|
|
|
 Re: يا سودانى المهاجر و الشتات شاعر الشعب يناديكم للمشاركة فى مشروع صحبة راكب (Re: بكرى ابوبكر)
|
Quote: لماذا مبدعى بلادى يرزخون تحت وطاة (الفاقه)
يموتون اهمالا ويمرضون احساسا بالم هذا الشعب
والمؤسف اننا لانتذكرهم ولا نعرف قيمتهم الا بعد رحيلهم
اذا كنا لانؤمن بالتماثيل لماذا لانفتح المشاريع الثقافيه باسمهم ومن ريعها نوفر لهم حياة كريمه
وهم الذين افنوا صحتهم من اجلنا ومن اجل الانسانيه لماذا لانحتفى بهم وهم على ظهر البسيطه حتى نستفزهم لابداع اكثر واكبر |
لمن نقول للبطبّلوا بالـمبدأ حتودّوا الراجل التوج؛ يقولوا ليك انت نشاز
بدل يخجلوا من وقاحتم، يقوّلوك الإنت ما فاضى تقولو فى شاعر الحزب الـ .....طليعى
المهم ....
| |
 
|
|
|
|
|
|
|
|
Re: يا سودانى المهاجر و الشتات شاعر الشعب يناديكم للمشاركة فى مشروع صحبة راكب (Re: زهير الزناتي)
|
جاء فى جريدة السودانى اليوم الآتى : -
مشروع صحبة راكب يدشِّن عمله بمطار الخرطوم
الخرطوم: بكري خليفة
بحضور عدد مقدر من المواطنين بصالة الوصول بمطار الخرطوم وبمشاركة صاحب الفكرة الشاعر الكبير محجوب شريف ومدير المنظمة محمد دياب الذي وصل لتوه من لندن تم التدشين الفعلي لمشروع (صحبة راكب) الخيري لمساعدة المحتاجين عبر الأخوة المغتربين. وقال مدير المنظمة محمد دياب بأن الفكرة نبعت ابان تلقي الشاعر محجوب شريف للعلاج في لندن وتكونت مجموعة رد الجميل وبدأنا بتنفيذ مشاريع صغيرة منها المستوصف الخيري في ام درمان هدفنا من ذلك تحريك عمل الخير في قلوب الناس ومهما كانت التبرعات بسيطة يمكن بها التخفيف عن مريض أو محتاج والآن هنالك فروع للمنظمة في أمريكا وفرنسا تعمل بالتنسيق مع مكتب السودان ومشروع صحبة راكب قائم على دعم المغتربين السودانيين العائدين ومن خلال العربة الموجودة يستطيع كل فرد أن يسهم بما تجود به نفسه. ومن جانبنا سنعمل على ايصال كل ما يصلنا من أدوية ومواد غذائة وملبوسات لمن هم في حاجة ماسة لها، وأعتقد أن الفكرة قد وجدت القبول من كل السودانيين في دول المهجر ويرجع الفضل في ذلك للاعلام من صحف ومواقع الكترونية على رأسها موقع سودانيز أون لاين وصحيفة (السوداني) ورسالتي لكل السودانيين في الداخل والخارج بدعم المشروع من أجل تقيدم المساعدة لابناء شعبنا وعلينا ألا نحتقر ما نقدم مهما كان بسيطاً فهو بالتأكيد سيخدم محتاجاً.
بدرية ميرغني عضو المنظمة قالت بأريحية "رد الجميل ما صعب" كما يعتقد البعض ويستطتيع أي شخص أن يرد الجميل لأي جهة أو شخص مثلما فعل طلاب شمبات من تكريم (أمونة) ست الشاي في الجامعة ومثل هذه الاشياء البسيطة لها أثر كبير تعميق الحس الانسانى حتى الاطفال يمكن أن أيسهموا معنا في المشروع والآن لدينا تبرعات مختلفة سنعمل على تقديمها والآن الجميع مقتنع بالفكرة ووجدنا التسهيلات من الجميع في المطار وخطوط الطيران. عاصم عثمان عضو المنظمة قال الفكرة امتداد لفكرة رد الجميل للشاعر الرائع محجوب شريف وغرضها الأساسي توظيف طاقات السودانيين في العمل الخيري من خلال مبادرات جديدة ولذلك نسعى للاستفادة من السودانيين المغتربين ووفقنا في اتمام مشروع (عجلتك وصلت) للمعاقين وذوي الاحتياجات الخاصة.. شاهدت مشاعر الفرح مرسومة على وجه الشاعر الكبير مجحوب شريف وهو يتجول وسط الحضور وتكاد دمعات الفرح تتقافز من عينيه.. لله درك أيها الرجل القامة وحفظك الله وجعلك زخراً للوطن ولمحبيك.
