|
|
|
 Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: فدوى الشريف)
|
أختي فدوي
التمساح العشاري هو من يدخل الناس إلي بيته فتغلبه الحيلة ، صحيح د.خليل في الصحراء ، كما تفضلت لا يملك غير جوال ثريا ، ود.خليل حياته الصحراء ، وفي خلال العشرة سنوات الماضية كل حياة .دخليل هي الصحراء ..بس المشكلة كيف يخرج تمساح الدميرة بتاعكم دا من حصنه في القيادة العامة ويطارد خليل بنفسه في الصحراء ..معليش
انا تذكرت أنو التمساح العشاري ما بيطلع القيفة إلا معاهو مكيف 1.5 طن!!!
| |
 
|
|
|
|
|
|
|
 Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: SARA ISSA)
|
| Quote: أشتهر التمساح العشاري في الثقافة النيلية بأنه التمساح العفيف الذي لا يأكل الفطيسة حتى ولو مات من الجوع |
.. | Quote: ويغوص في أعماق النيل ويكره التُرع حتى ولو كانت الغرض منها تأسيس خط الدفاع الأول |
والله يا (أخ) سارة عيسي جزاك الله خير شفت كيف .. حركاتك بتاعت الورل دي ذكرتني تمساح توتي العشاري ..
تعرف يا صديقي سـارة ..
ذكرتني يوم كتلو تمساح توتي .. الوكت داك الواحد طبعا كان صغير لكن بيتذكر الحاجات رهـاب رهـاب .. وانتو ماشاء الله كنتو ناس كبار بي شنباتكم تسعون في الأرض وتظهرو في الجرايد وتتكلمو في التفزيونات والاذاعة .. وتاكلو السمك يوم الجمعة ..
المهم..
تمساح توتي العشاري دا .. كان خط السير حقو معروف بيلبد الفترة الصباحية في الخور بتاع توتي .. وكان لقى ليهو اي خروف مطرف يا حمل .. يا عتوت .. يا اي واحد وهم مطرف كدا .. بيقوم بيجازفو .. ويعملو (محشي) ويديهو دفنه في الرملة الناعمة بتاعت الجزيرة ديك .. الفترة المسائية بيمشي كان جمب الاذاعة يمسح برنامج ما يطلبه المستمعون ونشرة تمنية ويخرم على الطابية محل (اب عاج أخوك) دفن (العدة) .. يمشي يجيب (الدوخـه) بتاعتو.. قزازتين تلاتة كلفوازير على جوني ووكر علي علبتين صايدر لزوم الطرطيبة .. طبعا كان بيشرب سكو من غير تلج .. بعداك بيمشي جزيرة النص التحت الكبري بتاع امدرمان داك بيمشي طبعا يشم هوا ..
المهم يوم قام دقس .. بدل ما يمشي حالو بالمحشي بتاعو دا .. روحو حرقتو وقال يا ود انا اعمل فيها خالد الطيب/ عصام احمد حرامي النت .. واقوم اضوق طعم لحم الجلابة دا مر واللا طاعم .. وحاتك خوتك قام على التعتر ليهو جازف ليهو جلابي لقى ليك لحمو مـر .. وبي الطشمة الفيهو ديك قوم يا ورل اقع في الجلابة بتاعين الجزيرة ديك سك ,.. قال ايه ..؟ قال عايز يوديهم الحبشة كونهم جلابة والمكان دا ما حقهم .. قام الوهم دقس طبعا .. لمو ليك فيهو الجلابة الجد جد .. البندقجية بتاعين حرس الصيد .. بلاي جابو ليهو لنش صغير فوقو كم واحد كدا .. ولمو ليك فوقو طرطشو ليك طرطشة بت لذينا وفكوها ليهو من راسو .. طبعا على شلاقتو وعلى البيكتلو .. اليوم داك زاد العيار حبتين .. اصلو العايز يداقر الجلابة ديل إلا يكون شارب ليهو جلد اسد عديل كدا .. قام الظاهر جاب ليهو كمية بتاعت دوخـه محترمة علشان يتبنج .. غايتو بالشكل الشفتو فيهو بعد الحصل ليهو انا اعتقد انو جاب معاهو حبوب بلبعه برضو .. يعني بقت كلها عليهو .. (بلبعه ودوخـه) غايتو مسالة (ام برمه) دي ما متأكد ليك منها .. مع انو الجو تحت القيفه بتاعت مسجد النيلين ممكن الواحد يعمل كلية علوم الطيران طوالي شفت كيف يا الاخ سارة ..؟
المهم
الحصل كالاتي:
