|
|
 وووووب علي .... متين الامية التقنية بتاعة السودانيييييييييييييين دي حتزول (يا الله)
|
وووووب علي .... متين الامية التقنية بتاعة السودانيييييييييييييين دي حتزول
طبعا على حسب اعتقادي
ان مسالة ثقافة الزول دي مهمة في حياته
لان مستوى ثقافته الشخص هي اللي بتحدد سلوكه وطريقة تصرفه
ولان التطور التكنولجي والتعامل مع الكمبيوتر وشبكة المعلومات الدولية الانترنت اصبح اليوم من ضرورات التعامل مع الحياة او العكس
ضرورات الحياة هي التي تحتم التعامل مع الكمبيوتر
يؤسفني جدا مدى التخلف التقني اللي يعاني منه السودانيين
وانا بحكم موقعي في مركز الكمبيوتر بتاعنا تمر امامي العديد من الصور والحالات
واتمنى انو تزول هذه الظواهر السالبة في يوم من الايام
|
|
 
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: Asma Ali)
|
الاخت اسماء صباحاتك زينة
Quote: سلامات
ماح تزول اذا كان ده رد فعلك تجاهها واعتقد ان ما اسلوبك في التعامل مع هذا الجهل هو السبب الئيسي في عزوف السودانين عن ازالة الامية البتتكلمي عنها.
وراي الشخصي جدا الكمبيوتر هو البليد!!!!! |
هذا ليس رد فعل مني بقدر ما هو سؤال خطر على بالي.
وقطعا الاجابة على هذا السؤال ليست واحدة او لن تكون واحدة
حبيت تشاركوني القضية للنقاش
ولا تعتبروه إستعلاء مني او معرفة مني بكل بواطن الحاسوب
فهو عالم كبير وكاذب من يدعي انه يعلم كل شئ
ولانه يعتبر علم
فالعلم كل ما الشخص علم او تعلم فيه يدرك ان امامه الكثير وانه لم ينل كل شئ عنه أو فيه
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: emad altaib)
|
نعلمهم
ما دام بكتبو وبقرو
وبعدين انت فى مركز كوبيوتر,,عشان تسوقى لازم تعلمى
وعشان تعلمى لازم تزيلى الدهشة,,فى بعض الناس فاهمة بس متخوفة
وبعضهم على قدر حالهم وبعضهم قابل للتعلم,,وبعضهم ما عندو زمن
وبعضهم لهم تخصص اخر ,,وبعضهم بدى العيش لخبازو
لكن لو انا منك وعندى مركز زياحبزا لو كان بتاع صيانة
بخليهم كدا عشان يجونى تانى,,,,
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: abuguta)
|
الاستاذ احمد صديق
سلاماااااااااااات
وصباحاتكم زينة
Quote: نعلمهم
ما دام بكتبو وبقرو
وبعدين انت فى مركز كوبيوتر,,عشان تسوقى لازم تعلمى
وعشان تعلمى لازم تزيلى الدهشة,,فى بعض الناس فاهمة بس متخوفة
وبعضهم على قدر حالهم وبعضهم قابل للتعلم,,وبعضهم ما عندو زمن
وبعضهم لهم تخصص اخر ,,وبعضهم بدى العيش لخبازو
|
معظم هؤلاء اللي انت اوردتهم يمثلوا الجانب الايجابي
بس كمان في الغالبية العظمي اللي ما بيعرف يستخدم كمبيوتر وعايز يدخل انترنت مثلا
وفي النوعية اللي بتجي تقول ليك عندكم اسكنر بقول ليه ايوا وبعدم ما اعمل اسكاااااااان للورقة بيطلع الشخص قاصد فاكس او اي حاجة تانية
وفي النوعية اللي عاملة فيها فاهمة وبتعرف كمبيوتر وما بتستخدمه صح
يعني مثلا تخيل يوم جاتني اخت ودخلت تستخدم انترنت تخيل عملت برنت اووت لكمية اوراق قريب ل40 ورقة وكمان دقست وطبعت كم مرة (اها الزي دي يتصرفوا معاها كيف)
لمن جات طالعة
