|
ليك نفرة الغزلان **مع جبرة الفرسان**في هيبة المنصور
|
عندما تتوقف عقارب الزمن وتصبح كل المتغيرات ثوابت وتصفو الحياة وتخلو من الضجة .. وتتقلد السكينة والطمأنينة السيادة علي الحياة... ونسمو وتحلق قلوبنا وتتمازج بالعلياء...... تتسلل من خلف خلايا السكون تلك خلية صغيرة وتتقدم بتؤدة وثقة..مخلفة ورائها أريج من روائح الجنة النادرة..وتنقلنا إلي حيث لايوجد الا الجمال والروعة والصفاء والنقاء...
تذرف عيونى بحور...و اقضى الليالى قيام... ما بين شوق و هيام ارعى النجم فى سحور و فؤادى اااااه منحور... مقتول بغير سلاح... و أقول بكل صراح سببى العيون الحور العيون الحور...أعظم الأسلحة الفتاكة ومنذ فجر التاريخ...فتكت بأشجع الفرسان ...وقهرت أقوي القلوب....وهن أضعف خلق الله كما قال الشاعر الاموي جرير ابن عطية التميمي:
ان العيون التي في طرفها حـور قتلتنـا ثـم لـم يحيـن قتـلانـا يصرعن ذا اللب حتى لاحراك به وهن اضعـف خلـق الله اركانـا
كلام عجيب !!!!!!!!!!!!!!! والاعجب منو التناقض العجيب الفي الوصف.... الكمال الذي أكظم الحساد..كان يمكنه ان يقول أسكت كل حسود...ولكن أراد الكظم بدلا عن الاسكات..ليقوي المعني أكثر... وشوف الطرف ده بعمل شنو..تها به الاسود الهصورة ويزرع فيها الرهبة والخوف ...ولم يتوقف عند هذا الحد...جمع كل الصفات المتضادة في مقطع واحد..نفرة الغزلان....وقوة الفرسان وجبرتهم...والهيبة والشموخ...اتخيلو معاي كل التصورات دي ..وهذا ماجناه غرامه وولهه الشديد..
فيك الكمال محصور... أكظمت كل حسود... و حسنك مقامه يسود على كل جيل فى عصور وطرفك لحاظه تريع... أسدا شجاع و هصور ليك نفرة الغزلان ...مع جبرة الفرسان... فى هيبة المنصور
أهيف رشيق متبور... تتهادى تيه و دلال... مابين غرف وظلال نعمة و ترف و حبور سهمك على مهبور... إيه ذنبى غير هواك... أنا يا جميل بهواك من قلبى ما مجبور أترك لكم باقي القصيدة للتأملوا معي جمالها وتغرقوا في بحور الروعة وتتفكروا في المعاني المنسابة من خلف المفردات...
ناعس الأجفان كلمات المبدع الراحل محمد بشير عتيق ***********************************
ياناعس الاجفان انا من صفاك مسحور بالله انت ملاك ؟ ولا من حسان الحور
* * * *** تذرف عيونى بحور... اقضى الليالى قيام... ما بين شوق و هيام ارعى النجم فى سحور و فؤادى اااااه منحور... مقتول بغير سلاح... و أقول بكل صراح سببى العيون الحور
* * * * ** فيك الكمال محصور... أكظمت كل حسود... و حسنك مقامه يسود على كل جيل فى عصور وطرفك لحاظه تريع... أسدا شجاع و هصور ليك نفرة الغزلان ...مع جبرة الفرسان... فى هيبة المنصور
* * * * *
أهيف رشيق متبور... تتهادى تيه و دلال... مابين غرف وظلال نعمة و ترف و حبور سهمك على مهبور... إيه ذنبى غير هواك... أنا يا جميل بهواك من قلبى ما مجبور
* * * * * يا البي العفاف مشهور... ندك عبير فياح و قوامك المياح ...أينع ثمر وزهور بى حبى دمعى جهور انا فى دجاك ياليل... نجمك بقالى خليل فارقت نومى دهور
* * * * *
انا لى زمن ماسور ...هجرانى ما هماك... ياللى قاسى لماك من طول جفاك محسور و حياة خديدك و جيدك ...و طريفك المكسور انا شعرى ما بيوفيك... مهما ابالغ فيك منظومى و المنثور
|
|
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
مساء الخير
فعلا العيون مصدر الالهام للشعراء وكل عاشق ولهان او حتى انسان عادى يمكن ان تؤثر علية بعض
العيون عند النظر اليها, فهى كزهور البتوان ذات الوان مختلفة ومتداخلة تعطى لوحة فنية رائعة.
لها لغتها الخاصة ,انظرى مثلا الى لوحة الموناليزا كيف اختار دافنشى لغتها وتعابيرها
وزرقاء اليمامة كيف ادت وكثر من وظيفة, قال فنان
احلى الكلام لغة العيون
لهم الحق هؤلاء الشعراء بان بمسهم شيطان الشعر ويجعلهم يسطرون ما لا يتخيلة المرء من جماليات
وسكر عاطفى حتى الثمالة,وهذة الاغنية ترجمة لجماليت الطبيعة الفطرية.
رائعة فعلا.
