|
|
|
 Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء
-------------
لذكرى زينب بت احمد ، ام ابي أحمد بركات
شايقية مشلخة لا ورا من حلفاية الملوك
أرضعته مع الحليب الجسارة
-------------
إلى روح المناضلة الراحلة زينب عبدالمجيد
بت القاضي ، نوبية من أحفاد تهراقا
شيوعية مؤمنة بالله والوطن والحزب
والإنسان السوداني من أي مكان تحدر
وبأي لسان رطن وتحدث
وغنا
غنت اناشيد اليقظة في كورال الحزب بمناسبة عيده الأربعين
تسربت من بين ايادينا وهي في عز الصبا وريعان الشباب
| |
 
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء
إلى القائد باقان اموم
السكرتير العام للحركة الشعبية
بمناسبة تصريحه في الدوحة أبان زيارته الأخيرة لها
قال أنه بيطرب وبيستمتع بغناء الشسايقية
قالها بعيد لحظات من قوله بشأن الهوية :
فيما معناه :
{ نحن سودانيين وحقوا الناس ماتتعب في البحث عن الهوية
ومايبحثوا عنها في الأثنيات والقبليات
ولا في هؤلاء عرب وحفدة العباس واؤلئك زنوج أفارقة
علينا ان لانبحث عما يفرقنا
وعندنا الذي يوحدنا
السودان ،، ونحن السودانيين }
قالها
مع أن الناس بتنسجم مع فنونها
والبقاري يفعله المردوم
والجعلي يتقافز مع النحاس وضرام الدلاليك
والشايقي يستبيه حس السلكاية في الطنبور وايقاع الدليب
كل له غناه وفنه وايقاعه
شاشاي وجراري
وتيرم تيرم
وجاليوا
إلا ان السوداني الحقيقي باقان لم يخفي إعجابه
ولم احس انه قاله في فضاء سياسي
بقدر ما حلق في ابعاد انسانية وسودانية
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء :
إلى تراجي مصطفى
أخشى ان تشيلك الدروب
وتتوهي
وماتعرفي سكة الرجوع
قدراتك عالية
وصادقة في غضبك النبيل
وأعرف انك بتحلمي يوماتي
بوطن حدادي مدادي
وطن خير ديمقراطي
وطن لجميع السودانيين
يمد خيره للجيران
وللعالمين
عليك ان تركزي على مايجمعنا
السودان الوطن الواحد
بكل مكوناته
يجب ان نكف عن تصنيف الناس
هذا دينكاوي
وذلك فوراوي
وذياك جعلي
فسلطة الدمار الشامل تعادي الجميع
يجب ان نركز على فضح السلطة الحاكمة وفلول المؤتمر الوطني
بإعتبارهم تحالف تجار الدين والطفيليين والفاسدين
والأمنجية المنبتينوليس بحكم إنتماء أي من قادة ذلك التحالف الأجرامي
إلى هذه القبيلة اوتلك
هم منتمين لمصالحهم الخاصة جدآ
والمتقاطعة مع المصلحة الوطنية
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
ابو ساندرا سلامات
وشكرا لك وما تخاف علي.
عارف ليه ليس لاني املك ناصية الحقيقية
ولكن لاني لا اقبل الظلم لاحد
يبقى حديثتي وتركيزت على مظالم الآخرين
لا يعني انني ممكن ادعم ظلمهم للآخرين.
اليسار السوداني لا اكذبك القول مصدومة فيه
فالغالبيه تبدو وكأنها وقفت مكان سر في عدم مقدرتها على القبول بالآخر.
وعدم استفادتها من تطوير خطابها
وزغللت ابصارها وعدم مقدرتها علب رؤية الحقيقية.
