|
|
 إنتهــــاكــ ،، واضــــح وصريــــــــح ، فاشهدوا ..
|
بالامس القريب ،، وفى الصباح الباكر قابلت جارتنا وهى تقطع
مشوارها اليومى الى راس الشارع حيث يقلها ترحيل احد البنوك الكبيرة
التى تعمل فيها ،، ولكنى على غير العادة لاحظت شحوبها واعياءها الواضح
لحد انها لم تستطع الوصول لمكان الترحيل ،،،
ذهبت اليها وسالتها وانا اسندها من يدها ،، ومن خلفى وجدت ابناءهاالصغار
بملابس المدارس يترجلون عن ترحيلهم و يحاولون ارجاعها معى الى بيتها
...
كانت باصرار بتقول لينا يا جماعة مافى طريقة .. كدا ح اعتبر غياب !!
سالتها .... ولييه مش عندكم يوم صحى ؟ لمثل ما حكيتى لى من ظروف ؟
قالت لى باعياء شديد ::: كان زمان ،، من يوم اعلان السبت عطلة رسمية
فقد اصدر السيد مدير البنك منشورا عمم للجميع بالغاء
اليوم الصحى للنساء العاملات بالبنك ؟؟؟؟؟
هاجمتها بكمية اسئلة وانا اعلم انها لا تملك الاجابة
* ما علاقة اليوم الصحى للنساء بعطلة السبت ؟؟؟؟؟؟
** هل تحول موظف الخدمة المدنية مدير البنك لمشرع ؟
يلغى او يعدل قوانين سارية او يصدر قوانين جديدة بمنشورات ؟؟؟
*** الا يعلم السيد محافظ بنك السودان بتلك الاجراءات التى تنتهك حقوق مضمنة فى القوانين ؟؟
***** الا يوجد قانونى فى كل بنك السودان يفتى بعدم قانونية المنشور ؟؟
هذا اليوم قد شرع لحكمة يعلمها القاصى والدانى ولا علاقة له بعطلة السبت ،،
اذن فعلى السيد المدير تبعا لذلك ان يقوم
بضمانه لكل النساء بان يتزامن يومهن الصحى مع هذا السبت ،،
ارجو من الاخوة فى جميع مؤسسات الخدمة المدنية وجميع الشركات الخاصة
والعامة ،، بمدنا وتنويرنا بحالات شبيهه
ان وجدت ،، حتى لا تسرى تلك المنشورات فى الظلام ،،
ـــــــــــــــ
ذكرنى كلام مدير هذا البنك ، بتعليق الاخ الجنوبى القادم حديثا من الجنوب
الذى كان يتابع المسلسلات ، ينتظر طوييييييلا لما تنتهى الدعايات ثم ماان يبدا المسلسل
يقطعوه تانى للاذان ،،، يوم صرخ من مكانو
وااااهـ انتو آذان دا ما يجيبو مع الدعايات !!
|
|
 
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: Hussein Mallasi)
|
شكرا دينا خالد
وهذه غضبة مضرية فعلا
ولكن يا ريت لو عنونتي البوست بعنوان اوضح من هذا يشير للمضمون مباشرة
فهؤلاء عالم يخافوا ما يختشوا.
ليس من حق مدير بنك محدد الغاء حق مكتسب للنساء.
ويا نجوان كلام لماسي صحيح:
| Quote: اللهم إلا لو كان ليك بره السودان ميتين سنة |
فهذا اليوم تاريخا قديم قبل ميلادك...لكن ربما لانك لم تشتغلي
بالسودان فعلا لذا لم تعرفي حق النساء قي يوم واحد مدفوع الاجر
كعطلة خاصة بكل امراة.
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: Tragie Mustafa)
|
شكرا يا تراجي..
لم أشتغل بالسودان فعلا..
لكن لم أسمع باليوم الصحي.. لعله إجازة سرية ولا كده
أو أنا نايمة على وداني  ..
لا يوجد بكندا وأمريكا .. ولم أسمع به في دول الخليج..
