صورة من منتدى الهلال لعمر بخيت وهو يوقع عقده الجديد مع الهلال
في خطوة مهمة نحو تأكيد استقرار الفريق الهلالي قبل انطلاق دور المجموعتين لدوري الأبطال الإفريقي؛ قام الهلال اليوم بتجديد التعاقد مع لاعبيه ريتشارد جاستن وعمر بخيت وحمودة بشير ومهند الطاهر، قافلا الباب أمام الأخبار التي تحدثت عن احتمال انتقال بعضهم للمريخ.
الرباعي من العناصر الرئيسية التي يعتمد عليها البرازيلي ريكاردو المدير الفني للهلال، ويعتبر تجديد التعاقد معهم تدعيما للاستقرار والتجانس الذي ينعم به الفريق الأزرق، إذ أن ريتشارد يلعب للهلال منذ عام 2000 منتقلا من فريق الخرطوم، أما عمر بخيت فقد قدم للهلال من فريق الجريف في ديسمبر 2002، فيما يلعب حمودة ومهند للهلال منذ ديسمبر 2004، بعد أن أكمل حمودة فترة قيده في المريخ وجاء مهند من الميرغني كسلا.
- كان مزمل قلما وكاتبا كثيرا ما اعجبنا بكتاباته نحن الهلالاب ( ايام المشاهد )
ولكنه صدقنى فى سبيل الربح ومبيعات الصدى اخذ يفبرك المواضيع ويكذب ويكذب حتى كتب عند الجمهور كذابا ... لانصدق مايكتبه مزمل الان منذ ولدنا المعز محجوب وانت ماشى .. مزمل صحفى غير شريف يلعب بعواطف الجمهور لتعظيم ارباح جريدته فقط ... اما ما تسببه تلك الاخبار للجمهور من قلق وهم فهذا لايهمه كثيرا ..
- مزمل يخدم الهلال كثيرا بكتاباته .. فى مبارياته ضد المريخ يخلق مزمل روح التحدى لدى لعيبة الهلال لذا نجد انه فى السنوات الاخيره تفوق الهلال تفوق لايوصف على المريخ حتى نال المريخ لقب الوصيف الدائم .. وهذا كله بفضل كتابات مزمل والكورال ..
- مزمل ينبه ادارة الهلال التى لاتغفل عن لعيبتها ... ولكنه يزيد التنبيه لديهم وبالتالى يفشل خطط المريخ ان وجدت لخطف لاعب وهذا ماحدث للمعز محجوب ... بالله عليك لو اشتغل مزمل بتاعك ده بولدنا علاء الدين يوسف وولدنا حموده قبل مايجو الهلال بنفس النسق كان جو الهلال ؟؟ مش كان نبه ادارة المريخ ؟؟ مش كان خفف عليكم الحسرة الانتو فيها دى كلما اولادنا يتألقوا ؟؟
- اما ان يحكم الهلال مزمل فهذه نكتة الموسم .. ومعلوم للجميع ان مزمل يحكم المريخ بدليل انه سجل له اكثر من 5 لاعبين محترفين من الامارات وكانوا جميعا فى قمة الفشل . مزمل يسيطر حتى على الاعلام المريخى الذى لا احترم فيه الا المميز ابوعاقله اماسا ..فقط اقرا عمود مزمل ومن ثم اقرا اعمدة البقيه ... كورال ليس الا
- فى اعتقادى ان مزمل صحفى يفتقد شرف المهنه لفبركته للاكاذيب .. ولايهمه سوى الربح ولاشئ غير الربح حتى وان اتى على حساب اعصاب الجمهور ( فمعظم الجمهور مسكين وذو عقليه بسيطه يصدق يوميا مايقال فى جميع الصحف ) ...