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: سيف الدين مصطفى كرار)
|
Quote: ياناعس الاجفان انا من صفاك مسحور بالله انت ملاك ؟ ولا من حسان الحور
* * * *** تذرف عيونى بحور... اقضى الليالى قيام... ما بين شوق و هيام ارعى النجم فى سحور و فؤادى اااااه منحور... مقتول بغير سلاح... و أقول بكل صراح سببى العيون الحور
* * * * ** فيك الكمال محصور... أكظمت كل حسود... و حسنك مقامه يسود على كل جيل فى عصور وطرفك لحاظه تريع... أسدا شجاع و هصور ليك نفرة الغزلان ...مع جبرة الفرسان... فى هيبة المنصور
* * * * *
أهيف رشيق متبور... تتهادى تيه و دلال... مابين غرف وظلال نعمة و ترف و حبور سهمك على مهبور... إيه ذنبى غير هواك... أنا يا جميل بهواك من قلبى ما مجبور
* * * * * يا البي العفاف مشهور... ندك عبير فياح و قوامك المياح ...أينع ثمر وزهور بى حبى دمعى جهور انا فى دجاك ياليل... نجمك بقالى خليل فارقت نومى دهور
* * * * *
انا لى زمن ماسور ...هجرانى ما هماك... ياللى قاسى لماك من طول جفاك محسور و حياة خديدك و جيدك ...و طريفك المكسور انا شعرى ما بيوفيك... مهما ابالغ فيك منظومى و المنثور |
يا سلاااااااام عليك يا سلام
الغالية نها
والله دايما بستريح في بوستاتك من (دافوري) البورد وهجيره
شكرا يا زولة يا واحة
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: mohmed khalail)
|
الرائع جدا محمد خليل
منووووووووووور البوست ياجميل
Quote: الغالية نها
والله دايما بستريح في بوستاتك من (دافوري) البورد وهجيره |
والله الدافوري الجد جد البعملو فينا الناس ديل...عتيق وأبوبصلاح وسيد عبدالعزيز وغيرهم وغيرهم من المبدعين... غايتو الله يقدرني عليهم...
تسلم يامحمد اخوي وربنا مايحرمنا من طلتك...
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: سيف الدين مصطفى كرار)
|
أخي الجميل سيف الدين كيفنك يازول ياجميل
لقد أثرت نقطة مهمة جدا وهي سحرالعيون وتأثيره علي القلوب...فالعيون هي مرآة الوجه وتعكس كل مايجول في القلوب والعقول..وإن كان المكر يسيطر علي بعضهن فلا تستطيع معها سبر أغوار النفوس.. كما قال الشاعر: العين تنطق و الأفــــواه ســاكــنة حتى تـــرى من ضمير القلب تبيانــا
لهذا تفنن الشعراء ومنذ فجر التاريخ في نظم الكثير الكثير من القصائد والأبيات في العيون بمختلف معانيها...الحور...النجلاء ..الجاحظة ..الناعسة....الخ ولكن يبقي الفيصل هنا مايشعر به العاشق تجاه المحبوبة ليصور له قلبه العاشق وصفا جميلا ومتفردا لتلك العيون
تسلم علي الاطلالة والتي تضيف بها الكثير الكثير... يديك الف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: لؤى)
|
لؤي
كيفنك؟؟
والله مشتاقين...
يعني إلا نشرك ليك ببوست زي ده عشان تظهر ...
فعلا جو البورد بقي مشحون بالصراعات والمهاترات.. أتمني أن يعود السلام وأن تعم الطمأنينة أرجاء الوطن والبورد خاصة...فكلنا أخوان وننتمي لأجمل أرض في العالم...
تسلم علي زيارتك المشرفة...
وياريت ترجع لينا تاني
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: ALGARADABI)
|
أخي الفاضل القرضابي
تحيات طيبات تغشاك وان تشرفني وتسعدني بهذه الإطلالة...
وألف ألف شكر علي المعلومة القيمة... شوف البلاغة دي كلها لمن تجتمع في بيت واحد أو في شخص واحد... الشجاعة..الحزم..الجبروت..المكر..بالاضافة لنفرة الغزلان..والهيبة والشموخ... كل الصفات دي في شخص واحد... لله درك ياعتيق...!!! كلام صعب ومابصدر إلا من شخص عالم بكل خفايا وأسرار البلاغة والادب والشعر..هذا بالاضافة للثقافة عالية المستوي... رحمهم الله بقدر ماامتعونا وأدهشونا...
وألف ألف شكر علي المشاركة الفعالة.. وياريت تكون معانا في البوست..
مودتي
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
يا نهى
Quote: اجمل العيون وأعمقها هي العربية (الر.............نية) ... |
ضحكتيني يا الممسوخة ومسنوحة ( بتذكر زمان في طفولتي مشاغب يا نهى في عمى طوالى يجيب المطرق ( المطرق دى عصاية خيزران ) ويسكنى ويصيح فيني الممسوخ المسنوح اها ومن ديك وعييييييييييييك علقت فيني )
مافي اصلا حاجة اسمها العربية الر ...............نية - ممكن تكون الفر ...........ونية الر.......نية صاح؟
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: الطيب شيقوق)
|
أخي الرائع شيقوق
انا تمام الحمدلله..
كيفنك إنت؟؟
Quote: كتبت باى لغة ؟ بالعربي ما في الا يكون كتبوها ال ...............نة وبلغة ال ..........نة ولو ده حصل شهادتهم عن انفسهم تكون مجروحة . |
لو كده... معناها اي زول عربي يكتب قصيدة في عيون واحدة عربية بتكون شهادتو مجروحة؟؟؟
يبقي مافي شاعر صادق ولا في عيون صادقة وجميلة ممكن يتكتب فيها شعر؟؟؟!!!!!!!!
Quote: الرطانة عندهم حاجات كويسة برضو !!!!!!!!!! |
عليك الله؟؟؟...ماقصرت والله...الله يجبر بخاطرك...
علي فكرة نحن الحاجات الكويسة دي بننتجها وبنصدرها ليكم...
يعني نحن الرواد في أي شئ جميل ومتفرد...
____________________________________________
تخريمة: مشكلتك شنو مع الرطانة....بيني وبينك كده..(مابكلم زول وسر بيني وبينك)؟؟؟
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: الطيب شيقوق)
|
أخوي الرائع ود شيقوق
كيفنك ياجميل...
