|
..إنتَ/ي بيتكم ياتو فى البيوت دى ..؟
|
بيتنا فى بحرى كان يعرف ببيت الضابط نسبة لأبى الذى كان يعمل ضابطا بالقوات المسلحة ثم أصبح فيما بعد يسمى بيت المرحوم بعد وفاة الوالد ... إنت/ي بيتكم ياتو فى البيوت دى ..؟
بيت الناس... بيت الجيران.... بيت الجالوص .. بيت العزابة ... بيت النوبة... بيت العرب ... بيت الجيران ... بيت التيمان ... بيت الفور ... بيت عمك ... بيت الحلب ... بيت الشايقية ... بيت الدناقلة ... بيت خالتك ... بيت الشيخ ... بيت الشعر ... بيت الضابط ... بيت الطوب ... بيت مولانا ... بيت العرقى ... بيت الطين ... بيت الضيفان ... بيت البنات ... بيت الناظر ... بيت الحنانة ... بيت الوزير ... بيت النمل .... بيت المرحوم ... بيت الفنان ... بيت الدكتور ... بيت الأستاذ.... بيت العمارة ... بيت الأشباح... بيت الفكي ... بيت هناى ...
ولو راح على بيتكم ماتزعل/ى... بس وصف/ى... لى أنا بصلكم إن شاء الله.
|
|
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: غباشي)
|
.. .
Quote: تاني جبتنا لوصيف البيوت ... بس بطريقة مختلفة |
بيت ناس امنه عبدالكريم .. دا اجمل بيت زى بيت الاشباح ..
يا غباشي يا اخوى الكلام بجيب هواء زى امنه الطلع هواء دا ..
_____________
ود البشرى مالك رخيت
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
بيت أولاد شندي ( ده ما عندو علاقة بالجيش ) بيت أولاد كبوشية بيت أولاد بورتسودان بيت أولاد مدني بيت أولاد الكاملين بيت أولاد ربك بيت أولاد كوستي بيت اولاد جوبا بيت ناس ( هناية) بيت ناس بارا بيت ناس بربر بيت ناس المصرية بيت الخواجية ( ما الخواجة ) بيت اولاد السعودية البيت السوري
نحنا كان بيتنا
بيت ناس أُسامة ...... شفت الشهرة دي كيف والله يوصفوهو ليك من سوق ام درمان
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
بيت الكلاوي و بيت الوِلِد و بيت الأشباح و بيت سيئ السمعة و بيت بعيد و بيت قريب و بيت في البال و بيت كشف حال و بيت عال العال و بيت رمال و بيت من قزاز و بيت هزاز
وكدا
تبلدينا يا عمك...Quote: ود البشرى مالك رخيت |
ما قصة رخو لكن عمك الجاك بفضى لي يوم السبت بس لو لاحظت فبكون قاصي ليه وكدا
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: محمد البشرى الخضر)
|
Quote: بيت الكلاوي و بيت الوِلِد و بيت الأشباح و بيت سيئ السمعة و بيت بعيد و بيت قريب و بيت في البال و بيت كشف حال و بيت عال العال و بيت رمال و بيت من قزاز و بيت هزاز
وكدا
|
العزيز ود البشرى راجيك من الصباح تكتب بيت الأدب تقوم تنساهو
تخريمة:
أوعى تكون لسه زعلان منى؟؟
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
بيت الحنة ( مزروعة فيهو حنة ما تمشي بعيد )
بيت المدرسين
بيت المأذون
بيت الزار
بيت الحلب
بيت العرقي
بيت موبيتل ( ودة البكونوا ناس موبيتيل مركبين فيهو الـ antena فيهو
وعليه بيت اريبا وبيت سوداني وبيت كنار
وعيييييييييييك
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
بيت ناس طيبة،، (ويا طيبة ناس البيت)،، == بيت الكمنجة (واحد معلقا على حذائي)،، بيت الكبريت بيت بت بتي (بيت جرسة اللاعبين عند معاجة الفكك)،، = بيت السودان ،، (سفارات السودان في الخارج : زمان)،، == براد بيت ،، وبيت هوفن،، وبيت سامبراس،، == البيت (إسم الزوجة في الموبايل)،، البيت (قمة الدبرسة لأبناء المغتربين عند العودة إليه)،، البيت (هاجس المغتربين : يبنوه للورثة) == بيت القلب النابض : محجوز، خالد في الطريق والله ماعندك مفر،،
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
سلامات يا غالين .. يا سامي ..
