|
هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم
|
في رد عملي علي (شاتم الجلابة) والذي استغل منبر الحرية والديمقراطية( سودانيز اون لاين ) لينفث عبره سمومه واحقاده علي اناس اعطوا لهذا الشعب معني ان يعيش وينتصر,والجلابه الذين يتحدث عنهم هذا الدعي هم اهل حضارة راسخة منذ الاف السنين ودليلي علي ذلك حضارة ما قبل الميلاد التي عرفتها منطقة الابواب كبوشية والبجراوية التي نعيش معها سهرة اليوم علي هارموني اضف الي ذلك حضارة كرمة والبركل ونبتة والنقعة والمصورات ثم ازيدك من تراث الجلابة بيتامن الشعر فهم اهل الدولة السنارية ومملكة العبدلاب بل هم اهل اعظم قائد ثورة تحررية عرفها التاريخ الامام المهدي رضي الله عنه..
ولازال رحم حواء الجلابة ودودا ولودا
ولنا عودة
السهرة الساعة العاشرةبتوقيت السودان
|
|
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: العوض المسلمي)
|
ودالسيدح كيفك يابا الاهل طيبين دق الجـــعليين فى ضــاحـية نمــرة تلاتة بالخـرطـوم!!!
Quote: يوم الخميس كان هناك (ضُهري) بعد الغداء مباشرة أحياه الفنان عمر حواري.. دلوكة السوط كان شغال فيها شغل شين.. حتى استغرب الحناكيش ناس اسماعيل التاج وتقول الروايات أن محمد عكاشة كان يتولى تثبيت حناكيش البورداب بالشرح والتوضيح وتأكدي ان السوط عادي (عندنا)..
أربعاء وخميس.. صفقة ورقيص مع ناذر الخليفة.. وسيف الجامعة دستورو نازل... |
ـــــــــــــــــــــــــــــــــــــــــــــــ ودعقيد رغم زخم عرس الصديق ناذر وجوقة الفنانين الذين احيو لياليه العتاق ولقاء البورداب الحميم.. كنت سعيدا بالضهرى والدكتور حيدر بدوى فى دهشة..ومولانا اسماعيل التاج وللبطان=الجلد= فى تاريخ اسرتى حكايات وحضور مقيم حتى هذا الصباح.. كنت مسرورا.. وقبلها.. مساء كنت فى حضرة نديانة مع الموسيقار وردى فى حديقة منزله الوريفة ..كان الحوار القديم الجديد حول (الهوية) التى جهد اهل السودان ومفكريه بالحوار والتنظير حولها..وحوار السبعينات حول(العباسة) بين دكتور عبدالله على ابراهيم والطيب محمد الطيب ومحمدطه الريفى ...تلك (الاوابد) التاريخية والظنون... البطان كان حاضرا فى ثنايا الحديث.. محمد وردى له اراء طريفة فى اصول السودانيين وله حجج دوامغ مع تركيز على اصالة عرقه النوبى وحضارته الباذخة.. نعود لحوار وردى ضمن هذا البوست..دون لجاج.. سوى ان قصة(البطان) فى نمرة تلاتة اذهلت مولانا اسماعيل ودكتور حيدر وبعض اصدقائى من اولاد العمارات وكلفنى ذلك شروحات وتوضيحات كثيرة.. البطان ضمن عادات كثيرة كادت تندثر وهوبرغم مخاطره الا ان الكثيرين يحرصون عليه..وزواج ناذر الخليفة كان تنويعات فى مجالات عديدة..فى الفن والغناء وكرم اهل السودان والتراث ولقاء بورداب لاول مرة..مولانااسماعيل..حسين يوسف..الزوول..دكتور حيدر..ناصر البطل..محمدالامين..تبلديناوعبدالله ودعقيد!!
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
Quote: في رد عملي علي (شاتم الجلابة) والذي استغل منبر الحرية والديمقراطية( سودانيز اون لاين ) لينفث عبره سمومه واحقاده علي اناس اعطوا لهذا الشعب معني ان يعيش وينتصر,والجلابه الذين يتحدث عنهم هذا الدعي هم اهل حضارة راسخة منذ الاف السنين ودليلي علي ذلك حضارة ما قبل الميلاد التي عرفتها منطقة الابواب كبوشية والبجراوية التي نعيش معها سهرة اليوم علي هارموني اضف الي ذلك حضارة كرمة والبركل ونبتة والنقعة والمصورات ثم ازيدك من تراث الجلابة بيتامن الشعر فهم اهل الدولة السنارية ومملكة العبدلاب بل هم اهل اعظم قائد ثورة تحررية عرفها التاريخ الامام المهدي رضي الله عنه..