Quote:
إهداء :
إلى تراجي مصطفى
أخشى ان تشيلك الدروب
وتتوهي
وماتعرفي سكة الرجوع
قدراتك عالية
وصادقة في غضبك النبيل
وأعرف انك بتحلمي يوماتي
بوطن حدادي مدادي
وطن خير ديمقراطي
وطن لجميع السودانيين
يمد خيره للجيران
وللعالمين
عليك ان تركزي على مايجمعنا
السودان الوطن الواحد
بكل مكوناته
يجب ان نكف عن تصنيف الناس
هذا دينكاوي
وذلك فوراوي
وذياك جعلي
فسلطة الدمار الشامل تعادي الجميع
يجب ان نركز على فضح السلطة الحاكمة وفلول المؤتمر الوطني
بإعتبارهم تحالف تجار الدين والطفيليين والفاسدين
والأمنجية المنبتينوليس بحكم إنتماء أي من قادة ذلك التحالف الأجرامي
إلى هذه القبيلة اوتلك
هم منتمين لمصالحهم الخاصة جدآ
والمتقاطعة مع المصلحة الوطنية |
يا ابو ساندار مواقف زي دي
كان الحزب الشيوعي هو البتقدم الصفوف
ويكتب عن المختطفين و المفقودين و المعتقلين
هل سالت نفسك اين الحزب الشيوعي الآن من مدني دارفور
الذين يواجهون اسؤ بطش من العسكر الآن داخل الخرطوم ؟؟؟!!!
اين الحزب الذي كنا نعتبره ضمير الامة؟؟؟؟
لا شيئ سوى بعض اسماء فرديه ناشطه منه
مثل
طلال عفيفي
علي عجب
كمال الجزولي
عفاف ابو كشوة وآخرين...
غايتو يا ابو ساندرا...كل يوم جراحنا تزيد وخزلاننا يزيد.
وبعدنا عنكم يزيد.وربك يهون.
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء إلى :
خضر حسين خليل--------------
قلمك عصي على الإسكات
وموقفك ورأيك الواضح مطلوب
سواء هنا أو هناك
غير ان هنا وبرغم علاته الحالية
وتسكع الطفابيع في ارجائه
والأمنجية يعيسون تخريبآ في المواضيع
وينسقون لإغراق المنبر بالفارغ وبالغلاط
قلت ان هنا ، برغم العلل
مفيد حتى إشعار أخر
حتى ينفض عنه القراء المحترمين
فتعال
نسامى على جرحك الشخصي
وأركز هنا برغم المالك
واجعل من قلمك بندقية لإرداء الجهل
والتغبيش والدجل
منتظرك
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء إلى :
طارق ابوعبيدة { خدر }
----------------------
رسالة سامية تحملها
ان تنظف آذاننا من الغث والهابط
وتسهم في الارتقاء بذوقنا
وتجعل الحياة والعيش هنا مزدان بالألحان الجميلة
وصوتك الحنين
ياريتك تتناولها ، برغم إجادة صديق أحمد ، لتفعل فينا ماتفعل
وانت لك مع بني شايق حكايات ومحاولات منذ محاولتك الناجحة مع
النعام آدم
غني ياخ
وأسمعني نشيدك
كيتآ في تراجينا
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
اهداء إلى :
أمل قدورة وزوابعها وتوابعها
--------------------------------
فترة قصيرة قضيتيها بيننا هنا
قصيرة لكنها عميقة
وجودك كان مزلزل لأعداء الشعب
لأنك إخترتي الإنحياز لقضايا الوطن المصيرية
تميز قلمك بالوعي والإنضباط
وكنت مفيدة جدآ
وتمتعتي بروح لطيفة ونفس ابية
أتمنى ان لايغيب قلمك طويلآ
أتمنى ان تعودي هنا
أو
ستجدي مليون حتة ترحب بك وبقلمك المترع وطنية و إنسانية
تحية وأهداء لك
وللأعزاء
علي عثمان : شاب في مقتبل العمر وزهو الشباب
لم يهدر فتوته وحيويته في المجون وفي الفارغ
لا لم يفعل ، بل ركز على إشاعة الديمقراطية هنا
مناضل حقيقي
شهيد قدورة : واخوته ، اولاد مؤمنين بالتقدم والحرية ويعملون من اجلها
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء إلى :
رأفت ميلاد
مولانا عادل سمير :
-----------------------
الغريب ورد إسم كل منكما
منفردآ ، على لسان جميلة
زارتنا أخت فاضلة من البحرين وفي الوتسة
والسؤال عن السودانيين في المنامة
جات سيرة مولانا عادل سمير
تحدثت عنه بتقدير وإحترام عال