06-17-2008, 06:59 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
المليارات حارقاكم .. موش وبرضو تقول مزمل شغلو ما نضيف
المليارات المدفوعه دى زايد الديون المستحقه على الهلال زايد مصاريف السفر والترحال للهلال فى المجموعات زايد المبالغ المفروض تدفع لتجديد التعاقد مع المحترفين والذين تنتهى عقوداتهم فى ديسمبر زايد رواتب باقى اللاعبين وحوافزهم زايد رواتب الجهاز الفنى والمحترفين
انشاء الله لحدى ديسمبر ح ندق جرس الدلاله فى الهلال كله سيبك من الجداد والقفص قرقرقرقرقرقرققرقر
وبرضو تقول لى مزمل شغلو ما نضيف ؟
الجداد المحلى وسجلتوهو اها البط والوزين الاجنبى بتعملوا معاهو شنو ؟ خاصه وانو موسم الصيد على الابواب
انا غايتو بهدى اغنية جنى الوزين وطار نوم العين بتاعة النعام ادم لكل الرشاشات و .. و .. و قرقرقرقرقرقرقرقر
06-17-2008, 09:57 AM
ابو عثمان
ابو عثمان
تاريخ التسجيل: 12-15-2002
مجموع المشاركات: 1389
Quote: المليارات حارقاكم .. موش وبرضو تقول مزمل شغلو ما نضيف
المليارات المدفوعه دى زايد الديون المستحقه على الهلال زايد مصاريف السفر والترحال للهلال فى المجموعات زايد المبالغ المفروض تدفع لتجديد التعاقد مع المحترفين والذين تنتهى عقوداتهم فى ديسمبر زايد رواتب باقى اللاعبين وحوافزهم زايد رواتب الجهاز الفنى والمحترفين
ده كله راجينا يا ود الريح الرماد كال حماد مافى غير طريقة واحدة نتحل بيها مافيش حد احسن من حد صلاح ادريس يبقى مؤتمر وطنى يدونا حق البترول ده نصرف بيه وبعد شوية يعملوا لينا قناة يمسكوها لصلاح ادريس والميارات ما تديك الدرب نشترى اللاعبين بالملايين ونبنى النادى تمام التمام المسكنه دى لمتين الجماعة ديل ما كانوا موظفين عند صلاح ادريس شفت الشطارة بعيش المؤتمر الوطنى لكن خلى القروش تبدل الوصافة الجاياهم للمرة السادسة وصفاء حتى النخاع ستة سنين صحيح البختشوا ماتوا فتكم بعافية اصحاب التميز الصفوة الهلالالالالالالالالالالالالالالالالالالالالالالالالالالالالالالالالالالالالالالالالالاب ام وضاح
06-17-2008, 09:59 AM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
Quote: في خطوة مهمة نحو تأكيد استقرار الفريق الهلالي قبل انطلاق دور المجموعتين لدوري الأبطال الإفريقي؛ قام الهلال اليوم بتجديد التعاقد مع لاعبيه ريتشارد جاستن وعمر بخيت وحمودة بشير ومهند الطاهر،
Quote: مافى غير طريقة واحدة نتحل بيها مافيش حد احسن من حد صلاح ادريس يبقى مؤتمر وطنى يدونا حق البترول ده نصرف بيه وبعد شوية يعملوا لينا قناة يمسكوها لصلاح ادريس والميارات ما تديك الدرب نشترى اللاعبين بالملايين ونبنى النادى تمام التمام
والله يا ام وضاح
لولا انى خايف اغير مسار بوست ود الريح دا كان جبت ليكى المليارات التى دفعتها الدوله لدعم الهلال وظهرت فى ميزانية المراجع العام
ياخ دا صلاح قوش بى نفسه دعم الهلال بدولارات المؤتمر الوطنى وتلقى الشكر من ادارة الهلال وسير بصات من ليبيا الى تونس لمشجعين هلالاب لتشجيع الهلال وما خفى اعظم
يعنى حكاية مؤتمر وطنى دى ما تجوا تعزفوها لينا هنا دا تانى لانها اصبحت اسطوانه مشروخه
( ولا تعايرنى ولا اعايرك والهم طايلنى وطايلك )
06-17-2008, 01:16 PM
ALGARADABI
ALGARADABI
تاريخ التسجيل: 12-30-2004
مجموع المشاركات: 5236
عبر رئيس نادي الهلال السيد صلاح ادريس في تصريحات خص بها صحيفة «الكابتن» عن سعادته بإعادة تسجيل الرباعي ريتشارد وعمر بخيت وحمودة ومهند في كشوفات الهلال.
وقال ان عملية اعادة التسجيل التي اطلق عليها عملية «خليني احيا علي امل لقياكي لو كان بالخداع» قد تمت وفق ما هو مخطط لها ومرسوم. وقال ان الهدف من اعادة تسجيل النجوم هو الحرص علي استقرار الهلال في مرحلة المجموعات والحرص علي استقرار اللاعبين وتأمين مستقبلهم ورد الجميل لهم بعد ان قدموا للهلال كل ما عندهم من جهد وقدرات. وقال ان المبلغ الذي دفعه لاعادة تسجيل هؤلاء النجوم ليس كثيرا علي جماهير الهلال التي تستحق اكثر من هذا تقديرا لجهدها ووفائها للهلال العظيم، مشيرا الي انه سيعيد تسجيل يوسف محمد وكلاتشي اذا كانت لديهم الرغبة في الاستمرار الهلال. واشاد رئيس الهلال بالموقف العظيم لوالد مهند الطاهر الذي قال ان الولد ولدكم ولكم مطلق الحق في عمل ما تريدونه. وبعث رئيس الهلال في ختام تصريحه بتحاياه لكل جماهير الهلال من مقر اقامته بالقاهرة وقال ان ما قدمه لهؤلاء اللاعبين هو واجب عليه كابن من ابناء الهلال لا يستحق عليه جزاءً ولا شكورا.
