|
|
|
 Re: مذيعة متغطرسة ومغرورة وشينة وعاملة فيها جميلة !!! توجد صور (Re: خضر الطيب)
|
أخي خضر
قال شارب كلوركس قال !!!
قلت لي متغطرسة في حقها !!!
شوف الشناة دي وتاني أحكم
الله يكون في عون زوجها
انا في رأيي إنوالزوجة لو صارة وشها بالنهار مافي اي مشكلة
لكن لو صرة الوش بالليل الرماد كال حماد
عشان كده دائماً انا من المغرب بمشي النادي
وبحاول من العصر والمغرب العلاقات تكون تمام مع ست النفر
حتى لايحدث مالايحمد عقباه { العبارة دي زي الاسبيرات } ماقادر افهم معناها لكن عاجباني
| |
 
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عثمان دغيس)
|
عثمان دغيس
والله شينة
تعرف نحن { دقة } قديمة عندنا مقاييس معينة للجمال
لكن عشان انتو مكسرين في المذيعات الحنضل تشوفوه تفاح
هي ممكن تكون جميلة
لكن بتفقد { الكاريزما } بطريقتها في التقديم
اها بمناسبة الراس الشين والكبير
أمس مشيت حلقت عند سوداني والله العظيم انا اليوم كلو حردان
ياخي دا ما معروف ترزي وللا حلاق ؟؟
شعيرات في الغرب وشعيرات في الشرق
والمشكلة كان بيتونس معاي في هلال مريخ
وكراهتي في الدنيا دي الهلال والمريخ وكمال شداد وصلاح ادريس
معقول أنا قلت صلاح ادريس
لا 00 صلاح ادريس الملحن
اما صلاح رجل الأعمال ما بيني وبينو اي مشكلة
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: BAKTASH)
|
BAKTASH
قال حسادة قال !!
انت بوست { التيس } ماشفتو
وللا ماقاعد تشرب موية تحلية ؟؟
بس مما تشوفو ليكم مذيعة الواحد ينطط عيونو
جعفر عباس تقدم لليلى علوي
وقالت والله حاتقع في البحر وتغرق نهائي
رايك شنو أنا لو اتقدمت للمذيعة دي ؟؟
غايتو أخاف انها تستشهد في سبيل الله
نحن والله الدنيا دي ماشة معانا بالأعوج
ود أختي اتزوج المحامية الكان بشيل ليها شنطة اليد
عليك أمان الله خليت ريالتو سايلة يمين وشمال
لمن قالوا لي اتزوج المحامية أنا مصدوم يومين !!!
امس صديقي جاء من السودان سألتو عن أحد الأصدقاء ببيع لبن
والسكين 24 ساعة في الضراع
قلت ليهو صاحبنا اتزوج وللا لسه في بيع اللبن
قام قال : ياخوي صاحبك اتزوج وهسي في شهر العسل
اها اتزوج منو ؟ قال : اتزوج ضابطة إدارية !!!
سبحان الله 00 انا من أمس مصاب بانهيار عصبي !!!
البنات ديل جنن وللا شنو ؟؟؟
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
حبيبنا ابوحراز
الفين سلام
ياخوى جبت لى نفسك الكلام ساكت
بعدين انا ما عارف انت ليه بتشوف قنوات زى دى ؟؟؟
ياخى الواحد برضو ما يفجر فى الخصومة
والبت دى ما شينه ولا اى حاجة ولا الثانية كمان
وبعدين ما تزيف الحقائق وتقول بناتنا اجمل منها
خليك موضوعى شوية ....
وبالله ادى تلفزيوننا القومى طله عشان تشوف القرضمة والغطرسة على الفاضى ...
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Salah Waspa)
|
صلاح
ياخي مذيعاتنا هنيات ورضيات
جايز يوم شفت ليك واحدة وكنت انت { صاري } وشك
تعرف نحن صورتنا دي واقعين بيها البحر
وماعاوزين نغيرها نهائي
ياحليلنا كل يوم يتساقطن مننا شعيرات
ماعارفين في النهاية الواحد حايكون شكلو كيف
والمشكلة مع الغربة وموية التحلية والخرف المبكر
الواحد بعدين خايف يكون شكلو زي دا
والله لو حدث هذا الا يودوك { التشليح } أو سوق الأشياء المستعملة !!!
| |
|
|
|
|
|
|
|
|
 Re: مذيعة متغطرسة ومغرورة وشينة وعاملة فيها جميلة !!! توجد صور (Re: قرشـــو)
|
| Quote: ياخى الواحد برضو ما يفجر فى الخصومة |
أبو حراز الله يجازي محنك ... هسع عليك الله وأمانتاً في ذمتك المقدودة دي وينا الشنه هسع دي !!! إنكان دي شينة ومال العندنا ديلاك بكونن شنو !!! قال شينه قال .... يشنشن شعر العامل ذي شجرة النيم ده .  ( حسادة ساااااس علشان أنا مصلع ) .
مودتي لك ولها قبلك .
عماد
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عماد محمود علي)
|
عماد
قلت لي اصلع !!!
تصدق واحدة معانا في السعودية بتتوحم على { الصلعة }
أوعا تجي حايم بالطائف
لأنها في هذه الأيام حامل في الشهر الثالث
ست النفر كانت بتتوحم على طين البحر
جبتها السعودية
ومشينا جدة وقعدنا في البحر الأحمر
ولفخنا لينا كتلتين من الطين لزوم الإحتياط وكدا
تصور ما اتوحمت نهائي في السعودية على الطين
ولا على التلج
ولا الهامبرقر
اتوحمت على 0000
الدهب !!!!
