علي قناة النيل الأزرق حاورت الاستاذة/ ناهد بشير الطيب مجموعة من السيدات والانسات حول أسباب تاخر سن الزواج لبنات المغتربين في حلقة من برنامج أحلام مسافرة ... واحببت ان اشرككم في هذا الموضوع الهام الذي يمس شريحة كبيرة وربما لم تسنح ظروف الكثيرين لحضور الحلقة ...
فالي الجزء الاول من الحلقة وجاري رفع بقية الاجزاء
04-21-2008, 10:17 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: هذا الموضوع تحديدا من المواضيع المهمة جدا اتمنى ان يلقى حظه في النقاش
خيرا قلت اخى الطاهر
اتمنى حقيقة ذلك.... ولتعذر وقت البرنامج تعذر على ان اتى بالاخوه من جانب الرجال.... ليتهم يدلون برايهم هنا داخل المنبر من خلال طرح الاخوات الضيفات .........
باذن الله لى مقابلة اخرى معهم(الرجال) فى حلقة اخرى
شكرا اخ الطاهر
04-24-2008, 11:28 AM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
أنا اول ما فتحت سودانيزأونلاين ولقيت البوست ده ..فرحت جدا.. لأهمية الموضوع وأيضا لأن من تقدمه ناهد علي الشاشه.. لكن التحميل هنا مقطع ولم أتمكن من الأستماع والمشاهده المستمره لأكثر من 20 ثانيه.. هل هناك حل؟؟
شكرا لمجهودك الكبير..
04-23-2008, 03:21 PM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
Quote: أنا اول ما فتحت سودانيزأونلاين ولقيت البوست ده ..فرحت جدا.. لأهمية الموضوع وأيضا لأن من تقدمه ناهد علي الشاشه.. لكن التحميل هنا مقطع ولم أتمكن من الأستماع والمشاهده المستمره لأكثر من 20 ثانيه.. هل هناك حل؟؟
شكرا لمجهودك الكبير..
اختنا منى بت عمنا خوجلى
وجودك حقيقى بيفرحنى ....والبفرحنى اكتر مشاركاتك وده الراجياه منك تجى وتناقشى معانا الموضوع ده... وان كان يامنى فى واحد زميل لى فى العمل قال لى
ياناهد تلفلفوا وتدوروا فى الموضوع ده من قبيل الموضوع ده حله فى انه نحن نجيب المرة التانيه وانتوا مابترضوا
انتى رايك شنو يامنى
04-21-2008, 11:47 AM
منزول محمد توفيق منزول محمد توفيق
تاريخ التسجيل: 02-13-2007
مجموع المشاركات: 568
ملحوظه..(اعانى فى الكى بورد لفقدان حرفين ال ين.... وال اد) من المؤكد انه لن يفوت على فطنتكم
ظاهرة تاخر الزواج لبنات المغتربين الا باب التى تؤدى الى عزوف كثير من الشباب عن الزواج هل البنت المرغوبه الان للزواج هى التى لديها دخل او بيت البنات متهمات باذدواجية الشخيه هل هم و دانيات ام خليجيات نظام التعليم والعمل فى العوديه بالتحديد لاي مح بالاختلاط مما يؤثر لبا على الفتيات البنت فى الودان اكثر حظا من التى موجوده فى الخليج ..فى معرفة الطرف الاخر كثير من الاخوة المغتربين الشباب يفضلون الزواج ممن تملك اقامة .... دور الجد زمان كان هام فى المجتمع بتتم عن طريقه كثير من الزيجات وكان له دور بارز الحوش الواحد او الارة الممتده بتفتقد فى الغربه تربية البنت هنا فى الخليج عاداتها تقاليدها مطاوعة الامهات للبنات فى الزوج المتقدم هل اذا رفض المتقدم من قبل البنت الاهل كذلك؟ الزواج عبر النت خوف بعض الشباب من داخل الودان فى الارتباط بالزواج من المغتربه والعك وكذلك البنات خوف بعض البنات المغتربات من الا تقرار بالودان الظروف الاقتاديه الشاب ايضا وانغماه فى العمل نجده ايضا يعانى من تاخر زواجه .....