رجوع
06-17-2008, 01:29 PM
ALGARADABI
ALGARADABI
تاريخ التسجيل: 12-30-2004
مجموع المشاركات: 5236
Quote: واتضح بما لا يدع مجالا للشك بأن الذى يدير دفة الامور فى نادى الهلال للتربيه البدنيه هو الصحفى مزمل ابو القاسم وليس صلاح ادريس ولا مجلس الهلال ولا بطيخ
قر قر قر قر كلو منك يامزمل الواحد فيهم مايساوي 100 مليون (بالقديم طبعا)
عمر بخيت ولدنا اهدانا اخر فوز وتسبب في اهداف كثيره ويعتبر حاليا كارثه مثله مثل داريو كان
حموده لو عاوزنو اصلا ماكان شطبناه
عمو ريتشارد معقول يتسجل مع جيمي ناتالي دا الا يكون عاوز يكسر لولدنا رجلو في التمارين معقول يقدر يلعب خمس سنه تاني ماسوره كبيرة
مهند لاعب المليس اها دا لو المباراه مافيها ضربه جزاء عاوزين بيه شنو اللاعب الانيق الذي لايعرف قلع الكوره من الخصم
وكلو منك يامزمل ابوالقاسم فلست بالأرباب
قرقرقرقر
أبومصطفى
06-17-2008, 02:17 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: رغم مريخيتى أهنئ الكباتن الأربعه وأخص الصديق والأخ ريتشارد والصديق العزيز الرائع مهند.
مرحبتين يا محمد عبدالغني سابل ويسري معتصم
لو صح ما ورد اليوم في الصدى؛ فإن المريخ ظل متمسكا بأهداب الأمل حتى الرمق الأخير. فقد أوردت الصحيفة أن المريخ عرض على مهند قرابة المليار جنيه؛ لكنه وقع للهلال -كما قالت الصحيفة- ب 750 مليون جنيه (مصدر الخبر: المريخ يؤخر قيد مهند بعرض خرافي).
صورة لمهند عقب تجديد تعاقده مع الهلال، بتصرف من صحيفة المشاهد
1- كتب مزمل جادا عن تفاوض المريخ مع لاعبي الهلال، وهذا يعني فشل المريخ في ضمهم.
2- كتب مزمل عن تفاوض المريخ مع لاعبي الهلال قاصدا رفع قيمة إعادة قيدهم للهلال، وهذا دليل على أنه يمارس سلوكا يضر بالكرة السودانية.
3- كتب مزمل عن تفاوض المريخ مع لاعبي الهلال قاصدا إفساد العلاقة بينهم وجماهيرهم وشغل الجمهور الهلالي عن دعم فريقه بأمور أخرى، وهذا دليل على أنه يمارس سلوكا لا علاقة له بمهنة الصحافة، ولا بالتنافس الرياضي.
هل من احتمال رابع؟
غايتو احتمال يكون الهدف من وعد المريخاب بلاعبي الهلال هو زيادة المبيعات وملء الصفحات.
هو مثير للجدل يا معاوية لأن الصحافة تريد ذلك فيما يبدو، ولأن مجلس الهلال لم يصدر عنه حتى اللحظة ما يشير إلى ما يود النادي فعله بهذا الشأن، هذا فضلا عن تضارب التصريحات التي نسبت للاعب نفسه وبعض أعضاء مجلس الهلال.
هل يعود قودوين -إذا عاد- بمستوى العام الماضي؟ وهل سيقدم إيفياني أداءا أفضل مما قدمه حتى الآن؟ الإجابة على السؤالين ديل في علم الغيب؛ وعشان كده ريكاردو ذاتو اختيارو بيكون مبني في المقام الأول على مستوى اللاعبين (حتى الآن) والجاهزية البدنية ويمكن كمان الجاهزية النفسية (من واقع الخبرة والانشغال بأمور أخرى والقدرة على التركيز) ، وهي أمور يرجح بعضها كفة قودوين، ويرجح بعضها الآخر كفة إيفياني.
تشكيلة الهلال البيلعب بيها مسؤول عنها ريكاردو، يبقى مفروض اختيار 2 من بين كلتشي وقودوين وإيفياني -إذا كان قودوين راغبا في العودة- يكون مسؤولية ريكاردو برضو.
أداء إيفياني -بالمناسبة- كان جيدا جدا أمام صن داونز في أمدرمان.
لم أقرأ لطلحة -فيما قرأت- حديثا عن ضم لاعبي الهلال للمريخ، لكنه -أي طلحة- أحد الذين يتولون -نيابة عنا نحن الهلالاب- جعل هلال الملايين في واجهة منبر sudaneseonline
سلامات للعزيز أبوحميد ليك وحشة وين مختفي يا زول ..؟ قلت لي :
Quote: لكنه -أي طلحة- أحد الذين يتولون -نيابة عنا نحن الهلالاب- جعل هلال الملايين في واجهة منبر
قصدك وضع هلال المساكين في حجمه الطبيعي كمعدم بطولات وخالي القاب .. ما أفعله هو أمر طبيعي يا ابوحميد لان ما يقال عن بطولات الزعيم المريخي وإنجازاته وإشرقاته تعرفه مشارق الدنيا ومغاربها .. أما أبو الهل فلا أحد يعرف عنه إلا إدعاءات وتلفيقات وتمويهات ومكياجات يسارع بها أهله لينشروها في المجالس والمنابر والشوارع تجملا وتزييفا للحقائق ..
