|
يا ناس قناة زول غطوا ( تفف) البنات ديل
|
لو مذيعاتكم ديل شعرن زي
ناس شيريهان البطن ما فيها وجعة
ولو كان زي مي عز الدين ما بنزعل
ولو كان زي شعر سلاف فواخرجي ما بنقول حاجة
فدحين عليكم الله غطوا (كدامير ) البنات ديل
وما تحرجونا مع ناس باسكال مشعلاني
|
|
|
|
|
|
|
|
Re: يا ناس قناة زول غطوا ( تفف) البنات ديل (Re: وانجا)
|
Quote: متاهة قوم سُوْد ذو ثقافة .... إلخ |
جوك وما لقوك يا خليلووووووووووووو إنت ناس باسكال مشعلانى وشيريهان بنات حلتكم ولا شنو يا فردة,,,,,
فى زول قاليك أمشى إتفرج فى الكدامير ديل
يازول إنت وين!!!!!!!!!
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
Quote: فدحين عليكم الله غطوا (كدامير ) البنات دي |
و اطلب أغنية (يا أبو شعور رقيقة) للرائع شرحبيل أحمد عشان خاطر سلاف فواخرجي و شيريهان
Quote: ده الاستوبر بتاع التحرير في السبعينات |
و الله لكين قديييييييييييم يا سكسكـ
______________________________ الصورة نتاج تداعيات المرحلة السابقة
| |
|
|
|
|
|
|
Re: يا ناس قناة زول غطوا ( تفف) البنات ديل (Re: الصادق خليفة)
|
اولا زول لحد الآن مافيها غير سالي وسالى دى تعتبر نموذج كامل للجمال السوداني من حيث خامة الشعر واللون والملامح ياعديم الهوية انت
اما ناس فواخرجي وباسكال واخواتها ديل عرب ونحن عرب افارقة او افارقة مامعروف لحد ما تتحدد هويتناضف الى ذلك الشايفو انت فى الشاشات دا كلوووووووووو تزوير: الشعر تركيب العدسات تركيب الرموش تركيب الخدود نفخ الشفايف قلب + شد
ومافى داعى للباقى قال باسكال قال ،، امشي حدد هويتك اول شي
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Shamael Elnoor)
|
Quote: اما ناس فواخرجي وباسكال واخواتها ديل عرب ونحن عرب افارقة او افارقة مامعروف لحد ما تتحدد هويتناضف الى ذلك الشايفو انت فى الشاشات دا كلوووووووووو تزوير: الشعر تركيب العدسات تركيب الرموش تركيب الخدود نفخ الشفايف قلب + شد |
وطيب يا خوي
ناس موريشيص وسيشل ما افارقة
الواحدة شعرها واصل (..........)
| |
|
|
|
|
|
|
Re: يا ناس قناة زول غطوا ( تفف) البنات ديل (Re: doma)
|
Quote: هوي يا خليل ارعي بقيدك نحن كداميرنا ونيشنا وتففنا ديل عاجباتنا لانهن خلقه ربنا وما بنغطيهن وبما انهن ما مصدر فتنه يبقي الغطاء لذوات الشعور الفاتنه والحاضر يكلم الغائب . |
خالتي دوما
انتي شعرك شعر السرور واصلو ما كدمور
عشان انتو جيل الكركار والودك
ما جيل صانسيلك والبانتيم
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Deng)
|
Quote:
بحرجوك ولا أنت متبري من أصلك الاسود.
أنها فعلا متاهات قوم سود.
دينق. |
هسع في زمتك في زول جاب سيرة اللون الابيض ولا الاسود .
ولا بس دي العنصرية الجارية في دمك .
ده بوست ظريف وخفيف ما تمسخ البوست بي جنس المهاترات دي .
