خيرا تعمل خيرا تلقى **** وشرا تعمل شرا تلقى وكضب المثل القال في السابق **** خيرا تعمل شرا تلقى ***** البيعمل خير حقيقه ***** الندم يوم مابيجيهو والبيزرع ديمه بيحصد ***** مهما غاب الغيم عليهو والبشيل الشر في قلبو ***** اصلو مابتنوم عينيهو مهما حاول يخفي حزنو ***** بكره بيرجع كلو ليهو والبريدو الرب بيبقى ***** خيرا تعمل خيرا تلقى ***** التسوي تلاقي فيكا ****** وياهو في الاخر مصيرك قيس لحافك قبل تخطو ****** وقبل ما تتوه في مسيرك ولو هربت من العيون ****** كيف ح تهرب من ضميرك لو تدوم في الكون مظالم ***** كان زمان دامت لغيرك وكل زول للناوي يلقى ****** خيرا تعمل خيرا تلقى ****** عيش امين وماتشيل عداوه ***** تلقى كل الناس حبايبك ولو صحيح الطيبه طبعك ***** يامابتلاقي البيطايبك مافي زول بيشمت عليك ****** ولا يفرح لي مصايبك ياماتبقى الفاجعه اكبر ****** لما يفرحوا فيك صحايبك وتاني كيف حالتك بتبقى ******* خيرا تعمل خيرا تلقى ********
واشنطون ابريل2008
(عدل بواسطة عادل خياري on 04-29-2008, 00:32 AM) (عدل بواسطة عادل خياري on 04-29-2008, 00:36 AM) (عدل بواسطة عادل خياري on 04-29-2008, 01:13 AM) (عدل بواسطة عادل خياري on 04-29-2008, 01:18 AM)
04-29-2008, 05:36 AM
عادل خياري عادل خياري
تاريخ التسجيل: 03-13-2008
مجموع المشاركات: 1229
كل الشكر للاستاذ عزمي الذي خص وزين المنبر برائعته الجميله ذات الحكم والمواعظ كما اتمنى من الاخ بكري التثبيت لتعم الفائده ويستمتع بها القدر الاكبر من معجبي الشاعر الفذ متعه الله بالصحه والعافيه وهو يعبر عن حال العامه وهو لسان الامه الناطق بالقافيه
04-29-2008, 06:02 PM
عادل خياري عادل خياري
تاريخ التسجيل: 03-13-2008
مجموع المشاركات: 1229
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عادل خياري
فيس بوك
تويتر
انستقرام
يوتيوب
بنتيريست