تمساحك العشاري دا يا ود الخاله .. قام بي النار الماسكة ديك يطارد في الجلابة .. وقام الجلابة بتاعين حرس الصيد (اتناوتوهو) ليك جمب القيفة بتاعت مسجد النيلين ديك .. وأخوك قاااعد الوكت داك يكشف ليهم ساكت .. قام تمساحك دا عامل فيها بتاع زوغانات .. يغطس بي حمد ويطلع بي خوجلي .. يرفع ضنبو مرات .. مرات يطلع يدو ويكرضمه للجماعة .. والجلابة يعاينو ليهو ساكت .. وجلابيات امدرمان يعجبوك .. زي ما عارف ـ اترصن على القيفه وهاك يا زغاريد .. الوهم كان فاكر الجلابيات ديل بيزغردن ليهو .. قام دقس ونسى نفسو .. وقوم يا وهم مد راســـك ما علي قدر لحافك .. ويقوم واحد من الجلابة بتاعين حرس الصيد .. اشولنجي كفتو ليك .. (تتاااح) طبعا في اللحظة ديك انا صفقت لي (الاشولنجي) دا لانو عارفو جابو ليك الدايمة .. زغاريد الجلابيات زاد .. اختفى الورل دا تحت الموية .. واحد (اريره) كدا من بره قعد يكورك البطل ما بموت .. البطل ما بمووت .. واحد شفت كدا كورك للاشولنجي ختها ليهو تاني يا (قــرجي) .. انزل ليهو تحت ختها ليهو.. اللحظة ديك قام اللنش الفوقو الجلابة داك عمل (كيرف) وكمية امواج .. ولوح الاشولنجي بعلامة النصر .. وجا راجع القيفة ليحي الجماهير ..
فجأة..فارت الموية .. تلاطمت الأمواج .. ظهرت بعض الأعشاب النيلية من القاع .. طار السمك والبلطي .. وقفز من المياه كمية مقدرة من الشلبي .. والترز وخشم البنات ..
عندهــا..
ظهر الورل العشاري من جديد ملوحـا باصبع يده اليسرى الوسطاني زي حركات الأمريكان (النص كم) البيعملوها ديك تخيل عمل الحركة دي للناس الواقفه كلها لا فرز جلابيات ولا جلابيين .. بعديها بي نفس حراق الروح داك .. كان (معضي) بي سنـونو .. على القزازة الفيها الزول شايل العلم ولابس اللبس الاسكوتلندي وبرنيطه في راسه ريشة ولابس بووت طويل وسروال ابيض من الكتان .. الظاهر لي حب يستمتع بي آخـر كاس .. (عــض) شديد على القزازو وصاح صيحته الشهيرة:
*ما قلتـو (صوت) .. عملمتو (مووت)..
ــــــ
طبعا زي ما عارف يا سارة انو الوكت داك كان البمسكوهو .. (ماسك نار) بدقوهو الصباح جمب المجلس البلدي (دق العيش) اهـــا
تمساحك دا يا سيدي الفاضل كان عايش على نغمة انو المسالة دق بس ..
اهـا خليهو يخم ويصر ليك .. راح في حق الله .. وغرق في شبر موية.
وفي النهاية كلنا من تراب .. لكن هو من (الزواحف) اتولد من بيضة .. وعاش بيضة جدا.. وأهو قاعد هناك في معرض الخرطوم الدولي زيووو وزي اي ورل ممكن يخطر على بالك .. وبتراهن عليهو ..
استفاد شنو يعني ..؟ اهو مات وشبع موووت ..
| |
|
|
|
|
|
|
|
|
 Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: SARA ISSA)
|
Quote: عجبتني القصة ..بس لعلمك اهل توتي بتاعين مبالغات ..الواحد لو شاف " التامبيرا " يقولك شفتا : تمساح طول هيك
في واحد جنوبي بمسك التمساح من ذيلي ويجيبوا ليك حي يفرفر ..دا أحسن من الأشول البشتغل بدفرة زغرودة الجلابيات دا !!
وبعدين ..نرجع لقصة الشكل اللاهو جلابي عديل ولا من الزرقة ..انتا معانا ولا مع التانيين |
منو القال ليك ياخـال بتاعين مبالغات ..؟ ياخ ناس توتي ديل لو مشيت تعمل حركاتك دي ولابس القناع بتاعك دا .. احتمال عادي جدا من العصرية يعملو ليك كيته .. وباقي الليل يتقلو ليك حجرك ويدوك (الشيمة).. يا كمان لو بقيت محظوظ يا خـال يشركو بيك الاولاد الصغار للسمك .. رمايات ونشالات ..