طبعا حتحاسب على الورق اللي طبعته
الاخت رفضت تدفعهم
وادعت انها ما ادت امر الطباعة للحاسوب عشان يطبع
وبدت ترفع في صوتها بانها استاذة بتاعة ماستر حاسوب وبتعرفه كويس وانو استخدامها ما زي باقي الناس (دا على حد قولها هي)
وكمان بتغلطنا نحن عشان عاملين الطابعة share في كل الاجهزة
عموما في نماذج لكمية مواااااااااقف بتمر على الشخص
ونسال الله التوفيق
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: mayada kamal)
|
يعني مثلا تخيل يوم جاتني اخت ودخلت تستخدم انترنت تخيل عملت برنت اووت لكمية اوراق قريب ل40 ورقة وكمان دقست وطبعت كم مرة (اها الزي دي يتصرفوا معاها كيف)
لمن جات طالعة
طبعا حتحاسب على الورق اللي طبعته
الاخت رفضت تدفعهم
=================
الاخت مياده
بعد التحيه
ما قصرو الاخوة/ات ما خلو حاجه ما قالوها وانا اعتقد انت ما زعلاانه
من عدم المواكبه من بعض الناس المجتهدين اكثر من انك بتخسري قروش
وانا ماقلت الكلام ده مزكور اعلاه المهم فكره ممكن تقدمي خدمه لهم ( الامية التقنية بتاعة السودانيييييييييييييين )
تفتحي فصل صقير في الصباح الباكر لمده ساعتين والعافيه درجات وما تنسي ديل مصدر رزق بلنسبه لكي .
ولكي ولهم التوفيق
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: emad altaib)
|
الاخ عماد الطيب
يعني انت اسع صاحب مدونة
وبتجي تسالني انا
| Quote: طالما الكلام عن (التبلد التقني) |
انا ما جبت سيرة تبلد او بلادة تقنية
نحن بنسعى للوعي التقني او على الاقل الواحد ليه ما يسعى لانو يكون عنده (او يصل لحد الكفاف على قول اخوانا الاقتصادييين) اللي يوفر ليه الحد الادني من التعامل مع الحاسوب.
انا نفسي لا ادعي اني اعرف كل حاجة او كل صغيرة وكبيرة في الكمبيوتر
بقدر ما اني بسعى وبجتهد اني اعرف اكبر قدر يفيدني ويمكنني من قضاء حاجتي وتسيير عملي وتقديم خدمة لاكبر قدر من الزبائين او العملاء
وياريت نستفيد ونفيد بعض
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: عبد اللطيف السيدح)
|
| Quote: بوست غير موفق خالص لأن الذين تخاطبيهم يا اختي ميادةجميعهم يتعاملون مع الكمبيوتر. |
الاخ الاستاذ السيدح
سلام عليكم
اولا شكرا على المرور
ثانيا
| Quote: بوست غير موفق خالص |
هل هذا رأي ولا حكم؟؟؟؟
اذا كان رأي
فانا ردي عليك انو لماذ انت تفترض ان كل الذين اخاطبهم متعاملين مع الكمبيوتر
يا زميلي العزيز
اديك معلومة انا اعرف اخ وصحفي كمان
بيجي المركز عشان انا ادخله الانترنت ويتصفح وبالذات هو عضو في المنبر هنا
بيجني عشان انزل ليه مواضيعه في المنبر هنا وكمان اطلعه على ردود الناس
وكمان انا برد ليه على مداخلاتهم
اها دا تسميه شنو؟؟؟؟
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: عبدالكريم الامين احمد)
|
Quote: بجي اليوم يا ميادة
ولكن لمن يسود التواضع المعرفي...ولمن
يحس الناس انو مفروض يعرفو التقنية عشان الانسانية ومش عشان يتميز بيها عن الاخريين
وبجي اليوم لمن نتعامل مع الذين يجهلون الامر بروح متمددة في التواضع والتسامح وبعيدا من الضجر...