|
الاخ عبد اللطيف شكرا على التنبية لكن تصحيح معلومة فقط الحضارت التى تتحدث عنها حضارت افريقية نوبية الملوك فيها افارقة الجلابه تكونوا نتيجية لدخول العربى السودان والغزو التركى المصرى, فنتجة قبائل لها لهجات افريقية ((رطانة)) وحملة جينات عربية ومنها قبائل كثيرة وانته تعرفها, اما عن ان الجلابة اعطو للوطن الكثير نعم والدليل ان السودان اصبح طيش العالم فى كل المجالات الرياضية والشياسية والاجتماعية (( اصبحت الشعوب تسخر من السودانين بجلب ماعز الى السفارة السودانية)) حرب هنا وهناك تطهير عرقى ابادة جماعية. الشعوب توراث الحضارت اى يعنى ان كان لشعب حضارة ما وهم اول من صهرو الحديد وبدو علم الطب واحتلوا مصر وبلاد كثير ما سبب التدهور الان الاجابة (( لان اصحاب الحضارة الاصلين لا يديرون البلاد, وسبب البلا من هم قادمين من الخارج
تنبية كل القابئل الافريقية لها لهجات محلية والقبائل العربية او من اصلوا عربية فلا
+++++++++++++++++++++++++++++++++++++++++++++++
انته كنته بتشرد من حصة التاريخ السودانى المزيف ولا شنوا؟؟
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
اخونا عبداللطيف السلام عليكم
معا للاحتفال بأرث كل ثقافة من غير ان يعنى ذلك الحط من ثقافة اخرى تتكامل مع ثقافتنا
اخى جانبك الصواب فى اختيار بعض الفاظك التى قد تزيد الاحتقان العنصرى بدل من ان تقلله
Quote: في رد عملي علي (شاتم الجلابة) والذي استغل منبر الحرية والديمقراطية( سودانيز اون لاين ) لينفث عبره سمومه واحقاده علي اناس اعطوا لهذا الشعب معني ان يعيش وينتصر,والجلابه الذين يتحدث عنهم هذا الدعي هم اهل حضارة راسخة منذ الاف السنين |
جميع الشعوب السودانية اهل كرامة و حضارة و ليس الجلابة فقط.
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: معاذ حسن)
|
الم اقل لكم بأنها ستكون سهرة( كاربة)
كانت القيم النبيلة والاخلاق الفاضلة والجودالمدرار والكرم الهطال والرجالة اللامتناهية معاني تمشي بين الناس.وكانت هارموني في الموعد حيث التف حول شاشتها (السودانيون )جميعاً واقول السودانيون حتي لا ياتيني احد الموتورين ويقول بأن هذا تراث( جلابة) ,والمداخلات التي تخللت السهرة كانت خير دليل علي ان تراث ما يسمي وسط السودان هو تعبير حقيقي عن نبض كل السودانيين .
ومبروك للجميع
وفي انتظار سهرةاخري من الدلنج الساحرة او الابيض العروس اونيالا الجميلةاو كسلا الوريفة اومن ارض الجزيرة وقلب المحنة. ودمتم
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
السهرة كانت ليلة من ليالى الف ليلة وليلة يقينى التام انه لن يفهم هذه السهرة الا ابناء جعل لوحدهم لان فهم البطان والركاز للسوط لن يفهم بل يُحس ومن يجرد ظهره من الملابس ويركز للسوط لا يفكر ابدا فى فعلته هذه بل يحسها ولذا السهرة كلها تُحس بوجدان اولاد جعل وذلك شىء يصعب شرحه لمن يستنكر اعجبنى قول احدهم فى السهرة ان اسرة سودانية من اولاد جعل مقيمة فى الامارات لهم ابن ولد فى الامارات ودرس هنالك حتى المرحلة الجامعية التى درسها فى رومانيا ومن رومانيا عاد للسودان لزيارة اهله وتصادف وجود حفل ودلوكة فما كان منه الا ان نزع قميصه واصر عن يجلد كالاخرين ... شىء يفهمه اولاد جعل فقط ويحسونه ولا يستطيع غيرهم تمييزه.. إذن دعونا فى حالنا يا هؤلاء ...
ولى عودة ثانية أخى السيداح
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: قرشـــو)
|
رمية
يا ابو العكش كيفك شفت كيف صاحبك معتصم الجعيلي لعب فيها ( الهوبة )كيف السهرة وسوط العنج
والله يكيف ،وبيني وبينك انا عندي صالون كده في الشقة قفلتوا وبقيت اعرض زي المجنون براي
هوشة شديدة خلاص (الصالون اسمو المجلس ناس السعودية، )
المهم التحية نبعثها عبرك الي اسرة هارموني المبدعة حد الادهاش،
كسرة
يااولاد جوير ود ضبعة نزار ومعاذ نحن والله بنفتخر بيكم جدا وانا عندي ابن عمي الخير سرور امو منكم من الملوحاب و البشيرة ده غنالينا في اعراس كتيرة،وعندي عرس اخوي بعد شهرين ان شاء الله وياني جايبو جايبو ونازل مخصوص للعرس والبشيرة،والدعوة عامة بشندي الشقالوة
حرر الدلوكة
اشكرك يا قرشو علي هذه المعلومات القيمة التي اتحفتنا بها ومزيدا من اثراء الساحة
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
في رد عملي علي (شاتم الجلابة) والذي استغل منبر الحرية والديمقراطية( سودانيز اون لاين ) لينفث عبره سمومه واحقاده علي اناس اعطوا لهذا الشعب معني ان يعيش وينتصر,والجلابه الذين يتحدث عنهم هذا الدعي هم اهل حضارة راسخة منذ الاف السنين ودليلي علي ذلك حضارة ما قبل الميلاد التي عرفتها منطقة الابواب كبوشية والبجراوية التي نعيش معها سهرة اليوم علي هارموني اضف الي ذلك حضارة كرمة والبركل ونبتة والنقعة والمصورات ثم ازيدك من تراث الجلابة بيتامن الشعر فهم اهل الدولة السنارية ومملكة العبدلاب بل هم اهل اعظم قائد ثورة تحررية عرفها التاريخ الامام المهدي رضي الله عنه..
