيركم بعرف البى..... ويقاسمني الزمن لو جاني تارى على...... لكنى خلاص اتيمنت ... واتيقنت .... ما دام الغربة صبحت نغمه… بسمع صوتا فوق أضنى........... وطعم الغربة في لساني…. واصابعو تدور تأشر لي.... بسلم أمري للأيام.. واجيكم تانى .شان بى شوفتكم أتعطر …. .واكحل بيه ضى عيني.... واكحل بيه ضى عينى.. |
يا بت الجنيد... ده كلام بصراحة بيستاهل يتسمع. كده شوقتونا نسمع الزول ده
كونوا بخير والله معاكم فى غربتكم.
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: محمد غلامابي)
|
شول سلامااااااات
Quote: يا بت الجنيد... ده كلام بصراحة بيستاهل يتسمع. كده شوقتونا نسمع الزول ده
كونوا بخير والله معاكم فى غربتكم |
وحات خوتك انت حنين جنس محنة الله يمتعكم بالسهرة ان شاء الله بس اوع تكب الجرسة والدميعات يتشتتن ويغلبا اللقاط والعجب لو غنى ليكم دمعى الاتشتت وغلب اللقاط يا ريتنى لو كنت معاكم.. نفسى الاقيكم كلكم والله.. لكن عزانا انه الجايات اكتر ان شاء الله تحياتى عبرك للجميع وسلام شديد لى مصطفى السنى شكرا يا شول شكرا أردب محنة
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: بكرى ابوبكر)
|
Quote: وحات خوتك انت حنين جنس محنة الله يمتعكم بالسهرة ان شاء الله بس اوع تكب الجرسة والدميعات يتشتتن ويغلبا اللقاط والعجب لو غنى ليكم دمعى الاتشتت وغلب اللقاط يا ريتنى لو كنت معاكم.. نفسى الاقيكم كلكم والله.. لكن عزانا انه الجايات اكتر ان شاء الله تحياتى عبرك للجميع وسلام شديد لى مصطفى السنى شكرا يا شول شكرا أردب محنة |
بت الجنيد... إنشالله نشوفك يوم من الأيام... إنشالله يا رب. بس يوم 31 نستمتع برانا بالسهرة
كل الشكر يا أسماء
شوالات محبة
_____________________ قلنا نكون أحسن "أردب بس"
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: بكرى ابوبكر)
|
كتب أحمد موسى
Quote: إسماعيل التاج أخوي ..........إنت ما طولت في البلد ؟؟؟؟؟؟؟؟؟؟ ........ |
كتب غلامابي
Quote: أريتو يسمع الكلام دا المتر أحمد موسي.. ويخلصنا برا قبل الدخول |
كتب دوت ماجاك
Quote: لو برضو الزول بدفع واحد بس يكون مية المية عشان اجيب معاى الحنانات بتاعى كلهن |
كتب ناذر خليفة
Quote: جايين إنشاء الله بي بتاعاتنا !! |
كتب شوا أشوانق دينق
Quote: شكلكم يا سودانيز اونلاين مخالفين للدستور الإنتقالى |
الآتية أسمائهم تـمَّ إعـفـائهم (للصالح العام ) من الشيرنق: 1. محمد غلامابي (صحيفة ال سوداني-يز أونلاين ). 2. أحمد موسى (السلطة القضائية – الواقفة ). 3. إنعام حيمورة (لأنها أكيد تكون اتنشلت في شارع شريف أو العتبة ). 4. إسماعيل التاج ( لأنو باين عليهو طوَّل في البلد وضرب التفليسة). 5. دوت ماجاك (عشان يجيب أكبر قدر من الحنانات ). 6. ناذر خليفة (عشان يكـتـِّـر من البتـاعات اللذيذة ). 7. شول أشوانق دينق (لحرصه على التراضي الوطني ) 8. أسماء الجنيد – سوما (عشان دمعها الاتشتت وغلب اللَّـقاط). دا إسمو الشيرنق العابر لمساحات الحزن ولو من مسقط.