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
خليل اخوى انصرافك المتواتر هذه الايام عن المشاركة فى سودانيز اون لاين كعهدنا بك سابقا ترك لك مساحة ومتسع من الوقت ارى انك قد اليت على نفسك ان تستثمره فى مطالعة قناة زول وهى مبدئيا كدة انا باعترض على تسميتها كسياقة للعبط المدور فينا من الاعراب بسبب الاسم دة
Quote: هوي يا خليل ارعي بقيدك |
عاجبك كدة؟
حتتك الضيقة دى ذكرتنى مشاترتك العجيبة ديك يوم حفلة الجابرى فى الجامعة
| |
|
|
|
|
|
|
Re: يا ناس قناة زول غطوا ( تفف) البنات ديل (Re: احمد التجانى احمد)
|
Quote: متاهة قوم سُوْد ذو ثقافة .... إلخ |
فعلا يا وانجا... متاهة قوم سود ذو ثقافة بيضاء
يا ابو خليل... ياخ الكلام دا منك لوم ما معقول تقول كلام فطير ذى دا الجنس الابيض يفرض علينا العنصرية و يتعالى علينا انطلاقا من نفس المفاهيم بتاعت انو هو الحالة المعيارية للجمال و الحسن... اها نحن كمان نقبل المعيار دا و نأكد عليهو؟؟ و كمان نجعل منو المرجعية الجمالية لنا نحن ايضا؟ يعنى بى بساطة الزول يقبل لنفسه الدونية.
المعايير الجمالية دى انعاكس للاوضاع المادية دى قناعتى انا، يعنى لو كان الانسان الافريقى الاسود هو الذى انتصر و نهض ماديا، اقتصاديا، علميا لكان فرض على الاخرين نفسه كحالة معيارية للجمال و الحسن، و لكان فرض عليهم بقية قيمه الجمالية فى الاشياء الاخرى... لكن قد حدث العكس فمن واجبنا رفض هذا الفرض و الاستقلال بمعايرنا بل مناهضة الاخرين الذين يتمركزون حول ذواتهم و يقيموننا وفق تصوراتهم.
| |
|
|
|
|
|
|
Re: يا ناس قناة زول غطوا ( تفف) البنات ديل (Re: abubakr salih)
|
Quote: فعلا يا وانجا... متاهة قوم سود ذو ثقافة بيضاء
يا ابو خليل... ياخ الكلام دا منك لوم ما معقول تقول كلام فطير ذى دا الجنس الابيض يفرض علينا العنصرية و يتعالى علينا انطلاقا من نفس المفاهيم بتاعت انو هو الحالة المعيارية للجمال و الحسن... اها نحن كمان نقبل المعيار دا و نأكد عليهو؟؟ و كمان نجعل منو المرجعية الجمالية لنا نحن ايضا؟ يعنى بى بساطة الزول يقبل لنفسه الدونية. |
يا خوي كلامك ما صاح
ما شفت الشاعر قال شنو مهرة دنقلا اللطافة
سادل ديسها لي اردافها
ما قال كدمور
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Yasier Elsayed)
|
Quote: يا خوي كلامك ما صاح
ما شفت الشاعر قال شنو مهرة دنقلا اللطافة
سادل ديسها لي اردافها
ما قال كدمور |
يا زول كدمور دى شنو؟؟ و معناها شنو؟ بعدين انت منو ياخ عشان تجى تقول دى شعرها كدمور و مفروض تغطيهو؟؟ و شاعر دنقلا بتاعك دا زاتو حالة من حالات الضلال و الوهم الانت عايش فيهو دا ما فى سودانية شعرها لى اردافها، و اذا فى دى بتكون حالة نادرة و لا تمثل غالبية السودانيات و السودانيين... الحال الحاصل ليك و لى شاعر دنقلا دى حالة نفسية تندرج فى ما يُعرف بالتماهى فى القاهر ... حسب التحليل النفسى للدكتور كولن ويلسون فى كتابه سايكلوجيا الانسان المقهور... الذى يعرّف فيه التماهى فى القهر كأحد التكتيكات الدفاعية الوهمية فى رد القهر الذى يسقط على الضحايا. لكنها طريقة خاطئة لانك تقبل مبدائيا بالمعايير التى تظلمك و تظلم شاعر دنقلا زاتو... يا ناس اٍتعلموا و افهموا و بطلوا المكابرة و قلة العقل دى..