Quote: بيت السفير ما جيرانك مالك ما قلتهم |
نسيتو والله .. وحالتو ناصيه كمان ...يا سامي
ـــــــ بيت ندي القلعه
دار الفنانين.......... دار دي كيف يا حبا؟؟
ــــــــــ دار سودانيز اون لاين ل ................
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: عبدالله كع)
|
Quote: دار دي كيف يا حبا؟؟ |
كيفك يا كع ،، أنا قايلك قفلت باب البيت
خلينا فى البيوت أحسن ،،، دار دى ح تجيب لينا هواء وح تدور بينا الدنيا كلها
مثال بسيط (دار جعل) (دار حزب الـ..) وطوالى الجماعة ح يحرفوا ليك الشغله ونبق فى التحلنا
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
.. . بيت الجاكـ ..
وكان يقبع فى زقاق ضيق بحى السوق بمدينة كادوقلي وكان اول بيت ازوره مع الخال حامد جاجا والتقي فيه يحي فضل فى ايام الطفولة وكانت اول مرة اسمع فيها بكلمة شاعر ومنتدى وملتقي ادباء .. وكلام المثقفاتية.. الكبار دا.
بيت الكجور .. وهو بيت يقبع فى قمة جبل الدلنج .. ويقطن فيهم كجور قبيلة الدلنج .. وهو الزعيم او الشيخ او ساحر القبيلة فى القبائل الافريقية .. يخرج منه فى احتفالات سبر الدلنج ليرمى حربة لشباب المدينة ليتسابقوا من القمة الى الارض ومن يحصل عليها يحصل على اجمل جميلات القبيلة
بيت الوداعية دا فيهو جنس دخاخين وقهوة .. لمن تجى الوداعية ومعها الصينية بتاعات البلح والفول المدمس والتسالى والقنقليز .. الخ دا بيت بتاع مزاج ..
بيت الزار دا فيهو جنس خزعبلات والنسوان ديل بسون جنسن عمايل تدردق فى الواطه وتعرى وهضربة وخروف مدبوح ودم فى الجسم وحلقة زى الذكر .. التقول راكبن شياطن وما هو بكذلك ..
بيت القلعة دا الواقع فى حى القلعة فى امدر الشاف فيهو الشاعر صالح عبد السيد ( أبوصلاح ) بدور القلعة وانبري .. يردد العيون النوركن بجهرا * غير جمالكن مين السهرا السيوف ألحاظك تشهرا * لي فؤادي المن بدري إتهرا يا بدور القلعه وجوهرا.. ( البيت دا عملنا فيهو اصلاحات )
بيت القصيد .. والمعنى واضح..
البيت الابيض ما بتاع نمره 2 بتاع عمنا بوش
بيت القزاز
ما تجدع بيوت الناس ..
___________________
الليلة ووين يا عينيى بيتكم بوين يا عينى يا ابودية ان شاء الله بيوتى دى ما تغي ليك شارعك الماشي بيهو
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
أول بيت وضع للناس
بيت الله الحرام
يقول الله تعالي (إن أول بيت وضع للناس للذي ببكة مباركا وهدي للعالمين(**)فيه آيات بينات مقام ابراهيم ومن دخله كان آمنا ولله علي الناس حج البيت من استطاع اليه سبيلا ومن كفر فإن الله غني عن العالمين). آل عمران صدق الله العظيم.
ويعرف أيضابـ :
البيت العتيق
الكعبة المشرفة
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
ابوديه ..
Quote: مثال بسيط (دار جعل) (دار حزب الـ..) وطوالى الجماعة ح يحرفوا ليك الشغله ونبق فى التحلنا |
خلاص انسي الموضوع لكن لقيتك ...