Quote: ما تاكلي راسي ساى لانو القياس ما وارد فشتان ما بين عيونا وعيونكم - راجعي الفديو الفوق شوفي عيونا كييييييييييييييييييف........... |
والله لو عملت ليك selection لبعض العيون الحلفاوية الساحرة..حتآمن وتاني البورد ده مابتدخلوا..لكن بس مافي داعي
Quote: بس دائما بتجيبو لينا ال second hand او ال expired او اى حاجة contaminated لكن عجوتكم وبركاويكم السمح ليكم برااااااااااااااااكم شكيتكم على الله اللاعبين علينا نحن اللميناكم في حلفتنا الجديدة وعلمناكم الصرار وعلمناكم المحويب ( المحويب بربطوا بيهو البقرة للحليب )
|
سمح كان عارفينها contaminated و expired وsecond hand مالكم وقعتو فيها زي الماسمعتو بيها قبل ده؟؟ انتو علمتونا المحويب ونحن عرفناكم البقر ذااااااااااااتو
Quote: ارخي اطانك وخصمتك بربك ما تحكي لقريبك فلان - شوكشتني رطانية بعت ليها ناقة في سوق تمبول واكلتها فلوسى كلها عصاير و هامبيرقرات ايام الجامعة وجاء واحد سحسوح من حناكيش البندر وعيييييييييييييييييييييييك دى شوفتي ليها . |
ياسلااااااااام إتأثرت كتير بقصتك لمن دموعي جرت... لكن الغلطة غلطتك ....الجكس ده ماتبتدئ معاهو بأسلحة دم شامل هامبيرقر وشاورما والذي منو..إنت إبتدئ خفيف خفيف...تسالي...ترمس وكده..قلبي معاك والله..
تخريمة: ___________________________ عفيت منك ياقريبتي
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: Alsa7afa_30)
|
الاخت العزيزة / نها
شكرا جزيلا لهذا الاغنية وهى من اغانى الحقيبة المميزة والجميلة واتمنى ان تستمرى فى هذا المنوال والذى يسعدنا ويطربنا... نحن دائما معك...
Quote: المنصور هنا ليس المنتصر، لكن الشاعر يقصد أبو جعفر المنصور ثاني خلفاء الدولة العباسية و المؤسس الحقيقي لها |
ادعم هذا الراى والمقصود فعلا هو ابوجعفر المنصور قال خليل فرح فى اغنية بينها القصور....
بينها القصور .... زينة العصور بهجة الرصافة ... وهيبة المنصور
لك الود عزيزتى نها
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: Ahmed al Qurashi)
|
أخي الجميل المتفرد د.أحمد القرشي شكرا ليك كثير وتسعدني زيارتك دوما فهي بالنسبة لي مصدرا للفخر والإعتزاز...
أكثر مايثير في نفسي الحيرة والدهشة المستوي العالي من الثقافة والإطلاع عند أولئك المبدعين في زمن ندر ماسعي فيه معظهمهم للدراسة والتعليم.. ثقافة عالية وتمكن تام من البلاغة بكل أصولها والقواعد...
شكرا ليك كتير ويديك الف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
Quote: والله لو عملت ليك selection لبعض العيون الحلفاوية الساحرة..حتآمن وتاني البورد ده مابتدخلوا..لكن بس مافي داعي |
شيشك
Quote: ونحن عرفناكم البقر ذااااااااااااتو |
ضحكتيني يا المسنوحة وممسوخة بس بقركم بنطح وجفال وما فيهو حليب مهما بالغنا في تغذيتو !!!!!!!!!
Quote: ياسلااااااااام إتأثرت كتير بقصتك لمن دموعي جرت... |
لا تحزني اخوك اتعوض بواحدة هدية ورضية
Quote: لكن الغلطة غلطتك ....الجكس ده ماتبتدئ معاهو بأسلحة دم شامل هامبيرقر وشاورما والذي منو.. |
ما عندى صبر لسياسة النفس الطويل قلت اعمل short cut لصنعاء !!
Quote: إنت إبتدئ خفيف خفيف...تسالي...ترمس وكده..قلبي معاك والله.. |
مشكلتي ما كنت بعرف الكلام البرااااااااااااااحة والقدلة البراااااااااحة كان صوتي عااااالي وما بمشى معاها الحجل بالرجل كنت شفيقان وبشوت بعيييييييد وبنتظرها هناااااااك اتاري ده ما بنفع معاها .
ما تتهنأ بحقي
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: الطيب شيقوق)
|
أخوي الجميل ودشيقوق
Quote: ضحكتيني يا المسنوحة وممسوخة بس بقركم بنطح وجفال وما فيهو حليب مهما بالغنا في تغذيتو !!!!!!!!!
|
Quote: لا تحزني اخوك اتعوض بواحدة هدية ورضية |
ربنا يخليكم لبعض ومايحرمكم من بعض..
Quote: ما عندى صبر لسياسة النفس الطويل قلت اعمل short cut لصنعاء !! |
الحمدلله بقت ليك عظة
Quote: مشكلتي ما كنت بعرف الكلام البرااااااااااااااحة والقدلة البراااااااااحة كان صوتي عااااالي وما بمشى معاها الحجل بالرجل كنت شفيقان وبشوت بعيييييييد وبنتظرها هناااااااك اتاري ده ما بنفع معاها .