ولازال رحم حواء الجلابة ودودا ولودا
ولنا عودة
السهرة الساعة العاشرةبتوقيت السودان
ويتواصل المد الجلابى -- اما كان من الاجدى نقل ماساة دارفور بكل فصولها بدل هذا السخف المسمى تاريخ الجلابه - فى انتظار هارمونى او الشروق او تلفزيون السودان يا اخوى انت ذى المنتظر المولد -- هيمنه واستغلال الجلابه للسودان اقتصاديا واعلاميا واجتماعيا سوف لن يستمر بعد الان السودان اصبح فى مفترق طرق وين انتوا كنتوا لمن كتبنا عن الجلابه كان تجوا تردوا على الكلام داك بالمنطق بدل الاستعلاء والكلام الفارغ ذى الهسه ده لا يوجد من يحس بالدونيه فى هذا الوطن لكن يوجد من يستعلى على الناس من دون وجه حق فيهم الجلابه الذين تلطخت اياديهم بدماء واموال هذا الشعب - هارمونى خير مثال - الدوله السناريه لا تتبع للجلابه - الم تقرا لا يغرنك انتصارك على الجعليين والشايقيه فنحن الملوك وهم الرعيه اما بلغك ان سنار محروسه محميه -- المهديه ما هى الا بدايه استغلال الجلابه للدين لتحقيق مارب شخصيه ويستمر العرض الى الان - حتى المهدي عندما حرر الخرطوم استعان بالمقاتلين من غرب السودان ووسطه بالعكس تماما فى الوقت الذى ساند فيه الجلابه المستعمر وعملوا مخبرين وجواسيس يا اخى تاريخ الجلابه مقرف وعنصرى ولا يشرف
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
Quote: المنبر من بعض الموتورين الذين عبروا تماما عما بدواخلهم من سواد النيات . وتاريخ السودان الذي يصفه البعض بأنه مزيف تاريخ نظيف ( لافيه شق لا فيه طق)
ومشكلتنا ياسادتي كلها مع العقد التي انبتها الاحساس بالدونية .
|
الاخ ود السيدح .. سلامات هل تاريخ السودان بدا مع دخول العرب؟ هل لا يوجد تاريخ قبل دخول العرب يمكن كتابته ؟ لماذا التاريخ السودانى الذى يدرس للاجيال فى السودان بدا من دخول العرب ؟ ايهما اكثر عنصرية ومهانة للانسانية لفظ (الرطانة)الذى يطلق على كل من يتحدث بلغته الام فى السودان ام لفظ (الجلابة)؟ انا نوبى وابن نوبى ولا احس باى دونية .. فقط اتظلم على تهميشنا وهضم حقوقنا الطبيعية .. وفرض لغة وثقافة الاخرين علينا على حساب لغاتنا وثقافاتنا التى نعتز بها كثير لانها تعبر عن هويتنا وذاتنا التى نرى فيها انفسنا!
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
Quote: ياود حاكم يا اخوي انت مصنف عند ناس نهار ديل من ضمن الجلابة ولان لديهم قاعدة ثابتة بأن كل
من يسكن شمال الجيلي علي مجرور النيل هو جلابي ! فأين تضع نفسك الان ؟
اما التاريخ فيصنعه العظماء ، وليس العاطلين عن الابداع في اي شئ
|
الاخ السيدح انا ضد العنصرية سوى منك والا من الاخ نهار ... هناك ظلم واقع ومن سنين سحيقة على فئات كبيرة من الشعب السودانى يجب ازالته ... اليوم يقتل ويشرد الانسان فى دارفور باسم دحر التمرد وفرض هيبة الدولة ( لتحقيق اهداف حديث المستعرب عبد الرحيم محمد حسين فى مركز الاهرام للدراسات الاستراتيجية!!) اليوم يقتل ويغرق ويشرد الانسان النوبى فى الشمال ويطمث هويته ولغته ببناء السدود لمصلحة الشعب المصرى لتحقيق اهداف حديث المستعرب عبد الرحيم محمد حسين فى مركز الاهرام للدراسات الاستراتيجية !!! شايفك ما جاوبتنى على اسئلتى عن تاريخ السودان والتاريخ المكتوب !!
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
العظيم الشان .. جاني القاش ملان .. جناح جبريل فوق الختِم عثمان ..
شاهدت السهرة..وأطربني كثيراً غناء البِِشيرة وعمر ..