أما بالنسبة لي زغاريد الجلابيات وما يتعلق بالدفره .. وزي ما عارف أنو زغاريد الجلابيات دا عبارة عن رفاهية ساكت كدا .. الجلابيات ديل امرهن عجيب خلاص .. دائما يحشرو ليك نفسيات المعركة في الحماسة في ايام الله العادية .. ودي طبعا مشكلة ما ناقشة اي ورل .. طبعا انا ما قلت ليك الجلابيات ديل مشلخات .. وواحدات خدر، وبطحانيات .. وإلخ .. طبعا لو قلت ليك كدا الكاروشة بتقوم عليك .. وشكلك كدا جهاز الاوكسوجين نسيتو في صينية العرضة .. غنائم حــرب . ( لا شئ شخصي اطلاقـا يا خال ) ..| Quote: نرجع لقصة الشكل اللاهو جلابي عديل ولا من الزرقة ..انتا معانا ولا مع التانيين |
..  شنو ياخــال إنت زعلــت مني واللا شنـو..؟
انا حربوية يعني اخضدر لاعبين اصفر لاعبين .. واهو كلها زواحف فيها من ذوات الثدي وفيها من يمشي على اربعة بس علشان ما تزعل ياخال.. تههههاههههاي ..
شنـو ياخال يعني الواحد ما يبقى تمساح معاكم واللا شنـو..؟
عندنا واحد في حلتنا زمان وهم زيك كدا .. خيالي جدا .. قال لي الورل دا هو عبارة عن بيضة التمساح الفاسدة .. تخيل..؟
حسع كان خليناك سرحته يا خال .. كان جبت لينا معاك (ابوالقدح ) هنــا..
يا خال لو ما بتستحمل الهظار الخشن مالك جاي تقدل هنا .. إنت قايل نفسك تمساح واللا قايل نفسك خليل يعني واللا خليــل ..؟
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: SARA ISSA)
|
Quote: انتا طلعت " لمض " بصحيح
ليك علاقة بالموردة ؟؟
انتا لو أشتغلت طابع آلة كاتبة ..أو مدخل بيانات كان أصرف ليك من الشغلة دي !!
كنت عاوز أسالك من الدانة الإنفجرت براها يوم أمس
قالوا كلهم دخلوا قبة المهدي ههيهيهيه |
.. Quote: ايوة طلعت من الموردة..شفتا البروفايل
يا اخي انتا مهمش زي جماعة خليل
الهلال والمريخ بتعشو سمك ..وانتو بتتعشو فتة فول
انتو اول من يفترض يشيل السلاح
حتى فريقكم الجلابة بسمو القراقير |
يا خــال .. موقفك بقى خطير ...
قول لي كيف ..؟
قلت لي كيف .. طبعا بخاري جا يادوبك داخل .. وأنا من قبيل شغال معاك بي نصف الطاقة الانتاجية .. تعرف انا غير اصابعيني ديل ما عندي حاجة افاخر بيها .. يعني حسع دي كان مسكتني وجبت ليك ضفاره وقصقصتهم لي .. عليك امان الله اصوط ليك عينك دي بالنوته .. شفت كيف ..؟
بعدين يكون في علمك ياخال .. انا حسع دي قاعد اكتب ليك بي يدي الشمال ..
غايتو الزم الساتر كلمت بخاري قلت ليهو عمك سارة معانا ما تغشانا .. جيب جك كامل بتاع قهوة .. الليلة يوم البلاطة يا خال .. غايتو حضر (المـــوز) بتاعك احتمال يكون عندنا رحلـة ..
كان ما بتعرف تاكل سمك ياخـال احسن تجيب معاك (مديدة حلبـة) 
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: الصافي بشير الصافي)
|
Quote: ايوة طلعت من الموردة..شفتا البروفايل
يا اخي انتا مهمش زي جماعة خليل
الهلال والمريخ بتعشو سمك ..وانتو بتتعشو فتة فول
انتو اول من يفترض يشيل السلاح
حتى فريقكم الجلابة بسمو القراقير |
تشوف النبي ياخـال .. يعني نشيل السلاح ونمي دارفور ..؟ واللا نمشي كندا واللا نمشي شرق لي طرمبة شل .. وشل .شل شل كب ليك جالون ..
طبعا نوعيتك دي فاكرة انو بالخبز وحده يحيا الانسان .. انت ما كنت بتقرا مجلة الصياد واللا شنـو ..؟
طبعا نوعيتك دي بتجي تضرب سمك في الموردة .. وتتفسح هناك .. بختك لقيتنا مافيشين اقدل يا ورل ..