قال طين بحر قال !!!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: قرشـــو)
|
قرشو
والله صاحبك ابوحراز بعاين كثير جداً في القنوات دي
السودانية
اليمنية
الشارقة
المجد
اقرأ
الحقيقة
يعني الواحد لو ما كان على وضوء مايقدر يعاين فيها
لكن السكن مع العزابة مشكلة
واحد بيحب المصارعة واليوم كلو تلقاهو { يرفس }
والثاني بحب القنوات اللبنانية وقنوات روتانا
اها مصنقر لينا في الجرس
ويوم تقدم المذيعة دي برنامجها الريموت بيكون مع صاحبنا
اها ياجماعة شوفوا ليناالحقيقة أو السودانية
يقوم يقول لي يا ابوحراز عليك الله اشرب اللبن وأمشي نوم
والله عندنا مذيعة صارة وشها 24 ساعة
كل يوم اشوفها في الأخبار اقول ياربي الزولة دي قابلها بتاع الضرائب وللا شنو ؟
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عصام دهب)
|
أخي دهب
الزولة دي شينة وخاصة لمن تحضرها وهي بتقدم برنامجها
يعني كل الرسائل التي تنتقدها تتحدث فيها بأسلوب سيء جداً مع القراء
ومفترية لدرجة لاتتصورها
يعني يمكن يكون عندها قبول وكاريزما لو غيرت طريقتها في التعامل مع الآخر
اتيت لعمارة الموبايلات في الحصاحيصا
المهم دخلت محل للبيع
وكانت فيهو واحدة شينة جدا
والخشم ماشاء الله كبير لدرجة ماعادية
لكن برضو بيني وبينك بيعجبني الخشم الكبير في السودان
لأنه بيساعد على طراش الملاريا
عوووووووووووووووووع مرة واحدة وانتهينا
المهم بعد التعارف طلبت من بتاع الكافتيريا يجيب بيبسي
قام قال لي انت قاعد وين ؟؟
قلت ليهو : مع { أشنه واحدة في العمارة }
اها دخلت عليها سألتني وصفت لبتاع الكافتيريا
قلت ليها 00 آآآآآآآآآآآآآآآآآآآآآي
وفهمتو أنا قاعد مع أجمل واحدة في العمارة
ضحكت وقالت لي { والله أهلي وصديقاتي كل يوم يقولوا لي انتي جميلة لكن ماصدقتهم
شوف بالله يادهب { الدرابة } الماكنة دي
قال أهلي قال !!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Osama Mohammed)
|
Osama Mohammed
تعرف الواحد لازم مرات يشوت ضفاري ويخرج شوية عن { النص }
وكمان مرات بتجيك { زهجة } في الغربة غير عادية
يعني انا مرات بيصل بي الزهج لدرجة إنني اتمنى أن اعضي كل انسان اقابله في الطريق
واقول آآآآآآآآآآآآآآآه لمن اشوف واحد/ة جضومو منفوخة
وكان ماقعدنا ماكان كتبنا البوست دا
والأهم قرأنا مداخلتك
اها انتظروا المرة الجاية نشوف ليكم اليمينة او السودانية وشيلو شيلتكم 0
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عبداللطيف حسن علي)
|
عبداللطيف حسن علي
صدقت يا أخي يوجد استهزاء شديد ولادور للملحقية الإعلامية
اشاهد في واحدة من القنوات الفضائية أغنية مصرية مليئة بالعنصرية
توجد بها زوجة سمراء حامل في شهرها التاسع على مايبدو
وتجر خلفها الكثير من الأطفال
والسيد العريس يسقط على الأرض حينما تم له فتح وجهها
مثل هذه الأمور التافهة يجب أن توقف
وهل الملحقيات الإعلامية دورها ينحصر في أن امريكا قالت وبوش قال
أم أن لها دور آخر وهو حماية هذا العبث
كذلك يوجد ممثل غالباً مايقوم بدور { بواب } العمارة
وكان السودانيون لايعملون غير هذا العمل وهو عمل شريف ولكن يجب أن لايعكس هذه الصورة في كل أدواره
على الغير أن يحترموا ثقافاتنا طالما نحن نحترم ثقافاتهم
واذا كان لايوجد احترام فعلى اعلامنا التعامل بالمثل
ولتذهب الملحقيات الاعلامية الى الجحيم
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: إسحاق بله الأمين)
|
[B]أخي اسحق بله
ابن فداسي 00 القرية الأنثى التي كلما أمر بها اجدها تغتسل برذاذ خفيف 00 مصحوباً بانفاس من جروف النهر !!
تبثه وتنفثه هذه القرية في اعماقك
فتنعدل خطوتك وطريقك
تتمدد في منتصف الليل بأريحية متفردة
وتؤذن هذه القرية في الناس
لا لتعلن عن فقد صواع الملك
بل لتقول لهم 00 كل من دخل فداسي فهو آآآآآآآآآآآآمن
بالله 00 أسألك بالذي خلق السموات والأرض
اين تزرعون خضرواتكم ؟؟؟
أكلنا ملاح بامية مفروكة والله حتى الآن اتذوق طعمه
شيء رائع كان في بيت خالتنا حينما ذهبت للتعزية في خالي رضوان الذي توفى هنا بالسعودية وكنت انا بالسودان
قالوا لنا 00 انها بامية فداسي على طريقة ليمون بارا ومنقة كسلا !!
أتيت اليها في يوم آخر 00 كان اكثر غماماً
عرفت فيما بعد أن الله قد امطركم مطر خير وبركة
كان هو يوم سوق شعبي به كل الوان الطيف
في هذه الأسواق الشعبية في كل القرى تجد السودان الحقيقي
سودان البساطة والرجولة والشهامة
لديكم مركز صحي جديد يخلب العقول
ومنارات للقرآن ومآذن
كل شيء في هذه القرية طازج
وحينما أنظر لخالاتي { المشلخات } اشعر بالكثير من الاكتئاب والانهيار العصبي
فهن جميلات جداً00 ولكن 00
تقولي احداهن أن هذه ماركة مسجلة من الجمال
لاتفهمها أنت يا ابوحراز
لكن اسأل والدك 00
فداسي في كل يوم تنهض من نومها
لترسل الف وردة مليئة بالأمل لكل عابريها
أما جدي الذي ينتظرها حتى تنجض فقد أخذته الأقدار
كلنا لم نفقده مثل زوجته
فقد كان هناك حباً عميقاً بينهما
حب بعيد عن النفاق والمساحيق والتوابل والموبايلات
00 انها إمراة لاتنام الا بعد ان ياتي زوجها للبيت وتطمئن عليه
وناسنا نحن ما شاء الله
عليك أمان الله تخليهم يشخرو وتدخل اليهم وتجدهم يشخرو
كيف أخبار { الطلح واللالوب والوحم } !!!!