|
والجكس مابتنفع معاهو السياسة دي
خلي قلبك ابيض
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
Quote: ياناعس الاجفان انا من صفاك مسحور بالله انت ملاك ؟ ولا من حسان الحور
* * * *** تذرف عيونى بحور... اقضى الليالى قيام... ما بين شوق و هيام ارعى النجم فى سحور و فؤادى اااااه منحور... مقتول بغير سلاح... و أقول بكل صراح سببى العيون الحور
* * * * ** فيك الكمال محصور... أكظمت كل حسود... و حسنك مقامه يسود على كل جيل فى عصور وطرفك لحاظه تريع... أسدا شجاع و هصور ليك نفرة الغزلان ...مع جبرة الفرسان... فى هيبة المنصور
* * * * *
أهيف رشيق متبور... تتهادى تيه و دلال... مابين غرف وظلال نعمة و ترف و حبور سهمك على مهبور... إيه ذنبى غير هواك... أنا يا جميل بهواك من قلبى ما مجبور
* * * * * يا البي العفاف مشهور... ندك عبير فياح و قوامك المياح ...أينع ثمر وزهور بى حبى دمعى جهور انا فى دجاك ياليل... نجمك بقالى خليل فارقت نومى دهور
* * * * *
انا لى زمن ماسور ...هجرانى ما هماك... ياللى قاسى لماك من طول جفاك محسور و حياة خديدك و جيدك ...و طريفك المكسور انا شعرى ما بيوفيك... مهما ابالغ فيك منظومى و المنثور |
شكرا نهى
كان هذا هـو الشعـر
ليس له مثيـل في تاريخ البشـر
لك التحية
أحمـد الشايقي
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: أحمد الشايقي)
|
أخي الرائع أحمد الشايقي
Quote: كان هذا هـو الشعـر
ليس له مثيـل في تاريخ البشـر
|
أنا دايما بقول اننا أحسن ناس بنكتب شعر وغناء.. وعندك جيل الحقيبة لوحدو خير مثال... طلع لي شاعر واحد يضاهي واحد من شعراء الحقيبة.. طلع لي قصيدة واحدة تضاهي...يارشا ياكحيل..وجه القمر...مسوا نوركم...ماهو عارف..وغيرهم وغيرهم من الدرر.. ماحتلقي .. ده مابنفي انو العالم العربي زاخر بشعراء رائعون مرورا بأحمد شوقي محمود سامي البارودي..جوروج جرداق ,أحمد رامي, وحتي فاروق جويدة... لكن نحن غنانا وفي نظري لايضاهيه غناء...وليست هناك قصيدة واحدة تهز دواخلي وترج كياني كما قصائدنا ...
شكرا علي الاطلالة ويديك الف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: Balla Musa)
|
يالروعتك يانهي...يامبدعة واصيلة..يابت انتي امدرمانية ولاشنو.. كل من تغني بهذه التحفة اجاد وابدع.. انا افضلها بصوت كرومة..وخاصة الكسرة المميزة في نهاية الاغنية.والتي كانت سيمة اساسية في كل غناء الحقيبة.. تشرفت بلقاء هذا العملاق عتيق عدة مرات فهو كان صديق لجدي وكان يزوره في منزلنا في ودنوباوي واذكر جيدا صوته الرقيق المميز وشخصيته الظريفة اللماحة المرحة رحمهم الله اجمعين فذلك الجيل من العمالقة لايتكرر...
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: wesamm)
|
Quote: شاعر إستنطق «الشعر» العصيّا
محمد بشير عتيق..
موثق الصبابة ومؤرخ العشاق
يعز على أوراق اليمام، حين توثق للفحول من أرباب الشعر الغنائي في السودان، إن توضع في هذا الموقف.. موقف التقديم لشاعر معتق في قامة عتيق، وهو على صهوة ملكاته المتعددة، مطل من بروج قصوره الشعرية التي شادها مساكناً للعشاق، تقيهم من برد النوى وحر الجوى.
نتشرف جداً أن نتمسح في هذه المساحة بعطر عتيق الذي يشرفنا ولانشرفه.. يؤانسنا بشذا سيرته ورحيق شعره.
ولد محمد بشير عتيق في حي أبي روف في العام 1909م. كان والده معلماً للغة العربية وعلوم القرآن الكريم، وعندما نقل والده للعمل بمدينة الدويم، كان بيتهم قبلة كل من شغف بالادب والشعر، منهم الشاعر محمد سعيد العباسي
منذ صغره شنفت اشعار العرب وقصصهم سمع عتيق الذي كان ولعاً بالقراءة منذ طفولته، يقضي معظم وقته مندساً بين كتب والده، حيث طالع في وقت مبكر شعر البرعي وابن الفارض وجواهر الادب والاغاني والمجموعة النبهانية.
عبقرية.. ولكن
رغم عبقريته غير «المنكورة»، لم يوفق عتيق في الدخول للمرحلة الوسطى، فالتحق بمهنة البرادة لاعجابه بعمال البواخر التي كان يستقلها حينما يسافر من وإلى امدرمان فلم يجد بداً من الإلتحاق بالمدرسة الصناعية تحقيقاً لرغبته الدفينه وربما ليتدرب على سمكرة المشاعر التي خدشتها حوادث الهجر والنسيان.
يحكي الاستاذ محمد حسن الجقر في سفره: ''روائع حقيبة امدرمان'' قول عتيق عن تلك الفترة: ''كنت اكتب شعراً لا وزن له ولا قافية.. وعندما يستمع اليّ الناظر ''أحمد حسن حدربي'' كان يشجعني ويقول ان لي ملكة شعر غنائي، وسيكون لي شأن''.
تحقق لعتيق ما أراده الله، فتخرج وعمل في مصلحة السكة الحديد في العام 1930م.
في العطلات المدرسية كان يعود الى اهله في امدرمان ويرتاد ''بيوت الاعراس'' وهي في واقع الامر بمثابة مسارح للغناء والرقص، وما إختلاف الشباب اليها الاّ كونها ملاذ للحسان في مجتمع لا يسمح بظهور المرأة الا في تلك المناسبات.
كان فرسان الغناء في ذلك الوقت هم ''علي الشايقي''، و''عمر البنا''، و''محمد الامين بادي'' وثلاثتهم من أنصار الشاعر ''أبو صلاح''، يغنون قصائده ويتعصبون لمذهبه.
في هؤلاء، وجد عتيق ما يصبو اليه، وهو الانتماء الفني لمدرسة أبي صلاح وعنها يقول:
''إنها تمتاز بالأوصاف الجمالية، والمعاني الحسية والغزل الرقيق والعاطفة المشبوبة، وغنية بالبديع ولزوم ما يلزم والجناس، وقد إستهواني هذا كله، فصرت انسج على منواله''.
عن معرفته بابي صلاح يقول عتيق:
''عرفته اول مرة حين قدمني له الشاعر المغني ''عمر البنا'' في حفل عرس في أبي روف، وانشدته بعض شعري، وسرني ان يكون هذا الشاعر الذي اعجب به كثيراً، رغم ان ''في البلد'' شعراء كبار لهم اغاني رائجة يؤديها سرور والامين برهان وغيرهما، الا انني لم اكن اميل اليهم كثيرا''.