ولما قلت لها : هذا القبطي زول تمام
قالت قيما يشبه الإستنكار:
ماحصل كان إختلاف الدين عائق بيننا
وماحدث ولا مرة ان ذهب تفكيرنا إلى تلك الناحية
كنا وما زلنا نراه سودانيآ قحآ ووطنيآ غيور
بد يومين تلقيت إتصال من أحدى الصيقات المتابعات للبورد
وتحدثنا
عن كتابة عماد عبدالله الطاعمة
وعن غياب تماضر شيخ الدين
وعن انسانيات هارون دياب
باغتتني : وظرافة القلم الممتع والزول الراقي رأفت ميلاد
قلت ليها : غايتو لو ما كان { كافر } كان عرسناهو ليك
على الأقل نفك ليك بورتك
قالت : آآي والله بدل ماتشيل حسي وتشحد بي في المنبر
وقصة الدين دي بنلقى ليها حل
لكن ، هو صحي كافر ظ ياخ ده مسلم وشيخ كمان
الشاهد
أن رافت وعادل سمير وآخرين كثر في هذا الوطن
المتعدد الواسع الجميل
لم يحدث قط ان سألنا عن ديانتهم
ولا شفنا فيهم حاجة مختلفة عنا
هم ابناء هذا الشعب العظيم
وسيظل الذي يربطنا هو الوطن والإنتماء
وكلو عندو دين
كلو عندو رأي
مع ا÷داء
لهم كل الحب والتقدير
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: كمال سالم)
|
| Quote: أظنها الروح عادت للتحليق مرة أخرى !! |
ظن ، فان بعض الظن حق
والله الروح كانت ناوية تحلق ، لولا ان المنطقة منزوعة الطيران
الروح حايمة وهايمة في الخرطوم
لي زول هناك قولة سلام تبقالو روح
Quote: | Quote: أنا واقف فى صف الاهداءات ,, ممكن أهنئ ؟ |
هني ، الله لايهينك ، عل قولة أخوانا القطريين
لكن انا ماعارف تهنيني أم أهنيك
انت يا ابو الإنجازات الكبيرة
يوم هنا ويوم هناك
وكراعك واصلة لي مسيعيد
حاضرآ في كل الفعاليات
ومعتليآ كل المنابر
حليك طوالي فوق
يازول يا راقي يا ذوق
وهذا بمثابة إهداء لك
الله يهديك
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
Quote:
اهداء إلى :
صفية محمد
تيسير نوراني
اماني الجندرية
قبل الخاص الذي يربط بينكم محبة وإعتزاز
إلا ان الرابط بينكم هنا
الإنتماء العميق للسودان
وإنسانه
والإلتزام بالتداخل في الموضوعي والإنساني
بكل إحترام للذات وللأخر المختلف
ساهمتن بقدح معلا في إشاعة الوعي والتنوير هنا
وإهتممتن بالقضايا العامة والمصيرية
أهديكن اللحن
مع فائض من الإحترام والحب |
العزيزابوساندرا
حبيب الكل فى المنبر
شاكرة اهداءك الجميل والاغنية الجميلة
و كل الجميلين الذين اهديتهم هذا اللحن و جمعت بينهم محبةصادقة و امانى كبيرة لوطن ديمقراطى يسع الجميع
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
سلامات يازول يارائع
وشكراً على هذا الأبداع
فمن لايحب الطنبور وغناء الشايقية الحنين فليراجع ذوقه
فاخوك شايقي قح كابراً عن كابر ومولود فى أحدي قري مروي كمان فى يوم من ذات الأيام ،ورغم ذلك لا أعرف نقرشة الطنبور ولا نظم الشعر ولا حتى الصفقة مثل معظم الشايقية .
فحدث أن حضرت جلسة غنائية خاصة للراحل المقيم مصطفي سيد أحمد أبان أقامته فى الدوحة وكانت فى منزل ألأخ أحمد ابراهيم فى المنصورة وغني الرأحل يومها كما لم يغني من قبل وغني ضمن ما غني أغنية شتلك مفدع بالجريد بذلك الأ يقاع الشايقي الجميل ،وبعد فراغه منها قال له أحد الأخوان تصدق ياأستاذ معاوية ده رغم انو شايقي لكن مابعرف يصفق صفقة الشايقية فرد المرحوم مصطفي يأخي يمكن بصفق من دواخله فانا هسع بطرب من دواخلي ،وكفاني بذلك الرد .
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: haroon diyab)
|
!!!! ناس يلولوهم بالمعلقات النجدية ..
و ناس نحنا يعلقونا من عراقيبنا !!
لولاكي .. لولا لولا لولااااااااااااااااااااااا ..
سمح ..