قال اتلومت قال !!!
هسي عليك الله جدنا لو جابو ليهو ندى دبوق دب معقول ينتظرها بعد تنجض ؟؟؟
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Shamael Elnoor)
|
الاستاذة / شمائل
مساء الخير
يااوانا شوفوا جنس الكلام ده :
| Quote: والله انا مابتاعة ترددات لكن جرس دى قناة بتاعة ناس تاشرات وكدا وصاحبتها نضال الاحمدي مرة رداحة ومع اى فنان وفنانة عندها مشكلة وهى قناة بتاعة فضايح فنانيين وكدا |
وبعد المعلومات الكتييييييييييييرة دي تجي تقولي
| Quote: طبعا دا كلو مرورا بالريموت بس |
لا بالله ...كلنا لامن نزنق قاعدين نقول كده
لكن بكل صراحة:
قناة ليس فضائية لكنها فضاحية او فضائحية
كل الود
هارون دياب
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: haroon diyab)
|
شكراً هارون دياب على المرور
سعيد جداً بقراءتك للبوست
Quote: لكن بكل صراحة:
قناة ليس فضائية لكنها فضاحية او فضائحية |
بالفعل قناة عجيبة جدا
ونضال الأحمدية تعرضت كثيراً لمواقف صعبة
وسبق أن تم ضربها بجوار سيارتها
مع العلم انها امراة قوية جداً
ولكن رغم ذلك فقد حاولت لأكثر من 20 سنة الانفصال عن زوجها
وماطلها طيلة هذه المدة
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عمر التاج)
|
عمر التاج
Quote: عاد هي كان شينة
الختة القناة نمرة واحد شنو يا جرسة |
دا شغل العزابة
كل شيء معاكسة
حلفت اصرف الراتب بس كيتاً على الدنيا دي أمشي اشتري تلفزيون وديجتال وطبق
واقفل الغرفة واشاهد زي ماعاوز
معاي عمك كبير بينوم من الساعة 9 مساء
ومكرهني بالونسة القديمة
قصصه كلها من سنة 42 وانت نازل
والعجب لو بدأ يحكي ليك عن حاجة زينب زوجته
تقول الزول بيتكلم عن هيفاء وهباء
دقة قديمة صاحبك من زمن عنقريب { جلد التور }
أجمل شيء حينما يحكي لي عن شهر العسل
كانوا يقضون على اليابس والأخضر في بيوتهم
مافيش فندق ولا شقق مفروشة
مش زي الزمن بتاعنا نحن
تطلع الطابق الخامس
لمن تصل تكون الفي راسك كلها كملت
قال صورة وصوت قال !!!
صورة بس خلتكم تجروا يمين وشمال
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عصام الجيلي)
|
الأخوة والأخوات المكسرين في البوست
سلام كتير
طبعاً كان عندنا مشكلة في النت
يومين ونحن ماعارفين مايدور في العالم
طبعاً اليوم دخلت وعاينت الصفحة الأولى ولاحياة لمن تنادي
مشينا الصفحة الثانية وفتشنا عن ندى ندبوق ولا أثر لها
وكذلك الصفحة الثالثة والرابعة
أخيراً قلت يا ابوحراز البوست أكيد ماوجد تجاوب من القراء وطوالي مشيت الكافتيريا
اها رجعت فتحت الصفحة الخامسة
اتفاجأ بان عدد القراء 1900
يا أولاد الذين آمنوا
تاريكم مكسرين في المذيعات
عندي بوست { التيس } 15 يوم ماوصل عدد القراء 1800
والمشكلة وين
أغلب المتداخلين في البوست متزوجين
اها انتظروا بس الواحد يلاقي حريمكم وشوفوا القوالة والشمارات حاتصل لي وين ؟؟
شكراً لكم جميعاً فقد كان هزاركم ممتع
واضحكتموني كثيرا
واعدتم الابتسامة في زمن افتقدنا فيه الابتسامة
سأرد عليكم
قال متغطرسة قال
اها تاني من الليلة بركب فيكم { مذيعات } سااااااااااااااي !!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عصام الجيلي)
|
العضو اللنج عصام الجيلي
والله ماشاء الله تبارك الله
جمال ممزوج بالبراءة
تعرف واحد مرة سوداني مشى بيت كفيله
وفجأة البت فتحت الباب وكانت مثلما القمر
متوهجة في كل شيء
ولم يكن صاحبنا يتوقع أن يلتقيها وجهاً لوجه
كان يضع يديه على راسه { حركة يعملها كثير من السودانيين
حيث يضعون اياديهم خلف اعناقهم
وعندما رآآآآآآآآآآآآها فجأة
تلعثم ولم يستطع أن ينزل اياديه
استمرت هذه الحالة معه أكثر من ساعتين
تشابكت الأيادي بطريقة عجيبة جداً
الا بعد أن حملناه المستشفى
وهناك انتظرنا لمدة ساعتين
وبعد حقن وأدوية كثيرة جداً رجعت الأيادي الى وضعها الطبيعي
سبحان الله
ناس تنهار أمام الجمال
والمشكلة التي تغظيني أن الرجل السوداني يبحث دائماً عن إمراة جميلة
لكن بمجرد ان يتحقق له ذلك يتحول هذا الجمال الى نقمة
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: تولوس)
|
تولوس
| Quote: ابو حراز ياخي دي احلي غطرسة واجمل غرور |
انت الظاهر غرقان في التلج لي حلقومك
واحد قال لي الخليجيات واللبنانيات الواحدة لو صارة وشها برضو جميلة
لكن والله الغرور عندنا
والجمال عندنا
والرشاقة عندنا
لكن مضيعين نفسنا ساااااااااي
ياخي نسوانا جميلات جداً
بس لكن بيحردن كتيييييييييييييير
خاصة الواحدة لو أمها { حية } !!!