معتق وأصيل
من يومها وعتيق يهدي الأغنية السودانية كل معتق واصيل، بعقل عفيف لم يعاقر الخمر في حياته قط.. وكان على تأدبه هذا مجيداً في الوصف.. وذو بديهة حاضرة.. ولطف ومؤانسة عرفها كل من التقاه عن قرب.
ولعتيق الكثير من الاغنيات الشهيرة.. من بينها ''ناعس الأجفا'ن'، حلمك يا جميل، اذكريني يا حمامة، ليلة سمر، هل تدري يا نعسان، ليلة ساهرة، حارم وصلي مالك وهي الاغنية التي تغنى بها عثمان حسين في بداية مشواره، الأمان، ليلة ويا لها من ليلة، كنت معاه هسه، الأوصفوك، من اول نظرة، وغيرها من خالد الأغنيات التي يتغنى بها الفنانين الى يومنا هذا..
ونحن هنا نحاول ان نفرد مساحة لذكرى هذا الشاعر الجميل، وعلى سيرته نلتقي بصديقه الشاعر التجاني حاج موسى في بعض من ذكريات جمعته بالراحل عتيق..
يقول التجاني حاج موسى:
''عتيق من رموز الحركة الابداعية المعاصرة في السودان، ولعله آخر العظماء من جيل شعراء الحقيبة، والرجل ظل لعقود من الزمان يجمل حياتنا برقيق الأغنيات منذ مطلع العشرينات حتى بداية التسعينات..
آخر أمسية مع الراحل عتيق كانت في عنبر من عنابر الجناح الخاص بمستشفى السلاح الطبي، دخلت عليه بصحبة زوجتي فاحتضننا بابتسامته الطفولية ثم قال:
- كلها أيام وأرجع زي البمب... عارف يا تجاني، أنا بكتب في قصيدة للواء الفاضلابي قائد السلاح الطبي، وهو بنفسو حجز لي الغرفة دي.. طبعاً نحنا معشر الشعراء عايشين وغيرنا الوارث..
الواحد فينا عندو آلاف الأبيات الشعرية وما عندو بيت واحد يسكن فيهو..!!
تركت زوجتي مع عتيق في غرفته وخرجت لاتحدث مع سعادة اللواء الركن أبو قرون الذي كان وقتها في الخدمة العسكرية..
- تعرف يا التجاني.. تبقت ساعات معدودة والأعمار بيد الله..
-لطفك يا رب..
انها البروستاتا صنيعة السرطان اللعين، هكذا حدثني اللواء الفاضلابي.. «والفتيل الشايفو في حامل الدرب ده.. مورفين لتخفيف الألم»..
جاهدت نفسي أن أرجع مرة أخرى إلى غرفة عتيق لأنتزعه من زوجتي..
- أها يا أستاذ عتيق.. الزاروك منو؟
- كل الشعب السوداني جاء هنا.. شوف الكراس داك..
عتيق أشار إلى علبة حلوى مزدانة بالزهور، قال إنها هدية «الملهمة».. ثم نطق باسمها ولم أكن قد سمعت بها بعد..
الملهمة
ملهمة عتيق كانت موضوع جدل امتد حتى صفحات الصحف، وأذكر أنني تجرأت وعنفت عتيق لاعلانه باسم ملهمته، وأذكر أنه ردني قائلاً:
«أنا سفيه يا التجاني.. حصل يوم سمعت أو جابو ليك ما يشين سمعتي؟ هل سمعت بأنني عاقرت الخمر في يوم من الأيام؟ هل دخنت سيجارة؟
إذن ماذا تتوقع من عجوز مثلي تجاوز الثمانين مع فتاة في عمر الزهور..!!
أنا يا ابني عبرت البر الآخر.. ومطمئن تماماً لهذا العبور والباقي شوية.. أنا أعشق الجمال لذاته.. وأسبح خالق الجمال.. و«.....» بمثابة ابنتي وهي تعلم كنه تلك العلاقة..»
خجلت من نفسي واعتذرت له لأنني تجرأت عليه ونقلت له ما يدور من أقوال عنه وعن علاقته التي كتب فيها شعراً.. وأنا الذي سافرت معه وسامرته مرات ومرات، وكلانا يلبي دعوات محبي الشعر في العديد من مدن السودان، وأشهد الله أن عتيق كان يوقظني لصلاة الصبح بعد أن يكون قد قرأ جزءاً أو جزئين من القرآن..
- تعرف يا تجاني، أنا ما حافظ القرآن كلو.. لكن هضمتو.. خمسين سنة ونظري يجري على المصحف فتتري الآيات تباعاً.. أقرأ القرآن يا ابني لو عايز تبقى شاعر عظيم.. لأن ما فيه هو خلاص الدنيا والآخرة..
رحمك الله يا عتيق..
ذكريات طريفة
أوشك عتيق يوماً أن يقع مني وهو يرادفني موتري «الفيسبا» إذ كان يفضل ركوبه معي، ويومها كان يقرأ لي قصيدة جديدة فنسي نفسه وأخذ يعبر بكلتا يديه حتى أفلتت قبضته من الموتر وكاد يسقط على قفاه..
يومها.. ذهبنا إلى المنطقة الصناعية وثبتنا حديدة على المقعد الخلفي كمسند أسميته مسند عتيق!!
حكى لي يوماً عتيق أنه زار الأستاذ محمود أبو العزائم إبان توليه منصب مدير عام الاذاعة.. دخل مكتبه مطالباً بزيادة مكافأة الشاعر حينما تسجل الاذاعة أغنية له، لأن ترتيبه يأتي بعد المغني والملحن فرد عليه أبا العزائم بأن الشاعر أكبر من حفنة مال زائل وأخذ يسوق دفوعاً مثالية وانتهى استاذنا أبو العزائم بسرده جنازة الفنان يوسف وهبي الذي قال إن القاهرة كلها سارت في تشييعه.. وكان يعتقد بأنه ألجم عتيق حجراً، غير أنه سرعان ما انفجر ضاحكاً حين سأله عتيق ساخراً:وإنا شاء الله المرحوم يوسف وهبي يكون رفع راسو شاف المشييعين!!