\\\\\\\\\\
| |
|
|
|
|
|
|
|
|
|
Re: يا سودانى المهاجر و الشتات شاعر الشعب يناديكم للمشاركة فى مشروع صحبة راكب (Re: بكرى ابوبكر)
|
كتب صلاح الغول
نفره
صحة راكب فكره معطره بي أنفاس سوداني حبيب
عميد كلية طب الهامش المحجوب الوطني الطيب
صُحبة راكب ، فضل نعالو، قميصو القصّر ، سقط متاعو
هدوم أولادو الزايده الضاقت ، تستر عرض العريو وجاعو
باق الأكل الديمة مفضل الكُل يوم ملفوف في جريده
والله جريمة دي أشهى وليمة للجيعان الحلمو عصيده
ياخي العشرة جنيه أو خمسة وحتى جنيهك ماهو قليل
تأكد أنو حيرسم بسمه ويفرح نسمه ويشفي عليل
راكب راجع ليك يا عازه شايل همك وشايل همو
وشايل هم أولادك وهم أولادو وجارو وأبوهو وأمو
وهم الأهل المن ما فارق لا أتلاقوا ولا إتلموا
راكبين شيمة ولافين عكسي لا إرتاحو ولا إنجمو
وهم أحبابو وهم أصحابو وهم أخوانو وخالو وعمو
وهم القالع حقو وحاقر بيهو ويومي بمص من دمو
وشايل هم القاعده تباصر البيت الصابرة وست الوجعة
وهم اللسع ننو ماشي الروضة وشايل هم الرجعة
من الحر النارو تطلّع زيت الزلط الوالع ولعه
والمحظوظ والابن الإيه راكبين الإيه زايدين السرعة
شايل هم القيّل في المستشفى ومات ما حصّل دورو
واللي دفع حق الروشته ومشى كداري ودكّ فطورو
شايل هم الهم الحملو اليوم والبكره حيصبح زايد
هم البلد الكلو مآسي ينوم على ضيق ويقوم في شدايد
هم الزول الدارع شمسو سادر حافي وعرقو يشُر
يشقى ويحفت، يزرع ويحصد يوم ما ضاق غير طعم المُر
صحة راكب راجع ليك يا وطني وكاتلو الشوق لي نيلك
لي الصامدين في ربوع أم در الشامخة البيها اتغنى خليلك
للغّبش الصابرين راجنك وللسُمر البالخير طارنك
العايشين بي الله كريم وعافين ديمة وراضين عنك
ما تتخاذل الله يعظم أجر الفكر وخطط ليها
جود بالعندك وربك إبارك ويخلف ليك بالنفسك فيها
يا أبو مروة العافية دي نعمه وحمد النعمة حديثك بيها
سوّي الفيك محريّة وأبشر الفي السما ما خاب حاريها
صحبة راكب الفكرة والمشروع الخيري من بنات الفكر الثاقب
لشاعرنا الكبير الأستاذ محجوب شريف – جعلها الله في ميزان
حسناته – نشارك فيها بقوة ونرجو لها التوفيق حتى نراها ترسم
أروع بسمة على الوجوه العابسة من وخذ الفاقة
صلاح سيد أحمد الغول – الرياض – المملكة العربية السعودية
نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
| |
|
|
|
|
|
|
| |
mahdy alamin
عبد الخالق عابد
تبارك شيخ الدين جبريل
Samer Osman
naeem ali
زهير الزناتي
wadalzain
عاطف مكاوى
wesamm
salma subhi
Zeinab
salah elamin
فيس بوك
تويتر
انستقرام
يوتيوب
بنتيريست