|
أفت ليكم ود الصايم .... (تداعيات حمودي أو في سيرة الفضيحة)
|
ياخي ما قادر اصدق في الاول ضحكت لكن بعد شوية خجلت خجلت ليك و خجلت لي و خجلت لي بكري زاتو نمت خجلان ليك صحيت خجلان ليك مشيت الشغل خجلان ليك جيت راجع لسة خجلان ليك مالك يعني ؟ من قلة النيك نيمس؟ ولا كانت رايحة ليك حنكشة شهادة عربية ساي ولا شفت الجكس المشتت باهمال دا حبيت تقشر و تشرك و كدا لا حول لا قوة الليلة وقعت وما حد سمى عليك بخلس فيك القديم و باخد سلفية للجديد اها ودا ارشيف لا بتعدل لا بتحذف يعني كبشرة زاتو ما محتاجين
|
|
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد عبد الماجد الصايم)
|
Quote: اللقب: 7mooodi al3sal : ..
عدد البوستات: 76 تاريخ التسجيل: 26-04-2002 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: التلفون: الجامعة/المعهد: الحالة الاجتماعية: Married العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
|
الحالة الاجتماعية: Married
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد البشرى الخضر)
|
والله حمادة براها عوجة... و حمودي عوجتين... لكن حمودي العسل دي بالغت فيها يا ود الصايم. إنت عارف أنا مسمي روحي العوض باسم جدي و كان معانا هنا راجل كلس اسمه شنتير ربنا يرجعه لينا بالسلامة و زول ضكران... مرة رسل لي رسالة في المسنجر و رديت ليهو و وقعتها باسمي الأول... صدق أحبط كان عاجبه اسم العوض و جا لقى اسمي اسم فيهو شوية حنكشة. هسع والله لو لما فيك شنتير إلا يفلقك.
Quote: والله يحلك الحلاني ... |
معتم ياخي تحياتي. و إنت ياخوي منو القاليك اتحليت بالسلامة؟ والله خايف بس الجماعة يكونوا مشغولين ولا نسوك و هسع انت ذكرتهم... بطريقتك.
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد البشرى الخضر)
|
Quote: الليلة وقعت وما حد سمى عليك بخلس فيك القديم و باخد سلفية للجديد
|
أوب أوب أ وب
أوووووووووبا
الجماعة وقعوا في بعض
لكن يا حتّوت يا عسل
والله كنت جاييك في البوست داك
أقوليك الوقعت في بوستيك سامحتك
لكن والله ما تقول لي
دي غايتو سبقك فيها زول مافي
وعندي خبيراً سمح
أنا عندي اسم كان جمعت تبرعات من الإسفيريين ديل كلهم ما حتدفع ثمن السبق الصحفي دا
لكن ماني قايلك
علاّ كان ود أختي
تاني غلط عليك بعد البشتنة دي
بخفض ليك السعر
حمودي العسل شنو جنب داك
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: osman righeem)
|
يا معاوية يا حنين انا اسمي مكتوب هههههههه زي ما ود الصايم زمان كان حمودي انا معتز لكن زمان ما كنت معتز لوووووووول ثم ثانيا ود الصايم ده منو زاتو ؟؟؟ لزوم المخارجة وكدا
ياخي الود زمان كان جديد وشديد قلنا نعمل ليهو "دعايه" وكدا لحدي ما بقى هسي "قودوين" عديل في المنبر هسي اسمو على كل لسان ما نقوم نسحرو كمان
اها اقعدوا عافية
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: ممدوح أبارو)
|
كاااااااااااااااك
للصباح
ياخي يوم جدعها في بوست الشمارات , استغربت , رجعت اسابيع الجن الزمان ديك !!! لقيت نفس المداخلة باسم حمودي العسل. نططت عيوني !!؟؟؟؟ نططت شنو ياخ ديل جحظن عديل لمن قالن بققققـق رجعت تاني استغفرت الله قلت امكن في غلط خليني اراجع تاني رجعت تاني واريتني ما رجعت لقيتو هو نفسه حمودي العسل ما خجلت ليهو زيك انصدمت ... زهللت , ضحكت لمن عيوني رقرقن قشقشت دميعات ضحكتي وقلت حرم ما بتجي مني سكت ساي ,, غالبني السكوت .. ما مصدوم اتمنيت يكون معاي زول في المكتب من اعضاء سودانيز اون لاين ,, اتمنيتك انت بالذات يا ابو حتحوت عشان افتو معاك قلت كان فتيتو في البورد ... بتكون حامضة حامضة شديد ما بتتبلع ولا بليمونة احمض منها فكرت وقدرت وقلت القا للزول مخرج ... قلت لي نفسي وانت يا اساسي ما زمان مسمي رقبتك رومانسي وعندك قريب الفين مداخلة ... النصيحة لقيتها ما بتشبهها ,,, انا لمن غلبني اسم رومانسي دقيت صيوان بتاع سماية في البورد دا قدام الناس كولهوم وقلت ليهم ,,, رومانسي ما بشبهني ودي كانت لحظة تهور مني اصلي ايامها دخلت البورد كايس الجكيس لكن حمودي العسل دي ما بيكتبها زول داير الجكيس ,,, اللهم الا كان جكيس ما بتقال,,, زمان يا حمودي العسل البورد كان فيهو ناس صعبين خلاس .. سوالي ليك سلمت منهم كيف. الا تكون رسلت ليهم صورتك بعد ملاحقاتهم حتي قنعوا المشكلة يكون في جماعة ما مصدقين وما قنعانين لاسع اقولك يا ود من الليلة ما بتتابعني في بوست ... يود يا عسل كدا!!!
