|
Re: صديق الموج فك البيرق (Re: معتصم مصطفي الجبلابي)
|
يا الجبلابي اخوي سيبك من بيرق صديق الموج الهلالاب كلهم حقو كانوا يفكوا البيرق تعرف ليه خجلاً من الحكم يا اخي دا سواها واضحة خالص Quote: المناخ هو الساهم في احراز الاهداف في شباك الهلال......... |
والحكم هو الساهم في احراز الاهداف في شباك داونز ........
| |
|
|
|
|
|
|
Re: صديق الموج فك البيرق (Re: حمزاوي)
|
الاخ حمزاوى
سلامات
طبعا حجج المريخاب واهية دائما
مع كل فوز يحققو الهلال عليهم
وكذلك من الصعوبة عن المريخ
انه يحول تاخره بهدفين الى نصر
وبهذا الفارق الكبير من الاهداف
وطبعا دا ديدن الهلال العودنه عليه
واظنك بتزكر المريخ لما كان متقدم بهدفين
وداخل استاده علي الهلال وكيف انه فتية
الهلال الاشاوس انتزعو النصر وكاس البطولة
من عقر دار المريخ...
وكذلك الهلال دا فاز علي الاهلي المصري والزمالك
والترجي والنجم الساحلي وغيرهم وغيرهم دا كلو بالتحكيم
المريخ مشكلتو انه كل همو اصبح ليس في تحقيق النصر علي
الفرق التى ينازلها بل في كيف ينهزم الهلال من الفرق
التى يلاعبها لذلك تجدهم اكثر سعاده لهزيمة الهلال من
الإنتصارات التى يحققها المريخ
بعدين انتو الهلال دا كت قاعد يغلب بالتحكيم وشال
الممتاز ( مش منكم لانكم معندكم حاجه )5مرات علي
التوالى ماقررتو تنسحبو من دوري يشتري فيه الحكام ليه
والا انتو ماعندكم قدره علي الإنسحابات دي ولو انسحبتو
مافي زول بيعبركم
مع ودى
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
Quote: والحكم هو الساهم في احراز الاهداف في شباك داونز ........ |
اها حمزاوى ده من الله خلقوا ما بكضب غير مرة واحده قال هو خال البورداب مع انو انا خال البورداب بعدين حكم زى ده انا كنت خجلان للسودان ما الحمد لله الما تبرأت من الجنسيه بصراحه حكمكم بالغ،،،،
| |
|
|
|
|
|
|
Re: صديق الموج فك البيرق (Re: صديق الموج)
|
لما قلنا ياصديق الفريق الجنوب افريقي غلب بالهوا ماكان مبرر للهزيمة
لكنى قلت مسبقا وقبل ابتداء الشوط الثانى الهلال ماحيطلع من المباراه
مغلوب ومصدر الثقة لاننا نعرف لعيبة الهلال الاشاوح وكيف انهم يسطيعوا
ان يقهروا المستحيل ومثل الحاجات دي بتعتبر عند المريخ من المعجزات
يتأخر بهدفين ثم يهزم دي مستحيلة ولو من فريق (العشش والا الجبلاب)..
وزى ما الكتاحة ساعدت صن داونز برضو ساعدت الهلال في هدف محمد يوسف
الذى احرزه من نصف الملعب لكن اهداف الهلال الباقية كلها جات عن كور
ملعوبة وممرحلة وحتى انه الهلال جاب هدفه الاول وهو يلعب عكس التيار
فمن يدلل علي انه الفريق الجنوب افريقي ساعدو التراب انه ماقدر يحصل
مرمى الهلال ويحرز هدف في الشوط التانى..
بس اوعي تجي تقول لي الهلال استخدم (عرق كتاحة)
ياخال
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
Quote: ومصدر الثقة لاننا نعرف لعيبة الهلال الاشاوح |
معتصم الجبلابى كيف حالك والله قد اصبت حين اخطأت فعلا اشاوح جمع اشوح والا شوح هو ابن عم الاشتر اوالكيشه .. وشهد شاهد من اهلها على شواحتهم.. شكرا للمعلومة،،،
| |
|
|
|
|
|
|
Re: صديق الموج فك البيرق (Re: صديق الموج)
|
لو سلمنا ان غلطة الطباعة صدقت كما قلت
فيما لا اقصده وتبدلت السين بالحاء
بس انتو ماعيب عليكم الكيش ديل يحرموكم من
كاس الممتاز اربعه سنين وخمسة سنين وود الامين
بيلحن في اغنيتو الجديدة (ستة سنين معاك ياهلال الملايين)
وجاية سبعة سنين ......الخ
والا 5 سنين والهلال في ال22 مباراة بتاعت الدوري بيغلب بالتحكيم
| |
|
|
|
|
|
|
Re: صديق الموج فك البيرق (Re: Mohamed Foto7li)
|
الظروف الطبيعية تكرم صن داونز بثنائية ورفاق البرنس يقهرون الصعاب ويردون برباعية نارية حول الهلال تاخره الي فوز غالي علي ضيفه صن داونز الجنوب افريقي باربعة اهداف مقابل هدفين سجلها كلتشي (هدفين) ، مهند الطاهر ويوسف محمد في مباراة شهدت العديد من الاحداث المثيرة حيث تقدم بطل جنوب افريقيا بهدفين نظيفين في بداية شوط المباراة الاول ونجح الهلال في تقليص الفارق قبل نهاية الشوط وسجل ثلاثة اهداف في الشوط الثاني ليكسب النتيجة باربعة مقابل هدفين في
واحدة من اعنف الملاحم الافريقية·· وقد شهدت المباراة روح قتالية من جانب لاعبي الهلال خاصة في شوط المباراة الثاني واضاع الفريق العديد من الفرص السهلة حيث كان بالامكان تسجيل فوز كاسح علي صن داونز الجنوب افريقي· وسيلعب الهلال لقاء الاياب بجنوب افريقيا ويحتاج للتعادل او الخسارة بفارق هدف ليعبر الي مرحلة المجموعات
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
Quote: بصراحه حكمكم بالغ،،،، |
بالغ الواحدة دي وبس ،،، دي مجموعة مبالغات عديييييل كده . بعدين الغريب في كده شنو يا صديق ؟ ماياها عاداتهم وتقاليدهم ماشفت مباراة الأمل عطبر ولا مباراة إتحاد مدني !!! يعني الحكام معاهم ... معاهم ...
مودتي
عماد
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
ألجميل معتصم..
هو داب فكه....حمالتك على لحدى ما إتصلت عليهو بالتلفون..ربنا ما تم ليهو مرادو...الحمدلله..
Quote: لو سلمنا ان غلطة الطباعة صدقت كما قلت
فيما لا اقصده وتبدلت السين بالحاء
بس انتو ماعيب عليكم الكيش ديل يحرموكم من
كاس الممتاز اربعه سنين وخمسة سنين وود الامين
بيلحن في اغنيتو الجديدة (ستة سنين معاك ياهلال الملايين)
وجاية سبعة سنين ......الخ
والا 5 سنين والهلال في ال22 مباراة بتاعت الدوري بيغلب بالتحكيم |
صح لسانك... إسماعيل محمد احمد عباس...
| |
|
|
|
|
|
|
Re: صديق الموج فك البيرق (Re: ismeil abbas)
|
ياسمعة ياخوي سلامات
اكعب حاجة الزول يحرش عشان يكاتلو ليه
هم اسي حيلاقو الهلال بعد اسبوعين خليهم
ينقو الحكم العايزنو ونديهم لاعبين هوادة
فوق الحداشر اها قصرنا معاهم وبعد دا بتلطشو
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
Quote: شفت ياصديق الكتاتيح كانت كيف الناس ذاتم قربت تشيلهم |
الجبلابى صديقى فى زمان الكتاتيح ..كيف حالك انت كتاتيح دى جمع شلاويح؟ وبعدين كتاتيح وعكس الهواء .. انت ديل لعيبه والا مراكب؟؟ وداير انصحكم تانى يوم الكورة ماتاكلو فى الحله!!! يا اخوى اتيقنوا على الكونفدراليه.. بلا لمة،،،
| |
|
|
|
|
|
|
Re: صديق الموج فك البيرق (Re: صديق الموج)
|
انت ياصديق حقو تخجل وما تقول الكلام دا
لانو دا ببخس من قيمة فريقك والدوره اللى
لاعب فيها الهلال كان اتغلب بيرجعوه فصل بس