سؤالي: هل يوجد تشريع مماثل بدول أفريقية أو عربية أخرى؟؟
_____
يا ملاسي شنو العرّفك ما يمكن طلعت قبل 200 سنة
لو حسبناها بالقلب.. والله 200 شوية ذاتها!
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: كمال سالم)
|
Quote: فقد اصدر السيد مدير البنك منشورا عمم للجميع بالغاء
اليوم الصحى للنساء العاملات بالبنك ؟؟؟؟؟ |
شكرا دينا لرصد هذا الانتهاك وهو يشابه قليلا ما حدث لصديقتي ولصديقات ناس كتااااار لمن يعرسو ويرجعو للوظيفة فيقوم رب العمل بفصلهن فصل تعسفي واعطاءهن مرتب الستة شهور من الراتب الاساسي بحجة انو الواحدة بعد العرس بتدخل في دوامة اجازات كتيرة مما يعطل دولاب العمل..
اللهم هل هذا قدرنا ان خلقتنا نساء؟؟؟؟؟؟
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: ريهان الريح الشاذلي)
|
اناعندى راى ربما يبدو مخالفا للتيار و لكنى اثق انه لصالح المراءة فى كل حال
التشغيل هذه الايام صار اغلبه فى القطاع الخاص (افراد او شركات) و صار لا توجد الا القليل من الفرص فى القطاع الحكومى
ناس القطاع الخاص ديل عندهم يقين انو البنات و ناس الجزيرة (المروية) ديل اقل الناس انتاجا و الاكثر غيابا
ناس الجزيرة بقولو انهم لازم كل اسبوع يسافرو اهلم و يروحو ماكلين جزء من الاربعاء و جزء من الاحد
و لو ماتت جدادة جيرانهم لازم يمشى يعزى فى اى يوم من الاسبوع
و للاسف الكلام دا صاح ديل اهلى و انا بعرفم ان اند اوت
بالنسبة للبنات بقولو اجازاتهم المكتسبة و المنتزعة كتيرة و من ضمنها حكاية اليوم الصحى دى
طيب الحل شنو؟ الشى المعروف ان الحكاية الشهرية دى تمر عند اغلب البنات بسلاسة و من دون مشاكل: فلم الاصرار على الاجازة خصوصا ان القطاع الخاص لا يرحم و المسالة تؤدى لفقدان فرص العمل
فى الجامعات بالنسبة للطالبات لا يوجد هذا اليوم الصحى و مع ذلك الموضوع ما عامل اى مشكلة لهن
الموضوع عايز شوية مرونة
فمع سطوة القطاع الخاص و ضيق فرص العمل انتهى عهد "الحقوق المكتسبة"!
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
دينا يا دينا :
المشكلة إجازة اليوم الصحي دي ممكن تكون مطاطية وممكن مرا تاخد يوم صحي ومرا تاخد الإسبوع كلو صحي ..
المرجعية مفروض تكون مكتب العمل وهل يجيز مثل هذه الأيام ام لأ..
في السودان بيدو المرا زمان إجازة ولادة 9 شهور اظن !!
لمن كنا في الإبتدائي ما حصل كملنا مقرر مادة من أولى لحدي سادسة ..
ست علوية ولدت تجينا ست حنان تاخد شهر تلد يقوموا يجيبوا لينا ست إخلاص ست إخلاص تلد تقوم تجينا ست مريم ست مريم تلدتقوم تنزل ست علوية الكانت في الولادة بعد تسعة شهور أها تاخد ليها شهر بس تقوم تلد تااااااني ..