| |
|
|
|
|
|
|
Re: يا ناس قناة زول غطوا ( تفف) البنات ديل (Re: abubakr salih)
|
Quote: حالة نفسية تندرج فى ما يُعرف بالتماهى فى القاهر ... حسب التحليل النفسى للدكتور كولن ويلسون فى كتابه سايكلوجيا الانسان المقهور... الذى يعرّف فيه التماهى فى القهر كأحد التكتيكات الدفاعية الوهمية فى رد القهر الذى يسقط على الضحايا. لكنها طريقة خاطئة لانك تقبل مبدائيا بالمعايير التى تظلمك و تظلم شاعر دنقلا زاتو... يا ناس اٍتعلموا و افهموا و بطلوا المكابرة و قلة العقل دى.. |
ابوبكر صالح
انت سالت انا منو
انا المالح الكارب خريفي وصيفي والمتلك ما اظن اطول فوق قيفي
بعدين الدكتور القلتو دها قريب اسحق كرنقو وللا شنو
غايتو انا ما بعرفو لكن بعرف
اللحو لما قال الكنينة بت بلة وادي الشعر تلة
وبعرف محمد ميرغني لما قال
شعرك الليل الطويل حالو زي حالتي في غيابك
وبعرف الطيب الفاضل لما قال
الكابي ديسة وحسن ماكردة عريسها \
شكرا يا وريف علي المرور
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
خليل، يعني انت خلااااااااس شعرك المسبسب و بتلفو في اصابعينك و فارقو بالجنبه و ماسكو بي بينسه عشان ما يقع في عيونك؟
قادر الله
شابكننا مزيعات لبنانيات و ما ادراك ما شعر و اقيفو كيف و اتكلمو كده و البسو شنو بعدين ناس باسكال مشعلاني ديل الله اداهم شعر لللزي وائل كفوري و راغب علامه، احنا الله يدينا شعر للزي ناس خليل ديل ولا شنو؟ جنس حركات
اسي تلقي شعر زاتو ما عندك، كدمير ولا تفه
اختك كدموره ام خلال
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Rihab Khalifa)
|
Quote: شابكننا مزيعات لبنانيات و ما ادراك ما شعر و اقيفو كيف و اتكلمو كده و البسو شنو بعدين ناس باسكال مشعلاني ديل الله اداهم شعر لللزي وائل كفوري و راغب علامه، احنا الله يدينا شعر للزي ناس خليل ديل ولا شنو؟ جنس حركات
|
رحاب خليفة
عليك الله شفتي شعر
مادلين مطر
كرع
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
خليل بت قادم زعلانة منك جدا جدا وقالت ليك (سجمك يا ودقاسم كان تبشع بالكدامير كدامير السرور والهنا)
بت قادم الكوافيرتست كل راس امراة لم تمسه انامل بت قادم يعتبر في تلكم الفبافي راس بور وسبة لاتطاق في وسط الكرنفالات والاعراس العديدة التي كانت تضج بها تلكم البلاد..وبت قادم زولة تمتلك ناصية الابداع الفطري وامراة كاملة الدسم بجثتها المكتنزة وحديثها الموغل في الغنج والدلال بجانب نضافتها التي تضرب بها الامثال ورائحتها الي تسبق مجيئها الي كل مكان بعطرها المميز المحتوي علي بخا ر الطلح والروائح البلدية ذات الرائحة النفاذة ومذهبة للعقول.. هذه اللوحة البت قادمية جعلت ادم تمباك في فترة هووسه الزيري يردد وبمرح (والله يا باش لو لقيت بت قادم ده مشطاني).....!!!!!!!!!!!!!!!!!!!!!!!!!!!!!!!!! ولعل تمباك قد اعجبه جلسة المشاط المليئة بالدهشة التي كانت بت قادم تقيمها بمهنية عالية وحماس كبير واحتضانها للنساء امامها في عنقريب تحرص بت قادم ان يكون عالي النضافة لترسل اناملها الذهبية بين خصلات تلكم الشعور القرقدية ذات الملمس الخشن وتحولها الي لمحة جمالية تعطي نساء تلكم البلاد انوثة افريقية طاغية....!!! اكثر ما تسرب الينا عن الكوافيرست المدهشة بت قادم انها تعلمت هذه الصنعة من امها حواية التي قيل انها