Quote: واتضح بما لا يدع مجالا للشك بأن الذى يدير دفة الامور فى نادى الهلال للتربيه البدنيه هو الصحفى مزمل ابو القاسم وليس صلاح ادريس ولا مجلس الهلال ولا بطيخ
شكرا لمجلس الهلال الذي تعامل بجدية مطلوبة مع أمر تجديد التعاقد مع اللاعبين الأساسيين قبل انطلاق دور المجموعتين في دوري الأبطال.
ألم نقل لكم يا أبو علوة أن صاحبكم مزمل يفيد الهلال وإن لم يقصد ذلك؟
عموما، سبق للمريخ المسارعة بتجديد التعاقد مع اللاعبين قبل انتهاء عقودهم، وحدث ذلك -بحسب ما أذكر- مع قلق وسفاري، وتتناقل الصحف نية المريخ في تجديد التعاقد مع عبد الحميد السعودي رغم أن عقده لم ينته بعد... عادي يعني
من يقرأ لأخونا طلحة عبد الله بالذات عن مريخ الأرستقراطيين والهلال الفقير يظن أن المريخ مغترب في الخليج -زمن الخليج بى خيرو- وأن الهلال لا زال يحاول الزوغان من الخدمة الإلزامية بحثا عن الاغتراب
قلنا ليهم الهلال والمريخ ما عندهم قروش، القروش عند صلاح إدريس وجمال الوالي، قالو المريخ ممكن يشتري الهلال
عاوزين من أولاد عمنا المريخاب يورونا المشاريع الاستثمارية التي تدر عليهم المليارات... عشان نعمل زيهم
06-17-2008, 06:01 PM
عز الدين بيلو
عز الدين بيلو
تاريخ التسجيل: 07-15-2007
مجموع المشاركات: 1909
للحقيقة فمهند الطاهر أحد أفضل لاعبي السودان وأفضل لاعبي الهلال علي الإطلاق (بما فيهم المخضرم هيثم ) هو الوحيد الذي يمكن إعتبار اعادة قيده بكشوفات الفريق مكسب للهلاليين .. واضح جدا أن الإدارة الحالية للمريخ لا تملك دهاء الإدارات التى سجلت العجب وقبله اسامة امدوم وجاديكا وأسعد التوم .. بختكم يا أهلة وقعت ليكم ميتة ..
- كان مزمل قلما وكاتبا كثيرا ما اعجبنا بكتاباته نحن الهلالاب ( ايام المشاهد )
ولكنه صدقنى فى سبيل الربح ومبيعات الصدى اخذ يفبرك المواضيع ويكذب ويكذب حتى كتب عند الجمهور كذابا ... لانصدق مايكتبه مزمل الان منذ ولدنا المعز محجوب وانت ماشى .. مزمل صحفى غير شريف يلعب بعواطف الجمهور لتعظيم ارباح جريدته فقط ... اما ما تسببه تلك الاخبار للجمهور من قلق وهم فهذا لايهمه كثيرا ..
- مزمل يخدم الهلال كثيرا بكتاباته .. فى مبارياته ضد المريخ يخلق مزمل روح التحدى لدى لعيبة الهلال لذا نجد انه فى السنوات الاخيره تفوق الهلال تفوق لايوصف على المريخ حتى نال المريخ لقب الوصيف الدائم .. وهذا كله بفضل كتابات مزمل والكورال ..
- مزمل ينبه ادارة الهلال التى لاتغفل عن لعيبتها ... ولكنه يزيد التنبيه لديهم وبالتالى يفشل خطط المريخ ان وجدت لخطف لاعب وهذا ماحدث للمعز محجوب ... بالله عليك لو اشتغل مزمل بتاعك ده بولدنا علاء الدين يوسف وولدنا حموده قبل مايجو الهلال بنفس النسق كان جو الهلال ؟؟ مش كان نبه ادارة المريخ ؟؟ مش كان خفف عليكم الحسرة الانتو فيها دى كلما اولادنا يتألقوا ؟؟
- اما ان يحكم الهلال مزمل فهذه نكتة الموسم .. ومعلوم للجميع ان مزمل يحكم المريخ بدليل انه سجل له اكثر من 5 لاعبين محترفين من الامارات وكانوا جميعا فى قمة الفشل . مزمل يسيطر حتى على الاعلام المريخى الذى لا احترم فيه الا المميز ابوعاقله اماسا ..فقط اقرا عمود مزمل ومن ثم اقرا اعمدة البقيه ... كورال ليس الا
- فى اعتقادى ان مزمل صحفى يفتقد شرف المهنه لفبركته للاكاذيب .. ولايهمه سوى الربح ولاشئ غير الربح حتى وان اتى على حساب اعصاب الجمهور ( فمعظم الجمهور مسكين وذو عقليه بسيطه يصدق يوميا مايقال فى جميع الصحف )
سلامات يا DEEK_ALJIN
قناعتي هي أن مزملا ذو قلم لا مبدأ له، وهو أمر كتبت عنه كثيرا في هذا المنبر مستشهدا بتناقضاته المدهشة وتبدل آراءه وفق ما يمليه عليه انتماؤه لفريقه المفضل.