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: إسماعيل التاج)
|
Quote: الآتية أسمائهم تـمَّ إعـفـائهم (للصالح العام ) من الشيرنق: 1. محمد غلامابي (صحيفة ال سوداني-يز أونلاين ). 2. أحمد موسى (السلطة القضائية – الواقفة ). 3. إنعام حيمورة (لأنها أكيد تكون اتنشلت في شارع شريف أو العتبة ). 4. إسماعيل التاج ( لأنو باين عليهو طوَّل في البلد وضرب التفليسة). 5. دوت ماجاك (عشان يجيب أكبر قدر من الحنانات ). 6. ناذر خليفة (عشان يكـتـِّـر من البتـاعات اللذيذة ). 7. شول أشوانق دينق (لحرصه على التراضي الوطني ) 8. أسماء الجنيد – سوما (عشان دمعها الاتشتت وغلب اللَّـقاط). دا إسمو الشيرنق العابر لمساحات الحزن ولو من مسقط. |
إسماعيل التاج إنت مرفود
وعليك دية ( ح تدفع الشيرنق بتاع الناس الكتبتها فوق دي كلها)
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: بكرى ابوبكر)
|
كتب مولانا الصح صح ماكضب:
Quote: الآتية أسمائهم تـمَّ إعـفـائهم (للصالح العام ) من الشيرنق: 1. محمد غلامابي (صحيفة ال سوداني-يز أونلاين ). 2. أحمد موسى (السلطة القضائية – الواقفة ). 3. إنعام حيمورة (لأنها أكيد تكون اتنشلت في شارع شريف أو العتبة ). 4. إسماعيل التاج ( لأنو باين عليهو طوَّل في البلد وضرب التفليسة). 5. دوت ماجاك (عشان يجيب أكبر قدر من الحنانات ). 6. ناذر خليفة (عشان يكـتـِّـر من البتـاعات اللذيذة ). 7. شول أشوانق دينق (لحرصه على التراضي الوطني ) 8. أسماء الجنيد – سوما (عشان دمعها الاتشتت وغلب اللَّـقاط). دا إسمو الشيرنق العابر لمساحات الحزن ولو من مسقط. |
وكتبت إنعام حفيظ
Quote: إسماعيل التاج إنت مرفود
|
هو مولانا مرفود من دلوكت؟؟
يا إنعام هدي اللعب...
سنقودها حملة ضد الدفع " ونرضي بلقيمات وشاي حليوة"
وسيكون شعار الحملة " لن يهنأ الاغنياء من بورداب الخرطوم بمصطفي السني حتي يهنأ به فقرائهم"
هو قال ليك الموضوع دا صعب...
..........
وين إبراهيم بقال؟؟
سؤال عفوي..
غلامابي
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: محمد غلامابي)
|
Quote: يا إنعام هدي اللعب...
سنقودها حملة ضد الدفع " ونرضي بلقيمات وشاي حليوة"
وسيكون شعار الحملة " لن يهنأ الاغنياء من بورداب الخرطوم بمصطفي السني حتي يهنأ به فقرائهم"
هو قال ليك الموضوع دا صعب...
..........
|
غلامابي!!! غايتو جنس غايتو عليك
هسه مالك علينا كنا كويسين قلبتها لينا هامش ومركز وأغنياء وفقراء
ياخي عليك الله نحنا ماشين نشتري دماغنا من الهم دا مالك علينا جايبو تاني
ـــــــــــــــــــــ
أطلع من البوست دا سريع ما تجيب لينا الكتاحة هنا
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: محمد غلامابي)
|
Quote: مش برضو الشعار هنا " وطن من لاوطن له"؟ |
يا غلامابي، يا أخي انت على الأقل نجوت من الرفتية. يعني اعتبر الشيرنق بتاعك دمغة جريح أو رسوم عبور للحوش.
Quote: وبعدين شنو يامولانا وين حقوق الإنسان في العيش الحر الكريم في بورداتنا |
يا غلامابي يعني حتناضل عشان يرجعوني؟
غايتو أنا ما برجع بدون تعويض عادل ومجزي، وتختوتني كتف لي كتف مع بكري في ملكيةالموقع عشان أول حاجة أعملها لتطوير الموقع: أفصل انعام .
| |
|
|
|
|
|
|
Re: ......بورداب الخرطوم .............و الفنان مصطفى السنى يوم السبت 31 مايو (Re: Ishraga Mustafa)
|
مقترح (أ) ممــــــــــــــــــــــــــــــــــــكن نجيب معانا (شوية هامش فى كيس) لزوم المناسبة وكدة يعني............................. مقترح (ب) ولا كان فى ناس جيابين (هامش) كبير ماعندى مانع نشاركو سوى.......... ونعمل (تراضى هامش وطني) مع بعض
مقترح (ج) والخائن الا يمشي يجب زيادة (هامشو) براه وما بنديهو من (الهامش) بتاعنا......... إتفقنا............ (د) إقترحتك لون أساسي مداخلة.... والتي اقترحتها سافرت خارج البلد لظروف اسرية.. مش عندى( حق) اجيب معاى (حبة هامش) ............ دعـــــــــــــــــــــــــــــــــوة للحضور
| |
|
|
|
|
|
|
|