بجي اليوم ده لمن يوعي الذين يعرفون التقنية لروح التعلم ونقل المعرفة دون استعلاء معرفي.
والله يجيبو اليوم ده |
الاستاذ عبد الكريم الامين
سلمات
اولا شكرا على المرور
ثانيا اذ مداخلتك دي راي فمقبول وعندك حق
واذا انت قاصد بيه شخصي الضعيف
فاسمح لي انا ما منزلة البوست بدافع عدم تواضع معرفي وعدم تسامح
انا الحمد لله (والمفروض الواحد ما يشكر نفسه) واحدة من الحاجات اللي بتعامل بيها في المركز هي طولة بالي مع الزباين حتى انو كتير من زملاني بيلوموني وبيقولوا لي عندك روح طويلة
ما عارفة هل هي ميزة ولا سلبية مني
ثانيا رغم ذلك من حقي امل وازهج بعض الشئ لانو موضوع البوست صار حالة عاملة مترددة علينا كثيرا
والنفس او الطبيعة البشرية هي قابلة للتقلب
لكن اطمئنك انا لم اكتب هذا البوست بدافع التكبر وعدم التواضع
ولكن يمكنك ان تحسبه من باب التنفيس بما يجيش في النفس
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: mayada kamal)
|
هلا وسلام يا ميادة
انا قريت بوستك وسريعا عرفت بانه مجرد زهج من متاعب مهنة ودي حالة بنمر بيها جميعا في مهننا المختلفة..
ولذا مداخلتي جات معممة وان لامست بعض من روح بوستك ورايت ضرورة النتبه الي خطورة مثل التعامل الزهجي وان جاء عابرا في امور نحتاج فيها الي صبر وروح متواضعة في نقل المعرفة ومساعدة الغير ملمين بالتقنية......
يعني بالعربي كده العاوز ينشر معرفة ووعي بشي معرفي مفروض اول شي يطرد الجانب السلبي بتاع الزهج ومتاعب المهنة ويقدم حلول بعيدة عن اي ضغوط انية...
1-نشر الوعي التقني في مختلف مراحل التعليم
2-انشاء مراكز للتقنية في الاحياء والفرقان والقري
3-الاهتمام بالاعلام الموجه صوب المعرفة التقنية
4-دعم الدولة لمدخلات التقنية
5-انشاء معاهد حكومية مجانية تمنح فرص لمتطوعين كمدربين ومدربات
وهكذا
يعني قولي لينا حاجات زي دي عشان ما نمسك ليك في روحك ونكون قدمنا شي ذو فائدة
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: SAMIR IBRAHIM)
|
الاخ SAMIR IBRAHIM
كيفك
اخبارك
Quote: ...
ويا ريت تضربي لينا بعض الامثلة ........... وتسلمي |
لو تابعت البوست انا بعضها ذكرتها من خلال الردود على المداخلات
وإليكم بعضاآخر من الامثلة اسوقها لكم من واقع معاش
* طبعاالبعرف كمبيوتر من الما بعرف ظاهر من طريقة جلوسه على الحاسب
وطريقة امساكه للماوس
* وفي النوع اللي اول ما يقعد على الكمبيوتر بدل ما يحرك اي شئ عشان يعرف الجهاز فاتح ولا لا (دا طبعا باعتبار ان الكمبيتور بيعمل شاشه توقف كانه مغلق - ) بيروح الزبون ضاغط على زر تشيغل الكمبيوتر مباشرة (والمفروض هو طالما داخل محل عام وكدا يعرف انو الاجهزة سلفا مفتوحة ومن باب العلم بالشي لا الجهل به المفروض يحرك الماوس او يضغط على اي مفتاح في الكمبيوتر او او او اي شئ يوحي ليه ان الحاسب مغلق ام مفتوح وكدا)
* وفي الناس اللي عايزة تخش انترنت وهي ما عندي خلفية على الكمبيوتر
* وفي النوع اللي بيصر انو عايز يشتغل على حاسوب عربي (بمعنى الوندوز اللي نازل عربي)
مع ان انا قناعتي الشخصية ان التعامل مع الحاسوب اسهل بالانجليزية من العربي(واحتمال انا اللي غلطانة)
* وفي النوع اللي داير يرسل ليه حاجة لي زول وما عنده ايميل (وديل نحن مخصصين ايميل عام بنرسل ليهم منه) (وبرضوا احتمال انا غلطانة في دي وكدا)
ووووووو
برجع ليكم بعدين
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: mayada kamal)
|
Quote: يعني بالعربي كده العاوز ينشر معرفة ووعي بشي معرفي مفروض اول شي يطرد الجانب السلبي بتاع الزهج ومتاعب المهنة ويقدم حلول بعيدة عن اي ضغوط انية...