سبق له التداخل ذات مرة بانت فيها لا مبدئيته كبدر التمام ، فهو عضو معنا هنا، وليته لم يفعل
أتفق مع معظم ما تفضلت به، لهذا نقلته كله، وأتحفظ -فقط- على اتهامه باستجلاب المحترفين الفاشلين للمريخ؛ فهو قول قرأت عنه كثيرا، ولم يتسن لي التأكد من صحته.
لكنه يسهم -كغيره- في إسباغ الألقاب والقدرات الخارقة على لاعبين ثبت أن تسجيلهم كان إهدارا للمال والوقت بلا طائل.
06-17-2008, 06:17 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
نبارك لرباعي الهلال أعاده قيدهم في هلال الملايين قبل أن نبارك للهلال إعادة قيد لاعبيه
طبيعي عندما يخير اللاعب بين فريقين أحدهما ضمن ظهوره في البطولة الأكبر و الأهم والتي تفتح أبواب الإحتراف الخارجي بطولة الأندية الأبطال لثمانية مباريات ما تنقص دقيقة قابلة للزيادة وبين فريق أمامه مباراة واحدة في البطولة الأصغر و الأقل قيمة و متابعة و أحتمال 90% تكون المباراة الأخيرة له في البطولة. فمن سيختار؟؟؟
لا مقارنة من الأساس
يوسف محمد ختاها ليهم بالعربي كدة غايتو فلاتي غتيت غتاتة
خالد
06-17-2008, 06:23 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
أنا حالتي قايل الـتـظـلـيـل ممنوع في السعودية ____________________________________
ياخي إنت وتمبس كرهتونا الاستلاب
الواحد فيكم عشان يشبه روبرتو باجيو بيتعب تعب، شكلو القال ليك أخد الصورة من النضارة وإنت نازل ده مـخـرج سينمائي ذو نظرة ثاقبة؛ لأنو لو مشينا فوق شوية فلن نجد أثرا لضفيرة النجم الإيطالي الفنان
... وقد لا نجد شيئا على الإطلاق... حسب آخر الأنباء الواردة من السعودية.
06-17-2008, 06:33 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: الواحد فيكم عشان يشبه روبرتو باجيو بيتعب تعب، شكلو القال ليك أخد الصورة من النضارة وإنت نازل ده مـخـرج سينمائي ذو نظرة ثاقبة؛ لأنو لو مشينا فوق شوية فلن نجد أثرا لضفيرة النجم الإيطالي الفنان
يا اخوي دي ضفيرة باجيو ولا ضفيرة عربية العايز تشوفا من فوق دي ؟ ذكرتني صاحبنا كان ماسك راسو من ورا ويدلك فيهو بي يدينو صاحبنا سليط اللسان سألو مالك يا نصار ماسك راسك من ورا ؟ قال ليهو والله يا أنس الجيوب الأنفية قايما علي!! فما كان من أنس إلا وقال ليهو : دي جيوب أنفية ولا جيوب بنطلون جينز البتجيك من ورا دي ؟
بالمناسبة الصورة كانت محاولة للتشبه بجورج كلوني والفكرة ناجحة بس ما تركز في اللون والشكل والهدوم ..أخلص النية يا ابو حميد وبتلقاني كلوني كلوني ..
Quote: هل نسيتم الكرتونه المليانه قروش التي ذهبتم بها لمنزل لخالدأحمد المصطفي اثناء سريان عقده ؟
هل نسيتم مفاوضتكم لقلق قبل انتهاء سنه علي عقده ؟
لا زلتم تتفاضون مع السعودي ؟؟
المشكلة وين يا أبو عثمان لو صح الكلام ده؟!
نحن فاوضنا وسجلنا إدوارد وحمودة وعلاء الدين يوسف، ولا بأس من السعي لتسجيل أي موهبة... لكن ما بنفاوض 10 من لعيبتكم
... لو صح ما يرد في الصحف؛ فقد سعى المريخ لضم عدد كبير من لاعبي الهلال، وهم: المعز، أبوبكر الشريف، ريتشارد، كرنقو، يوسف محمد، عمر بخيت، حمودة، مهند، كلتشي، قودوين.