كانت صرعة ومودل لا يوصف في بلاد بعيدة قبل مجيئها في رحلة غامضة الي هذه البلاد برفقة ابنتها ذات الاصول الغامضة لتتحول حواية الي عجوز منتجة للبروش والقفف وتجيد صناعة الطواقي بحرفنة عالية وتبقي بنتها الشهيرة ببت قادم وريثة شرعية لمهارات حواية التي وصفت بانها كانت بارعة ولا تنافس...!!!!! تنشط ويروج سوق بت قادم في الافراح التي كانت غالبا ما تاتي مع مواسم الحصاد وعندها يكون ذلك المجتمع في كامل تة توهجه وتصبح النساء فرحات بالكسب الكبير وتزداد خصوبتهم وتمتلي رغبتهن للخصوبة وابراز الانوثة حتي يكافي الرجال المنتجين والذين عادوا من رحلات عمل شاقة في ضواحي القضارف كجنقو حربي او التجمل للاصدقاء في جنقو عوضية الذين قد يكونوا قد عادوا من مدارات ليس ببعيدة فلابد لهم ان يجدوا مبتغاهم من هذا الجمال المدهش والانوثة التي قد تكون الحقول قد اخلت بمعيارها بفعل مداومة النساء للغيط ومعاشرة الخشونة والدرش دون التفكير في الجمال الانثوي الذي ليس له سطوة في ظل الانتاج والعمل ....!!!!!!!! اكثر ما يعكر هدو وصمت بت قادم هي الشوشرة والاشاعات المقرضة التي كانت كاويك تطلقها ضدها في سماء ذلك الفضاء وربما تلكم كانت اسقاط لغيرة النساء التاريخية منذ زمن بعيد ولقد كانت كاويك شديدة الحساسية تجاه من يشاركها سريرها الليلي في حضن رجل اختارته هي.. ولعلها تريد الانتقام لتلكم الحادثة الشهيرة التي افسدت احدي ليالي جولاتها الشهيرة ليلا لتكتشف ان من اختارته كان في احضان بت قادم....ومن ذلك الحين صارت كاويك اكثر عداء وبثا للاشاعة المغرضة ضد بت قادم وحتي استايلات مشاط بت قادم التي كانت تبدع فيها باخلاص صارت كاويك تشكك في جدواها......عندما سمعت وهي تعاير حواء المجروس.....بقولتها الشهيرة.... والله براسك الخربتوا ليك بت قادم ده شوفي ليك زول يدق ليك جاز تاني...!!!!!!!!
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
يااااااا خليل
الذى نفسه بغير جمال لا يرى فى الوجود شيئا جميلا
ولله بناتنا ديل انا ما شايفة اجمل منهن بس بلدنا و جوها و امكانياتنا هى الظالمانا
مالك ما شفت اليشيا كيز ولا بيونسيه و لله اجمل من السود الله ما خلق بس كدى ربنا يدينا جو زى اثيوبيا و لا امكانيات عشان نظبط الامور و
ابقى قارنا بى باسكال ولا اى كلام فارغ
بعدين زى ما قالت رحاب انتو انفتاحة النفس ليكم شنو يا سودانيين كل واحد لازى كرشو قدامو مترين و يدردم فى سفتو اليوم كلوو تلقاو
مكتح و مغبر و ريحتو ترمى الصقر و دايرين ليكم بنات سمحات
يا ناس عيشوا واقعكم
| |
|
|
|
|
|
|
Re: يا ناس قناة زول غطوا ( تفف) البنات ديل (Re: نهلة عمر)
|
Quote: بعدين زى ما قالت رحاب انتو انفتاحة النفس ليكم شنو يا سودانيين كل واحد لازى كرشو قدامو مترين و يدردم فى سفتو اليوم كلوو تلقاو
مكتح و مغبر و ريحتو ترمى الصقر و دايرين ليكم بنات سمحات
|
نهلة
انت زعلت يا دكتور وللا شنو
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
Quote: اها ده الكلام البزعل ناس حسن ماكردة اصحابك ذاااتم يا خليل |
كيكى
اليزعل حسن كان داير يزعل انتو الختا ليكم شنو
بعدين ناس امل حجازى ديل حسة كان واحد فيكم اتجرا و قال داير يتعرف عليهم ساااااااااااااكت بعبروكم؟؟؟؟
يا ناس الله
عيشوا واقعكوووووووووووووووووووم
| |
|
|
|
|
|
|