رحم الله عتيق الذي جمّل حديقة الغناء السوداني منذ العام 1926م حين كتب «حارم وصلي مالك» تلك الأغنية الخالدة التي لحنها وأداها قمة الغناء السوداني عثمان حسين كأول أغنية له استهل بها مشواره الخالد
source;http://www.wadmadani.com/html/try/nash090.htm[/QUOTE]
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: wesamm)
|
Quote: هدية لنهي ولكل عشاق غنا الحقيبة باقة من روائع الحقيبة..
|
تسلم علي الهدية القيمة والتي هي أروع ما إستلمت حتي الان...
يديك الف عافية واتمني ان يتمتع الجميع بجمال تلك الكلمات وروعة تلك الالحان وتفرد ذاك الاداء..
أخي وسام شكرا ليك كتييير ويديك ألف ألف ألف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: wesamm)
|
الجميل الرائع وسام تسمل علي طلتك البهية ويديك الف عافية
Quote: يالروعتك يانهي...يامبدعة واصيلة..يابت انتي امدرمانية ولاشنو.. كل من تغني بهذه التحفة اجاد وابدع.. |
ياريييييت والله ياريت لو انتميت لارض انجبت معظم اولئك العمالقة...أم درمان ولكنني فخورة جدا بإنمائي لوطن أنجب الكثيرين الكثيرين من المبدعين وفي شتي المجالات...
Quote: كل من تغني بهذه التحفة اجاد وابدع.. انا افضلها بصوت كرومة..وخاصة الكسرة المميزة في نهاية الاغنية.والتي كانت سيمة اساسية في كل غناء الحقيبة.. تشرفت بلقاء هذا العملاق عتيق عدة مرات فهو كان صديق لجدي وكان يزوره في منزلنا في ودنوباوي واذكر جيدا صوته الرقيق المميز وشخصيته الظريفة اللماحة المرحة رحمهم الله اجمعين فذلك الجيل من العمالقة لايتكرر... |
أكثر مايدهشني في الراحل كرومة الامكانيات الصوتية العالية علي الرغم من فقر الالا ت الموسيقية الستخدمة آنذاك وضعف المقومات الفنية والتي تدعم أصوات معظم المطربين في عصرنا هذا....يعني الزول ده لو عاش لغاية هسة في ظل الامكانات الحالية كانت ستكون هناك وقفة في تاريخ الغناء العربي..
ناعس الاجفان غناها كرومة بطريقة متفردة وأضفي فيها لونا مميزا..وهذا مافعله كل من تغناها ..كل أضفي فيها لمساته وروحه وأحاسيسه..لتخرج لنا بذلك الثوب الزاهي وتحافظ علي رونقها وعلي مر الاجيال... تسلم علي وجودك وإضافاتك الثرة ويديك الف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: الطيب شيقوق)
|
أخي الجميل ود شيقوق
Quote: شوفي اللوحة الجميلة التي رسمها لك هذا الشاب الجميل يا نهى -
|
الرائع هاشم هو الظل الذي نلجأ إليها من رمضاء الحياة.. هو الرياض في عز إخضرارها... هو الزهور في لحظة تفتحها هو الجمال والفرح في أسمي الآيات...
هو أخي الذي سعدت وأسعد دائما بوجوده...
تسلم أخي ود شيقوق.. ويديك ألف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: هاشم أحمد خلف الله)
|
أخي الجميل والذي أفخر به دوما هاشم ياسلااااااااااااااااااااام كم كان البورد موحش في غيابك... وهاهي الأزهار تتفتح من جديد وهاهي الفراشات تتنقل بفرح ناقلة عبير أزهارها في رياضك الغناء..
Quote: إن كان للابداع إسم فهو بكل بساطة = نــهـــي وكفي دائماً نستظل بواحتك الوريفة من رمضاء الهجير ونستكين بأغانيك المختارة بقلب مطمئن
|
وإن كان للفرح إسم فهو بكل بساطة=هاشم وكفي سعيدة جدا جدا بوجودك... وياريت ماتحرمنا من الطلة دي... شكرا ليك كتير
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: abuguta)
|
أخي الفاضل أبوقوتة
إطلالتك بعثت في نفسي السعادة والفرح..
عارف انا كل مااستمع للأغنية دي وبأي صوت بحس بنكهة مختلفة وبشعور مختلف ...كل أضفي أحاسيسو وإنفعالاته علي الاغنية ولونها بطابع خاص..
وفعلا الرائعة سميرة دنيا غنت بإحساس عالي ودوزنت الكلمات بطريقة سلسة وهااااااااادئة...