طيب ما تبقو هلالاب
06-17-2008, 07:00 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
أدوارد وحمودة يا ود الريح شطبم المريخ .. لكن لو اصلو بقي عندكم التسجيلات بطولات فالزعيم المريخي برضو فايتكم في المجال دا بملايين السنين الضوئية .. طبعا ما محتاجين نذكركم بمعارك العجب والزين وجاديكا واسعد التوم واسامة ام دوم ونهاية بعنتر وصلاح الأمير .. شفتوا كيف ...؟؟؟ اية حاجة تقبلوا عليها وتعملوا فيها بطولات تلقوا المريخ لابد ليكم ..
في محاولة لتوثيق كل محاولات ضم الرباعي بجمع كل الكتابات التي سعت ومجدت حاولت المستحيل ولكن جنت السراب في الاخر وجايين يعملوا فيها انهم ماكانوا عايزنهم...علي منو يا علي
الاخ خالد عبدالله: يوسف محمد فلاتي واضح وما بيحب اللف والدوران قال للوالي عديل يازول في زول بينزل لي تحت....أنا من الهلال دا ولي فوق
Quote: كلكم وصيفاب الصحاف مثلكم الأعلى سلامات ود الريح و مشتاقين بمناسبة المعلومة دي ياخ
بالأكتر يا محمد البشرى
طبعا مناكفات هلال/مريخ حاجة معتادة ومألوفة،
الجديد هو حالة الثراء التي حلت على أولاد عمنا بمقدم جمال الوالي، هذا الثراء الذي جعلهم يدمنون الحديث عن فقر الهلال وفشله الذي توقعوه في إعادة قيد لاعبيه الأساسيين...
الحقيقة الثابتة هي أن المريخ الثري لم يفز بالممتاز منذ قدوم الوالي، ولذلك لا بأس من ترديد المثل الكروي: ليس بالمال وحده تشيل الممتاز، حتى إشعار آخر
أقوم بالتفاوض مع النجم نور الشريف والنجمة عبلة كامل للقيام بدور البطولة لمسلسل أثـريـاء ولـكـن وصـفـاء، المسلسل من 5 أجزاء... قابلة للزيادة
Quote: كلو منك يامزمل الواحد فيهم مايساوي 100 مليون (بالقديم طبعا)
سلامات يا أبو مصطفى
سمعت بالخبر ده (نشر قبل ساعات في موقع الصدى):
Quote: عاجل: المريخ يعيد قيد الثلاثي العجب، السعودي، ودامر أعاد نادي المريخ ظهر اليوم قيد لاعبيه فيصل العحب قائد الفريق لمدة اربعة سنوات، أمير دامر أربعة سنوات، وعبد الحميد السعودي لخمسة سنوات، وأعقب توقيع الثلاثي تجيد التعاقد مع الحارس محمد كمال لمدة ثلاث سنوات وشهد مراسم التوقيع حسن يوسف مدير الكرة، مصطفى توفيق المدير الاداري، وصديق علي صالح المدير التنفيذي للنادي
ما هو تفسيرك الرياضي للهدوء الذي واكب إعادة قيد هؤلاء؟!
عاوز تفسير خالي من الشعر والنثر، ولا بأس من القصة القصيرة
شكرا ود الريح علي الاخبار السمحة و جاهزين لدوري المجموعات
سلامات يا Sayed Bekab
بعد إعادة قيد ريتشارد وعمر بخيت وحمودة ومهند، لن أندهش إذا تحول صاحبنا مزمل للحديث عن المعز -تاني-، وكرنقو -تاني-، ويوسف محمد، وكلتشي، ويمكن كمان قودوين، وبعد سنة: صالح عبد الله، وبعد سنتين: أحمد عادل... وبعد عشرين سنة: عـلـي أحمد الريح (ولدي)
شكرا لمجلس الهلال. علاج المصابين (ريتشارد وأحمد عادل وعلاء جبريل والمعز) وإعادة قيد الأساسيين والحديث -الذي أتمنى أن يصدق- عن معسكر تونس أمور تعني اهتمام أعضاء المجلس بإعداد الفريق للمعترك الإفريقي الذي اقتربت ساعته.
Quote: أما أبو الهل فلا أحد يعرف عنه إلا إدعاءات وتلفيقات وتمويهات ومكياجات يسارع بها أهله لينشروها في المجالس والمنابر والشوارع تجملا وتزييفا للحقائق
Quote: أدوارد وحمودة يا ود الريح شطبم المريخ
Quote: طبعا ما محتاجين نذكركم بمعارك العجب والزين وجاديكا واسعد التوم واسامة ام دوم ونهاية بعنتر وصلاح الأمير .. شفتوا كيف ...؟
Quote: بصراحة حالتكم صعبة تسجيل اللاعبين عندكم إنجاز بحد ذاتو لدرجة تسوا ليهو بوست وتقعدوا تنقوا الرباعي قعد والرباعي قام
* طلحة عاوز يقنعنا إنو الهلال مافي زول بيعرفو! طيب بطل الممتاز 5 سنين ورا بعض ده هلال كادوقلي؟ غايتو احتمال الفريق الغلب الأهلي المصري 3/0 داك هلال مدريد
* الهلال قام بتسجيل إدوارد وحمودة بعد أن أكملا فترة القيد في المريخ (راجع الأرشيف). وفيما أذكر، شهد الراحل الطيب عبد الله تسجيل إدوارد بالذات اعترافا بموهبته، وهو أمر لم يكن الراحل يفعله، بحسب ذاكرتي.