ثم شنو حكاية ( نمحطكم محبتنا ) دي كمان الفاكيها في الخلق ؟؟؟
كنت كويس لغاية قريب ده .. و ( بتغدق ) الود ..
قلبتا مالك من ( الإغداق ) لـ ( المِحّيط ) ؟؟؟؟
نسأل اللاهو السلامة .
غايتو من باب الخوه و كده .. ح نوفر ليك واحد سوط عنج غليد و ماكن ..
بالله ( امحط ) لينا آمنة دي محبة جنباوية ..
و السلام يا روح البدن .
بعدين شابكنا أمونة امونة .. !!
تراجي مالها ؟؟ حلاة الدنيا عليها ياخ !!
إستعمل العين " اليمين " شوية بالله في الشوف .
أصلاً " اليسار" بقت تكنتك منها و ليها .. منو العوض و عليهو .. .
يبقى تراجي دي وكت لاصقة في أمونة كده ..
النرجو منكم ( أمحطها ) واحد محبة أصلية خليها تآآآمن ..
.......
لولاك .. !!!
دي زي " قعر " لما كان بيسدّر البشكات بغنية الكابلي ( أراك عصي الدمعِ ) ..
يقول ليهم : أراااااااااك .. عصير الدم ياااا
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
كتبت وسيمة المبنى والمعنى
وهيطة الخلقة والاخلاق
دكتورة إشراقة مصطفى :
| Quote: آمانة ما اتورط زول |
هي داب ورطة يا دكتورة ؟
انا متأكد ان الورطة ستنداح وتنداح من كوستي إلى الديم
وكلاهما مهد جميل
حتى تبلغ الورطة مراقي فيينا
والمدن المجاورة
وإهداء لك
وانت
تسجلين الإنجاز تلو الإنجاز في سيرة ذاتية مشرفة
تؤكد بأن لامستحيل تحت الشمس
وان إرتقاء الدرجات العلا ممكن إذا توفر التصميم والإرادة
وانت
لاتأنفي ان تحكي عن البدايات وحفر الصخر بالأظافر
تحكي لتملكي الأخرين تجربة جديرة بالاحترام والتقدير
عسى ان يتبعوا خطاك ويوصلون
وانت
ترشقي المنبر والمواقع المجاورة في كل صباح بكتابات تصدر من القلب
لتدخل كل القلوب
وغرف البيوت
تسجلي فيها وبها مواقف ناصعة
و { تتشي عين الظلام بالضو }
وتقدي عين الكراهية بالحب
ياخ بنحبك
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: Ishraga Mustafa)
|
التحيه لابوساندرا
والتحية لنساء بلادى جميعا
سمعت بعض الحديث هنا عن الشايقية فأشرأب قلمى وابى الا ان يدلو بدلوه :-
ان زيارة الرحالة وادنجتون " " لديار الشايقية 1820 - 1821 تنطوى على جانب كبير من الاهمية فقد وصف جغرافية المنطقة وطبيعة سكانها ، وجورج وادنجتون رحالة انجليزى اغرم بالسياحة وزار بعض بلاد اوروبا الشرقية واشتهر كرحالة الى جانب شهرته كمؤرخ للكنيسة وكان زميل كلية ترينيتى كامبريدج كما تولى منصب اسقف مدينة درم ، و فى كتابه عن رحلته لديار الشايقية قدم لنا من خلال معركة كورتى بعض الصور الرائعة لشجاعة نساء الشايقية ومشاركتهن للرجال فى الحرب بروح عالية فيذكر فى كتابه :
( ان اشارة البدء بالهجوم عند الشايقية تعطيها فتاة عذراء تلبس لباسا فاخرا وتمتطى هجينا ويحافظ الجميع على عفتها وطهرها بما فى ذلك الاعداء وان الاشارة التى تعطيها الفتاة ببدء الهجوم هى - لليلى - لليلى - لوو باستمرار وان الالفاظ ذاتها يعبر بها النساء عند شعورهن بالبهجة والسرور فى الولائم ولافراح )
ولقد عاش هذا الرحالة احداث معركة كورتى وشاهدها عن كثب فقال عن رجال الشايقية :
( ان الشايقية لا يتهيبون الهجوم على اعدائهم على نحو يدعو الى الدهشة فهم يسارعون لمنازلتهم وجها لوجه بروح الاستخفاف وعدم المبالاة وبقلب منشرح كأنهم ذاهبون الى احتفال او مهرجان او تحت تأثير الشعور كانهم قادمون على ملاقاة اصدقاء قدامى افترقوا عنهم منذ امد طويل )
(
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
.
