|
|
 بعد احداث امدرمان ... كم لم يستطيعوا الوصول الى اسرهم مثلى
|
يوم باين من اوله
يوم مجهجه
كلو مجهجه
وكلو جهجه كلو
يوم السبت لا اخرج الا للشديد القوى
ولاجتماع مفاجئ قررت الخروج
ولمواعيد السودانيين والكلام الخارم بارم والتنظير
انفض الاجتماع قرابة الساعة الثانية والنصف
والمجاملات مكثنا قبلنا
ثم
قامت
وهاجت العاصمة
واطلاق نار
وتلفونات من الاهل
مستفسرة
يا زول انت وين
امرق من عندك سريع تعال البيت
والشبكة معطلة
وهاك يا دوير عربات
وعند حضورنا لمدخل امدرمان
تم منعنا من العبور
الساعة 5 مساء تماما
ممنوع
ارجع
اقيف
بطاقتك
افتح الضهرية
شغال وين
جاى من وين
ماشى وين
فى النهاية
ارجع
لكن انا ساكن امدرمان
لكن التحميرة
كافية ان تعود ادراجك
ومحاولات اخرى باتت كلها بالفشل
جهجهنا اهلنا
واتجهجهنا برضو
فى النهاية
بعد خروج الروح
ان اطمئن على الاسرة واخبرهم بانى لا استطيع الحضور
للمنزل
وذهبت لازور احد الاقارب الذين يسكنون الخرطوم مجبرا رغم انى لم ازورهم لقرابة العام
فكم مثلى اليوم لم يستطيع الوصول الى اسرهم
وكم لا يملك وسيلة اتصال حتى يخبرهم فقط انه بخير
وينام مطمئن البال
|
|
 
|
|
|
|
|
|
|
 Re: بعد احداث امدرمان ... كم لم يستطيعوا الوصول الى اسرهم مثلى (Re: دوت مجاك)
|
دوت مجاك
الحمد لله انك كويس والحمد لله انك قدرت تطمن أهلك
غايتو انا عندي بت أخوي طفلة عمرها 7 سنوات
مشت مع أمها امدرمان الثورة في زيارة عائلية صباح اليوم
ومفروض كان امشي ليهم العصر عشان يرجعوا معاي للخرطوم
وبفعل الأحداث لم أستطيع الذهاب اليهم
وعندما تمكنت من الإتصال عليهم (بعد ملاواة مع الشبكة)
عرفت أنهم يسمعون أصوات ضرب الرصاص قريبة منهم
وهم في حالة فزع شديد والطفلة تبكي بصورة هستيرية
بعد ان سمعت ممن هم حولها بأخبار الأحداث
وتسأل عن والدها وأخيها الصغير الذي كان معنا بالخرطوم
وبتقول لأمها (يا ماما انا ماعايزة أموت وما عايزة بابا يموت وما عايزاكم كلكم تموتوا)
شوف كمية الفزع والرعب الدخل في نفس هذه الطفلة جراء هذه الأحداث!!!!!!!!!
وظللت أتصل بها كلما وجدت فرصة مع الشبكة السيئة حتى هدأت ونامت
وقبل قليل صحت من نومها مفزوعة وظلت تصرخ بصورة هستيرية
حتى قامت والدتها بتهدئتها مرة أخرى!!!
لك الله يا بلد وربنا يطمن الجميع على أسرهم
| |
|
|
|
|
|
|
| |
دوت مجاك
انعام عبد الحفيظ
الملك
انعام حيمورة
Safia Mohamed
محمد الطيب حسن
فيس بوك
تويتر
انستقرام
يوتيوب
بنتيريست