التقي نائب رئيس الجمهورية الاستاذ علي عثمان أمس برئيس مجلس الصحافة الخبير علي شمو الانباء التي رشحت عن الاجتماع تقول ان اللقاء كان بغرض اطلاع نائب الرئيس بنتائج جوائز التفوق الصحفي ومشاركة علي عثمان في الاحتفال بالفائزين .. وتقول المصادر أن نائب الرئيس تلقي تنويرا حول آثار الرقابة القبلية المفروضة علي الصحف .. وربما يعلن سيادته مساء اليوم الاحد خلال الاحتفال بتوزيع جوائز التفوق الصحفي قرارات وتوجيهات بهذا الخصوص أقول ربما ربما
04-20-2008, 12:45 PM
الطاهر ساتي
الطاهر ساتي
تاريخ التسجيل: 02-18-2006
مجموع المشاركات: 3227
كلامك صاح ياعبود وانا برضو تحليلي قريب لى تحليلك واتوقع رفع الرقابة ان لم يكن اليوم فخلال اسبوع
قبل شوية كان في لقاء مجلس الصحافة بين رؤساء التحرير والمجلس وناقشوا الموضوع ده وطلعوا باهمية ان يكتب رؤساء التحرير ميثاق ماعارف تفاصيل الميثاق حتكون شنو لكن تقريبا حتكون فيه حزمة محاذير وخطوط حمراء كدى غايتو ننتظر الميثاق ومانسبق الحوادث لكن الافضل رفع الرقابة بدون شروط مع تفعيل القوانين ودستور البلد اى صحيفة تغلط يودوها المحكمة مباشرة بدون لف ودوران والدنياكلها بتعمل كدة وهناك المحكمة حرة في أحكامها
الحلول المشروعة لكل المخالفات موجودة ياعبود في دستور البلد وقوانين البلد، لكن الطريقة السودانية دائما بتخلى الحلول المشروعة وترجع للحلول بتاعت ( الاجاويد والوساطات وياجماعة باركوها ومعليش وعليكم الله ) ومافي شئ مؤخرنا غير الحلول النص كم دى
وتحياتى
04-20-2008, 04:19 PM
محمد عبد القادر
محمد عبد القادر
تاريخ التسجيل: 06-23-2007
مجموع المشاركات: 800
Quote: كلامك صاح ياعبود وانا برضو تحليلي قريب لى تحليلك واتوقع رفع الرقابة ان لم يكن اليوم فخلال اسبوع
الطاهر ساتي خلاص رفعتوها لقيتو ونش وين عامل فيها محلل كمان ياخوي هي الرقابة دي ذاتا البيعملا منو ما انتو.. قال اتوقع.. وانا ذاتي تحليلي جنس براءة.......
04-20-2008, 01:56 PM
عبود عبد الرحيم
عبود عبد الرحيم
تاريخ التسجيل: 03-14-2008
مجموع المشاركات: 5434
Quote: لكن الافضل رفع الرقابة بدون شروط مع تفعيل القوانين ودستور البلد اى صحيفة تغلط يودوها المحكمة مباشرة بدون لف ودوران والدنياكلها بتعمل كدة وهناك المحكمة حرة في أحكامها
الحلول المشروعة لكل المخالفات موجودة ياعبود في دستور البلد وقوانين البلد، لكن الطريقة السودانية دائما بتخلى الحلول المشروعة وترجع للحلول بتاعت ( الاجاويد والوساطات وياجماعة باركوها ومعليش وعليكم الله ) ومافي شئ مؤخرنا غير الحلول النص كم دى
معاك 100% ياالطاهر ساتي
04-20-2008, 04:29 PM
عبود عبد الرحيم
عبود عبد الرحيم
تاريخ التسجيل: 03-14-2008
مجموع المشاركات: 5434
محمد عبد القادر الباحث عن مشاركة الصحافيين في المنبر دة كلام شنو دة ؟؟؟؟
Quote: الطاهر ساتي خلاص رفعتوها لقيتو ونش وين عامل فيها محلل كمان ياخوي هي الرقابة دي ذاتا البيعملا منو ما انتو.. قال اتوقع.. وانا ذاتي تحليلي جنس براءة.......
اكيد ما جادي
04-20-2008, 04:40 PM
الطاهر ساتي
الطاهر ساتي
تاريخ التسجيل: 02-18-2006
مجموع المشاركات: 3227
عبود معليش ماتزعل من محمد ده .. المشاركة الهو دايرها من نوع :- مبروك بشارى جابو ليهو ولد كفارة طلحة عيان ياشعيب ارح ناكل الزغنى تهانينا الليلة عيد ميلاد (وجودى )....... اسم الدلع لوجدى الكردي ....... ويا .... كلامات غير دي مابتعتبر مشاركة جادة
الجدية خشم بيوت أو سجم خشم الجدية ...........
04-20-2008, 04:52 PM
عبود عبد الرحيم
عبود عبد الرحيم
تاريخ التسجيل: 03-14-2008
مجموع المشاركات: 5434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة