أغوار غير مسبورة (3)

Quote: ومن جهة اخرى يتحدث مجرّبون في مجال الاقتصاد؛ عن أن كل ما درسوه وخططوا له ذهب أدراج الرياح؛ أو يقول ليك ختيناهو على جنب. يا ريس ما جهجهتنا يا اخي ما تقول لينامنو الصح ومنو الغلط. هل هي حجوة ام ضبيبينة؛ رزقاً تكوسه ورزقاً يكوسك؛ شهادات وسبع صنايع؛ وليه البخت ضايع! مهما سبرنا الغور؛ فلن نهتدي إلى أن الرب في التدبير هلا تناولت ما تقرره الميزانيات المقترحة؛ وما تصبح عليه في الواقع؛ والخطط خمسية كانت او عشرينية والساقية لسا مدورة. هو انت قلت شنو؟ وانا هببت شنو؟ لما تسبر ابقى قولينا

تعرف يا عبدالفتاح : حكاية رزقا تكويلو و رزقا يكوسلك هي مقولة تضع الحد الفاصل بين الحظ و بين التخطيط.

لأنو في ناس درسو و خططوا و في النهاية الحكاية تطلع فالصو.
و في ناس لا درسوا لا عتّبوا مدرسة و لكن ماشة معاهم آخر حلاوة ..
مش أهو دة تكوسلو و يكوسلك ؟ تكوسلو ما تلقاهو .. و يكوسلك و إنت نايم في العنقريب و يلقاك لامن تنخلع ..

غايتو .. في الموضوع دة ما حنسبر غريق ...