تسلم علي الاطلالة ويديك الف عافية
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
الأخت الفاضلة/ نهى محسن ابو راس أعجبني جهدك الكبير في توثيق درر الحقيبة في هذا المنبر. إن أمة تنسى إرثها غير جديرة بالحياة. بل أذهب أبعد من ذلك لأجزم أن مستقبل الأمم الزاخر لا يمكن تحقيقه بمعزل عن اصطحاب تراثها بحيث توائم بينه وبين المعاصرة. حقيبة الفن فصل ضخم في كتاب الثقافة السودانية، وهي كما تعلمين قدمت من كبوشية (حسب رواية الموسيقار الكبير اسماعيل عبدالمعين) ‘ لكنها جاءت كنفث كان خليطا بين مدائح وداب شريعة وود الماحي ومناحات أهلنا الجعليين في المجرى النيلي الشمالي. لكنها لم تلبس ثوب قوميتها إلا بعد أن صدح بها الحاج محمد احمد سرور وكرومة في حواري ام درمان. كانت أغنيات حقيبة الفن تعبيرا صادقا عن واقع تلك الفترة خاصة فيما يتعلق بالمرأة والتقاليد والحلم بالتغيير في صعد الحياة المختلفة. ولعل تصدي شعراء مجيدين من أمثال شاعر هذه الأغنية ( محمد بشير عتيق) وسيد عبدالعزيز وعبيد عبدالرحمن والعبادي والجاغريو والمساح وودالرضي وابو صلاح وخليل فرح وحدباي ومحمد علي الأمي وآخرين كثر..لعل تصدي أولئك العمالقة لنظم أجمل الخرائد بتصويرهم الصادق لواقع زمانهم وتجسيدخيباتهم وأحلامهم ماأعطى أغنية الحقيبة خصوبة في الكلمة واللحن لم يتوفرا أبدا- وبهذا الزخم- لصفحة في فن التطريب السوداني من بعدالحقيبة. ما جعل فن الحقيبة في نظري قوميا وأقرب للوجدان السوداني في أركانالوطن الأربعة أنه - وهو الناطق بعامية ام درمان الغالبة اليوم- قد تطرق لأمور في السياسة (خليل فرح) كانت مهمة آنذاك ، وكذلك في المرأة بين حجبها وفك قيدها ككائن مبدع ومنتج وفي قضايا عامة يعيشها الناس بمختلف إثنياتهم وطبقاتهم الاجتماعية في السودان. كما تطرق شعراء الحقيبة لهموم كونية ومعتقدية شديدة الإلتصاق بالهم السوداني ، ولم تقلد الحقيبة في ذلك أي فن مجاور أو وافد لا في اللغة ولا في اللحن..اللهم إلا ما ندر. هذا الجهد الذي تقومين به أختي نهى يجد منا كقراء كل تقدير. ولابد أن أشير في هذا المقام لجهد زملاء لك في هذا المنبر منهم: الباحث الموسوعي في فن الحقيبة الدكتور احمد القرشي الذي يعد كتابا له في الأغنيةالسودانية يفرد الجزء الأكبر منه للحقيبة وكذلك الدكتور احمد طراوة والأستاذ صديق الموج وآخرين أمتعونا بما نشروا هنا من معلومات غزيرة ونادرة عن الحقيبة. واصلي هذا الجهد المبارك. أنت باحثة مجتهدة في هذا المجال وأقل ما يجب أن نقوله في حقك التشجيع والمؤازرة.
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: فضيلي جماع)
|
أستاذي الفاضل فضيلي جماع كم أنا سعيدة وفي غاية الفخر لتشريفك لي في البوست..والذي إزدان بطيب حديثك ومهاراتك السردية الفتية وعالية المستوي.. هي فترة قلما توصف بالروعة والأصالة..ومازال ألقها باق فينا وسيبقي طالما نحن نحافظ عليه..ونحاول تقديمه لجيلنا الحالي والأجيال القادمة بصورة منمقة منظمة.. أشكرك كثيرا علي الاطراء وماهي الا محاولات لدحر الكآبة والضجر بشئ جميل من تراثنا الذي أفخر به كثيرا وأتمني أن لا يشوه أو تناله منهأيادي النسيان.. وأسعد كثيرا بمابقدمه الاساتذة الافاضل في دزأحمد القرشي ود.أحمد طراوة والاستاذ صديق الموج وكل من يسعي لتوثق تلك الفترة النادرة ..فهذه لعمري خير رسالة لهذا الجيل.. مودتي وتقديري الخالصين
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: نهي محسن أبوراس)
|
سلام للناس الهنا كلهم.... اول شى النكتب شهادتى للتاريخ الدنيا ما معروفة: يانهى الله يشهد انا بهواك من قلى ما مجبور... والسامع يكلم الما سامع.. وبعدين اغنية عتيق واداء كرومة البشبه الترتيل ده بودو الزول بعيد.. استمع اعانك الله الى: انا وصفى ما بيوفيك مهما ابالغ فيك منظومى والمنثور بعد الحروف المغسولة والمعسولة دى.. يجى عتيق يقول انا وصفى ما بيوفيك.. اى جمال هذا واى عبقرية تلك التى تنتج مثل هذا الشهد.. نهى انتى خريدة من خرائدنا المدخورات ورضوان خزن الحقيبه. اخال شعراؤها يرمقونك من خلف زجاج الذكرى،بعد ان مالو عن السرر المرفوعة والاكواب الموضوعة والزرابى المبثوثة،وهم يرددون: انا نحن كتبنا الحقيبة وانك لها لحافظة.. رعاك الله من نسمة لطيفة.. ما بقول ليك اكتر من ما قالت فاطمة بتت خير لابنها: انتى بالعافية التخصك فى المصارين تبقالك هدم قرقاب ونعلين،،،
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: صلاح الأحمر)
|
Quote: سلام للناس الهنا كلهم.... اول شى النكتب شهادتى للتاريخ الدنيا ما معروفة: يانهى الله يشهد انا بهواك من قلى ما مجبور... والسامع يكلم الما سامع.. وبعدين اغنية عتيق واداء كرومة البشبه الترتيل ده بودو الزول بعيد.. استمع اعانك الله الى: انا وصفى ما بيوفيك مهما ابالغ فيك منظومى والمنثور بعد الحروف المغسولة والمعسولة دى.. يجى عتيق يقول انا وصفى ما بيوفيك.. اى جمال هذا واى عبقرية تلك التى تنتج مثل هذا الشهد.. نهى انتى خريدة من خرائدنا المدخورات ورضوان خزن الحقيبه. اخال شعراؤها يرمقونك من خلف زجاج الذكرى،بعد ان مالو عن السرر المرفوعة والاكواب الموضوعة والزرابى المبثوثة،وهم يرددون: انا نحن كتبنا الحقيبة وانك لها لحافظة.. رعاك الله من نسمة لطيفة.. ما بقول ليك اكتر من ما قالت فاطمة بتت خير لابنها: انتى بالعافية التخصك فى المصارين تبقالك هدم قرقاب ونعلين،،، |
صديق اشهد الله ثم موسى بله كلامك دا ذاتو بشبه كلام عتيق البليغ منه والسليق ولقد اشاد بك استاذنا جماع وقال انك طويل الباك فى الحقيبة لماع وكاجى فيها الشراع
الى ان نلتقى عن صاحبك الهلالى بتاع وكالة السفر ولقدام
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: صديق الموج)
|
أخوي الرائع صديق الموج والله مشتاقين..
