|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: راشد جبريل)
|
راشد جبريل 00 تحياتي
اشاهد الشروق كثيراً يعجبني برنامج كاميرا الشروق هذا البرنامج يعبر عن السودان الحقيقي وكذلك برنامج سوداني برنامج { محمد موسى } الشروق مرت من هنا جميل لأنه يلامس أوتار البسطاء يذهب الى الناس في بيوتهم وينقل لنا صورة حية من تلك القرى والمدن البسيطة والناس السمحين أتمنى أن يذهب لنا في أهل العوض في ودربيعة والحجاجاب والمدينة عرب وفي سوق أم دفسو وأتمنى من كل قلبي أن يذهب لكردفان وينقل لنا الحياة هناك والى دارفور والنيل الأزرق لكن ما يعاب على البرنامج أن جوائزه كانت ضخمة وكبيرة في البداية الجائزة الا ينزلوها { 4 } من سيارة الشروق هسي عليك أمان الله بقت قدر صندوق المناديل وأخشى حينما نرجع للسودان ونقابله تكون قدر الكبريت اتمنى لهم التقدم ولكل القنوات السودانية التي تدق على أوتار جميلة داخل أعماقنا
| |
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: رأفت ميلاد)
|
الكديس مالو يا رافت ميلاد لايكون اعلن اضراب عن الطعام
قال الشناة عندكم قال !!!
تعرف عندنا واحد بيشتري صاعود بالدين كل يوم يمشي يملأ الحقة وليقول لسيد التمباك بجيب ليك القروش آخر الشهر مرة جاء يشتري وبعد ما ملأ { الحقة } قام أخذ ليهو { سفة } وقال لسيد التمباك والله التمباك بتاعك شين ؟ قام الراجل بتاع التمباك قال ليهو جيب الحقة خلينا نشوف ليك من التمباك الخاص أها بعد ما أخذ الحقة من صاحبنا قام كشح التمباك وقال ليهو 00 أها أمشي شوف محل التمباك السمح وين !!!
مرة قلت لست النفر والله صاحبتك دي جميلة جداً وانت عارف غيرة النسوان الزايدة عن اللزوم قامت قالت لي والله صاح هي جميلة لكن ريحتها عفنة !!!
| |
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: صديق عبد الجبار)
|
صديق عبد الجبار
تاني تجي الموووووووووووووووووووووووووووولد ما قلتو نوووووووووووووووووووووووووووووووووووبة
هذه مذيعة في قناة النيل الأزرق ابنة مذيع مخضرم وعملاق أثرى الساحة الإعلامية خاصة حينما كان بتلفزيون الجزيرة المروية قابلته ذات مرة وكنت صغيراً 00 رحب بي كثيراً مذيع يفتح قلبه وابوابه لكل الناس لم ار هذه المذيعة بالتلفزيون ولا أدري هل سارت على نفس خط والدها ام حادت عنه لكن حتماً إن مسكت درب والدها فلن تضل الطريق الى النجومية والشهرة بل ستتبوأ مكاناً عليا
| |
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: صديق عبد الجبار)
|
طبعاً يا أبوحراز أنا معجب بمذيعة التلفذيون الرائعة (كوثر) ... ما شاء الله صوت وصورة .. ما يحتاج !! ولمن تطلع في الشاشة ، ولاحظ إني نادر ما أتفرج في تلفذيون السودان ، بتحكر كويييييييييييس ، واستلم الرموت وأقول بي فرح ياااااا سلااااااااااام ياخي ... يا أرض أحفظي ما عليك ....!!! طبعاً المدام ... بتتغاظ جداً .. وهاك يا شناف .. وتقريع : عليكم الله شوفوا الراجل الما بخجل دا ... !!! هسي العاجبك فيها شنو ... نخرتها كبيرة .. وعيونها مشوقرات .. وحسها مقروش ...!!! وأنا ولا هنا ..... وأول ما تنتهي وصلتها .... أدوس الريموت وأمشي لي ناس رزان !! وغصبن عنهم المدام والبنيات يتفرجوا معاي ... ما أنا ، سي السيد وراجل البيت ... الشرع بيقول أنه الريموت يكون بيد أبوشنب ... والريموت في يد المدام أو الأولاد ... رجس من عمل الشيطان .. مادام أبو العيال في المنزل ... !!! أبوفواز
| |
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: صديق عبد الجبار)
|
أخي صديق تعليقاتك ظريفة 00 الظاهر المدام في إجازة
Quote: طبعاً يا أبوحراز أنا معجب بمذيعة التلفذيون الرائعة (كوثر) ... ما شاء الله صوت وصورة .. ما يحتاج !! ولمن تطلع في الشاشة ، ولاحظ إني نادر ما أتفرج في تلفذيون السودان ، بتحكر كويييييييييييس ، واستلم الرموت وأقول بي فرح ياااااا سلااااااااااام ياخي ... يا أرض أحفظي ما عليك ....!!! |
تعرف أنا بختلف منكم 00 لا ابوشنب ولايحزنون لو كان في مذيعة عاجباني شديد طوالي بقول لست النفر بالله دي شنو الشينة دي ؟؟ لأنك لو علقت بأي شيء آخر ياها القفلت التلفزيون وتاني والله ماتشوف لانسرين ولانرمين
اها مرات تحاول تغيظني وتجيب المذيعة نفسها وتوقف الريموت وتقول لي { كيتاً } عليك عشان تاني تكرها
مذيعات الأخبار مازلن رسميات لدرجة غير طبيعية يعني الواحدة تقول بالعة ليها { سيخة } تعاين في المشاهدين ولاتخرج عن النص رغم أن الخروج عن { التص } أحياناً يعطي النشرة جاذبية ونكهة جميلة مرات الواحدة تقرا ليها خبر كديسة اتزوجها كلب بنفس تعابير قذيفة هاون تسقط على منزل وتقتل سكانه
| |
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: طارق ميرغني)
|
طارق ميرغني
Quote: الاخ ابو حراز والله البوست جميل جدا ودمو خفيف وعبرك تحياتي للاخ صديق عبد الجبار وتعليقاته الحلوه وعن الصوره كدي بالله قارن صورة ندي مع صورة اخينا عبد اللطيف حسن علي مش احلي منها مليون مره؟؟؟؟؟؟؟؟؟؟؟؟ |
عايز الجد 00 والله صورة عبد اللطيف جميلة جداً
أحد أصدقائي بعد أن حضر من شهر العسل قاموا بتوزيع الصور على الأصحاب والجيران اها كل التعليقات كانت بتقول إن صورة العريس أجمل من صورة العروس
حتى صديقات العروس المقربات قالن ليها والله صورة راجلك جميلة جداً قومي يا العروس أمسكي الصور وقطعيها ومزقيها واحدة واحدة عليك أمان الله لاخلت صورة واقفة ولاصورة قاعدة لاخلت زفاف ولا قرمصيص حتى الصور الجماعية لم تسلم من الهجوم لهذا فقد استفدت أنا كثيرا من هذا الموقف فعندما استلمنا صور الزفاف بدأ المديح والثناء على وزارة الداخلية في حين أن صورة { ابوالقدح } والله ولا أجمل منها ولكن لو قلت اي حاجة مخالفة للقوانين النسائية فإنك ستخسر مائة الف أو يزيد هي تكلفة استخراج الصور
| |
|
|
|
|
|
|
|