انت كان جيتو الطيشة الا يودوكم المنطقة الصناعية
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
Quote: انت ياصديق حقو تخجل وما تقول الكلام دا
لانو دا ببخس من قيمة فريقك والدوره اللى
لاعب فيها الهلال كان اتغلب بيرجعوه فصل بس
انت كان جيتو الطيشة الا يودوكم المنطقة الصناعية |
معتصم العزيز تحياتى.. انا ما بقول كده قصدى تقليل من قوة المنافسه او من الفرق التى تشارك فيها،ولكن لانو انتو كل سنه انجازكم الوحيد هو انكم تلعبون فى منافسة الكبار.. انت عارف ذكرتنى بحكاية القراده ..ممكن احكيها؟؟ ياخى قبل كده قالو القرادة سالوها: اين كنت يا القراده اجابت مشينا انا والجمل جبنا العيش من الحواشات.. وهى مركبة فى اخر ط.....ظ الجمل..وتمص فى دمه.. وعملت روحها مشت مع الجمل وجابت العيش.. والله ديل انتوا..دايما صفر كبير وعادين روحكم مع فرق اقل واحد احرز البطولة خمسة مرات.. كونفدراليه علينا جاى،،،،
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
ودي ذيادة ساي مننا ليك عشان تانى ماتقاطع بجاي
الهلال يتخطى الاهلى المصرى فى التصنيف العالمى عدد المشاهدات: 892 نشرت: 03/05/2008 - 15:56 عدد رقم 5978 • المريخ يدخل نادي المائة والخمسة الاوائل علي مستوي افريقيا والوطن العربي عاد الهلال الي وضعه الطبيعي في التصنيف الشهري الذي يصدره الاتحاد الدولي لتاريخ واحصاء كرة القدم مستفيدا من فوزه الباهر علي صن داونز الجنوب الافريقي وتقدم خطوة رائعة الي الامام متخطيا الاهلي المصري لاول مرة في التصنيف الدولي واحتل المركز الثالث علي مستوي افريقيا و الثاني علي مستوي الوطن العربي والمركز (86) علي مستوي العالم بفارق تسعة نقاط ونصف من القطن الكاميروني الذي قفز الي المركز الثاني ·· ودخل المريخ لاول مرة نادي المائة وقفز الي المركز (97) عالميا والخامس افريقيا والرابع عربيا مستفيدا من انتصاره الرائع علي هايلاندز الزمبابوي ··
وواصل الأهلي المصري تراجعه في تصنيف أندية العالم للشهر الخامس على التوالي حيث تراجع 12 مركزا ليحتل المركز الـ88 عالميا ليتراجع إلى المركز الثالث عربيا والرابع إفريقيا، فيما واصل الزمالك تقدمه في التصنيف وقفز 31 مركزا ليحتل المركز الـ111 عالميا ويقترب من الأهلي· وعلى المستويين الإفريقي والعربي حافظ النجم الساحلي التونسي بطل إفريقيا ورابع العالم على صدارته لترتيب الأندية العربية والإفريقية محتلا المركز 69، وقفز القطن الكاميروني للمركز الثاني إفريقيا محتلا المركز 75 وعلى المستوى العالمي، تقدم مانشيستر يونايتد الانجليزي لصدارة التصنيف بينما تراجع مواطنه تشيلسي للمركز الثاني قبل صراعهما معا في نهائي دوري أبطال أوروبا· أفضل سبعة أندية على مستوى العالم: 1- مانشستر يونايتد الإنجليزي 2- تشيلسي الإنجليزي 3- برشلونة الإسباني 4- بوكا جونيورز الأرجنتيني 5- ليفربول الانجليزي 6- بايرن ميونيخ الألماني 7- سيفيليا الإسباني أفضل سبعة أندية على المستوى الإفريقي: 69- النجم الساحلي التونسي 75- القطن الكاميروني 86- الهلال السوداني 88- الأهلي المصري 97- المريخ السوداني· 100- الاتحاد الليبي 111- الزمالك المصري أفضل سبعة أندية على المستوى العربي: 69- النجم الساحلي التونسي 86- الهلال السوداني 88- الأهلي المصري 97- المريخ السوداني· 100- الكرامة السوري 100- الاتحاد الليبي 111- الزمالك المصري
| |
|
|
|
|
|
|
Re: صديق الموج فك البيرق (Re: معتصم مصطفي الجبلابي)
|
ألأخ/معتصم
تحياتى...
بالله حافظ على البوست ده..ما تهملوا...فى ناس لابد أن نوثق لهم نسايين..خلاص..فاكر المريخابى القال الهلال معانا فى الكونفدرالية بأذن الله..وينو الزول ده..
مودتى.
إسماعيل محمد احمد عباس..
| |
|
|
|
|
|
|
|