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: عبود عبد الرحيم)
|
سلامات دينا
ويا عمر الفاروق كلامك ده ممكن يكون صحيح
لكن .. الايعتبر العناء والمعاناة في السهر والحرص علي اضافة مولود جديد للمجتمع علي قدر منالاهمية قد يجاوز مسالةسريان دولاب العمل .. وهل تعطي الدولة حافزااو اي نوع من المكافاة للنساء العاملات وهن يخدمن مرتين وفي الثانية دون اجر معلوم ؟
| Quote: ست علوية ولدت تجينا ست حنان تاخد شهر تلد يقوموا يجيبوا لينا ست إخلاص ست إخلاص تلد تقوم تجينا ست مريم ست مريم تلدتقوم تنزل ست علوية الكانت في الولادة بعد تسعة شهور أها تاخد ليها شهر بس تقوم تلد تااااااني .. |
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: أبو ساندرا)
|
حولالالالالالالالالالالالالا
الواحد ما يمشى ويجى ؟ يلقاكم عملتوا لى بوستى دا كلو لعب ؟
طبعا اول واحد عملو لى لعب هو عمر الفاروق !!
اها ياعمر كان ما عارف اعرف الجماعة ديل بغيبو عشان يجيبوكم انتو عاملين
روسينكم الكبار ديل ،، يعنى انتو البتشتغلوا مكنات بلا توقف ديل ,, الجماعة الشديدين
ديل ،، ممكن تنقرضوا ،، اذا ماخدو اجازات عشان انتو تجو !!
يعنى الفراغ الممكن يحصل دا .. هم بجيبو زول ما بعمل فراغ (ما تقول لى ممكن
تجيب بنت ) ... وبى كدا بتسير الدنيا بلا فراغ ........
الفاروق ، ومغربى ، وابوساندرا ،، امنعوا الفوضى ........
دقيقة جاياكم واحد واحد
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
Quote: الفاروق ، ومغربى ، وابوساندرا ،، امنعوا الفوضى ........
|
توجيهاتك على العين والرأس
لكن يا دون أنا كنت جادي
ومازلت
بسبب تضرري الدائم من الهبلة المابتعرف الوكت دي
أو بتعرف وبتتداغل علينا
مافي أي داعي تجي يوم الخميس
أصلها كانت في داخلية ؟
Quote: دقيقة جاياكم واحد واحد
|
هييييع
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
دندونتي
مساكـ ورد .. و مشتاقين طن ..
انتي عارفة قصة اليوم الصحي دي ماف الا في السودان (علي حد علمي)..
مرات بسأل روحي نحن نسوانا ديل مدلعات ولا عندهم حاجات زيادة من الباقيات !!
اليوم الصحي ده طوالي بيذكرني الوحم ..
ليه نسوانا وحمن غير باقي نسوان العالم ..
واحده تتوحم علي طين .. وواحده علي قنقليز !!
في شيء اسمه إجازةعرضية في باقي العالم وانتي ست العارفين!!
السؤال اللي بيطرح نفسه ..
هل اليوم الصحي اهم ولا الاجازةالعرضية !!
بصراحة نحن في السودان ما قاعدين نشتغل زي باقي العالم ..
كل شهر لازم يكون في عزاء ولا عرس ولا طهور ..
عندنا جيراننا الطهورعندهم شهر .. يا ربي ليه !!
و عندي زولة بعرفها تجي وقتماتجي وتمشي وقت ما تمشي زول بيسألها ماف !!
اظن دوامها 365\366 يوم اجازات عرضية او ايام صحية ..
_
هل قانون العمل في السودان ما بيعطي الموظف\ة ده\دي اجازة عرضية ؟
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
ميزة أم حق؟: ملاحظات عن اثر الغياب في قانون العمل السوداني
الصديقة دينا.. حبابك
و حباب جميع الأصدقاء و الصديقات الذين/ اللاتي حضروا هنا..
و كنت متوقع حضور ناس النقابات..و الناشطين المدافعين عن حقوق العمال..
تصدقي يا دينا.. كلام جارتك صحيح..و مدير البنك موقفه صحيح..و كلام نجوان عن اليوم الصحي ايضا صحيح..
المسألة تخضع كلها لقانون العمل الساري في السودان..و ظني هو قانون 1997..و هناك مشروع لتعديله أو تقديم بديل له..و هو مشروع قانون العمل لسنة 2007..ولا ادري ما حدث له هل تمت مناقشته و اجازته أم لأ..؟
و طالما هناك قانون ساري .. فهو سيكون الإطار لحديثنا هنا..
