|
يا اخوانى الناس ديل مشوا وين ؟؟؟؟؟؟؟؟
|
Quote: الحضور الان بالمنتدى العام لسودانيز أون لاين دوت كوم 701 شخص » (1 )عضو و (700) زائرا
»essam&amal هذه الصفحة يعاد تحديثها كل 120 ثانية. |
عاد صفقوا لى قاعدة براااااى حقوا اعمل انقلاب الحوش فاضى الساعة العاشرة والنصف تقريبا بتوقيت السودان مالكم عدمانين نفاخ النار يا كافى البلا مشيتوا وين قاعدة براى زى الشيطان بسم الله الرحمن الرحيم اظهر وبان عليك الامان
ام وضاح
|
|
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
Quote: العزيزة / ام وضاح
بقيتي تجي الله ورقبتك (كراعك حارة)
كان تدينا لكزه ..
تسلمي |
تسلم لى يا ود حيمورة تقول شنو ؟؟ مسجلة غياب لى تلاتة يوم فى حوادث ام درمان الله يسلمك لكن الحمد لله والشكر لله فى امان الله ومن المستشفى على المنبر قلت اشوف الحاصل شنو ؟ القى الدار خلا يا كافى البلا والكراع بس مكوة اجارك الله قلت الناس دى فرت على وين ما يكون الجماعة جونا بى جاى تحياتى ود حيمورة علاء الدين ام وضاح
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
العزيزه أم وضاح ،،،
حمدالله على السلامه ،،،
شغلتي بالنا عليك كتير ،،،
اليوم بس عرفت حكاية مرضك ،،،
رغم إنى سألت عليك فى بوستات تانيه ،،،
بس لكن ما لقيت رد ،،، اتمنى إنك تكوني بخير ،،،
ما تنسى البوستات التانيه ،،، إشتاقتلك ،،،
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
Quote: بالنسبة لناس السودان الساعة عشرة ونص ليلا" كل واحد لزم سريرو بيرفس ويصارع فى النوم من كتر الجرئ والتعب
|
عبد الدايم يا سيمفونية الزمن الجميل ليك التحايا اولا تانيا نص ليل شنو ؟؟ انا من اوائل الناس البرفسو ويصارعوا من التعب والله الساعة عشرة ونص صبااااااحا والشمس فى نص السماء وماشى بعيد ليه الزمن مكتوب عندك لحظة لقيت روحى قاعدة براى طوالى فتحت بوست . وبعد دقيقتين عينك ما تشوف الا النور ناس تمبس قمبروا زى الشواطين لك الود ام وضاح
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
الغالية ام وضاح الف لا بأس عليك وكفاره يارب
Quote: وبعد دقيقتين عينك ما تشوف الا النور ناس تمبس قمبروا زى الشواطين لك الود ام وضاح |
ناس تمبس ديل اسمهم الشياطين الصفر ديل الغلبو الشياطين الحمر 3 / 1
تحت تحت :ـــــــــــــــــ عمنا العجوز الاسمو ابوساندرا ده ماتصدقيه بلقاه انا الساعه 1 و 2 صباحا بتوقيت الدوحه هنا في ( سوق واقف) وزي مابقولو طير السقد مابنوم
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: محمد الطيب حسن)
|
Quote: عمنا العجوز الاسمو ابوساندرا ده ماتصدقيه بلقاه انا الساعه 1 و 2 صباحا بتوقيت الدوحه هنا في ( سوق واقف)
|
سوق واقف ده شنو ؟؟ الساعة واحدة صباحا رشود كان كدى ما شايفة شغلها انا بتصل عليها ونشوف قصة سوق واقف ده قال واقف قال
وانت البوديك سوق واقف نص الليل شنو ؟؟؟ ما خاتى عليكم هارون ليه الف حق حوامة نص الليل عشان ما عندكم ناس خليل نحن الساعة ستة قبل المغرب التلفونات تتطاقش انت وين يا ولد يا بنت الترحيل وصل وين وانا اسكت ساكت اتصل على شيماء بتى تقول لى خلاص دخلنا الكوبرى يا ماما اتصل تانى اها وين تقول لى لسه ما طلعنا من الكوبرى انت مالك مستعجلة اقول ليها ما مستعجلة لكن الكوبرى الليلة بقة اتنين كيلو مالو ؟ سلامات محمد الطيب ومشتاقين ام وضاح
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
Quote: شيات وضلع وام رقيقة كسرتها حامضة وجنبها شطة حبشية بليمون
|
غايتوا يا كمال حلم الجيعان عيش كان فى زول قال ليك اكلت لى شية وضلع من يوم الجرية حقت يوم عشرة قول ليهوا كضاااب نحن ليوم الليلة على الحاجات الكانت فى التلاجة مالنا ومال السوق اصلوا الجرى بدأ من هناك . قال ضلع قال
اما ال 700 دى محيرانى وقبل كدة كانت 1000 وكنت انا ومعاى معتز القريش بس وكان الوقت متأخر وفوتها لكن المرة دى حلفت ما افوتها عشان بكرى يعرفنى حارسة ليهوالمنبر براى . تحياتى كمال ام وضاح
| |
|
|
|
|
|
|
Re: يا اخوانى الناس ديل مشوا وين ؟؟؟؟؟؟؟؟ (Re: essam&amal)
|
اتصلت بى صديقة محتجة على كلامى انه عادى مرات كتيرة منبركم ده بكون مافبهو ولا زول لا زاير ولا عضو وقالت هى متخصصة تفتح الحضور اول حاجة والسؤال ده طبعا لبكرى لكن ما اظن المنبر ده بكون فاضى من الزوار والاعضاء لمدة طويلة اذا انا بعد دقيقتين فقط لقيت الاعضاء 48 عضو اتمنى ان يجاوبنا بكرى لو مر من عندنا والا حاعتبرها حاسدة بس عشان ما لقت ليها عضوية معانا تحياتى ام وضاح
| |
|
|
|
|
|
|
|