المحاور كثيره جدا وابرزتها الحلقه نفها واتتنى من خلال اجابات الضيفات الكريمات
معليش ياجماعه الحروف الرايحه من الكى بورد احرجتنى معاكم....
الا انشاالله بنجمع انا والحرفين ديل قريبا
04-26-2008, 11:30 PM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
Quote: هذا الموضوع مهم للغاية لذا أرجو أن تتعب شوية وتعمل ملخص لموضوع النقاش الذي دار في الحلقة ويطرح هنا للنقاش - مشاكل وحلول ودمت
وده المقصود اخ منزول القضية التى طرحت...... ولقد قمت بانزال جزء من المحاور وسااقوم بانزال البقية لكن ماناقشتنا فيها كم محور ....ولا اقول ليك الحل شنو كدى قول لينا
مشكوووور
04-21-2008, 01:14 PM
الطاهر عثمان الطاهر عثمان
تاريخ التسجيل: 03-09-2007
مجموع المشاركات: 141
بالنسبة لتقطيع الصوت .. اعتقد ان المشكلة في سرعة الانترنت عندك يمكن كحل اقوم به احيانا.. mute الصوت في مقطع اليوتيوب وافتحي صفحة اخرى للتصفح ودعيه الي ان يكمل الـ buffering ثم بعد ذلك قومي بتشغيله من الاول مع رفع الصوت طبعا...
التناول كان موضوعي في حدود المجتمع السوداني في السعودية الذي لم يتطرق اليه المشاركون هو كيفية كسر الجمود وامكانية تداخل المجتمع حتى يتعرف الشباب الادر على الزواج على البنات
لانه لاننكر تاثرنا بظروف البلد المضيف كيف يمكن للفتيات من ابراز قدراتهن بانهن اهل للاقتران كيف يمكن ادخال الشباب الملتزم القادر على الازواج في مجتمعات الاسر التي وصل بناتها سن الزواج
واتابع
04-24-2008, 10:20 PM
يازولyazoalيازول يازولyazoalيازول
تاريخ التسجيل: 02-05-2002
مجموع المشاركات: 10210
Quote: Çالتناول كان موضوعي في حدود المجتمع السوداني في السعودية الذي لم يتطرق اليه المشاركون هو كيفية كسر الجمود وامكانية تداخل المجتمع حتى يتعرف الشباب الادر على الزواج على البنات
لانه لاننكر تاثرنا بظروف البلد المضيف كيف يمكن للفتيات من ابراز قدراتهن بانهن اهل للاقتران كيف يمكن ادخال الشباب الملتزم القادر على الازواج في مجتمعات الاسر التي وصل بناتها سن الزواج
اخونا د...محمد حسن .....
نعم اشرنا الى السعوديه بالتحديد .... وان كان ظاهر من سياق الكلام..... وقلنا انها قضيه بتقلق كثير من الاسر فى دول الخليج ...... وهى قضية تهم الاسر فى الخليج......
اوضحت المشاركات فى الحلقه انه بعض الاسر والشباب اخدوا بعادة وطبع ناس المملكة من حيث التداخل والزيارات ....واكيد انت موجود فى السعوديه وعارف ... يعنى شوف بالله حتى الراجل السودانى او اى جنسيه اخرى لو ماشى فى الشارع وجات ساكت ماشه مرة الواحد تلقاه بيمشى يتلصق فى الحيطه لغاية هى ماتمر ....
برجع ليك للباقى لكن رايك انت شنو .....فى تطبعنا نحن بطبع ناس البلد دى ...
خالص الود والاهتمام....