عمنا و أستاذنا الزميل الشيوعي / عبد الرحمن بركات
سلامات و حب .
أكيد سوف نعود من عهد التيه هذا
إلي سودان موّحد
حر ، ديموقراطي ، أكيد ..
تعرف يا عمك إتبسطّتَ جداً
لما كتبته عن ( خلي ) ( خضر حسين خليل ) :
Quote: إهداء إلى :
خضر حسين خليل--------------
قلمك عصي على الإسكات
وموقفك ورأيك الواضح مطلوب
سواء هنا أو هناك
غير ان هنا وبرغم علاته الحالية
وتسكع الطفابيع في ارجائه
والأمنجية يعيسون تخريبآ في المواضيع
وينسقون لإغراق المنبر بالفارغ وبالغلاط
قلت ان هنا ، برغم العلل
مفيد حتى إشعار أخر
حتى ينفض عنه القراء المحترمين
فتعال
نسامى على جرحك الشخصي
وأركز هنا برغم المالك
واجعل من قلمك بندقية لإرداء الجهل
والتغبيش والدجل
منتظرك |
لأني فهمتك كتير علّ خدر يفعل !!! .
ــــــــــــ
معليش يا عمنا ( و أنا دوماً تحلو لي كلمة عمنا هذه )
لكن ( خدر ) مغبون و الغباين في عرف السودانيين
بيحلها واحد من إتنين : الحقيقة الناتجة من المواجهة أو الإعتزار المباشر
و صديقي خضر حتي هذه اللحظة مهضومة حقوقه و زهجان جداً من المنبر !!!!
وإلي تلك اللحظات
لحظات أن يرد فيها الإعتبار
إلي كل المغبونين في هذا السودان
حب و سلام و حقوق دوماً مهضومة !!
.
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
أبا ساندرا ..( مش المنادى منصوب ؟؟!!)
قصدو كان في الماضي حنك ..
والصلات الطيبة ظنو ..
يا خسارة حنو داكا ..
البينزف لسة منو ..
شاعر الأغنية دي .. صديق محمد طه ..
وهو صديق قدييييييييييييييييم ..
وكنت مواكباً لميلاد هذه القصيدة ومثيلتها ..
من أمثال ..
يا فلبي ..
الشمات يعاينولك ...
يا قلبي ..
إلتقيته أمسية الخميس الماضي من يومين .ز
وسهرنا حتى الصباح مع نفر كريم من شعراء ومغنيي الشايقية المقيمين بجده ..
ما زال هو صديق منذ أكثر من 10 سنوات خلت لم ألتقيه خلالها ..
ما تغير فيه أنه صار ..راجل مرتيييييييييييييييين ..!!
شفتو الرجالة دي ...!
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
كيفك حبيبنا أبو ساندرا
مشتاقين والله .. وأهو تحنيس صفية جاب مريسة تام زين وطلعنا منك بكلمتين حلوين وطمبور حريف ناقصاهو شايقية مانعة تتفدع كدة وتكشح فى الشبال .. Quote: الشاهد
أن رافت وعادل سمير وآخرين كثر في هذا الوطن
المتعدد الواسع الجميل
لم يحدث قط ان سألنا عن ديانتهم
ولا شفنا فيهم حاجة مختلفة عنا |
هو نوعية الكلام ده زاتو جزء من غرس الإنقاذيين .. وإمتداد للعنصرية المزروعة عن قصد وتجاوب معها الكثيرن .. سلبآ أو موجبآ لا فرق .. يوم من الأيام كنا ما بنحتاجوا .. ولا بنتزكروا
يوم رجاء العباسى عملت ليها بوست إسمو "لـو كـنـتُ قـبـطـيـا..." الجماعة تقاطروا عليه وسابوا أصل الموضوع فى مصر .. ورشوا ليك شكر فى أقباط السودان لامن أخجلوا تواضعنا .. قاطعم الفردة صلاح لامن آمنوا Quote: رجاء ..
سلام ..
ما يحدث للإخوة الأقباط في مصر ، شئ غريب .
غريب بي فهمنا نحن السودانيين ، لأنو ما اتعودنا على حاجات زي دي ..
وبعدين لو في زول عايز يتكلم عن الأقباط في السودان ، فما ح يلقى حاجة يقولها ..