وخرجت ببعض الملاحظات فقط من باب المتابعة والتفكر في إبداعات موسيقى اهل منطقة أنتمي إليها .. بدا لي ان الفنان عمر الحواري والذي معظم أغانيه هي أغاني فرقة حِميرا ذات الكلمات الرصينة وهي أغاني لها وقعها الخاص ولها قصصها وحكاويها..وبرغم جمال صوته وبرغم "الكورَس" المنظّم مظهراً وصوتاً إلا أن "الدلوكة" وأعني بها الإيقاع لم يكن بتلك الدرجة العالية من التطريب ..وعادة ما يكون هناك شتمين يتخالفن في النقرة ثم (دَقَة الدلوكة و"خَـنقتا")لتكملة الإيقاع.. فأغاني منطقة الجعليين -حسب ظني- تقوم في الأساس على الإيقاع ثم كلمات الأغاني ومحتواها .. فالإيقاع والذي تأتي على أثره كل ألوان الرقص أو التعبير للحاضرين سوى كانت "صَقرية" وهي رقصة الرجل على الإيقاع "التقيل" وعادة ما تكون تباري بين شخصين في شكل متحاربين.. أو "العرضة" وهي الرقص المصاحب للإيقاع الخفيف وهي أيضاً بين شخصين كما هو معروف عبر قفزات إلى اعلى متزامنة مع الإيقاع..أما رقص النساء فلهن "رقصة الرقبة" المعروفة ..(وقد غابت عن السهرة رقصات النساء بشكلها التراثي.. أما ما ظهر في السهرة فهو عبارة عن محاكاة خجولة لا اكثر). أعود للإيقاع لأقول أنني رأيت عمر الحواري -وكذلك الفنان محجوب كبوشية في مشاهدات أخرى- وهما يتغنيان بأغاني حِميرا .. لم يوفقا حتى الآن في إيجاد إيقاع دلوكة يقارب تلك الدرجة التي كان يمنحها عازف الدلوكة الشهير (دَوْدَوْ) وهو الرجل الوحيد كان وسط فرقة حميرا..وقد سبقه عازف آخر لا يقل مهارة منه(لم أتذكر إسمه حالياً)..فقد كانا عازفين ماهرين ..إضافة إلى الإختلاف في الآلة نفسها ففرقة حميرا كانت آلة الدلوكة أكبر حجماً "حسب ما أتذكر" وربما الجِلد المستخدم نفسه مختلف (تقول بعض الروايات أن الجِلد المستخدم هو جلد كلب!!) لا زلت اسال نفسي مِن ماذا كانت تُصنع دلوكة فرقة حميرا..عندما أتذكر ذلك السحر الذي تمنحه دقات إيقاع تلك الفرقة العظيمة في جمهور حاضريها..!! عليه بالمقابل بدأ الفنان "البِشيرة" -كما يعرّفه جمهوره-بدأ لي من خلال السهرة أكثر تطريباً من عمر الحواري -بحسب الزحمة التي كانت في وسط الدارة في هذه السهرةوكذلك شهرته السريعة في المنطقة- والسبب في ظني ليس كلمات أغانيه ولا صوته الجهور وإنما درجة إيقاع الدلوكة ..والسبب هو تدعيم "البِشيرة" للإيقاع بإدخال آلة "الطبلة".. وهي آلة ليست تراثية طبعاً..وذلك لسد الفرق الواضح في الإيقاع –درجة الصوت التقيل المخنوق (وقعت ليكم دي؟)-..الجدير بالذكر ومن خلال معايشتي لحفلات تلك المنطقة أن فكرة إدخال آلة الطبلة في الإيقاع شاهدناها للفنان الشعبي الراحل عبد الكريم الحُوري ..والذي عُرف هناك بـ ود الحوري (توفى منتصف الثمانينات عليه رحمة الله الواسعة)..وهو من منطقة الباوقة وهو من الذين أدخلوا آلة الطمبور أيضاً للتغني بأغاني تحمل إيقاع الجعليين والمعروف انهم ليسوا اهل طمبور ولكن لأن الباوقة تأثرت بقبائل الشمال ولأن ود الحوري نفسه كان منصورياً والمناصير أهل طمبور.. ان ما إنتبه إليه ود الحوري هو الإيقاع لدعم نغمات طمبوره المتميزة فقام بإدخال الطبلة ..وبالتالي سادت الفكرة عند فناني المنطقة الشعبيين وهذا ما فعله البِشيرة.. لذلك جاءت اغانيه اكثر تطريباً..أتمنى ان يلتفت محجوب وعمر والبشيرة والآخرين إلى أن دقة الدلوكة مهمة جداً حتى تصل الكلمة التي يغنوها ..طالما أسموه غناء تراث ..فيجب تناقله سالماً قدر المستطاع ..وليت في مقدورهم إبتداع عازف ماهر –مع كامل إحترامي للعازفين الحاليين-حتى يكون المشهد حافل بالآلات الشعبية المحلية..
الملاحظة الجميلة الأخرى وهي أن لكل منهما طريقة ولحن خاص في الدوبيت الذي يسبق الغناء عادة ..
ستظل أغاني حِميرا تلك الفرقة الشعبية بما قدمته من إبداعات ستظل فعلاً عظيماً و فريداً.. ولا زالت في ذاكرتي صورة لعازفها المشهور دودو (وهو يخنق الدلوكة بي كوعو) ..فيصعد بالحاضرين -وحتى القرى المجاورة- اعلى درجات التطريب ..مع الكلمة وصوت المغنيات ..!! والله يا نزار يا صاحبي ..غايتو ناس حميرا ديل كان حضرن زمن تقنية الصوت ..ما بعرف كان بيعملن شنو ..لاكين السما بقِدنو تب !!!! ----------------
-----------------------
مع التحايا للجميع ..
