|
|
|
 Re: عماد عبد الله .... تعال أسمع .. على مسؤوليتك !! (Re: Emad Abdulla)
|
أخي المهيم عماد
Quote: خليكي كده ..
باري الوجع الجميل لامن تنسلبي و تبقى طيف ..
|
هو انا لسة حابقي.؟؟؟؟ ما بقينا خلاص والحصل حصل...
الله يرحمنا.....
Quote:
إنتي و محمد عثمان و لؤي و حسام و مرات تمبس ..
تحبوا تشوفو الناس مهيمة ..
انا هيمت .. أها ..
أعمل شنو هسه يعني ؟؟
|
ده لاننا مهيميييييييييييين وحالتنا حالة...
لكن علاجك عندنا وحيكون في البوست القادم انشاءالله....
مودتي الخالصة
| |
 
|
|
|
|
|
|
|
|
Re: عماد عبد الله .... تعال أسمع .. على مسؤوليتك !! (Re: Alsa7afa_30)
|
| Quote: و الإهــداء للجمـــــيع .. |
كده ممكن نقول بسم الله وندخل
إنت يا حسام تنادي عماد عبدالله وتقول ليهو على مسئوليتك؟
يا زول إنت والله بتاع شبك ساكت .. الزول ده مع الغنا الشديد ما عندو أي مسئولية .. وبكاااااااي
""ما بسيب حبك .. حتى لو ضراني""[BLUE/]
جنس مضرة غايتو.
حسام إزيك
| |
|
|
|
|
|
|
|
|
|
Re: عماد عبد الله .... تعال أسمع .. على مسؤوليتك !! (Re: haroon diyab)
|
Quote:
Quote: رابط الحفظ وبعد اذنك ياحسام
للاستاذه انعام
اعفصــــي هنــا
واختيار موفق ياحسامكو
اما انا فما بقول غير
الله يقدرني علي خشمي ده.....! |
هارون مالك ياخ 
يا الطيب شكراً جزيلاً
بس الرابط دا فيهو مشكلة ما شغال
كدى ارجع ليهو تاني
وبعدين البوست دا بتاع عماد عبد الله
مفروض نحنا ضيوف وبس
ما تخلونا كل شوية نجي ناطين
ويجي زول يقول لينا (مش شغلكم)
| |
|
|
|
|
|
|
|
|
|
Re: عماد عبد الله .... تعال أسمع .. على مسؤوليتك !! (Re: noon)
|
و الله حكاية ..
الزول يديكم قفاهو دقيقة و ااااحدة بس .. يلقاكم عملتوهو ( الشهيد الحي ) ؟؟
عارف يا حسام .. قال الشاعر :
( إذا أنت لم تعشق و لم تدر ما الهوى * * * فأنت و عيرٌ فى الفلاة سواء )
قام واحد تاني حاقد على العنقالة ظبطها ليهو و صلحها أكتر لئامة :
( إذا أنت لم تعشق و لم تدر ما الهوى * * * فقم و اعتلف تبنا فإنك حمار )
أنا غايتو كملت كوتة البكا بتاعتي .. و نضب معيني من ماء العيون ..
بقيت حرازاية ساكت و الدنيا خريف .
فيا عالم يا متلقين الجج ..
بهذا نعلن إنو ليس لنا في البكا على الحبيبات لا ناقة لا جمل ..
لكننا نجعر و نتنخج فوق جن و سماحة الغنا زاتو ..
كلماتو و لحنو و تطريبو و أصوات الجهابذة و تدليع الكمنجاتية المناعيل لشغلهم ..
و فوق ده و داك الناس السمحة ( الإتقطع ) فيها الغنا ده ..
دحين يا الأولاد و يا البنات المرقو هنا و مرقوني من الملة ..
لو عندكم في زمنكم الميتان ده غنا يشبّع و يطبّع .. ورونا ليهو ..
أما نحن .. فـ ( هاؤم إقرأوا كتابيا ) ..
و متعوا روحكم للدنيا و الزمان .
( زيدني في هجراني
في هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم و أنا آه
ألم البعاد صحاني
حن عليّ غرامك
و الله كاد يمحاني
مال فريعك باني
فيهو بدر و ظلمه
و فيو ردفاً باني
حين نسيم الليل
بي روايحك أتاني
زاد عليّ الشوق
و دمعي سال هتاني
على عفافك دوم
زيدني في هجراني ) .
بكل الروايات تسمع النصيبة دي تلقاها واحد صحيح ..
برواية أولاد الموردة او عثمان حسين او سيدخليفة ..
.......
الصحافة 30 ..
أمك راضية عليك يا ولدنا ..
عشان كده ليك الجنة في البتسوي فينا ده ..
و شكرا ياخي على تجميلك دايماً لينا .
| |
|
|
|
|
|
|
|
|
|
Re: عماد عبد الله .... تعال أسمع .. على مسؤوليتك !! (Re: عبدالكريم الامين احمد)
|
يا بهاء عيسي
لييه كده ياخي
انا المسكين ده ذنبي شنو حسع تغلغلني وتخلي الاغنية بتاعة (اعمل ليك ايه ترجع لي تاني)
تعمل فيني كده وتعملني (شاورمة) وتعذبني عذاب قبورة....
هناك اغاني يا بهاء علي شاكلة هذه اللحن الذي اوردته
تبقي الزول مسسسسسسسسكين وعيونو برقرقن وبتنزل دمعة علي خفيف كده
وساعتها يكون هذا هو التحول الي شاورما
| |
|
|
|
|
|
|
|
|
|
Re: عماد عبد الله .... تعال أسمع .. على مسؤوليتك !! (Re: بهاء بكري)
|
بهاء بكري
ازيك
| Quote: ياصحافة ليه الدلع ده لعماد يعني ...... مانحن طلبنا منك خاطرك الغالي وعملت اضان الحامل طرشا ..... اها الواحد الا يطلب واسطة من عماد ولا شنو ...... الزول ابوشنب ده عمل للناس شنو .... |
شنو ياعمك ....كمان بقيت بتاع اغاني وكده ....
حسامو
الظاهر الزول ده بهظر ماتصدقوا.
...
...
...
شنو ياعمك ماطالعين...؟
| |
|
|
|
|
|
|
| |
Alsa7afa_30
محمد خليل ساني
نهي محسن أبوراس
Emad Abdulla
ناهد بشير الطيب
محمد أبوالعزائم أبوالريش
انعام عبد الحفيظ
محمد الطيب حسن
haroon diyab
علاء الدين حيموره
noon
Sabah Hussein
baha eassa
عبدالكريم الامين احمد
Sayed Bekab
ثروت سوار الدهب
بهاء بكري
فيس بوك
تويتر
انستقرام
يوتيوب
بنتيريست