قانون العمل وضح بعض الحالات التي يمكن أن يستحق فيها العامل/ة اجرة بسبب الغياب..و ذكر بعض الأسباب منها الطريف (الغريب) و منها المنطقي.. من الأسباب الطريفة انقطاع وسيلة المواصلات العادية..و بقية الأسباب.. الكوارث أو الحوادث التي تمنع الوصول للعمل..و كذلك الغياب بسبب الإستدعاء بواسطة محكمة (سواءا كان طرف في الدعوى أو شاهد) أو أي سلطة اخرى يخولها القانون..مسألة أي سلطة يخولها القانون..هل يمكن أن يدخل تحتها بند الإستدعاء و الحجز بواسطة جهاز الأمن في أي استجواب كان? ..و كذلك الغياب بسبب وفاة احد الأقارب (اصول أو فروع)..و لم يذكر الغياب بسبب المرض صراحة..
واحدة من المشاكل التي لم يتطرق لها قانون العمل سنة 1997 هو مسألة الغياب و عدد الأيام المسموح بها في السنة و التي لا تؤثر عن استمراية العامل/ة؟
مسألة اليوم الصحي ..ان هي وجدت على صعيد الممارسة العملية .. فهي ميزة(Privilege)..و ليست حق..و قانونيا هناك فرق بين الميزة و الحق.. مثلا.. الحق ينص عليه بواسطة القانون..و لا يحق لصاحب العمل (المخدم) الغائه أو تجاوزه.. أما الميزة .. فهي مسألة اتفاقية بين المخدم و العامل (و غالبا في هذه الحال يتم تمثيله عن طريق النقابة).. و يمكن للنقابة في تفاوضها مع المخدم أن تقدم مقترح لعدد الأيام التي يحق فيها للعامل التغيب عن العمل دون أن تؤثر في استمراية عمله..و استحقاقته..
مثلا بعض النقابات ممكن أن تشترط فترة سماح مقدارها ثمانية ايام..و اخرى تشترط فترة مقدارها اربعة عشر يوما .. و هكذا..و مهمة هذا الإشتراط هو حماية العامل/ة من سيف الفصل و انكار مستحقاته..
التجارب مختلفة..و لكن يمكننا ان نقدم بعضها لشرح مثل هذه الحالة.. مثلا في كندا بعض المخدمين بالتعاون مع النقابة.. يمكن أن يتفقوا على فترة سماح مقدارها 14 يوم في السنة..و هنا يحق للعامل او العاملة.. أن يتغيب ..و يخطر صاحب العمل بسبب الغياب.. :ان يكون مريضا مثلا..او حارس وليداتو.. فاذا تجاوز غيابه عن المدة المسوح بها في السنة.. فأنه سيعرض نفسه للمحاسبة..
اما اذا كانت فترة الغياب ثلاثة ايام على التتابع و اقل من اسبوع(لأن اسبوع او اكثر يدخل في نطاق الإجازة المرضية).. فهنا يستحق العامل اجر يومين..و اذا كانت خمسة ايام فهو يستحق اجر ثلاثة و هكذا(يعني هنا الواحد لو داير يغيب يغيب ليهو غيبة نجيضة عشان يحفظ حقو)..مع ملاحظة أن فترة السماح تلك لا تؤثر في استحقاق الإجازة السنوية و عدد ايامها.. فهي امر مختلف تماما..
فترة السماح هذه تحتلف عن الإجازة المرضية..و الأخيرة يعترف بها قانون العمل السوداني لسنة 1997..و يضع لها اسس لحساب الإستحقاقات..
و هنا اري أن النقابات هي المسئولة عن مراجعة الأمر مع المخدم..و ضمان فترة سماح سنوية لأفراد عضويتها و تنويرهم بها حتى يكونوا على بينة من امرهم..