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: gessan)
|
يا جنا ود حمد كيف حالك
كلماتك اطربتني كما كانت تفعل بالبابنا خنقة دودو الله يرحمه للدلوكة وانا اقرأ فيها تذكرت
نهاية سبعينيات القرن الماضي ونحن في مقتبل العمر وكانت حميرا والجود واخواتهمااضافة لدودو
قابضين الجو تماما واذكر اني كنت في زواج خالي بابكرود المختار ود ضحوية في كبوشية وبحكم
علاقة الجيرة والمعرفة بين ناس حميرا واسرة الضحواب فقد تبرعت بضهراوي مجاني ودعوا له القبائل
عرب وبحر والتقوا في ذلك الضهراوي صبيان ام شديدة مع عيال العالياب مع صناديد غرب شندي مع
فحول المسيكتاب والتراجمة والديم اضافة لصبوة كبوشية الصناديد ،ودور الضهراوي وحميرا قالت
(قج) والعريس يعجبك والسوط معطون في القطران من زمن لهذه المناسبة ،ومامرت دقائق الا والدم
نزل ركب، عزيزي ود عبد الماجد هذه لمحة بسيطة عن ذلك التاريخ المشرف والذي لا ننكره ابدا وليس مزورا
في كتب التاريخ كما يتحدث الحاقدون .
اما حديثك عن تدني مستوي التطريب بسبب ضعف الايقاع وتختخة الدلوكة فهذه ملاحظة جديرة بالاهتمام وانا اتابع السهرة مرت بخاطري تلك الايام التي ذكرتها سالفا وكوع دودو كان بيعمل في الدلوكة عمل السحر و للراحل ود الحوري حضرت حفلات عديدة وكانت لممازجته بين طمبور الشمال وايقاع الطبلة شئ عجيب,
المهم الحديث ذو شجون حول هذه المسالة ونريد مواصلتك للتعريف بتراث وثقافة هذه المنطقة التي ستظل رائدة في كل شئ مهما حاول البعض سحب هذه الريادة الدائمة باذن الله ،
ولك شكري ولعموم العبابسة بالرياض
اخوك ود السيدح
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
Quote: الاخ السيدح انا ضد العنصرية سوى منك والا من الاخ نهار ... هناك ظلم واقع ومن سنين سحيقة على فئات كبيرة من الشعب السودانى يجب ازالته ... اليوم يقتل ويشرد الانسان فى دارفور باسم دحر التمرد وفرض هيبة الدولة ( لتحقيق اهداف حديث المستعرب عبد الرحيم محمد حسين فى مركز الاهرام للدراسات الاستراتيجية!!) اليوم يقتل ويغرق ويشرد الانسان النوبى فى الشمال ويطمث هويته ولغته ببناء السدود لمصلحة الشعب المصرى لتحقيق اهداف حديث المستعرب عبد الرحيم محمد حسين فى مركز الاهرام للدراسات الاستراتيجية !!! شايفك ما جاوبتنى على اسئلتى عن تاريخ السودان والتاريخ المكتوب !! |
الله ينصر دينك يل رجل.. ولايزال السودان بخير.
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: قرشـــو)
|
الأحباب الكرام...
أبناء العمومة آل جعل...
سلامات وتحايا نواضر... حقيقي حالفني الحظ في اليوم داك... وحضرت الحلقة من بدايتها لي نهايتها...
وكيف عجبتني النمات... والهجيج اللا محدود... والناس السمحين سماحة أهلنا الطيبين في كل أرجاء السودان... والعجبني أكتر الشيخ الكبير أب عصايي الكل ما تجي شَكْرَة يتِب لا فوق وياخُد حقو من البِشير والعرضة...
وأيضاً عجبني قصة الراجل الصلى قاعد في المسجد... وساعت الدلوكة دقت... إتهيج وبقى يعرض ويحلف إلا يندَقَّ...
هنيئاً لكم بتراثكم الجميل... وزي ماب يقولو الما عندو قديم ما عندو جديد...
وزي ما قال شاعرنا الرائع كدكي...
البيَنسى قديمو تاه... وماب اتوه انا عن قديمي...
ياني شقِّيش ما اقبِّل... برضو أرجع أقول كريمي...
لك من مر من هنا قواسيب مودتي...
أبو الحُسين...
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
الأخ عبد اللطيف
هذا ما تتفق فيه العرب العاربة أو قل العرب البدو فى كل أصقاع السودان وعلى رأسهم قبيلتى ( قبيلة المجانين بشمال كردفان ) ، فمسألة السوط هذه لا علاقة لها فى فقه القبيلة بتعليم أو ثقافة أو غيره ، البنجلد ليك فى عرسك ياهو العزاك ولازم تكفيه فى عرسو ، وكل الناس بتعرف الزول البنفزر أو البرمش ، وتاني يوم الا يشوف ليه جيهه يطفش عليها ،وكل غناوى البنات ح تكون عليهو.