كدا يا ابردا!!؟
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: اساسي)
|
دي كانت فكرة بوست لو كنت نزلتو لكن اثرت السترة .
عطاء لتوريد ِردا في سابقة غير معقولة وما بتتصدق زاتو , تم التعرف علي شخصية عضو المنبر الاستاذ المخضرم :محمد عبد الماجد الصايم والذي كان يكتب سابقا باسم ( حمودي العسل ) كاااااااااك لذا قررت لجنة شفوت البرود بعمل عطاء لتوريد ردا يليق بأسم زميلنا في الاسافير محمد عبد الماجد الصايم بين قوسين حمودي العسل . الموصفات : حسب الصورة
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد عبد الماجد الصايم)
|
حموووووووووووووووووووووودي ... غايتو كان ديQuote: اسمي حمودي .. مالو يعني قدي قول لينا كانو بقولو ليك شنو زمان ما ياها حمودي زاتا .. ولا يمكن حمادة .. ميدو .. المهم أي حاجة أمك كانت بتقولا ليك وكمان معاها تمبلوشي حبيب قلبي يا نونو |
ياها نصيحة اخوية* يا عسل انساك من
*"اخوية" دي كانت قبل التعديل "من زول بريدك" لكن لاوزت الأيام دي البورد بقى ما بتحمل بعدين قصة العسل دي بتجيب هوا زي ما عارف يعني و كدا
(يا خوانا وين كيكي , نادوا لي كيكي)
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد عبد الماجد الصايم)
|
Quote: أوووووووووووووووووو دينا
أمرقي منها |
احيييييييييييييييييييييا الرز *
امرق؟؟؟
يا دوووووووب من دخلت انا, وذاليني بدينا فيصل وطقطقة وكليكات وغايتوهات,, هسي مالا دينا فيصل؟؟ نيك نيم ملحلح ومالي مركزو يا حمودي
قلت لي كيف؟ ومعاها عسل كمان؟؟ علي وزن ماااااااا بالسمنة وكدا
*هسي كلو كوم ياااخ وتغيير مصطلحاتنا بناء على الهوني قيت دي كوم تاني.. يعني مثلا الوش اللخدر البدور دا زمان كان ليو شنة ورنة كدا لما الواحد يختو بين قوسين (وشك يا اب شنب), اها هسي في الوضع الراهن دا كيف ليك (وشك يا عسل) دي؟
_______________ غايتو انا بحكم العشرة البينا والزمالة البوردية بقترح عليك انك تختفي لفترة كدا, تحاول تشوف ليك ايرون ماسك زي لويس ذا فورتينث كدا, وبالعدم ممكن نشوف ليك الانفيزيبل شيز بتاعة جيري الكان بزغطا لمن توم ازنقو في الكورنر
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: عادل سهل)
|
الليلة اول مرة اعرف منى عبارة " الضحك شرطك" كنت ح اموت من الضحك عديل كدة
سهل يا عمك...