* في السنوات الماضية، ظل المريخ يظفر بمن يسمون (نجوم التسجيلات)، ورغم ذلك لم يحقق أي منهم نجاحا سوى فيصل العجب وفاروق جبرة. وعلى أية حال، أعتقد أن انتقال إدوارد وعلاء يوسف وحمودة للهلال من المريخ يعتبر أكبر أثرا من كل "معارك" التسجيلات.
* الضجة التي واكبت أعادة تسجيل الرباعي سببها موهبتهم المعروفة، وما تردد عن نية المريخ في ضم بعضهم. عن نفسي أسعد كثيرا بما من شأنه دعم استقرار الأحوال الهلالية.
Quote: واضح جدا أن الإدارة الحالية للمريخ لا تملك دهاء الإدارات التى سجلت العجب وقبله اسامة امدوم وجاديكا وأسعد التوم
عليك الله يا طلحة أعمل لينا post عن الموضوع ده
06-18-2008, 06:25 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
Quote: في السنوات الماضية، ظل المريخ يظفر بمن يسمون (نجوم التسجيلات)، ورغم ذلك لم يحقق أي منهم نجاحا سوى فيصل العجب وفاروق جبرة
بغض النظر يا ابو حميد .. الهلال تعارك وطارد واخفي ولجأ لكل الأساليب والحيل لكنه في كل مرة كان يعود حسيرا كسيفا يجرجر اذيال وارتال الخيبة . بالمناسبة بالفعل لا أذكر أن كان المريخ شطب الثنائي أداور جلدو وحمودة بشير لكنني متأكد من حقيقة أن اللاعبين كانا خارج حسابات المريخ قبل أن يسجلهما الهلال .
Quote: عليك الله يا طلحة أعمل لينا post عن الموضوع ده
طبعا انت قاصد الموضوع دا :
Quote: واضح جدا أن الإدارة الحالية للمريخ لا تملك دهاء الإدارات التى سجلت العجب وقبله اسامة امدوم وجاديكا وأسعد التوم
المشكلة يا ابو حميد دا موضوع ح يجر لانو طالما في إخفاق أكيد في نجاح .. أها الأخير دا ( نجاح ) محتاج ليهو مجلدات وحصر وأرقام وطولة بال شديدة خلاص .. وبعد : أظنك يا ود الريح كدا تكون عرفت لشنو الكتابة عن الزعيم المريخي دائما صعبة ..
* أقدم الجماعة على إعادة قيد 4 دجاجات غير مطلقة السراح بما يقارب 3 مليارات جنيه (بالقديم)!
* عندما أطلقنا ألبوم (يا دجاج الحي) لم نتوقع له أن يجد كل هذا الرواج الرهيب.
* الألبوم المذكور أعجب الصفوة أيما (عجب).. وأقلق سكان المقبرة أيما (قلق)!
* أمس الأول ردوا علينا بإطلاق ألبوم (دجاج الوادي يا راحل) فوجد انتشاراً كبيراً في أوساط الأهلة!
* وقد تقبلنا عملية إعادة قيد الدجاجات الأربعة الدولية بروح (معدنية) عالية وشرعنا في إعداد ألبوم جديد يحمل عنوان (يا دجاج الحي.. وين عهودك لي)؟
* وهناك مقترح آخر لإطلاق ألبوم جديد يحمل أغنية (دجاج الوادي يا راحل.. حرام من بعدك الساحل)!
* دجاجتان من الرباعي المقيد باتتا على مشارف اعتزال (الكتكتة) ولولا مناوشات أصحاب الأقفاص الحمراء لتم تحويلهما إلى مسلخ كنتاكي بتوصية من الخبير البرازيلي ريكو الذي طلب إبعاد أربع دجاجات غير مطابقة للمواصفات من القفص فوراً مع أن شراء إحداها كلف النادي مبالغ طائلة من مزارع القرقور!
* أما الدجاجة القصيرة الحمراء فقد كان بقاؤها داخل قفصها الأصلي مهماً مع تردد أنباء تتحدث عن اقتراب موعد عودة الضباح النيجيري المتخصص في عمليات الخطف وإطلاق النار الناتجة عن التمريرات القصيرة!