04-26-2008, 04:58 PM
saber alhawatti saber alhawatti
تاريخ التسجيل: 04-21-2008
مجموع المشاركات: 697
Quote: موضوع مهم جداً جداً ـ وأصبح مشكلة كبية لكثير من الأسر المغتربه
ومن بعض إنكاساته السالبه هو التسرع فى قبول العريس المنتظر
وكثيراً ماتدفع البنت ثمن هذا التسرع ؟؟؟؟؟؟؟؟؟؟؟؟؟؟؟؟؟؟
الاخ صابر الحواتى
قضايا المغتربين فى الخليج من القضايا الكثيرة المعقدة ... واعتقد ان سلبياتها اكثر من ايجابياتها ....ومنها ظاهرة تاخر سن الزواج ..... التى صارت كاهلا وعبئا ثقيلا على الاباء خاصة عندما تتخرج البنت ...وتجلس فى البيت لعدم وجود العمل المتاح ...وعدم توفر الفرص ...ودراسة بعض البنات لكليات لا وجود لعمل لها هنافى السعودية بالتحديد .... اذا اما الحل
الرجاء موافاتنا بالحلول والاراء التى ترونها .. .خاصة من جانب الاخوة الرجال والادلاء يرايهم
شكرا اخ صابر وسأتى لاحقا لمسألة التسرع عند البنات وقبول العريس .... دونما حتى السؤال عنه .......وحينها يقع الطلاق ,,,,,
04-26-2008, 05:37 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
حضرت الحلقة المذكورة وكان حضور الاخت ناهد أكثر من رائع وأبدت مقدرة كبيرة على ادارة الحوار و موهبة عالية فى فن المحاورة بس أعيب عليها تركيز الحوار على جانب واحد من المشكلة(الاسر) و عدم استطلاع رأي الشباب المغترب كان أكيد وصلت لنتائج أفضل وعرفت الرأي الآخر وساهمت في تقريب وجهات النظر تمنياتي لها بالتوفيق وهي واعدة جدا في المجال
04-26-2008, 08:50 PM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
Quote: حضرت الحلقة المذكورة وكان حضور الاخت ناهد أكثر من رائع وأبدت مقدرة كبيرة على ادارة الحوار و موهبة عالية فى فن المحاورة بس أعيب عليها تركيز الحوار على جانب واحد من المشكلة(الاسر) و عدم استطلاع رأي الشباب المغترب كان أكيد وصلت لنتائج أفضل وعرفت الرأي الآخر وساهمت في تقريب وجهات النظر تمنياتي لها بالتوفيق وهي واعدة جدا في المجال
اخونا القرضابى....
مشكور على رايك ........من المشاكل اللى بتواجهنا هنا فى السعوديه الاختلاط كتير اعتذروا من قبل.... ضيوفى الموجودين الان فى الحلقه .... بحجةانهم ماعايزين رجال او شباب ....معاهم فى الحلقه ....... وحاولنا اقناعهم لكن بنلقى مشاكل اخرى من اباء يرفضون ذلك ...لكن نحمد الله ضيفاتى الموجودات نساء وبنات واقعيات جدا.... فقط انا عملت حسابى من الاول..... اكيد زى ماانت قلت وجودهم كان مهم وكان بيثرى الحلقة تماما .. وبيدينا الراى الاخر ...وبيحصل النقاش داخل الحلقه نفسها من قبل الشباب والبنات والامهات .....لكن نعمل ايه ...لكنى ابشرك نحن الان بصدد تسجيل حلقة مع شباب وعزاب..... عشان مايدلوا هم كمان بدلوهم ونعرف رايهم.......والله يعينا على البلد دى ...... وعلى المشاكل الموجوده فيها والبتتوالد كل يوم وتفرخ لينا مشكلة من مشكلة ...
شكرا على رايك وتاكد احترامى التام له ....وخليك متابع جاياك حلقه تانيه...
04-29-2008, 10:53 PM
saber alhawatti saber alhawatti
تاريخ التسجيل: 04-21-2008
مجموع المشاركات: 697
فى زيجات زى دى ....وطبعا قليله.... لكن مابنقول انه الشاب فيها قاصد انه يتكل على ابو العروسه ....لا....كتير من الاباء بياخدوا او زى مابيقولوا بيشتروا راجل ...وباقى الحاجات بالتفاهم .....يعنى كتيرين من الاباء بيقوموا بالعرس من والى ومااعتقد فيها حاجه طالما فى تفاهم بين الاطراف ......دى مساعده بس عاد بعدين يشيل بيته ويمسكه وهى كمان تقبل بالعيشة العايشها زوجها وموفرها ليها ...