أقول يك حاجة..؟
نحن لما كنا في الموردة بناكل سمك طازة يعني بتكون جبادتك في البحـر ووازنه على الصاج بتاع ادريس ترنتي شوووووو تطلع السمكة على الصاج .. تقول لي ورل وتمساح عشاري ..؟
بعدين اقول ليك حاجة تانية يا خال .. شفت كدايس الموردة بتلبد لي نوعيتك دي تحت التربيزة .. بلاي تقوم كدا الكديسة تفرتق ليك السمكة دي زي ما الله خلقه .. عارفنك بتجي سياحة هناك ..
لكن عمري ما شفت لي كديسة جات قعدت ليها تحت تربيزة بتاعت واحد من امدرمان .. إنت عايز تكتله بالجوع واللا شنـو..؟
خليك في موزك دا يا خال مالك ومال السمك المليان شوك .. غايتو الناس دي لو بتسمع كلامي .. نوعيتك دي نعمل ليها (شبكة) نربطة في الطابق السادس في قصر الشباب وفي ركن (*قاعة مجلس الشعب) تجي داخل هناك تتضهب تلم فيك الشبكة دي تخنقك .. إنت فاكر امدرمان دي بدخلوها ساكت ..؟
ــــــ
* طبعا قاعة مجلس الشعب دي تكون ريحتك .. ياخال مش كدا..؟ هيييه دنيا
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: tmbis)
|
| Quote: طبعا قاعة مجلس الشعب دي تكون ريحتك .. ياخال مش كدا..؟ هيييه دنيا |
تمبس ياعمك ... كده عملتها ظاااااااااهره ........
وزي ماقلت .......... هييييه دنيا ... وكل زمان ليهو رجالوا ....
بعد أن كان ملء السمع والبصر .... أصبح يختبيء خلفهن !!!!!!
بعد أن كان أحد تماسيح ذاك الزمان ... أصبح خير من يصف التماسيح ... إسفيرياً....
....
....
دنيا بت كلب ...
..
..
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: عمر التاج)
|
وسلام تعظيم تمبس ...
هذا الخال أدهشني قبل أيام وهو يكتب بلغة (المرحوم) صاحب الوفاق ...
(طنَش) كالعادة الملاحظة وقرأها ببرود ليس بغريب !!!! ( لا بأس أحترم برجه العاجي ) ...
المهم ...
دردقتوا لينا وقام أتونس ....
وبصراحة ( زولكـ قديم قٌدم السنين بس لذيذ ) ....
واتخيلتوا ليكـ (ضحكـ) لامن سرح مع حكاية الكديسة الما لقت حاجة في صحن أولاد أم درمان
هذا إن لم يكن قد (تجرع) في وقتها ما بقيَ من قوت يومه
......
عجبني (اللقب) ...
الخال / سارة عيسى
| |
|
|
|
|
|
|
|
|
 Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: عمران حسن صالح)
|
Quote: تمبس ياعمك ... كده عملتها ظاااااااااهره ........
وزي ماقلت .......... هييييه دنيا ... وكل زمان ليهو رجالوا .... |
.. Quote: هذا الخال أدهشني قبل أيام وهو يكتب بلغة (المرحوم) صاحب الوفاق ...
(طنَش) كالعادة الملاحظة وقرأها ببرود ليس بغريب !!!! ( لا بأس أحترم برجه العاجي ) ...
المهم ...
دردقتوا لينا وقام أتونس .... |
.. والله يا حاتم ويا عمران خالكم دا بتاع حركات ليس إلا .. قدرما قلبناهو بي جاي .. وبي جاي مصر انو يجي داخل بالنضارة القعر كباية حقتو دي .. اصلو ما لقينا لينا فيهو (كددده) .. الليلة لمان رد لي والله قبيل قربت اجيب عصير واوزعو لي ناس الشركة وحلاوة .. لكن لميتو فيهو طفشتوهو لينا تاني
يا شباب براحه على خالكم سارة دا .. الله بسالكم منو ..
يا عمر التـاج ..
خال دا وناس خالص .. لكن المشكلة كيف تلم فوقو ..
حسع اها عيييك .. بي وشو تاني اكان شفتو هنا تعال قابلني
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: SARA ISSA)
|
| Quote: عجبتني القصة ..بس لعلمك اهل توتي بتاعين مبالغات ..الواحد لو شاف " التامبيرا " يقولك شفتا : تمساح طول هيك |
بالله ديل أهل توتي بقولوا هيك؟ و بعدين الكلام دا معناتو أهل توتي ديل كذابين يعني؟ والله عندنا عضو جديد هنا في المنبر من أولاد توتي لو سمع بالكلام دا إلا تقول/ي يا تمبس ألحقني.