Re: يا ناس قناة زول غطوا ( تفف) البنات ديل (Re: نهلة عمر)
|
Quote: بعدين ناس امل حجازى ديل حسة كان واحد فيكم اتجرا و قال داير يتعرف عليهم ساااااااااااااكت بعبروكم؟؟؟؟ |
نهلة عمر
امبارح اتصلت بي الفنان نوال الزغبي وكانت بتسخر من شعر المذيعات
وقالت لي
خليل شعر مذيعاتكم اكتير مهضوم
| |
|
|
|
|
|
|
Re: يا ناس قناة زول غطوا ( تفف) البنات ديل (Re: عبدالكريم الامين احمد)
|
Quote: بعدين ناس امل حجازى ديل حسة كان واحد فيكم اتجرا و قال داير يتعرف عليهم ساااااااااااااكت بعبروكم؟؟؟؟ |
بعدين يا نهلة امل حجازي دي انا ما شفتها لكن لو خلي دلاني عليها مقص مقصين خبرها بجي برااحة ونعرفها زي السلامة عليكم زي دي لو شبكتها موغل ودهشة واديتها شوية سوالف عن عوالم موغلة في الغابة الافريقية تاني الا يحلوها منك بموتر قريدر
يعني ما تشوفي الفصاحة بتاعتم دي ساكت
| |
|
|
|
|
|
|
Re: يا ناس قناة زول غطوا ( تفف) البنات ديل (Re: عبدالكريم الامين احمد)
|
شكرا يا كريم على ايضاح الموقف
خليل اتلوم عديل
نحن الشعب الوحيد الما ينشجع بعض على النجاح و لا بنرفع معنويات بعض
البنات بحاولو بقد الامكان يعكسوا صورة مشرقة عن ثقافى البلد و تنوعا العرقى بالرغم من اهمال الحكومة لكل جوانب الاعلام و الجانب الثقافى يادوبك كدة العالم العربى بدا يعرف السودانى هو منو و يعرف ثقافتنا و فننا فبدل ما نشجع بعض و نخت يدينا فى يدين بعض نبدا نحبط بعضنا بالطريقة البايخة دى
بعدين المنبر ده ما بنقراهو نحن برانا الكتاب بل بالعكس حتى فى اجناس غير سودانية بتقراهو تخيل انطبعاهم شنو لما يقروا كلامزى ده اكيد حيقولوا شوفو السودانيين بكتبو عن نساءهم شنو -بكرة هم لو كتبوا السبعةو وذمتا نحن ما نفتح خشمنا بى حرف
المنبر ده يا عبد الكريم وسيلة اعلامية ليها احترامها و اى كلمة تتكتب فيهو ليها تاثيرها المباشر فيا ريت دايما نعكس صورة مشرقة عن نفسنا
شفت يا عبد الكريم اوبرا بتجيب الزنوج الامريكان و تلمعم كيف؟؟؟ تفتكر ليه
بتحاول تعكس النماذج الناجحة و الصور المشرقة فى مجتمعا و من بنى عرقها و نجحت فى كدة
يا ريت لو نقتدى بيها و نتعلم منها
| |
|
|
|
|
|
|
Re: يا ناس قناة زول غطوا ( تفف) البنات ديل (Re: نهلة عمر)
|
Quote: شفت يا عبد الكريم اوبرا بتجيب الزنوج الامريكان و تلمعم كيف؟؟؟ |
هلا يا نهلة وكمان ناس اوبرا ديل (غير) دي سياد الدهشة الكدمورية ذاااتها طاعمين طعامة تحرق الفشفاش..
طبعا يا نهلة بالتاكيد نحن نحتاج ان نسوق اشيائنا ودلالتها في كل العالم فهذا الشعر الكدموري الهم شعراء ومغنين وعشاق وله تون خاص
وابو الخل ونستو ونسة بركس لمن تطلع بتجيب لينا هااي الزنقات
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Rihab Khalifa)
|
Quote: استني خليل ده زاااتو، بعد شويه يفتح ليهو بوستن و يقول ايه الانفتاح ده، يا حليل الشلوخ والماسير، و امشو جنب الاوزون و شوفوهن لابسات كيف و عاملات شعرن كيف |
رحاب
حاولي اقنعي بنات اوزون ديل كان اشتغلن مذيعات
حانشيد نحن بلدنا ونفوق العالم اجمع
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
غريبة!!!!!!!! لم يعلق احد هنا على ان هذا الكلام يندرج تحت تصنيفات ما
تعارف على انها كتابات ممعنه فى العنصرية او تحمل فى طياتها جين العنصرية
المتسربل برداء (الهظار)والكلام خفيف الظل........