طولت مننا شديد
Quote: يانهى الله يشهد انا بهواك من قلى ما مجبور... والسامع يكلم الما سامع.. |
وانا أعلنها من هذا البورد أنك أخي الذي أسعد دائما بوجوده وأفخر به.. وأكن له خالص المودة والتقدير
وبقول ليك:
فيك الكمال محصور... أكظمت كل حسود... و حسنك مقامه يسود على كل جيل فى عصور
المحيرني في الناس ديل الترابط العجيب في الاحداث...يعني بتلقي في كل بيت شعر حدث وقصة بتنقلك لدنياهم النقية..وعالمهم الغامض..
Quote: نهى انتى خريدة من خرائدنا المدخورات ورضوان خزن الحقيبه. اخال شعراؤها يرمقونك من خلف زجاج الذكرى،بعد ان مالو عن السرر المرفوعة والاكواب الموضوعة والزرابى المبثوثة،وهم يرددون: انا نحن كتبنا الحقيبة وانك لها لحافظة.. رعاك الله من نسمة لطيفة.. |
ليتنا نوفيهم ولو القدر البسيط مما قدموا لنا وأمتعونا وأدهشونا..وليتني أرمقهم ولو لهنيهة لأمتع ناظري بمرأهم وأتشبع بروحهم الطيبة.. وكم أتمني أن يستمع الجميع وأن يستمتعوا بروعة الوصف في كل قصيدة وجمال اللحن في كل أغنية من أغنيات ذاك الجيل النادر المتفرد..
Quote: ما بقول ليك اكتر من ما قالت فاطمة بتت خير لابنها: انتى بالعافية التخصك فى المصارين تبقالك هدم قرقاب ونعلين،،، |
ربنا يديك الف عافية وينور ليك حياتك وماتشوف شر.. ويملا حياتك فرح وجمال يارب ومايحرمنا من طلتك ووجودك..
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: الطيب شيقوق)
|
استخدم الشاعر محمد بشير عتيق في رائعته هذه فن الجناس والطباق ، وهو فن برع فيه خليل فرح وأبوصلاح وسيد عبدالعزيز وود الرضي وآخرين. فالشاعر حين يذكر الضد إنما ليؤكد روعة المقابلة عند الطرف الآخر (المحبوب): وطرفك لحاظه تريع أسدا شجاع و هصور ليك نفرة الغزلان مع جبرة الفرسان فى هيبة المنصور
أنظر كيف تصبح المقابلة غاية في الروعة بين طرف يخيف الليث في عرينه، لكن صاحبة الطرف لها جفلة الغزال وارتياعه لكن الغزال النافر يتبدى للمحبوب شديد البأس كما الفارس في ساحة المعركة، بل لهذا الغزال الوديع الجافل ساعة يلتقيه المحب هيبة أشبه بهيبة المنصور (أبو جعفر المنصور أحد مؤسسي الدولة العباسية). هنا يلعب المعطى الثقافي لتلك الكوكبة دوره في إثراء فن الغناء أين منه سفاسف تنفر منهاالأذن اليوم. التحية لك مرة أخرى أختي نهى أبو راس على حسن الإختيار.
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: فضيلي جماع)
|
أستاذي الفاضل فضيلي جماع الشكر كل الشكر لك وأنت تتجول بنا في بساتين أولئك الأفذاذ وعبقريتهم في علم البديع والمعاني.. أكثر مايدهشني الثقافة العالية والتمكن التام من المفردة وأسرارها... ليك نفرة الغزلان ...مع جبرة الفرسان...في هيبة المنصور أدهشني هذا البيت كثيرا وتوقفت عنده أكثر من مرة في محاولة مني لسبر أعماقهم النقية والظروف التي ألهمتهم لنظم تلك الروائع... لعمري إنها لعبقرية تنحني لها الهامات وتجتاح أقوي القلوب لتزلزلها.. ربنا يرحمهم بقدر ماامتعونا وأن يسكنهم فسيح الجنان... ويديك ألف عافية..
| |
|
|
|
|
|
|
Re: ليك نفرة الغزلان **مع جبرة الفرسان**في هيبة المنصور (Re: abuguta)
|
Quote: احسن الزول يشتغل عتالى للجمال |
أبو قوتة يا أصيل.. كان جات للعتالة في دروب الجمال، أدينا معاك فرصة!! في زول لاقي فرصة يزاحم التجاني يوسف بشير في صرختو قدام محراب الجمال لامن قال: وعبدناك يا جمال وصغنا لك أنفاسنا هياما وحبا ووهبنا لك الحياة وفجرنا ينابيعها لعينيك قربى من ترى وزع المفاتن ياحسن ومن ذا أوحى لناأن نحبا من ترى علم القلوب هوى الحسن وقال اعبدي من السحر ربا إنه صانع القلوب التي تنصب في قالب المحاسن صبا أغث ياجمال ما تريد وتبغي أو فكن هينا على النفس رطبا أنا وحدي دنيا هوى لك فيها كل كنز من المشاعر قربى أو مع إدريس جماع حين يقول: أعلى الجمال تغار منا ماذا عليك إذا نظرنا هي نظرة تنسي الوقار وتسعد الروح المعنى دنياي أنت وبهجتي ومنى الفؤاد إذا تمنى لا يا اب قوتة يا اخوى..حكاية العتالة في دنيا الجمال دي كلنا عايزين نقدم طلباتنا ليها !!!
| |
|
|
|
|
|
|
| |