بكل أسف لم أرى هذا البوست الا اليوم ، فما قدرت أبرمج لحضور السهرة الجميلة لكن آمل أن أعلم بموعد إعادتها لأنها جديرة بالتسجيل والتوثيق وهذا تراث لن نتخلى عنه ، ولا بد لأبنائنا فى دهاليز الغربة من التعرف عليه .
سلمت يداك السيدح
مع مــودتي
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عادل سهل)
|
ود السيدح عوافي ....
رحمة الله واسعة على خالك بابكر ود المختار الذي تطرقت لأيام عرسه.....
لكن قول لي في العرس داك في زول هسع يلحق ركزت سليمان ود المختار أمده الله بالصحة والعافية......
يبدو أن الأخ قيسان (عزوز) ما زال غارقا في عبق ذكريات دودو وفرقة حميره لكن البشيره وعمر دلوكتم حارة علي الطبيعة بس أدوات التسجيل وتكنولوجيا المايكات تعطي الفنان والكورس الأولوية...
والله عمر ده دلوكتو تشق صنقور الراس..
حميره ودودو مابنلحقو وشايب الكلاب اجمل مقطع....
دمتم...
أبوعبيده
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: Abuobeida Ali Abdullah)
|
شكرا يا ود السيدح على هذا البوست المميز والذي نفض الغبار عن بعض تراثنا الثر والذي نفتخر ونعتز به وخلي الحاقدين يموتوا بغيظهم
وهاك يالعمدة قرشو الحبيب دي: فنحن أولاد جعل نقعد ونقوم علي كيفنا ونحن الفوق رقاب الناس مجرب سيفنا
نحن أولاد جعل والمولي عظـم شانا والجود والكـرم مـكـتوب علي بيبـانا قـول يــــارب يـــاكريـــم تجـعلكم من ســكــانــــــــــــــــــا
انحنا وسمنا ظاهر وفوق خصيمنا ممرك وقول لعدونا من تالانا ابعد شرك فينا استعزاء ود سعد الاصم وادرك الجسه السيوف فوق فروت امات حرك نحن بناتنا تركن في المجالس سيره حفظا عرضه هاننها الخنزيره ابان الدنيا قنعا من نعيما وخيره اتفقا سوي ولبعنو موج ودميره
اطبقن سوي وجن للبحر منقرضاط شعر التانيه في التانيه وطرابا نشاط الفي العوم وعنابرا فراط مرهن سوي مافي واحدا فراط ايهن بناتنا المن اصل فراس ابوتن بلاقو المدفع الهراس فجيع الحنضل القايم براس لخصيمو الكي مخلوف فوق فروت الراس
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
الصديق عبد اللطيف .. حبابك
و حباب الأصدقاء الذين حضروا هنا.. كتر خير الأصدقاء قرشو ..و قيسان..و عادل سهل..
و بعيدا عن نظرية المؤامرة و المحامرة و المحامشة.. هذه ظاهرة ثقافية جديرة بالتأمل و التوقف امامها..و يا ريت الناس تساعدنا شوية و تقدم فيها افادات .. خصوصا حول طريقة ممارستها.. و مثلما ذكر اخونا عادل سهل .. الظاهرة موجودة في مناطق شمال كردفان.. وسط قبائل الأبالة..ولا توجد وسط قبائل البقارة..لأنو عندهم حاجات تانية مشابهة ليها..
اريد أن اعرف اكثر عن الظاهرة الثقافية دي.. يعني منو البتجلد؟..و منو البيقوم بالجلد؟..منو بيحدد الزول ركز أو ما ركز؟..و شنو العقوبة الإجتماعية في حالة الجفلة .. أو حتى رمشة العين ساكت؟.. من ملاحظاتي .. من الفيديو الذي جلبه اخونا قرشو.. لاحظت أن الجلد يكون من الأمام.. على الكتف الأيسر..و ان الجالد يرفع يده عاليا..و ذكرت صورة الجلد مخصوصة.. عشان نفرق بينها و بين نوع اخر من الجلد..و هو جلد الحد الشرعي كما تطبقه محاكم السودان(خمر..زنا.ز قذف..الخ).. فقد لاحظت أن جلد المحاكم يكون على الظهر..و أن الجالد يقف في موازاة المجلود (ليس امامه كما في البطان..و ليس خلقه كما في الشكلة)..و كذلك الجالد ، بحكم القانون ، لا يرفع يده عاليا (يعني ما بيملأ يدو كويس) كما في البطان؟..
الملاحظة التانية.. لاحظت غياب المرأة (مع تقدير الظروف التي تم فيها اعداد هذا الفيديو)..لأنه و كما ذكر اخونا عادل سهل.. أن المرأة تكون حاضرة في مثل هذه الإحتفالات..و اعتقد شهادتها و تقيمها للأمر مهم جدا..و رايها هو المعيار..و كلما اشاهد هذا الفيديو.. اتساءل في نفسي.. يعني لو قامت واحدة بالغلط زغردت الح يحصل شنو؟.. طبعا العالم دي كلها بتقلع هدومها و تتسردب للجلد..و ده قوة اثر المحمول الثقافي.. لأنو ليهو قوانينو الخاصة..