1-نشر الوعي التقني في مختلف مراحل التعليم
2-انشاء مراكز للتقنية في الاحياء والفرقان والقري
3-الاهتمام بالاعلام الموجه صوب المعرفة التقنية
4-دعم الدولة لمدخلات التقنية
5-انشاء معاهد حكومية مجانية تمنح فرص لمتطوعين كمدربين ومدربات
وهكذا |
دا كلام كويس.
وطبعا دى نماذج من السياسات الحكومية الجادة لاى ناس عاوزين يزيدوا من عى الناس بالتكنولوجية الرقمية.
فى التسعينات كانت هولندا تفكر جديا فى تحفيز المواطنين على استخدام الكمبيوتر و الانترنت. اول حاجة فكروا فيها هى تحسين التعليم وجعل الاشياء دى متوفرة للجميع. الاناى هولندى عنده الفرصة لدخول الانترنت. لو ما فى البيوت فهى متوفرة فى المكتبات العامة مجانا. كل المدارس فيها انترنت.
عشان كدة ديل ناس متقدمين. كانوا جادين فى سياساتم. نفذوا الحكومة الالكترونية بطريقة جادة وفعالة.
المسائل دى بتعلموها تعليم يا ميادة. والزول ال بجهلا حقو ما نسخر منه.
| |
|
|
|
|
|
|
|
|
|
Re: وووووب علي .... متين الامية التقنية بتاعة السودانيييييييييييييين دي حتزول (يا الله) (Re: mayada kamal)
|
Quote: مركز الكمبيوتر بتاعنا
|
وما دور المركز بتاعكم دا فى محو الاميه....؟؟؟؟؟
حقيقه صعب على ان افهم العباره التاليه(( وانا بحكم موقعي في مركز الكمبيوتر بتاعنا تمر امامي العديد من الصور والحالات ))
اكيد البيجيكم بيكون امى ولا ما كان جاكم اساسا
لكن دقيقه ....
اذا كان مركزكم لتعليم الكمبيوتر يبقى كلامى الفوق دا انا باقى عليه
اما اذا كان محل للطباعه والتصوير( واحد قاعد ورا شاشه وفاتح برنامج الويرد وتانى واقف ورا ماكنه للنسخ ) وبيع الاقلام والكراسات
حامشى افتح بوست وعنوانو ( ووووووب على متين الاميه بتاعه تسميه المحلات بتاعه السودانييييييييين دى حتزول ( يا الله )
و
تحياتى
| |
|
|
|
|
|
|
| |
mayada kamal
فيصل محمد خليل
Asma Ali
Hassan Makkawi
emad altaib
abuguta
ميسرة غاندي
Nasir Ahmed Elmustafa
عبد اللطيف السيدح
عبدالكريم الامين احمد
M A Muhagir
Hafiz Bashir
محمد الأمين موسى
سناء عبد السيد
يوسف الولى
فيس بوك
تويتر
انستقرام
يوتيوب
بنتيريست