تلقاها كل يوم بتزعل
لكن لو خلن الزعل ماعندهن عوجة
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: james)
|
james
| Quote: انت لسع في الطور ده. |
تعرف نحن مراهقتنا راحت شمار في مرقة
عليك أمان الله ما استفدنا منها اي حاجة
بس يوم جاتنا المراهقة دي البيت كلو قعد يدينا في الأوامر والنظريات
يوم الكورة دخلت في حوش الجيران
طلعنا بالحيطة عشان نجيبها القيامة قامت
قالوا الزول ده عاوز يعاين في البنات
قوم يا الوالد طوالي امسكني وديني { الخلوة }
قال للفكي ليك اللحم ولينا العضم
والله العظيم الفكي ماصدق
كل يوم ضرب بالعصايةلاخلى راس ولا خلى كرعين 00 غير تلك الأشياء الممنوعة من الصرف !!!
شهرين بس حفظت لحد سورة { الحديد }
وعليك أمان الله الواحد لو قابلتو بنت يقبل منها ويقوم جاري منها صووووووووووووف
ست النفر كل يوم تقول لي انت رايحة ليك حصة مراهقة
عشان كده لمن يزورونا ناس حاجة فاطنة وحاجة رقية وحاجة زينب
طوالي تجيك جارية 00 تعال سلم على خالاتك
ومما يزورونا ناس سوزان ورحيق وسوسن وأمل والله الرماد كال حماد
تهميش لأبعد درجة
قال خالاتك قال !!!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: على محمد على بشير)
|
على محمد على بشير
فعلاً دا القدر عليهو
ونحن كنا بنمسك فيهو بيدينا وكرعينا انو ينسى موضوع العرس
لكن لاحياة لمن تنادي
العروس نفسها ماقدرت تستحمل جدنا
بعد شهرين قالت لازم يرجعوها اهلها
ليه يابت الحلال ؟
قالت : انا اعدي حياتي كلها { ضحك }
جدكم شاطر بس في الغمز واللمز
مرة يهمز في الكلية اليمين
ومرة في اليسار
وقالت والله لو شفتوه كيف بيكون متكيف ومبسوط لمن أنا { أنط } أو اضحك
زي كانه وصل لدرجة النشوة !!!
المهم الزولة من حقها
اخذتها انا معاي ورجعناها لأهلها
وفي مدني اشتريت لي مصلاية وسبحة وكتاب للأمام مالك
وقلت لجدنا اها 00 كدي نشوف شطارتك هنا
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Nagi Ahmed)
|
Nagi Ahmed
| Quote: ابوحراز ما كان تخت الصورة كان اتفقنا معاك |
والله بيني وبينك كان أجيب ليكم صورة قريبتي
شناة عجيبة جداً
والمشكلة تزورنا في البيت
وتقعد لحد الساعة 12 مساء
كل هذا عشان ابوحراز يوصلها بيتهم
وعليك أمان الله لو مشت من ودربيعة لحد كاب الجداد بالليل زول واحد يسألها مافي
كل مايتقدم ليها عريس { فجأة ينط }
والمشكلة نحن قايمين بكل التكاليف
شنطة ومال وسيرة وحفلة
بس عاوزين العريس يجينا فاضي
| |
|
|
|
|
|
|
|
|
 Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
الاخ ابو حراز والمتداخلون الكرام
اتخيل لي الاخ ابو حراز بيقصد انه الاسلوب والطريقة المتعجرفة للمذيعة هي البتخلي الناس تشوفها غير جميلة حتى لو كانت ملكة جمال العالم
لانه الجمال مجموعة اشياء مترابطة ما شكل وبس
لكن يا ابو حراز الوداك شنو تحضر قناة جرس دي
والعجب القنوات البيكون فيها بنات والواحدة واقفة قدام لوحة مكتوب فيها لغز والجايزة 4 الف دولار وبتتكلم بطريقة زول عنده ضيق نفس في كتاحة
وليوم الليلة ما اظن في زول كسبها
انصحك غايتو لكي تعيش سليما ابعد من مشاهدة القنوات دي
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: maia)
|
مايا
Quote: اتخيل لي الاخ ابو حراز بيقصد انه الاسلوب والطريقة المتعجرفة للمذيعة هي البتخلي الناس تشوفها غير جميلة حتى لو كانت ملكة جمال العالم
لانه الجمال مجموعة اشياء مترابطة ما شكل وبس
لكن يا ابو حراز الوداك شنو تحضر قناة جرس دي
والعجب القنوات البيكون فيها بنات والواحدة واقفة قدام لوحة مكتوب فيها لغز والجايزة 4 الف دولار وبتتكلم بطريقة زول عنده ضيق نفس في كتاحة
وليوم الليلة ما اظن في زول كسبها
انصحك غايتو لكي تعيش سليما ابعد من مشاهدة القنوات دي |
والله فعلاً قراتي افكاري
فالجمال مجموعة اشياء مترابطة
وصاحبتنا دي حينما تقدم برنامجها يخرج الجمال من شباك الأستديو
اما القنوات التي ذكرتيها
واسئلتها السخيفة جد { ست وعشرين رجل } دولة عربية أولها لام وآخرها لام
حيوان مفترس اذا حذفنا الحرف الأول اصبح لون من الألوان
ومن يوم شفنا القنوات دي مافي حد قال الاجابة الصحيحة
في حين أنني اعرف أن كل الحمير في الوطن العربي يعرفن الاجابة
انا اطمئنك بأنني اضع حبوب الضغط امامي حينما أمر على هذه القنوات بالصدفة
ولو ما بلعت حبة حبتين ما اقدر اتنفس واتابع التلفزيون
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: بشير أحمد)
|
أخي بشير
Quote: انت يا اللخو اظنك فاقد حنان
الله يسعلك دي شينة؟
حساده منك ساي تقول عليها شينة |
حنان عديل 000
ذكرتني الدكتورة الجميلة كنت عاوز أدخل عليها وماعندي اي موضوع
أخيراً اتوكلت على الحي الذي لايموت وتوووووووووووووش دخلت عليها في العيادة
طبعاً ملح ساااااااااااااي وبدون تسجيل اسم
اها قلت ليها والله يادكتورة أنا بالليل بشرب موية كتيرة خلاص ؟؟
حمرت ليك فيني وما فضل ليها الا تعضيني
قامت قالت : يازول انت الموية دي ناشلها من البير 00 اشرب وأملأ كرشك زي ماعاوز
ليه الدكتورات ديل { الطبيبات } بعضهن بتعاملن معانا بي مساخة ؟؟؟
اها ولا عرسوها لحد الآن تستاهل
مرة تقول ليك دا من أهل العوض
ومرة تقول دا من كاب الجداد
ومرة قالت ليها كلمة كده زي الاسبيرات اسمها { برستيييييييييييج }
قال برستيج قال !!!