مثلا في حالة المرض.. يجب أن يكون هناك شرط واضح.. مثلا التغيب لمدة ثلاثة ايام او اكثر.. يجب أن تدفع فيها اجرة استحقاق للعامل/ة..و ذلك بعد اثبات المرض بتقرير طبي.. يعني ممكن أن يصدر الطبيب قرار يؤكد أن العامل/ة فعلا مريض ولا يستطيع مزاولة العمل..(تجدر الإشارة هنا الى ان قانون العمل السوداني لسنة 1997.. منح المخدم سلطة تقدير لأسباب الغياب..و الأمثل أن توضح بصورة اوسع.. يعني بعض المخدمين حتى لو احضرت تقرير طبي ممكن يقول لا عترف بذلك)..
واحدة من وجوه الظلم في حق المرأة العاملة في السودان..استحقاقها في اجازة الوضع..و القانون السوداني يعترف لها في استحقاقها لثمانية اسابيع فقط تكون مدفوعة الأجر.. في حين في بعض الأنظمة الأخرى تستحق اجرة 52 اسبوع (سنة)..
المسألة الأخرى هي أن اجازة الوضع في السودان خاصة بالنساء فقط.. يعني مثلا لو انا عامل و زوجتي وضعت..و ليس لي قريب او قريبة..يساعدها .. فهل من حقي أن اخذ اجازة وضع ام لأ؟
صحيح أن قانون العمل السوداني منح حق للمرأة السودانية (اجازة العدة مثلا..و هي مدفوعة الأجر لمدة اربعة شهور و عشرة ايام)..و اجازة مدفوعة في حالة وفاة احد افراد الأسرة (فروع أو اصول)..و استحقاق في اجازة حج.. لكن مسألة اجازة الوضع تحتاج لمراجعة..
من الطرائف أن قيمة استحقاقات اجازة العدة اكثر من قيمة استحقاقات اجازة الوضع.. فألأولى اربعة اشهر و عشرة ايام(اكثر من 13 اسبوع تقريبا)..و الثانية شهرين(ثمانية اسابيع) فقط..
من ميزات قانون العمل السوداني لسنة 1997.. أنه يجيز للمرأة أن تستحق اجر عن اجازة العدة و اجازة الوضع معا أو على التتابع..
كتر خيرك..
نتمنى أن نرى نقاشا اكثر..و حملة لمراجعة قوانين العمل في السودان (و هي بالمناسبة من اخطر القوانين)..
كبر
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
غايتو يا دينا انا اشتغلت فى السودان فى أماكن مختلفة ولم يعطونى ولا يوم صحى..
معنى كده انا طالبة حكومة السودان ايام كتييييرة..
الأخ كبر : دعنى انتهزها فرصة واشيد بمداخلاتك القانونية الصميمة ، خصوصا فى هذا البوست
وفى بوستى بتاع محاولة الاغتصاب والتحرش الجنسى ، الذى لم تسعفنى الأرشفة فى الرد عليك فيه.
لكما التحية انت ودينا..
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
شكرا للأصددقاء و الصديقات هنا..
الصديقة تراجي.. حبابك
كتر خيرك على الإطراء..
الصديق عثمان الدغيس.. حبابك
كتر خيرك يا صديقي على التشجيع..
و لسه الجراب مليان.. بس ربك يصرف عننا عوارض الرأسمال..و الكائنات البتصادر البسمة في فيك..
شكرا يا عثمان..
الصديقة امنة مختار..حبابك
كتر خيرك على الإشادة..و كتر خيرك على افتكار المساهمة الفايتة..
شكرا يا امنة
الصديقة نجوان.. حبابك
كتر خيرك يا نجوان ..
و شكلك كنتي راقدة على راي..
المهم يا صديقة قانون العمل السوداني ما فيهو يوم صحي..
و ياريت كلنا نساهم في الكتابة عن حقوقة المرأة العاملة في السودان..
دمتم
كبر
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: Kabar)
|
شكرا لكل الأصدقاء و الصديقات..