بيت الضب ..؟
بيت الاسد .. العرين
بيت الخنزير ..؟
بيت الحصان .. الاسطبل
بيت الفيل ..؟
بيت الجداد ... قفص
بيت النعام ...؟
بيت الارنب ..؟ ـــــــــــــــ طيب الجحر بيت شنو ؟؟
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
ابوديه ..
Quote: مثال بسيط (دار جعل) (دار حزب الـ..) وطوالى الجماعة ح يحرفوا ليك الشغله ونبق فى التحلنا |
خلاص انسي الموضوع لكن لقيتك ...
بيت الضب ..؟
بيت الاسد .. العرين
بيت الخنزير ..؟
بيت الحصان .. الاسطبل
بيت الفيل ..؟
بيت الجداد ... قفص
بيت النعام ...؟
بيت الارنب ..؟ ـــــــــــــــ طيب الجحر بيت شنو ؟؟
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
Quote: يا عبده تحياتى
حليل الشعبية وبيت ناس طيبة،،،
عارف أكتر حاجة محيرانى شنو..؟ كيف شارعنا زمان كان بشيل لورى عمك بكرى
وقندران عمك مهدى فى وقت واحد ،،، وهسى بالتلتلة الشارع عربيتى ما بشيله..؟
أنا جادى فى السؤال !! |
والله بالجد دا سؤال!!! والغريبة القندران كان مرات بجي بالترلة!! سبحان الله،، الحقيقة الوحيدة الممكنة : النفوس كانت متطايبة!!
ودا ذكرني : بيت القش ،، عبد الماجد حامد خليل ايام وزير دفاع أهلو ناس الرهد (ابو دكنة) أحتجو قالو ليه ياخي العساكر الراكبين المجروسات ديل بعاينو لينا جو البيوت ،، قاليهم الحل واحد من إتنين : يا إما تعلو البيوت أو نحن نقصر المجروسات ، ودي نحن ما بنعملها!!!
بيت السكين (حليل ايام كان عندها بيت)،،
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: صلاح أبودية)
|
.. . لو سمحت يا ابودية
غايتو شوقكم دا الا تدونا ليهو تحت شجرة او بالكتير فى الحديقة لكن بيتكم الابيض دا ... عالى علينا ..
Quote: ده شنو يا وضاحة ..؟ دايرين تفتحو لينا... بيت البكا |
بكا سااى لكن الصيوان الا ندقو فى اوزون
_______________
ما ليهو الحد .. بالجد ( دا ماليك يا ابودية )
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: وضاحة)
|
.. .
Quote: ابو دية الذيذ والله بس الحظ جاء متاخر |
متاخر شديد .. كالعادة .. حظى كدقيق ..
Quote: وتبلديا بكاء ببكينى |
عشان كدا حأبطل بكاء عشان ما اشوف دموعك فوق خدودك
_______________
دوماً سعيدة .. وفى بيت افراح
| |
|
|
|
|
|
|
Re: ..إنتَ/ي بيتكم ياتو فى البيوت دى ..؟ (Re: فيصل محمد خليل)
|
أوهن البيوت :
بيت العنكبوت
قال تعالى: {مثل الذين اتخذوا من دون الله أولياء كمثل العنكبوت اتخذت بيتا وإن أوهن البيوت لبيت العنكبوت ولو كانوا يعلمون " إن الله يعلم ما يدعون من دونه من شيء وهو العزيز الحكيم " وتلك الأمثال نضربها للناس وما يعقلها إلا العالمون}(العنكبوت الآيات43.41)
وحسب تفسير العلماء فإن الوهن المقصود هو العلاقة الإجتماعية الأسرية للعنكبوت فالزوج والزوجة لا يجتمعان إلا ليلة واحدة ومنها يهرب الزوج حتى لا تقتله الزوجة فتصبح أرملة (الأرملة السوداء) أما الأبناء فإنهم ياكلون بعضهم بعضا وعندما يشتد ساعدهم يأكلون أمهم.. والله تعالى أعلم
| |
|
|
|
|
|
|
|