أها خمي وصري
عشان تاني تقولي لي أملأ كرشك !!!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: مدثر محمد عمر)
|
أخي مدثر
| Quote: واتذكرت نكته لواحد من الشيوخ قالوا سألوه عن لبس نانسي عجرم.... قال ليهم:حرااااااااااااام لكن بت الكب دي جايي فيها...هاهاهاها |
البعاين في صورتك يقول مابتضحك نهائي
ذكرتني مدير مدرستنا مابيضحك الا في آآآآآآآآآآآآآآآآآخر الشهر !!!
انت الظاهر عليك آخر الشهر ماجاء
وطاقاك فلسة بطالة
والله النكتة ضحكتني لدرجة ماتتصورها
عمك عينة لكن
عندنا فكي في الحلة متخصص نسوان
يعني لو جيت راجل وترفس والشرار بيتطاير من عينيك
ماعندو معاك اي قضية
والمصيبة لو جابو ليهو واحدة شينة 00 طوالي يقول ليها امشي الدكتور !!!
مرة وصلت ليهو قريبتي بالسيارة وكانت جميلة لدرجة قف
طوالي عمك قال لي نزلها وتعال ليها بعد ساعة
قلت ليهو هوووووووووووووي ياشيخنا والله زولتي دي انا معاها الكراع بالكراع
قال بعد ساعة قال !!!!
هسي زعلان مني
وكل ماتمشي ليهو واحدة يقول ليهو أنا ابوحراز دا بنفخو ليكم !!!
والله هو بالونة مايقدر ينفخها !!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: مدثر محمد عمر)
|
أخي مدثر
التحية للوالد 00 هكذا يا أخي معظم آبائنا وجدودنا لايبتسمون
لدي قريب ذهب لعمل صورة لأول مرة
وسنونه بارزات بشكل مريب جداً
ونصحناه ان يقفل خشمه اثناء التصوير
لكنه لم يفعلها
وذهب لأخذ الصور ومن ثم مباشرة الى إدارة الجنسية
وهناك استخرج جنسية
وأحضر الجنسية للبيت
تصور الصورة لم تكن له
اعتبرنا في البداية أن ضابط الجوازات هو الذي أخطأ
ولكن للأسف اتضح انه من أخذ صوراً لاتخصه
ويبدو لي أن متحري الجنسية لم يكلف نفسه بالنظر لوجه صاحبنا
عندي صورة بالابتدائي لو لم يكن اسمي مكتوب عليها من الخلف { لحردتها } ليوم الدين
أكثر مايغيظني فيها غير الأشياء الأخرى أن { الجلابية } بدون زراير
قال قريبتك قال
شفت ليك الزمن دا { مرة } جميلة بتقعد بدون عرس
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عامر تيتاوى)
|
عامر تيتاوى
Quote: غايتو الا تجيب برنامجا هنا ده لكين بالشايفنو ده الشناة زاتا
تتبرى منها |
يعني الزولة دي قاطعة في الجمال
المهم البوست وضح لينا بما لايدع مجالاً للشك 00 كم أن أعضاء كثيرون هنا مكسرين في الجمال
ويظل هناك بون شاسع مابين الشناة والجمال
ما بين الخضرة والجفاف
ولكن 00 شئنا أم أبينا يظل الجمال هو الأيقونة التي تفرض نفسها على ذوق الجميع
وتظل المراة الجميلة تلفت الأنظار اليها في كل مكان
تطالها العيون أينما ذهبت
لكن بعض النساء حباهن الله بكاريزما خاصة
تجذبك نحوها حتى ولو لم يكن لديها اي مسحة جمالية
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Omer Mustafa)
|
أخي عمر مصطفى
كيف هي بورتبيل المعطرة بانفاس الجزيرة
كثيراً ما أتيت بجوارها مساءاً وأنا أنظر للخضرة وهي تزحف على مد البصر
مزارعون مخضبون بالطين راجعون للتو لمنازلهم
ورائحة القش والطماطم والبصل تسكرك وتجعلك مترنحاً
كيف هو مصطفى بابكر وقسم الله بابكر وعاطف قسم الله
وهل مازالت العلاقة بين ودربيعة وبرتبيل كالعلاقة بين الزهرة والنحلة !!!
قريتان كلاهما تمنحان الحب على طبق من ذهب
لدي قصص كثيرة مع العم قسم الله بابكر
أماعاطف ابنه فقد كان معنا لكنه يعمل الآن بالمنطقة الشرقية
اعود مرة أخرى للحواشات المتهالكة
ولمشروع الجزيرة الذي يحتضر كقلب نادية عثمان
هل تعرف مكتب { الرضمة } ؟؟
كنت لا أنام يوم أن يوعدني والدي بالذهاب معه للمكتب
نذهب لبائع السفنجات لشراء سفنجة لي انتعلها صباحاً ومساءا
أذهب حافيا للأسف 00 وأعود حافياً
فبائع السفنجات في كل الأيام التي ذهبت فيها مع والدي كان لايأتي
والمشكلة أن { الصراف } كان لاياتي هو الآخر
يومها تشاءم المزارعون بي وقالوا لوالدي لاتأتي بهذا المنحوس مرة أخرى 00
كان أكثر مايعجبني في الطريق عبر هذه الرحلة المشؤومة صهريج ماء بقرية { ابوحجير }
كانت به مروحة كبيرة على طريقة الطواحين الهوائية في هولندا
وكنت أسأل والدي : كيف يشرب هؤلاء القوم لو تحطمت المروحة ؟؟
فيقول لي والدي : أهم شيء أن تكون كرشك أنت مليانة موية 00 مالك ومال الناس
فيضحك المزارعون وقتها وتبتسم حتى الحمير من هذه السخرية
بل وتقوم الحمير بحركات أخرى سخيفة جداً لا اريد ذكرها !!!!