حتى الآن الولاية الوحيدة التي لها محاولة لصياغة قانون عمل ولائي هي ولاية الخرطوم..و ذلك للخصوصية التي تتميز بها..و مستقبلا.. لو ربنا هدانا على تطبيق فيدرالية حقيقية.. ح يكون لكل ولاية قانون عمل خاص بيها وفقا لظروفها و ظروف سوق العمل فيها..
كنت اتوقع أن يدور النقاش في وضعية اليوم الصحي..و سنده القانوني..و ما يتفرع عن ذلك من اسئلة صميمة.. خصوصا دور النقابات..و متى يستحق مثل ذلك..
رأيت بعض الإخوة .. يصر على مسألة وظيفة اليوم الصحي ..و ارتباطه بوظيفة بيولوجية محددة (العادة الشهرية)..و السؤال هل يمكن أن تصنف كمرض؟.. لأنه لو قلنا بذلك سيكون الأمر يشمل الرجال و النساء.. بمعنى أي عامل أو عاملة (بالمناسبة مفهوم العمل هنا يشمل الموظف سواء في نقابة أو بدونها)..يمكن أن يستحق اجازة بسبب المرض..وكنت اتوقع أن يكون النقاش في اطار المرض كسبب مشروع للغياب عن العمل..و ضرورة تشريع نصوص تحدد الإستحقاقات في مثل هذه الظروف..
من الطرائف.. لوزارة العمل موقع الكتروني و قائمة بالقوانين التي تقيد عمل الوزارة..لكن للأسف القائمة موضوعة بأسماء تلك القوانين فقط..
شكرا للأصدقاء في موقع بربر الإلكتروني.. لأن احدهم سأل اين اجد قانون العمل السوداني.. فتم تزويده بذلك..و تزويدنا برضك..
كبر
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: دينا خالد)
|
استاذة / دينا
مساء الخير
وتسجيل حضور ومتابعة
كتب عمر الفاروق
Quote: لمن كنا في الإبتدائي ما حصل كملنا مقرر مادة من أولى لحدي سادسة ..
ست علوية ولدت تجينا ست حنان تاخد شهر تلد يقوموا يجيبوا لينا ست إخلاص ست إخلاص تلد تقوم تجينا ست مريم ست مريم تلدتقوم تنزل ست علوية الكانت في الولادة بعد تسعة شهور أها تاخد ليها شهر بس تقوم تلد تااااااني .. |
وانا اقول شايفك ويييييييييييين .....
اتاريك كنت معانا في المدرسة ديييييييييييييييك ....!
كيمان مودة
هارون دياب
| |
|
|
|
|
|
|
|
|
|
Re: إنتهــــاكــ ،، واضــــح وصريــــــــح ، فاشهدوا .. (Re: haroon diyab)
|
كبر ،،، المتداخل الاكبر والاعظم
سعيدة جدا بوجودك واثراءك للبوست
فعلا يا كبر وقبل كتابة البوست انا قوقلت قانون العمل ..
شكلو الحق دا معمول بيهو فى مؤسسات الدولة بمرسوم من مجلس الوزراء
وكما تعلم فلتلك المراسيم قوة قانون ... ذى عطلة السبت ذاتها طلعت بى مرسوم
بس ما قدرت اتاكد من وجودو ،،، الثابت انو فى داى اووف للعاملات
منذ وقت طويل فى السودان ،، وممكن برضو يكون اتفاق بين النقابات وتلك المؤسسات
والثابت برضو انو معمول بيهو فى كل البنوك ،
لكن حقيقى لاهمية الحوار خلونا نعرف سندو شنو قانونيا ..
امونة تراجى هارون ابو دية دغيس
اجتهدوا معاى شوية
| |
|
|
|
|
|
|
| |
دينا خالد
نجوان
Maawya Hussein
Hussein Mallasi
Tragie Mustafa
ثروت سوار الدهب
كمال سالم
ريهان الريح الشاذلي
عمر الفاروق
عبود عبد الرحيم
أبو ساندرا
فيصل نوبي
عمار محمد حامد
Kabar
HAYDER GASIM
صلاح أبودية
haroon diyab
فيس بوك
تويتر
انستقرام
يوتيوب
بنتيريست