وأي كلام يتقال ح يبقى كلام ما عندو معنى ..
يعني شنو أقول والله هم كويسين ، وعشرتهم طيبة ، وما عارف شنو ؟؟
طيب ده ما شئ طبيعي ، لأنهم ببساطة سودانيين زيي وزيك ، وزي أي زول عايش في السودان ..
ما عارف إذا قدرت أوصل فكرتي صاح والا لا ، لكن أنا عندى رأي في قصة التمييز الغريب ده !!
وده بيحسس الزول كأنو الناس ديل مختلفين عنو ، وإنهم ما بيشبهوه ، وده كلام ما صاح أبداً ، على الأقل على مستوى منطقة ( الديم ) .. |
عدل مزاجى والحالة (أ) يادوبك تمد يدك تحت السرير .. بس مع إختلاف النضيف
وبعدين شنو قصة (الغريب) جميلتين .. و (باغتتنى) .. باغتتنى ياكبير .. ما عادى ياخ .. يعنى الواحد فيكم من رقشتو تنطفى يفتكر الناس كلهم إتلحسوا .. طبعآ "فيكم" دى عارفنى قاصد بيها معاك منو 
شكرآ ليك وشكرآ للجميلتين .. وقول للحلوة الدين ما مشكلة وجاهزين موية وكهربا .. بس أحسن تجهز ليها شهادة تمريض
شكرآ يا قريبى
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
يا رأفت
انت مديت يدك تحت السرير قبل ماتكتب مداخلتك المكعوجة دي
خليتنا نركض بالأسهم يمين شمال ، فوق تحت
أها دي محاولة للتصليح
كتب رأفت أعلاه:
كيفك حبيبنا أبو ساندرا
مشتاقين والله .. وأهو تحنيس صفية جاب مريسة تام زين
وطلعنا منك بكلمتين حلوين وطمبور حريف ناقصاهو شايقية
مانعة تتفدع كدة وتكشح فى الشبال ..
Quote: الشاهد
أن رافت وعادل سمير وآخرين كثر في هذا الوطن
المتعدد الواسع الجميل
لم يحدث قط ان سألنا عن ديانتهم
ولا شفنا فيهم حاجة مختلفة عنا
هو نوعية الكلام ده زاتو جزء من غرس الإنقاذيين ..
وإمتداد للعنصرية المزروعة عن قصد وتجاوب معها الكثيرن ..
سلبآ أو موجبآ لا فرق ..
يوم من الأيام كنا ما بنحتاجوا .. ولا بنتزكروا
يوم رجاء العباسى عملت ليها بوست إسمو "لـو كـنـتُ قـبـطـيـا..."
الجماعة تقاطروا عليه وسابوا أصل الموضوع فى مصر ..
ورشوا ليك شكر فى أقباط السودان لامن أخجلوا تواضعنا ..
قاطعم الفردة صلاح لامن آمنوا
Quote: رجاء ..
سلام ..
ما يحدث للإخوة الأقباط في مصر ، شئ غريب .
غريب بي فهمنا نحن السودانيين ، لأنو ما اتعودنا على حاجات زي دي ..
وبعدين لو في زول عايز يتكلم عن الأقباط في السودان ، فما ح يلقى حاجة يقولها ..
وأي كلام يتقال ح يبقى كلام ما عندو معنى ..
يعني شنو أقول والله هم كويسين ، وعشرتهم طيبة ، وما عارف شنو ؟؟
طيب ده ما شئ طبيعي ، لأنهم ببساطة سودانيين زيي وزيك ،
وزي أي زول عايش في السودان ..
ما عارف إذا قدرت أوصل فكرتي صاح والا لا ،
لكن أنا عندى رأي في قصة التمييز الغريب ده !!
وده بيحسس الزول كأنو الناس ديل مختلفين عنو ،
وإنهم ما بيشبهوه ، وده كلام ما صاح أبداً ،
على الأقل على مستوى منطقة ( الديم ) ..
عدل مزاجى والحالة (أ) يادوبك تمد يدك تحت السرير .. بس مع إختلاف النضيف
وبعدين شنو قصة (الغريب) جميلتين .. و (باغتتنى) ..
باغتتنى ياكبير .. ما عادى ياخ ..
يعنى الواحد فيكم من رقشتو تنطفى يفتكر الناس كلهم إتلحسوا ..