ملاحظة تالتة.. في المأثور الشعبي الناس بتقول ليك أركز..صحيح كتيرين بيقولوا ليك كده.. لكن فكرة الركزة جات من وين ..و شكلها كيف؟.. دي نادر ما تلقى زول عندو عنها فكرة.. اها في الفيديو.. الشاب الظهر اخيرا (و هو بالمناسبة اكثر النماذج قربا لبيئة تلك الظاهرة).. يلاحظ انه .. بعد ما خلع هدومو.. وقف وقفة معينة و هو مرتكز على عصاة.. أها دي الركزة للناس الماشافوها.. الطريف.. بعض الأصدقاء و الصديقات .. عزمتهم يشوفوا الظاهرة دي.. عارفين في البداية كان تصورهم شنو؟.. انو ده فيديو لتوثيق ظاهرة التعذيب في السودان..!! فقط واحد عمك عجوز شوية..و عندو فكرة عن ثقافات السودان.. قام سالهم.. شنو الغلط في الفيديو ده؟.. صمتوا.. فأجاب أن هناك غناء ..و هذا يدل على انو الفيديو في حفلة.. المهم شرحت ليهم الحاصل..ووريتهم الفرق شنو بين جلد الفرح..و جلد الكره..
اها اخوانا و اخواتنا ناس الطب النفسي برضك .. ممكن يجوا يشرحوا لينا.. ليه الناس الإتجلدت في الفيديو ده (لاحظ الجلد على جهة القلب).. ما فيهم زول ودوهو المستشفى؟
و يا عبد اللطيف يا اخوي .. حبابك في الدلنج.. كبر
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: Kabar)
|
الصديق عادل سهل.. حبابك
Quote: " فمسألة السوط هذه لا علاقة لها في فقه القبيلة بتعليم او ثقافة او غيره".. |
ليست مسألة السوط فقط..و حاجات تانية برضك.. و هي بالجد محتاجة مناقشة كبيرة.. بعد اذن القراء هنا احكي ليك واقعة من تجربتي الشخصية.. كنا طلاب في جامعة الخرطوم..و كنا بنجهز لأسبوع كردفان الثالث.. كنت وقتها نائب رئيس اللجنة العليا للإحتفال ..و دي شغلانة صعبة خلاص.. يعني تحوم على كل المواقع..و تتابع الشغل ماشي كيف.. اها من ضمن المتابعة.. كنا مرينا (معي صديقي و استاذي التيجاني زين العابدين..من ناس ام دم حاج احمد)..ببعض الأخوات و هن بيجهزن في بعض الأكلات..و كان عندهن صاج كبير مليان زيت بغلي..وحاولن ينزلنو من النار..قمت قلت نساعدهن.. قام الصاج اندلق في رجلي اليسرى..و كنت لابس شدة بلاستيك..و اتلصقت في رجلي..اها قامت واحدة زميلتنا من بنات الجزيرةو فكت السكلي..و بتقول : اهي مالو ما بكي؟! قام اخونا التيجاني .. عاين ليها عين .. اسكت ساكت خليها..و قال: يبكي كيف يعني؟.. واحد اخونا مستهبل جدا..و قال للبنات.. ما فيكن واحدة بتعرف تزغرد؟.. طبعا يا عادل.. لا مستشفى ولا يحزنون..ولا معجون ذاتو..لاحظ أنا كنت طالب في سنة تانية قانون.. بعد زمن قامت صديقة و قالت لي.. اها كن واحدة زغردت البيحصل شنو؟.. قلت ليها كان كبيت باقي الصاج في راسي..!!
و هي قوانين يا صديقي..ووعي باطن لا تحده حدود.. ممكن الفايقين يقولوا ليك ده قلة بصيرة..و تخلف و الخ.. لكن الليلة بعد العمر ده.. الواحد كن جاتوا فرقة في محلو بيسدها..رغما عن انف الثقافة البلا فهم..و هي شنو الثقافة لو ما بقت حقتك بتعرفك و بتعرفها؟ كتر خيرك..
كبر
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
سلام للجميع .. ود السيدح كيف حالك وكيف حال عقابك الضحواب ..أريتم طيبين .. ياخي مالك ماسح عنوان البوست بي زيت ..وإنتا براك عارف إنو البورد دا أرضو كلها "فرناغة"؟؟
أتمنى ان البوست يختا الفرناغة ..عشان أجيب ليك نموذج مسموع من دلوكة حميرا: ( نِم ليهو يا جبّار جاب عينة مَصِر كفىّ البعيد والجار وإيدك وابل الأمطار شقَ دابي أدبَرة وأب كريق مِراقد السار.. كُوع الدِندِر المِن الرِهود سايل خير.. الطوّل لساني وللعُقُب شايل..)..
--------
ولي عودة لمداخلة أخونا كبر ..
---------------- ابوعيدة كيف حالك .. نعم انا ما زلت غارق في أغاني حميرا..وأظن انها تحتاج للوقوف عندها ..بكل جوانبها.. إبتداعها لأدواتها وأغانيها ومعانيها ..ومن هم الذين وردت أسمائهم في أغانيها ..وإنتباهها لكيفية الإستفادة من تلك الحالة التي تلم بـ"الجعلي" حالة سماعه للدلوكة وغناء الشكر فيفيض عليها بكرمه.. إلخ ..