حمودي العسل اهندا ليه
الخاتيهو حمووووووووووودي في بروفايلو دا واحد تاني انا ماعارف فهمو شنو من جيبتو ليو
المهمQuote: يعنى من الصورة دى وترجع " ريوس " أربعة خمسة سنوات ( تأثير مياه الخليج ) بيطلع إنه
حمادة العسل كان إسم على مسمى |
اللهم حوالينا ولا علينا
(نادوا لي كيكيدا نادوا لي كان نايم صحو لي كيكي دا )
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد البشرى الخضر)
|
السلام عليكم نكات على الماشي لزوم تغيير الموضوع خدمة لحمودي العسل في محنته ................. حناكيش طالعين مظاهرة شايلن يافطات كاتبين فوقا : اسرائيل بالجد بالجد بلاش هظار بايخ.. ............ . واحد حنكوش دخل مطعم قراصة صاحبو رباطابى .. قالو ياعمو عليك الله ادينى سندويتش قاليهو ياولدي عندنا قراصة كان دايرها سندويتش جيب ابرة وخيط ............................. وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد عبد الماجد الصايم)
|
يا ود البشـرى بس الزول مفروض يشوف ليهو طريقة حلف معاك عديل يا زول و الله انتا بقيت معلم كبير فى التقصى و التحقيقات و المتابعات
ياخ دا آلذا بوست عديل كده و حتما سيبقى طويلا.
لكن تعليق رشاء حاتم فظيع و ينم عن خبرة مقـــدره فى القعاد تحت العمود بتاع الكهرباء و جمب اللستك.
Quote: قلت لي كيف؟ ومعاها عسل كمان؟؟ علي وزن ماااااااا بالسمنة وكدا |
يا كيمو الزول دا لاقنى فى زريبة المواشى فى المُويلح على طرف سوق ليبيا هناك.
حماده بابوا جمب بابنا ... حمادة خلقوا لى عذابنا!
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: محمد البشرى الخضر)
|
ود الصايم وود البشرى Quote: تحليلى طلع صاح وإنت بهت الراجل ساكت
يعنى من الصورة دى وترجع " ريوس " أربعة خمسة سنوات ( تأثير مياه الخليج ) بيطلع إنه
حمادة العسل كان إسم على مسمى |
يأخى لا تحترموا تاريخى السياسي ولا النضالى ولا تحليلاتى العجيبة دى
وعلى التونسية كمان
يازول أنا الموضوع دا تانى عودى فيه عود تراجى فى الإنقاذ . . .
ويا حمادة مع الســـلامة
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: عادل سهل)
|
Quote: وعلى التونسية كمان
|
معليش اللي جاتك إلين تونس سامحتك؛ أمسحا لي في وشي؛ اصلو الوليدات؛ الزمن دا مرقوا من يدينا ولا
بي تحليلات ولا غيرا؛ معليش.
نشرة الأخبار
هذا وبعد ظهور الصور المغرضة التي دقّست العرب
وبعد إجراء التحرّيات اللازمة؛ اتضح لمصدر مطّلع أن قضية الحمّودية المعسلة؛ اختلط فيها الأمر؛ على كل البشر؛ إذ أن هنالك حمّودي عسل أس اتنين.
إذ أن الإثنين يسميان محمّد؛ كما أن لونهما أخضر مائل إلى الزرقة؛ رغم ابيضاض أطفالهما الأربعة ما شاء الله؛ وبما أنّ الولدين والبنتين؛ اللذان يملكانهما من حطام الدنيا تم تزويجما الأربعة بقرار إداري من بعض اعضاء البورد. كما أن كليهما يتزيّان بنفس النوع من النظارات؛ وكلاهما سمينان؛ ومجضّمان؛ ومكرّشان؛ الفارق الوحيد أن أحدهما لا يعرف كيف يلبس العمامة؛ وقد غشش بارتداء عمامة الآخر؛ إلى أن اختلط الأمر على سائر العرب. وهما يشتمان بعضهما بالعروبية المغرضة؛ هذا إضافة إلى التوافق بين شن وطبقة وصل إلى درجة توارد الخواطر؛ وإلى درجة معجزة؛ فبمجرد أن يفكّر أحدهما في شيء ينطق به الآخر؛ ومن دون وجود أي تخاطر سلكي أو لاسلكي؛(لخبتّونا ياخي هو منو الحمودي ومنو العسل). عليه فقد صرّح المصدر المسؤول تلافياً للصدمة التي حدثت لأحدهما نتيجة الضرب تحت الأحزمة؛ وأكل الفتّة البشرية؛ فقد تقرّر إرسال جسر جوي من الأطباء؛ وكافة مستلزمات لعمل غسيل للمعدة؛ التي أصيبت بفعل أكل فتة البشر، والصدمة النفسيّة لإنكشاف قضايا الصور المختلطة. الفتة أم توم أريتا تدوم يا ناس الفتة المندمجين كوم في كوم جارين طوالي من كوم لي كوم مارقين مخصوص للفتة أم توم جغمات بالليل؛ وانصاص الليل عند اللزوم بتفتّوا كلام زي عوض دكّام سايطين سايطين في الكذب حرام كل شي عرفناه؛ الكذب علام؟ جونا السراي؛ تعظيم سلام لكن انتو السهرانين في الفارغة ملام شمار في مرقة دا موت زؤام لحم الميتين ماكلينّه دوام
ود البشرى الله يكتب سلامتك
وتقوم لينا زي الحصان إن شاءالله
وأسال الله العظيم رب العرش الكريم ان يشفيك
هوي ياحمودي ياتش؛ رفقاً
وبطل ضرب الأحزمة دا
الله يقوموا لينا بالسلامة
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: نادية عثمان)
|
الأعزاء ود البشرى سيد المكان وقائد الحمله ود الصايم المفترى عليه وأسير الحنكشه المزعومه
حالتكم حاله يا شباب ،،، اللهم آلف بين الأوس والخزرج ،،، اللهم احمنا من حرب داحس والغبراء فى نسختها المعدله ،،، اللهم ابعد الحنكشه عن حمودى العسل ،،، اللهم اجعل قلب أبو حتوت حنينا على نقّاط العسل ،،،
______ دعوة للتصافي ___________
يا أخوانا ما فى هدنه ،،، أخوكم مارى عليكم بكره إنشاء الله ،،، خلّوا المرور ده يفوت على خير ،،، ويكون فى ظروف مثالية خالية من الإشتباكات ،،، ما تضيعوّا علينا متعة شوفتكم ،،،
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: غباشي)
|
هوي يا غباشي ما تلخبت لينا سايكيف ابشنب و عسل في نفس الوقت حمودي العسل .... ممكن اب ردا العسل .... معقولة اب شنب الطوكر .... ماتش
بعدين اب شنب دي زاتها دايرين نراجعها بقت ما بتناسب المرحلة إلا ود الجمال - صاحب الإمتياز - مشغول حبتين الأيام دي عامل فيها مهم راجنو يفضى عشان نشوف آخر الموضوع دا
| |
|
|
|
|
|
|
Re: أفت ليكم ود الصايم .... (تداعيات حمودي أو في سيرة الفضيحة) (Re: فيصل نوبي)
|
يا أخوانا روقو المنقة.. ود الصايم طيرتوا عيشتو..
زمن طويل ما دخلت المنبر... وشايف الناس طالعة ونازلة ود الصايم ود الصايم... وغايتو جنس غايتو.. يعني ياودعبدالماجد مالقيت ليك اسم الا تتشربك معاي .. انا اسمي محمد—الصايم -- محمد ... في المنبر استخدم اكتب اسمي بالانجليزية لأنني عندما التحقت لم يتيسر لي الحصول على مفتاح حروف عربي.. أغلب مداخلاتي – على قلتها – يخاطبني بعضهم بودالصايم..
انا ماعارف كمان حمودي العسل دة طلع منو ولا من وين...
شايف لي اسمين تلاتة معرفة قديمة وشكلهم راكبين غلط.. خذ عندك مثلا نادية عثمان وفيصل نوبي.. تجوبكنا في دوابيت اسفيرية مع ناذر.. هل يمكن أن أتخيل واهما أنهما جاءا معا لسابق معرفة بالاسم ولزوم الشمار أم لمعرفة مستحدثة مع ودالصايم الارابيك فيرزن؟ يمكنني أن أحسن الظن بنادية الهادية.. أما فيصل نوبي والذي هجوته اسفيريا في السابق بسبب شعره المجوبك فشايفه مبسوط ويملأ المنبر بصور معتقة.. ما أظني أفترض فيه براءة نادية.. يافيصل ابحث عن غيرها.. أراك تصطاد في ماء عكر
أما صديقي ونديدي وجاري الكرسي بالكرسي في زمن بحري الجميل الباشمهندس العوض حنكوش الواحة كوبر ياخي مشتاقين بقدر صقيع البرتا وماجاورها حتى الاسكا
بلا غايتو بلا جنس غايتو جابت ليها فضايح وحمودي وعسل ونهايتو؟ يعني الواحد يطلب من بكري يمنع عناوين الأسماء المدبلة؟ ولا
| |
|
|
|
|
|
|
|