هذه الحواشات لم تجلب لنا أي شيء
وقد مات كل أجدادنا وهم يحرثون الأرض
مات بعضهم وهو يحمل { طوريته المليئة بانفاس الطين }
ماتوا 00 جميعاً
ولم يتركوا عمارات في المنشية
أو دكاكين في السوق العربي
كل ماتركوه لنا سبحة ومصلاية وابريق
وكلما أنظر لهذه الثروة اصاب بضيق في الجهاز التنفسي
وآلام حادة في القفص الصدري !!!!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: منزول محمد توفيق)
|
قام قال : ياخوي صاحبك اتزوج وهسي في شهر العسل
اها اتزوج منو ؟ قال : اتزوج ضابطة إدارية !!!
سبحان الله 00 انا من أمس مصاب بانهيار عصبي !!!
البنات ديل جنن وللا شنو ؟؟؟
****************************
دا شنو ياتفاحة البورد والصديق القديم الجديد تحياتي لك ولست النفر
تعرف مصداقاً لحديثك أعلاه عندنا واحدة كانت قاضية في رفاعة وأول حرف في اسمها دال وآخره التة المربوطة
تعرف دي اتزوجت ليها سائق كارو ومن عرسها خلي ليك سواقة الكارو والعتالة وبقي شايل عكازوا ولافي في السوق لا شغلة ولا مشغلة ومكفكف ضرعاته ويضرع في السوق اتقول اتزوج الملكة بلقيس ولا التقول ازوج فلانة المكسرانة والمدشدشانة والخلتنا نتكلم برانا عرفتها ولا أقولها ليك دي ما...............
كع وش منفرج الاسارير (بقولها وما بستسيغها)
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ebrahim_ali)
|
ابراهيم علي
ياخوي ماعندك دال تاني وآخره تاء مربوطة
قال تاء مربوطة قال !!!
ماتشوف صاحبك يتضرع ومبسوط
بعد ايام سوف تبدأ تحكي معاه في الميتافيزقيا والبروجندا
وصاحبك حايكون مسطح وماجايب للدنيا خبر
أكيد تقوم الفوارق التعليمية والطبقية تنهش في جسد الحب
فتحيله الى حب هزيل
غايتو ود أختي لسه راااااااااااكز
وكمان نزيدك من الشعر بيت
قبل ايام العروس أبوها اتوفى وخلى ليهم البيت حدادي مدادي
وصاحبك ماشاء الله ساكن وماكل وشارب 000
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: منزول محمد توفيق)
|
منزول محمد توفيق
والله تعليق ظريف وجميل واعطى البوست نكهة غير عادية
ياخي أنا والله قربت اصدق اني شارب كلوركس
عندي كلوركس في البيت مشيت لقيتو ناقص
ياربي انا أكون شربت منو ؟؟؟
وأخيراً أخيراً عرفت السبب
واحد من العزابة لابيشتري صابون ولاكلوركس ولامعجون
عايش سلفقة سااااااااااااااااي
عشرة سنوات ماعندو سرير ولا مرتبة ولابطانية
بس شغال ورثة
كلما واحد يسافر يحتل السرير وممتلكاته الأخرى
زولك ماشاء الله عندو سروايل أم تكة قدر يوم القيامة
شيل كلوركس أبوحراز وأكشح نصو في الغسالة
غايتو الحياة دي مع العزابة عايزة ليها صبر شديد
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: mo)
|
mo
| Quote: يمكن أنت عائزة (ام شلاخ تلات) وكمان (داقة شلوفتها ) |
ياخي إنت دقة قديمة 00 انا غير متصالح مع هذا النوع من الجمال
كفاية بهدلة امي وخالاتي وعماتي والبشتنة التي اراها كل يوم على وجوههن
لماذا لاتصلكم القناة 00 هي على نايل سات
امبارح حضرت جزء من برنامج هذه المذيعة كانت برضو زعلانة من أحد المشاهدين
واتصلت عليها مشاهدة وبدأن في كيل التهم والشتائم للمشاهد
والعبارات التي استخدمت على الهواء مباشرة من نوع { حقير وواطي }
في اعتقادي أن المذيعة ان لم تستطع مواجهة منتقديها عليها أن تلزم بيتها
وهذا لايعني بالضرورة أن نتطاول نحن كمشاهدين عليهن
فلهن كرامتهن ولابد من الحفاظ عليها
قال شلاخ تلات قال
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: Nagi Ahmed)
|
Nagi Ahmed
المشكلة مشكلتكم انتو مابتعرفوا الجمال وين
هسي والله معانا انصاري سنة متزوج اربعة وكل واحدة أجمل من التانية
ولو في واحدة شينة معاه في المحاضرة والله العظيم مش كان حافظة موطأ مالك
ماعندو معاها اي قضية
واول مايشوف واحدة جميلة الرماد كال حماد
يومين ويتقدم لأبوها
عندو مقولة خاتيها في المقدمة : ان الله جميل يحب الجمال
سمعت بنكتة الكيزان الذين حضرو للضابط المتزوج من إمرأة جميلة جداً
اها بعد السلام قالوا ليهو
انت الضابط الوحيد العندك روح وطنية
وعندك ولاء كبير لشعبك ووطنك وأمتك
ونحن شايفين في نزاعات كثيرة في دارفور وابيي والجنوب
ومالقينا واحد أمهر منك عشان يقدر يتصدى للمشاكل
قام قال ليهم :
والله الخرطوم دي نهائي ماطالع منها لاقومية ووطنية ولايحزنون
لكن لو عاوزين { المرة } دا طرفي منها شيلوها معاكم وأمشوا في ارض الله الواسعة
اها النكتة دي حكاها لينا واحد من الكيزان
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: منزول محمد توفيق)
|
منزول محمد توفيق
يعني طلعتنا طاشمين
ومطششين
ذكرتني واحد صاحبنا بيشرب المريسة لحد مايلحس آخر الجردل
يوم أكل كوارع
وكمونية
وكبدة
ولحمة راس
وختمها بجردل { مريسة مركز }
اها بعد شوية استفرغ { طراااااااااااااش }
وكل الأشياء التي أكلها استفرغها
بعديها ارتاح ونام في نفس المكان
جاء { جريو } الجريو داولد الكلبة
اها قام يلحس في الطراش
الجريو بعد شوية طقتو ليك سكرة بطالة جداً ونام مع أخونا
أها صاحبنا بعد السكرة فكت
وقام شاف ليك الكمونية ولحمة الراس والكوارع كلها مع الطراش
قام قال
والله الحاجات دي كلها متذكر أنا أكلتها
لكن الجريو دا ياربي أكلتو متين ؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: بشير حسـن بشـير)
|
الـــزولة دى - اذا تجاوزنها لونهاالفاقع - فهى بجـــد شينة ..
