|
غــــــرباوى....!!!!!!!!!!
|
يا اهلنا ويا اخوانا الاعضاء حقيقه نحن اختلافنا اختلاف سياسي وقد تلاحظ فى كتابات كثير من الاخوه التعرض لزملاء لنا بالمنبر فادعو الجميع للنقاش الجاد والابتعاد عن التراشق بالكلمات
غرباوى عب شمالى شرقى جنوبى تركى دخيل
واتمنى ان يكون اختلاف الراى لا يفسد للود قضيه سامى عتبانى
|
|
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
الاخ سامي سلام
القضية ليست مجرد مصطلح او كلمة تقال بشكل عابر كجزء من ثقافتنا الاجتماعية
القضية الان هنالك مخطط اسود يسعى لزرع هذه المفاهيم وتفخيخ الواقع الاجتماعي المسالم في السودان بعناصر الكراهية والتنافر العرقي هذا المخطط تنعكس بعض ملامحه في هذا البورد من بعض الذين ينشرون ادبيات العداء للثقافات المختلفة عربية كانت او افريقية الذين يتحدثون عن الهامش وعن الجلابة الخ هذه المصطلحات هم يمهدون الطريق للمعارك الاجتماعية القادمة لمصلحة من !؟ لاادري
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
يا زول انت قريب غازى صلاح الدين العتباني الذى قاد ما أطلق عليهم نظام نميرى (المرتزقة) عام 1976 ؟ مثلما يطلق الآن نظام الانقاذ علي حركة العدل نفس الوصف في حين أن نفس النظام هو الذى قاد مع آخرين تلك الحركة بعدين ان كنت من هذه العائلة ستجد من يقول عنك بأنك لست سودانيا كما سمعناها من قبل (ورفضناها) أى رفضنا مثل هذا القول الذى يصنف هذا سوداني أصيل وذاك سوداني بالتجنس. فلماذا هذا الخطاب العنصرى؟
| |
|
|
|
|
|
|
Re: غــــــرباوى....!!!!!!!!!! (Re: عاطف مكاوى)
|
نحن فى السودان نهوى اوطانا
انا سودانى وانا شمالى وانا غرباوى وانا جنوبى وانا شرقى فلنتحد جميعا من اجل السودان الوطن الواحد ما قد كان وما سيكون وافتخر بانى سودانى ومولود فى السودان
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
Quote: نحن فى السودان نهوى اوطانا
انا سودانى وانا شمالى وانا غرباوى وانا جنوبى وانا شرقى فلنتحد جميعا من اجل السودان الوطن الواحد ما قد كان وما سيكون |
و الله يا ولدي زي كلامك ده ما بيمشي في البورد ده..احتمال ينفع في محلات تانية..لكن هنا..ما اظنش
بعدين عندي سؤال مهم..ليه قلت غرباوي و ما قلت غربي؟؟ و ليييه قلت شرقي و ما قلت شرقاوي؟؟..شفت دي نوع الأسئلة المهمة المفروض الناس ركز عليها
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
طيب مشيت معانا خطوة للأمام....طيب البخلي خليل إبراهيم مجرم شنو ؟؟؟ لأنو تمرد علي سلطة غير شرعية؟؟؟؟ يعني تمرد البشير وغازي صلاح الدين والطيب سيخة بطولة وتمرد خليل جريمة؟؟؟ ولا عشان غازي صلاح الدين من أمدرمان تمرده (علي حكومة منتخبة وشرعية) زي أكل الزبيب؟؟؟
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
Quote: القضية الان هنالك مخطط اسود يسعى لزرع هذه المفاهيم وتفخيخ الواقع الاجتماعي المسالم |
عيييك يالحمبرا سيداحمد خليفة!
قرابة ال 13,000,000 في الخمسين سنة الماضية ضاعو مابين ابادة او تشريد تقول لي السلم الاجتماعي؟ قصدك السلم الاجتماعي في عالم الجلابة ومابين الجلابة؟ يعني طول مانت كجلابي بالك فايق او رايق الباقين قدرم يكابدو الابادة؟
قال مخطط لزرع المفاهيم، والمفاهيم دي، مش زرعت بس، وانما شجر زغوما سلفا حصد ارواح الملايين يالطيرة! ياهم زي ديل الممشين امور البلد!
هل من عجب؟
عالم!
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
أخي المحترم سامي عتباني .. لك التحية والسلام أعتذر لك أنني فتحت بوستاً شبيه ببوستك هذا ولم أكن قد اتطلعت عليه قبل ذلك ..!! والعزاء أن زيادة الخير خيرين !! لك التحية والإجلال وأعذرني مرة أخرى على هذا الخطأ غير المقصود ..! وأتفق معك تماماً :
Quote: يا اهلنا ويا اخوانا الاعضاء حقيقه نحن اختلافنا اختلاف سياسي وقد تلاحظ فى كتابات كثير من الاخوه التعرض لزملاء لنا بالمنبر فادعو الجميع للنقاش الجاد والابتعاد عن التراشق بالكلمات |
رسالة من القلب : حتى لا تتحول خلافاتنا إلى صراع طائفي ..!! مع تحياتي ومعزتي أبوفواز
| |
|
|
|
|
|
|
Re: غــــــرباوى....!!!!!!!!!! (Re: سامى عتبانى)
|
غرباوى شمالى شرقى جنوبى تشادي تركى دخيل جن أحمر كله ما مشكلة المهم يكون في الأخير سوداني ويكون جاي بالدرب العديل يا اخ باولينو البرازيلي نحن بنعتز بسودانيته ----------- البجي بالدرب الملولو داك مو زولنا تب حتى ان بقى ود عمنا ومسك البلد عشرين سنة .
| |
|
|
|
|
|
|
Re: غــــــرباوى....!!!!!!!!!! (Re: عمر التاج)
|
عمر التاج يا للنفاق هو الانقلاب العسكري بقى اسمه درب عديل ولا شنو؟؟؟
Quote: البجي بالدرب الملولو داك مو زولنا تب حتى ان بقى ود عمنا ومسك البلد عشرين سنة . |
اها زولك البشير ده جاء بام الولولة ذاتها. وبقى زولك تقول لي شنو؟؟!!
| |
|
|
|
|
|
|
|