شكرا صابر
04-30-2008, 04:41 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
Quote: لو ماشى فى الشارع وجات ساكت ماشه مرة الواحد تلقاه بيمشى يتلصق فى الحيطه لغاية هى ماتمر ....
أهل الدار سلام
تقولي لي يتلصق في الحيطة؟؟؟
أنا وبعد غربة زادت على الربع قرن بقيت في السودان كان دخلت مكتب ولقيت حريم قاعد أتخلع وما بقدر أتصرف!!!! أما ركوب الحافلات العامة فدي مصيبة كبيرة لو في مقعد لشخصين وقاعده فيه أمرأة تلقاني واقف ولا بفتش مقعد فاضي ولا على الأقل قاعد فيه (ضكر). أما المصافحة في السلام فدي خليها ساكت جنس أحراجات .... كان مديت يدي أسلم أخاف تطلع الأخت ما بتصافح!!! وكان لبدت وما مديت يدي أدخل في حرج أنه ما بيصافح ماله (وما مربي دقن عشان يفسروا صاح) وبالتالي يقولوا تغيان وشايف روحوا.
من المواقف المحرجة جداً كنت في زيارة زميل بالمستشفى ووجدت زميل آخر مع زوجته وآخرين وطبعاً الغرفة مليانه زوار كالعادة، سلمت على الجميع وبدون ما أشعر لقيت نفسي فطيت زوجة زميلنا .... بعدها غادرا قبلي وودعوا الحضور ولامن دوري جاء الأخت الكريمة مدت يدها وودعتني بالمصافحة،،، تخيلوا كمية الإحراج والله عرقت من شعر راسي حتى قدمي ،،، وما زلت في حالة حرج كلما قابلتهما في أي مكان لسوء تصرفي (بس ما أعتقد أنني ملام لأن المسائل أتلخبطت وبقينا ما عارفين نحنا سودانيين في الخليج ولا خليج في السودانيين؟؟؟).
أسف يا جماعة زي الطلعت من الموضوع،،، لكن ما كتير...
الحلقة كانت تحتاج لامهات ...عايشن ويعايشن هذا الالم ... وكن زهرات ...للحلقة ...اقتطفت منهن الكثير الذى ساعدنى فى محاولة اماطة اللثام عن القضية ...التى هى ...ليست قضية معربدة فى خيال شاعر ولا ضمادة خادعة فوق جرح غائر ...ولكنها وديعة غالية فى حقيبة مسافر
ولزوجتك العزيزة كامل التقدير ... قالت فأوفت ...
كل الود والتقدير ...
06-19-2008, 06:00 PM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
Quote: أنا وبعد غربة زادت على الربع قرن بقيت في السودان كان دخلت مكتب ولقيت حريم قاعد أتخلع وما بقدر أتصرف!!!!
الاخ الشايقى .... والله حاجة غريبة خلاص ......بالجد شىء فظيع ... لكن فى حاجة عايزة اقولها ليك ...لى زميلة فى العمل (سعوديه) قالت لى ....ان الحاجات دى خلوها خلاص ...وبقوا يدافروا مع الواحد فى السوق والشغل ...وبقن اكتر حرية من زمان ...بدليل انى بلاقيهم فى عملى ... فعلا يتصرفن بطريقة عادية .....وان الرجل ...زميل ويعامل وفق كده ..
المشكلة بقت فى رجالنا نحن ...هم الفعلا لغاية الان بيتحاشوا ملاقاتهن وكتير منهم ....لسه بيتلصق فى الحيطة لما الاخت تمر ...
شكرا ليك على المداخلة اللطيفة واسفة للتأخير ..لانى بالجد ماشفتها الا الان فلك العتبى اخى ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطاهر عثمان
طارق جبريل
ناهد بشير الطيب
Muna Khugali
منزول محمد توفيق
على محمد على بشير
جمال السنوسي
د.محمد حسن
يازولyazoalيازول
saber alhawatti
ALGARADABI
Al-Shaygi
khaleel
فيس بوك
تويتر
انستقرام
يوتيوب
بنتيريست