طبعآ "فيكم" دى عارفنى قاصد بيها معاك منو
شكرآ ليك وشكرآ للجميلتين ..
وقول للحلوة الدين ما مشكلة وجاهزين موية وكهربا ..
بس أحسن تجهز ليها شهادة تمريض
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
صباح الخير يا أبوساندرا
والله يا أبو ساندرا يبدو ما فهمتنى صاح
إمكن موية التحلية زى ما قال أبو حراز Quote: مع إنو العم رأفت شايف الحديث في هذا الموضوع
يعبر عن إستعلاء
وانه عدم شغلة ساكت |
ياخ أنا ما قلت كده بالمعنى الصريح
أنا بقصد هم الوضعونا فى خانة الدفاع والهجوم .. إمكن تأكيد تام لوجهة نظرك فى صدر البوست قبل التطرق للأقباط .. فالجهوية عامة .. وإتولدت من مافيش .. على الأقل عندنا ..
مثلآ ما فاقع مرارتى زى قصة لجان حوار الأديان والتعايش الدينى ومؤتمرات السلام .. هم عملوها خل عن قصد وقعدوا يلحنوا فيها ..
أها بعد ده كان ما فهمتنى إلا نجيب صلاح عبدالله يقولا ليك بالرندوك ..
هارون دياب فهمنى كويس وقصتو إختصار لى كلامى كلو .. كدى قصتو دى أكان فى عهد الأنبياء الدجالين ديل كان جابوها فى البى بى سى .. وعملنا بوست تضامن هنا مع المحدود (النيل) .. ويسفر البوست على تكفير صبري الشريف
شكرآ يا هارون يا جميل
| |
|
|
|
|
|
|
|
|
 Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
الشيوعي حطب النار عبد الرحمن بركات أبو ساندرا !
لعلمك إنت معانا..معانا !
الفرق بيناتنا في الدرجة و ليس في النوع ! 
أحكي ليك نكتة فلسفية..
قالوا جد بطرس غالي كان رئيس وزراء في مصر ،
و في إجتماع طويل لمناقشة الميزانية ، و هي من أشق و أصعب الأمور ،
تنهد و قال " أشهد أن لا اله الا الله و أن محمدا رسول الله.. "
الوزير الجنبو قال ليه " إنت أسلمت ياسيادة رئيس الوزراء ؟! الف مبرووك.. "
رد عليه وقال " ما أسلمش إزاي ؟! دي حاجة تكفّر " !!
أها رأيك شنو ؟!
و إن عدتم عدنا !!
لعن الله الطائفية و العنصرية أينما وجدت..
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
إهداء إلى فيصل عباس
وهو مستمتعآ بعزلته
رشقت هذا المكان يا فيصل بأقاصيص قصيرة
وكثيفة المعنى وعميقة الدلالات
غير أن دم يراعك ساح سدآ
وتشتت بين البوستات الخواء
نقدر لك شرف محاولة أن تجعل هذا المكان جميلآ
وظليلآ
ضبطتك تلعن هنا ، وكنت قد أبيت اللعن:
Quote: واشياء اخرى (تساهم في تساقط ريش الديك المجبول على المبارزه من غير صالح)
وعلى مشاهديه السلام
وعلينا ما تبقى
من رماد السؤال
وعليك اللعنه ان تمكنت منك .. |
تمتع بلعناتك
الطيبات
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
الحميم رغم انف (بهاء بكري-صديقنا اللدود)
بركات
اعلني الآخرون بانك رشقتني باهداءك ضمن (كوكبتك المختاره باتقان)
ركضت ساعيا الي هنا لاراك (تركت واحده من فرد مركوبي البائس في كومه رمل ،، لا تهتم سارجع عندما انتهي منك , وحتما ستكون موجوده لآن لا احد يهتم ببؤسها)
واسمع ما تقول (وجدتك تضعني ضمن المهمومين بجماليات المكان)
شكرا لك ولجمالك علما بانني اضنف نفسي ضمن هادمي الجمال طالما انني لم اتمكن من الاضافة اليه..
ثم:
لا أخفيك سرا بأني وقفت كثيرا جدا في مضامين هذا الوعاء الكتابي
وحقيقه وجدتك كمن يكتب (وصاياه الاخيره - بعد خرف انشاء الله)
وجدتك كمن يودع اصدقاء له تعاركوا وتعارفوا في محافل الجمال..