بالمناسبة والله يا تمبس و من غير مجاملة قصتك جميلة شديد و فيها رمزية بتلخص حاجات كتيرة و بأسلوب عجيب.
| |
|
|
|
|
|
|
|
|
 Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: Elawad)
|
| Quote: بالمناسبة والله يا تمبس و من غير مجاملة قصتك جميلة شديد و فيها رمزية بتلخص حاجات كتيرة و بأسلوب عجيب. |
.. العزيز العوض ..
سلامات شديد
والله اصلو انا المسالة دي كتبتها قبل فترة بي اسلوب قصصي بعيد من العكه الحاصلة دي والمصطلحات الاستخدمتها وبتليغ بمقام خالنا سارة عيسى .. لما لقيت انو الخال عايز يصطاد ويجيب تماسيحو دي في موية ما موية دميرة قلنا نجيب ليهو تمساحنـا علشان نشوف ورل منو فينا البجري ..
وأهو زي ما شايف يا العوض .. تم الباقي غلاط .. ولونك ولوني .. وغنم منو ما عارف وتوتي وحلة حمد وفي النهاية مشى نـام ..
كويس انو رمزيتي وصلتك ودا كان الغرض من الحركة دي مع خالنـا ساره عيسى .. اريتو بس يلقى المخ البفهمو ..
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: SARA ISSA)
|
قال أحدهم (ما تلعب مع ناس الموردة .... أبداً)
غايتو الموردابي الوحيد الماسك لسانو الأنا شفتو في حياتي
كمال الكرونكي الله يطراهو بالخير
اما ناس فريق ( ريد) ديل الله ما يلمك فيهم لسانهم طولو ( حسب الطلب ) مع الإعتذار لهيثم هاشم ومعز خشم الموس
اما حلة السوق دي ثقافة ثقافة وكورة وغناء يا حليلك يا ناجي يور والشفيع وعبد الخالق طمبل
وحلة الخور ناس هيثم الجعلي و( إلي بلي) .....
تمبس أنت موردابي بالجد...... بالجد ... خصوصاً حتة ترنتي دي عجبتني ولا حتة كدايس السوق
يا حليل أيام مجدي العمرابي وحسن فطيرة وشوربة القراقير
تحياتي
اسامة
بيت المال
| |
|
|
|
|
|
|
|
|
|
Re: د.خليل إبراهيم حوّلَ تمساح الدميرة العشاري إلي وَرَل نحيف يرضع النم (Re: Osama Mohammed)
|
والله يا اسامة إتن ذاتك الله يطراك بالخير ..
عملت لي ابديت لي ناس كتار خلاص ..
لي شباب فريق ريد .. شلة الرابطة وفريق القراقير .. محمدو .. التتر .. هيثم شوشة .. إدريس ,, التيمان ، مدثر القون .. إلخ ..
حلة السوق ..
يـور دا طبعا كان الاحتياطي حقي  ما تشوفو قدر الحيطة كدا ... ـ الشفيع وعبد الخالق ما عندهم اي موضوع مع الكورة ديل ناس (دربوكات ) ساكت .. انتهى بيهم المطاف مع الاستاذ الكبير عبد الكريم الكابلي .. يعني طلعوا من الكفر وقعوا في الوتـر ..
هيثم وهاني (إللي بلي ) هاني ما عندو موضوع مع الكورة برضو .. حاصد ريالات فقط كان ماسك الشواية بنمشي مرات مرات نعضي عندو ..
مجدي العمرابي دا اخو علي العمرابي على ما اعتقد الشباب ديل من المتوسطة تاني ما لاقيتهم ..
شفت الكلام دا كيف ..؟
طالما بتعرف يور ناجي .. معناته اتلاقينا رمز معانا وشوية بس ..
يا خــال ..
شفت الشهرة متاعب كيف..؟
شابكني تمساح .. وورل وابو القدح .. حسع كان ختيت صورتك دي لي اخوانك مش احسن ليك ..
على الاقل يشوفوك ليك ولي زمانك .. ويقولو
يحلييييلو .. الله يرحمو ويغفر ليهو الخــال ... والله كان فيهو حلات دين عنقـرة ..
| |
|
|
|
|
|
|
| |
فدوى الشريف
tmbis
Hatim Yousif
Tragie Mustafa
عمر التاج
عمران حسن صالح
Elawad
Faisal Al Zubeir
معاذ حسن
Osama Mohammed
Hassan Makkawi
محمد فرح
فيس بوك
تويتر
انستقرام
يوتيوب
بنتيريست