|
|
 Re: يا ناس جريدة الراى العام القاص والاديب عبدالغنى كرم الله مقيم بدولة قطر (Re: haroon diyab)
|
عزيزي ود الزين، .....
الصباح رباح...
والله ما عارف القصة شنو، إلا الناس دي بتقرأ المستقبل، ويمكن يتحول الرزق للامارات، وإن كنت اسأل الله، صادقا، متطلعا، أن يكون رزقي وحفظ ماء الوجه بوطني، بل بلدتي الصغيرة، كي احمى واجمل نفسي ووطني بخدمتها، وكفانا الله شر السفر.. ونلبس السروال، ونحفر بالمعول على جسد وطن كريم، ومنسي، وزاهد..
فحيث يكون كنزك يكون قلبك، وياريت نلقى عصى السير، ونستكين، ونستلقى بأمن ورحابة في حمى الوطن، عشان ما نتجهه، الزول ده الزول ده، والله ياود الزين، قبيل سنوات، حين كان الجواب سيد الموقف، وقبل المسجات، والمس كول، كانت الجوابات تصلني كالآتي..
ع ك... الدوحة، دولة الامارات، ويظهر اهلنا ديل، عندهم خريطة جديدة، دايرين يضيفو زي الادريسي، وماجلان، شئ جديد وطريف، وأغرب ما في خريطة الإدريسي (العبقري)، انو وضع القرن الافريقي يمتد ويمتد حتى حدود ماليزيا، أما قارة (استراليا)، فلم يخلقها الله في ذهن الادريسي، وكمان اقول ليك أطرف موقف، حتى تصدق، حضرت جلسة لنقاش (آلام ظهر حادة)، ولم يعرفني زول، وللحق كانت غريبة، وطريفة، وتأكد لي بأن (القراءة)، هي فعل مواز، وفائق للكتابة، ففي وطني لا يعرف الناس بعضهم، بسسبب السفر (للامارات، وتركيا)...
ياكمال اخوك قاااااااااااااعد، والكية للمابينا.... والله مشتاق ليك، والله من لقاء القهوة الجميل مع محمود امين، روحك تحلق حول النفس، حتى لقاء مركز الخاتم عدلان، وصراع الهوية في مركز البيئة..
وعزيزي واخوي الهارون، كيفنكم، وليك علي نسخة، ولو مسوة الكتاب الأولى، فأنا احتفظ بها، ...
مع محبتي.... من دولة قطر، الدوحة، ...
اخوك كرم الله
|
|
 
|
|
|
|
|
| |
عبدالغني كرم الله بشير
فيس بوك
تويتر
انستقرام
يوتيوب
بنتيريست