هل قراتك صاح يا بروكته؟؟
ارجو ان اكون خائبا فيما ذهبت اليه
لانك حقيقة اتفقنا او اختلفنا مع كتاباتك فانك تشكل رمزا مختلفا هنا
وانشاء الله يوم شكرك ما يجي
ح اجيك راجع ان تأكد لي اعتقادي الاول
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: فيصل عباس)
|
كتب فيصل عباس :
| Quote: لا تهتم سارجع عندما انتهي منك |
عديييل كده
ونحن فضلت فينا حاجة
عشان تنتهي منها ؟
وكتب :
Quote: وحقيقه وجدتك كمن يكتب (وصاياه الاخيره - بعد خرف انشاء الله)
|
الخرف فأل العدو الما صليح
حيث تنوي بناتي عزلتي في غرفة في برج بركات
ماليها سلالم ، حتى يطلعوني فيها
ومن هناك إلى الرفيق الأعلى مباشرة
أما بشأن الوصايا الأخيرة
فسوف أوصي لك ببعض الحاجات اللذيذة
لتؤانس وحدتك المجيدة
وكتب
Quote: وانشاء الله يوم شكرك ما يجي
|
ياريت
بس انت هسع بتشكر
بتفلق وبتداوي
وكتب
| Quote: ح اجيك راجع ان تأكد لي اعتقادي الاول |
تعال
من غير شروط
يا فيصل ياخ خليك قريب
كحلتك امس
ثم
فص ملح وداب
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: Emad Abdulla)
|
كتب عماد عبدالله :
Quote: للذين يشكرون الراكوبة في الخريف ..
|
راكوبة بتخر موية
ورقراق
وديمقراطية
أحسن من الأسمنت المسلح
لابيجيك هوا نقي
ولا ترطيب
انا شايف في الراكوبة حل
وكتب :
Quote: الدار الما داري انا مالي بيه
و البلد الما حقي ما بمشي ليه
|
والأسمنت المسلح كان بيت أبوك ؟
بطل الدعوات الإنهزامية يا عمدة
ولو عندك حل أفضل من الراكوبة
قول لينا
وتقدمنا
إن شاء الله تودينا بيت القسيس
واللا بيت امبليس
| |
|
|
|
|
|
|
|
|
|
Re: { والدروب شالنو ودن...لما تاه مارجعنو } إهداء إلى كوكبة مختارة بإتقان (Re: أبو ساندرا)
|
Quote: راكوبة بتخر موية
ورقراق
وديمقراطية
أحسن من الأسمنت المسلح
لابيجيك هوا نقي
ولا ترطيب |
يا مثبت العقل و الدين يا رب ..
" بتخر " مويه ؟؟
متأكد ما فيها ( حرف ناقص ) في الآخر ؟
ديمقراطية بتاع مين يا عباس ؟؟
قال الفكي أب سُردُبّه : إنما الأعمال بالنيات ..
فسارت مثلا .. ( إذ النية زاملة سيدا )
و عمك حشاش بي دقنو قال : من هنا لهنوووك .
فصارت .. برضو مثلا .. ( إذ الكلام على الأخلاق ) .
و ود أب دليبة يعرض : أنا الشافوه خلّوه ..
و أنا الككو الفجغ الطين ..
و حجر الظلط ده انا ده ..
و ياني مقنع الكاشفات ..
و الفات الفات .
( وقع من توّه على قدومو .. إنفقه ) .
......
كلام أخير :
صباح الأوبتيميستيك يا وطن ..
إنهزامية يعني شنو ؟
( سؤال طايش .. و نرجو من مشاهدينا في الأقاليم مراعاة فروق الإستان ) ..
| |
|
|
|
|
|
|
|
| |
أبو ساندرا
Alsa7afa_30
Tragie Mustafa
كمال سالم
طارق جبريل
محمد فضل الله المكى
ابراهيم عدلان
AMNA MUKHTAR
شرووم
حيدر حسن ميرغني
Ishraga Mustafa
معاوية محمد الحسن
الجندرية
haroon diyab
Emad Abdulla
Elmoiz Abunura
wadalzain
عبداللطيف حسن علي
معاوية كرفس
رأفت ميلاد
زينب بدر الدين
Gazaloat
Adel Sameer Tawfiq
فيصل عباس
فيس بوك
تويتر
انستقرام
يوتيوب
بنتيريست