وجههــا طويل مثل وجه الحمــــارة
وفمهــــــاالواسع جداً يميل للأسفل اكثر مما ينبغى
اتساع فمها ظاهراً فى شفتيها المنفرجتان فى الصور اعلاه ..
لاحظوا الفرق بينها وصورة الحسناء نسرين سوركتى ..
شفتاها مطبقتان بهدوء وأدب .. وعلى وجهها قناع من العفة والوقار ..
نسرين سوركتى عسل عديييييييييييل كدة.
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: MOHAMED EL-BEELI)
|
MOHAMED EL-BEELI
Quote: الـــزولة دى - اذا تجاوزنها لونهاالفاقع - فهى بجـــد شينة ..
وجههــا طويل مثل وجه الحمــــارة
وفمهــــــاالواسع جداً يميل للأسفل اكثر مما ينبغى
اتساع فمها ظاهراً فى شفتيها المنفرجتان فى الصور اعلاه ..
لاحظوا الفرق بينها وصورة الحسناء نسرين سوركتى ..
شفتاها مطبقتان بهدوء وأدب .. وعلى وجهها قناع من العفة والوقار ..
نسرين سوركتى عسل عديييييييييييل كدة. |
ماذا تنتظر مني أن اضيف
كلام جميل وفي محله
انت كنت شغال في محل كوفير ؟؟؟
كل شيء عندك بالمقاسات
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: بشير حسـن بشـير)
|
بشير حسـن بشـير00 تحياتي
Quote: حراز يا أخوى ، البوديك للجرس ده شنو ؟؟؟؟؟؟
سيب الجرسه والكبكبه !!! |
أحياناً تشطح بالريموت فيوقفك غصباً عنك حينما تشاهد مثل هذه المذيعة
وحينما ترى طريقتها في الكلام وتعاملها مع المشاهدين
التقديم التلفزيوني يحتاج الى نفس طويل
ليس بالطبع مطلوب منك أن ترضي كل الأذواق
ولكن يجب أن لاتخدش حياء المشاهد وذوقه
| |
|
|
|
|
|
|
|
|
 Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
أبو حراز يا سكر ..
علمت من مصدر موثوق أن المذيعة بصدد رفع قضية تشويه صورة ضدك ..
وين بتروح يا رقيق ..
بعدين هسع إن جبت صورة بت الناس دي وتلقت بسببك عدد كبير من الشتائم ودا كله في ميزانك يا كابتن ..
إنت قادر تدفع ليها تعويض من حسناتك بعدين ..
عامل فيا بريء بي شناتك السمحة دي ..
بمزح معاك حرزرز حرزرز ..
مشتاقين يا رجل ..
تحياتي،،،
جاد
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: JAD)
|
JAD
Quote: علمت من مصدر موثوق أن المذيعة بصدد رفع قضية تشويه صورة ضدك ..
وين بتروح يا رقيق ..
بعدين هسع إن جبت صورة بت الناس دي وتلقت بسببك عدد كبير من الشتائم ودا كله في ميزانك يا كابتن ..
إنت قادر تدفع ليها تعويض من حسناتك بعدين |
اذا كان الدفع حسنات فالحسنات هنا في السعودية ماشاء الله
والله محل توديها ماتعرف
نحن هنا اليوم كلو على وضوء
ياخي أنا لي 68 يوم ما شفت { مراة } سودانية
شوف ليك عزاب دنيا
يعني لو ما ست النفر بتتصل كل فترة وتانية كان الواحد بقى زي الكلب السعران
المشكلة ترفع تعويض مادي
والله في الحالة دي شيلو شيلتكم وجهزوا { الكراس } بتاع الكشف
كنا اول شيء خاتين الكشف لأمور أخرى 00 لكن نسوي شنو مادام ندى دبوق عايزة كده
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عادل سهل)
|
الأخ عادل
Quote: الحمـــد لله طلعــت ســليمة
انا ســنيت سكينى ودخلت
قلت أبو حراز دا جايب طارى بتنا السمحة نادية عثمان ( الله يشفيها )
الا ما دام بتتكلموا فى "الهوت بيرد" أخدوا راحتكم ساكت. |
يازول نادية عثمان زميلتنا من مدة طويلة هنا ونحن كمان بنسن السكين وكمان العكاز المضبب
اعمل حسابك يازول من النسوان السودانيات
ديل بعضن
وبخربشن
وبيتكرفسن
وبيحردن
خليك في الهوت بيرد
قال هوت بيرد قال !!!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
الأخ ابوحراز
رائع ما كتبته عن ندى دبوق 00 لاتحرمنا جديدك من التهكم والسخرية بمن يستحقها
سامي العنزي
هذه رسالة وصلتني من قاريء سعودي يقول غنه من قراء سودانيز اون لاين
أنزلتها اليكم بدون رتوش
لك التحية أخ سامي
ونأمل رايك في سودانيز أون لاين
كيف تجده كقاريء
وهل يلبي طموحات جميع القراء
انتظر رأيك كقاريء ربما ينظر لسودانيز اون لاين من نافذة مختلفة
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
السلام علي كل المتداخلين
نحن و الله معيار الجمال عندنا شي واحد (( الثوب السوداني ))
الما لابسه ثوب ا بنعاين ليها خالص و لا حتي بنشغل نفسنا بتقيمها جميلة ولا شينة
كدة اتعودت عيونا تشوف النسوان بالتياب و التوب ده لو لافينه في غنماية بنشوفها جميلة
و مذيعتك دي لو جات ما تلفحة اي حاجة بنشوفها شييينة...
