|
Re: اخبار حزب الأمة .. ينشرها صلاح غريبة .. هانت الزلابـيــة (Re: حمزاوي)
|
حمزاوى حياك الله
عارف يا أخوى حمزاوى لما جينا البلد دى كان مافى جمعيات وحاجة بالشكل ده
كنا سودانيين 100% وصلنا إلى البلد المباركة دى وكنا عشرة تعاقدنا مع شركة
واحدة وحتى تخصص عملنا كان واحد ومع بعض كان عملنا فى مكتب واحد فى ذاك المجال
وبالضرورة حنسكن فى محل واحد الجاي من دارفور والجاى من حلفا والجاى من الجزيرة
والجاي من العاصمة والجاي من حتات كده أهو بتتسمى سودانية برضك فطورنا محل واحد
وغدانا وكذلك عشانا فى محل واحد اخوك لشقاوته رمته القسمة مع حلفاوى فى غرفة واحدة
حصلت بيناتنا المعرفة وسادت بيننا الألفة وهات يا ونسة وودى يا ونسة ومرات كده بيجوه
إخوته من حوالين الرياض كل خميس للونسة وكان أخوك يعرف الدسبلن بيقوم بمشى بخلى ليهم
الغرفة عشان ياخدوا راحتهم فى الونسة .. عموما زى ما قلت ليك حصل اخاء ومحبة مما جعلنى
اطلب منه ان يعلمنى كلام الحلفاوين زى مثلا السلام عليكم مع السلامة كيف حالكم وهكذا دوليك
طبعا صحبى لم يبخل على ببعض المفردات الحلفاوية التى تعطى المعنى المشار إليه واخوك يا مؤمن
يا صديق حفظ وعن ظهر قلب أصلو أخوك كان شباب وذهنه متفتح تواق للمعرفة هو يملئ وأنا أشيل
واحفظ بس للأسف كانت كلمات غريبة شوية تعطى معانى تانية عجيبة جدا لأنه كان معى يحب المزح
والمقالب .. سبحان الله بعد سنتين من الاستمرارية فى العمل جاب والده زيارة قبل زمن كافى لزوم
الحج وبديهى حيكون معانا فى الشقة ولحظه السئ كنا نعمل على طريقة الورديات هو يعمل صباح
وأنا أعمل مساء طبعا فترة الصباح أخوك ينفرد ليك بالحاج شئ فول وشئ تفاح وشى ببسى وهاك يا
عمى محمد صالح معاها بإستلطاف كده مفردة مفردتين بالحلفاوى مما تعلمت من شقيقى وزميلى ومحلك
سر مفردات كلها (من العرقوب وفوق ) وعمك محمد صالح تبدو عليه الحيرة والدهشة واخوك المسكين
ظن إنو عمك (محمد سالح مبسوط هالص ) منو وأخوك يحاول يقلد اللهجة فاكر إنو عمك مبسوط جدا
والمسالة عديلة أو فيجله وما جايب خبر أن الكلام ( شين ) بلحين لرجل فى مقام العم محمد
صالح .. عندما وصل زميلى ناداه عمك محمد صالح جو الغرفة وبعد نقاش طويل خرج صحبى وقال يا
آدم ممكن تجي معاى بره كده قلت له ( sure ) وطلعنا خارج الشقة ولما بعدنا اوقفنى وقال لي
أوع تكون قلت للوالد كلمات الحلفاويين العلمتها لك .. قلت له الله ألله ومال أنا تعلمتها لشنو
ما لليوم الأسود ومن عرف لغة قوم أمن شرهم وصار محبوب لديهم .. بس اخوك مسك راسه بكلتا يديه
وقال لي تعرف الولد قال لى شنو ! قال يا إبنى إذا داير تعلم أصحابك كلام أهلك علمهم الكلام
السمح مش البطال !!وهنا ساد صمت رهيم .. وأنا لا تعليق محتار اسأل نفسى وهل هنالك كلام اسمح
من كلمة السلام عليكم !!
|
|
|
|
|
|
|
العنوان |
الكاتب |
Date |
اخبار حزب الأمة .. ينشرها صلاح غريبة .. هانت الزلابـيــة | ahmed haneen | 05-25-08, 06:38 AM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-25-08, 07:06 AM |
Re: اخبار حزب الأمة .. ينشرها صلاح غريبة .. هانت الزلابـيــة | ahmed haneen | 05-26-08, 11:13 AM |
Re: اخبار حزب الأمة .. ينشرها صلاح غريبة .. هانت الزلابـيــة | Tariq Sharqawi | 05-25-08, 07:31 AM |
Re: اخبار حزب الأمة .. ينشرها صلاح غريبة .. هانت الزلابـيــة | ghariba | 05-25-08, 07:12 PM |
Re: اخبار حزب الأمة .. ينشرها صلاح غريبة .. هانت الزلابـيــة | Elawad Eltayeb | 05-26-08, 02:48 PM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-26-08, 05:48 PM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-27-08, 06:28 AM |
Re: اخبار حزب الأمة .. ينشرها صلاح غريبة .. هانت الزلابـيــة | بهاء بكري | 05-27-08, 06:44 AM |
Re: اخبار حزب الأمة .. ينشرها صلاح غريبة .. هانت الزلابـيــة | صديق الموج | 05-27-08, 08:10 AM |
Re: اخبار حزب الأمة .. ينشرها صلاح غريبة .. هانت الزلابـيــة | حمزاوي | 05-27-08, 08:24 AM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-27-08, 12:16 PM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-28-08, 04:31 PM |
Re: اخبار حزب الأمة .. ينشرها صلاح غريبة .. هانت الزلابـيــة | Deng | 05-28-08, 04:37 PM |
Re: اخبار حزب الأمة .. ينشرها صلاح غريبة .. هانت الزلابـيــة | ادم الهلباوى | 05-29-08, 09:25 AM |
|
|
|