لكن معاير هذا المكان معاير غير متوازنة وتحكمها (الكلام ده القالو منو)لهذا
لم يناوشك ولم يعكر لك شخص صفو ما كتبت ....
كثيرون هنا عابرون سبيل ومساكين وايتام لو كتب احدهم ما كتبت لهجمت عليهم
قطعان الضواري ومخالب الاسود وانياب الفهود.......احمد الله انه لم ينتبه لك
احد ......محاولت الكتابة هنا ليست لشي سوى انني احاول ان افهم معاير هذا
المكان وكيف يعمل ...تخيل بعد كل هذه السنين.....
يصرخ هذا البوست ويقول (دايرين شعر سبيبي وماديرين مجعد يافضايح فضحتونا)
هذا ما تسرب الى فهمي لذلك اقول غريبة لم يكترث احد سوي دينق وابوبكر فقط
محاولت ترقيع المهتوك بالكلام خفيف الظل غير عنصري فقط بل استخفاف ومنطق
غير مبرر لذلك وجب التنويه.......مع احترامي
| |
|
|
|
|
|
|
Re: يا ناس قناة زول غطوا ( تفف) البنات ديل (Re: Rihab Khalifa)
|
اين خليل كدمور؟؟ اين تعرف اسم خليل كدمور ده مفروض يكون اسم لاعب تقوم عليه شكلة ليها ضل في تسجيلات هلال ومريخ الجاية خليل كدمور لن يوقع للمريخ خليل كدمور في قبضة غرفة تسجيلات الهلال خليل كدمور يهرب من غرفة تسجيلات الهلال وهكذا..
.. في ايامات تسجيلات جاديكا والدنيا قايمة جرايد واشاعات وارهصات كبيرة عندي ود اهلي مريخابي قال لي امس انا حلمت بانو المريخ سجل لاعب اسمو 0(نعناع) ونعناع ده حسب افادة ود اهلي في الحلم كان لعاب خلاص وحريف جدا قال ليك.!! ومنذ ذلك اليوم وحتي الان لازلنا انا وهو في انتظار عودة نعناع للملاعب السودانية فيبدو بانه هو كلمة السر التي ستعيدنا للملاعب الدولية..
| |
|
|
|
|
|
|
Re: يا ناس قناة زول غطوا ( تفف) البنات ديل (Re: عبدالكريم الامين احمد)
|
Quote: بعدين زى ما قالت رحاب انتو انفتاحة النفس ليكم شنو يا سودانيين كل واحد لازى كرشو قدامو مترين و يدردم فى سفتو اليوم كلوو تلقاو
مكتح و مغبر و ريحتو ترمى الصقر و دايرين ليكم بنات سمحات |
هاهاهاهاهاها آآآآخ ريحتيني راحة يابت امي
وهو ناس خليل ديل انت فاكرة عندهم موضوع تلاقيه ماسك الريموت ويقلب فى الفضائيات عشان اتفرج فى المذيعات وبنات الكليبات ودا كمان النوع البيحضر البرنامج عشان المذيعة ولما يجبوا وش الضيف يقلب قناة تانية
خليل عديم الهوية وبتاع الهوى
| |
|
|
|
|
|
|
Re: يا ناس قناة زول غطوا ( تفف) البنات ديل (Re: khaleel)
|
تعرف ياخلي رغم السوامبل بتاعك الجبتها دي كلها الا ان الكدامير هي سيدة الموقف في الهام ووجدان الناس السمر والكدامير سوف تبقي
بس بالله تحت تحت كده سلم لي علي حليمة دي مع سماحتها دي لو ركبو ليها شعر كدموري تاني ما بجيها عووجة تب
| |
|
|
|
|
|
|
|