و العتب علي النظر
ادم العمار
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عثمان دغيس)
|
عثمان دغيس
| Quote: المصالي والسبح والأباريق أسعارن كيف عندكن ؟؟؟؟؟؟! |
تعرف ناسنا لو وصلوا المرحلة دي معناها الدنيا بخير
لكن كثيرون منهم جايطين 00 يمكن أنا أحسن واحد فيهم
ولو رجعت حا أكون امام المسجد بدون منازع
قبل يومين كان عندنا حفلة في الحلة
اها الجماعة الفنانين قالوا عاوزين { جيتار } ضروري جداً
والجيتار في حلة قريبة من عندنا
اها مشوا بالبكسي والحمد لله لقوا الجيتار وصاحبو
وأخذوهم معاهم في البكسي
البكسي قطع بنزين في الطريق
ومعاهم ما شاء الله جركان بنزين احتياطي
قاموا كبوه في التنكي
اها قال ليهم البكسي تاني شغلوني
ما اشتغل نهائي
المهم أدفرك أدفرك لحد ماوصلوه مكان الحفلة
تعرف السبب شنو الخلاه ما يشتغل ؟؟
الجماعة بدل مايكبوا جركان البنزين في التنكي قاموا كبو جركان العرقي !!!!
قال سبح ومصلاية قال !!!
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
صباحاتكم سعيدة
يعني الواحد يغيب ليه كم ساعة طوالي يلقى البوست في الفكي هاشم
شنو الناس ليه بتزهج سريع وبتمل من البوستات
والغريبة تشاهد كاتب واحد في سودانيز لديه في الصفحة الأولى عشرة بوستات { دقة ؤ واحدة
ورغم ذلك تجده متابعها أول باول
ياليت لو أملك مثل هذه الطاقة
المشكلة التانية نحن النت عندنا بقروش
يعني كل ساعة تفتح فيها النت في المكتب بتتحاسب عليها
في البيت التلفون مشترك
العاوز يكلم أمه
والعايز يكلم الخطيبة
والعايز يكلم النسيبة
لاتوجد اي طريقة عشان تشترك في النت
قلنا نسلم ونشوف أخبار المذيعة دي شنو
وبعديها كان الله كتب نشوف ليكم بوست جديد
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: عثمان دغيس)
|
والله بشهادة البدوي نفسه أن التيس مازال خارج التغطية ولم يدخل الشبكة حتى الآن
كلما أتذكر هذا الحديث يخالجني شعور مؤلم
كيف ياترى ستكون التيوس البشرية التي غرقت في مياه التحلية
منذ ذلك اليوم وأنا اشرب موية صحة من السوبر ماركت ريثما أعود للسودان
ولكن السؤال
هل يصلح العطار ما افسدته مياه التحلية
التيس يمكن أن يذبح ويستعاض بتيس آخر
ولكن ماذا يفعل ابوحراز وصحبه الكرام ؟؟
تعرف أفكر أن أنضم للمؤتمر الوطني واتخصص في عبارة { هي لله 00 هي لله }
ربما تجد ضالتك وتنسى حينها موية التحلية والتيوس الداقسة !!!
مثلك ابحث عن هذا البوست فقد اتصل سعودي يطلبه حينما أخبره أحد قراء سودانيز
وذكر لي السعودي أنه متزوج حديثاً وأن محركاته لاتعمل بالكفاءة الجيدة
قال ربما يجد ضالته في البوست
| |
|
|
|
|
|
|
|
|
|
Re: مذيعة متغطرسة ومغرورة وشينة وعاملة فيها جميلة !!! توجد صور (Re: ابوحراز)
|
ابو حراز تحياتى..
شكلك المزيعة عجباك بسى ما عرفتة تعبر بدليل انت مدمن
قناة جرس على كل انت مضيع وقتك فى القناة وانا بدعوك
لمشاهدة قناة شروق وتشوف الشروق الحقيقى مزيعتنا نسرين
وصراحة المفروض يبقوها مديرة القناة القومية ومديرة قناة شروق
وهرمونى وزول والمفروض بكرى ابوبكر يتنازل ليها من سودانيزاون لاين
لان دا جمال سودانى وطبيعى
| |
|
|
|
|
|
|
| |
ابوحراز
عمران حسن صالح
خضر الطيب
BAKTASH
قرشـــو
Salah Waspa
Osama Mohammed
هاشم أحمد خلف الله
عصام دهب
عبداللطيف حسن علي
غباشي
عمر التاج
إسحاق بله الأمين
haroon diyab
على محمد على بشير
james
تولوس
عصام الجيلي
بشير أحمد
jini
مدثر محمد عمر
عبدالله كع
Omer Mustafa
عامر تيتاوى
منزول محمد توفيق
الرفاعي عبدالعاطي حجر
mo
بشير حسـن بشـير
MOHAMED EL-BEELI
عبدالرحمن الحلاوي
JAD
عادل سهل
فيس بوك
تويتر
انستقرام
يوتيوب
بنتيريست