ولي عودة ..
سلام للجميع ..
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: كمال ادريس)
|
تحياتي لجميع المتداخلين والمعلقين وخاصة ناس اخوانا نهار الذين ورغم محبتنا لهم الا انهم لازالوا
يراهنون علي مسح تراث الجلابة انطلاقا من المشكلة القائمةالان في دارفور وهذا في تقديري عيب كبير جداوثقافة دخيلة
علي السودان والسودانيين يا الحبيب نهار يا اخوي جون قرنق حمل السلاح لاكثر من عقدين من الزمان في
وجه الحاكمين من الشمال ورفع شعار السودان الجديد لكنه وحتي اخر نفس من حياته لم يقل انه يريد
محو تراث وثقافة الجلابة من السودان كما تبنيتم انتم في افكاركم التي تطرحونها جهارا نهار علي العالمين.
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
الأخ محمد النور كبر
لك التحية والتقدير
Quote: عد اذن القراء هنا احكي ليك واقعة من تجربتي الشخصية.. كنا طلاب في جامعة الخرطوم..و كنا بنجهز لأسبوع كردفان الثالث.. كنت وقتها نائب رئيس اللجنة العليا للإحتفال ..و دي شغلانة صعبة خلاص.. يعني تحوم على كل المواقع..و تتابع الشغل ماشي كيف.. اها من ضمن المتابعة.. كنا مرينا (معي صديقي و استاذي التيجاني زين العابدين..من ناس ام دم حاج احمد)..ببعض الأخوات و هن بيجهزن في بعض الأكلات..و كان عندهن صاج كبير مليان زيت بغلي..وحاولن ينزلنو من النار..قمت قلت نساعدهن.. قام الصاج اندلق في رجلي اليسرى..و كنت لابس شدة بلاستيك..و اتلصقت في رجلي..اها قامت واحدة زميلتنا من بنات الجزيرةو فكت السكلي..و بتقول : اهي مالو ما بكي؟! قام اخونا التيجاني .. عاين ليها عين .. اسكت ساكت خليها..و قال: يبكي كيف يعني؟.. واحد اخونا مستهبل جدا..و قال للبنات.. ما فيكن واحدة بتعرف تزغرد؟.. طبعا يا عادل.. لا مستشفى ولا يحزنون..ولا معجون ذاتو..لاحظ أنا كنت طالب في سنة تانية قانون.. بعد زمن قامت صديقة و قالت لي.. اها كن واحدة زغردت البيحصل شنو؟.. قلت ليها كان كبيت باقي الصاج في راسي..!! |
طبعاً بكل تأكيد لن نتوقع منك غير هذا
فقد رضعته من ثدى أمك شجاعة وكرم
وهى القواسم المشتركة بين أهلينا فى البادية عموماً
وذاك أقل ما يتصف به هؤلاء.
ذكرتنى بقصتك مع الزيت الحار أيام الجامعة ، حكاية الجعلى
القطعوا أصبعه لمشكلة صحية ، وكانت تحضر بنات عمه ، فزغردت إحداهن
فمد يده الثانية وقال ليهم أقطعوا دا ذاتو معاهو
نعم هى الشجاعة وهى المروءة والنخوة والنجدة
صفات متأصلة فى البوادى
ولعمرى أن أكبر عيب للمرء فى تلك المناطق من لا يتصف بتلك الصفاتً
شكراً السيدح فقد أرقت أشجاننا
| |
|
|
|
|
|
|
Re: هارموني تحتفي اليوم بتراث الجلابة غير العنصري (دلوكة وشتم حار) والحاقدون يموتوا بغيظهم (Re: عبد اللطيف السيدح)
|
الاخ ود السيدح وضيوفه الكرام ، حقيقة رغم تواضع السهرة ، إلا اننى و عيالى طربنا ايما طرب لصوت الدلوكة و الشتم ، اما الصوت دة براهو كان حاجة تانيه ..... ود العم مقدم السهرة العوام لم يكن موفقا فى التقديم مطلقا .... واخطأ فى عدم ذكر العديد من فروع و فخود الجعليين ، خاصة مناطق شمال نهر النيل ، تجاوز الكتياب و العالياب و المسلماب ، و الشعديناب ، و المكابراب ، و الذيداب ، و كثيرين ، كنت اتمنى ان تكون السهرة من عدة اجزاء و تتنقل فى هذه المواقع بين ديار الجعليين ، علما بان العديد من الافراد على استعداد لانتاج مثل هذه السهرات ، للاسف تم اختزال ارث الجعليين فى حيز ضيق ، كنت اتمنى الاستعانه بوجوه عديده فى شتى المجالات ، لتبين للناس عراقة وعزة اولاد جعل ..... ومع كامل احترامى لدكتور العاص (غير جعلى ) كان يمكن احضار من هو اقدر واعرف بالجعليين والاسماء كثيرة . المهم اتمنى ان تكون هذه بداية لجمع ارث هذه القبيلة الكبيرة .
| |
|
|
|
|
|
|
|