* الدجاجة الطويلة الزرقاء رفضت إعادة القيد وهزأت بالعرض الذي قدم لها بادئ الأمر وضمت جناحها إليها ومدت علعولها الأحمر باتجاه الجنوب ثم ركضت باتجاه الميناء البري لتمارس عملية (سهر الجداد) عملياً قبل أن تتم عملية مضاعفة العلف لها وتقبل دخول القفص ليلاً بعد جهدٍ جهيد!
* من الواضح أن سياسة استنزاف السادة الأزارقة أتت أكلها وجعلتهم يهرعون بدجاجهم اللاحم والبيّاض إلى مزارع شارع البلدية خوفاً من احتمال إصابته بأنفلونزا الطيور الطمبلية المليارية!
* حدث هذا مع أن الخبير الدولي فارما أكد لنا أن أنواع الدجاج المتوافرة في الزريبة لا تصلح للطبخ بالطريقة الألمانية (الفحمية) بسبب عدم توافر الغذاء الملائم لها وشح الموز في أقفاصها الأصلية.
* الأقفاص الحمراء ما زالت موجودة والفخاخ منصوبة والسعي لاصطياد الدجاج اللاحم والبيّاض لن يتوقف لأن مصادرنا أفادت وجود عدد من الدجاجات السمينة الزرقاء خارج القفص حتى اللحظة!
* وقد تحولت الأنظار مؤقتاً إلى دجاجة الوادي (الحردانة) والتي سبق لها أن هربت من القفص عن طريق كبري هوائي وأكدت أنها تفضل العطالة على العودة للقفص الخالي من المحسنات البديعية الدولية!
* وهناك دجاجة أخرى طلبت إعفاءها من الكتكتة الجهرية وأبدت مواقفتها على الفسخ السري!
* كونوا معنا ونحن نتولى تجهيز ألبوم (قد كان لي طائر في قفص.. حلو طويل الذنب)!
ودالريح
تسجيل اربعة من احسن لاعبي الكرة السودانية مش يخلي الزول يكاكي الزول ده بكون خشه الحله امس بالليل و طلع بدري الدوري حقنا و ريتشارد حقنا و المعلم الصغير حقنا و مهند هوبا حقنا و حمودة حقنا والجماعة غلاط ساي سجلو العجب حبيبهم اربعة سنوات معقولة الزول ده بستمر تاني سنتين
دعوة مستقبلية
يرحب الهلالاب بسودانيز اونلاين بالمريخاب بمناسبة حفل تكريم نادي الهلال بمناسبة الفوز بالدوري و كاس افريقيا
ملحوظة كراسي مساج زرقاء go blue no stress و فورمات عضوية لكل الزوار الحمر
Quote: طبيعي عندما يخير اللاعب بين فريقين أحدهما ضمن ظهوره في البطولة الأكبر و الأهم والتي تفتح أبواب الإحتراف الخارجي بطولة الأندية الأبطال لثمانية مباريات ما تنقص دقيقة قابلة للزيادة وبين فريق أمامه مباراة واحدة في البطولة الأصغر و الأقل قيمة و متابعة و أحتمال 90% تكون المباراة الأخيرة له في البطولة.
فمن سيختار؟؟؟
سيختار الهلال، الذي لا يعرفه أحد، كما قال أخونا طلحة
بمناسبة دوري الأبطال يا خالد عبد الله محمود، ورد في الصحف في الأيام الماضية أن الهلال تعاقد مع شركة جوفيال السويسرية لرعاية فريق كرة القدم مقابل مليون دولار في عشر مباريات في دوري الأبطال *.
لم يتسن لي التأكد من صحة الخبر رغم وروده في عدة صحف، فقد سبق أن أوردت الصحف أخبارا كهذه ولم تتحقق. أتمنى أن يصدق هذا الخبر؛ فهو خطوة جيدة نحو الاستفادة من المشاركة في البطولة الإفريقية الأهم. ____________________________
* على أمل أن يرتقي الهلال للمباراة النهائية.
06-18-2008, 06:08 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
أحمد الريّح إنت ما تبت من التزوير بتاعك ده ؟ الصورة دي مأخودة لي مهند الطاهر في مباراة الهلال ضد أهلي عطارد في المباراة الخيرية الأقامتها وكالة ناسا الفضائية لدعم أطفال دارفور في ميدان عقرب بالقرب من طريقة التبّانة !! ويظهر مهند وهو يسبح في الفضاء مسدداً كرة رأسية وهو في وضع إنعدام الوزن بينما تشاهد الجمهور وهو الروسي (في الخلف)مقلوباً بسبب خروجهم من المركبة الفضائية .. للأسف أحمد الريح إستغلّ سذاجة المشجع العادي وعدّل في اللقطة حتى تصبح في شكل هوبة ..
06-18-2008, 06:09 PM
Sayed Bekab
Sayed Bekab
تاريخ التسجيل: 09-21-2006
مجموع المشاركات: 1543
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة