كتب الكاتب الفاتح جبرا المتوفرة بمعرض الدوحة
|
حافلة العازفين..
|
لا تقولوا لي زين عالم جميل ولا يحزنون .. اجمل عالم من إختيارك كان حافلة العازفين .. بالرغم من إني لا عازف لا فنّان لكني معجب أيما إعجاب بهذه الحافلة .. حافلة لا بتشبه حافلات المواصلات ولا حافلات الترحيل .. بالرغم من إنو نفس الحافلة دي بتلقاها شغالة بالصباح في المواصلات .. حافلة أنيقة ونضيفة في معظم الأوقات .. سواقها زاااااااتو ما بيكون بيشبه سواقين الحافلات العادية وكأنو يتم إختيارو حسب مواصفات معينة .. ما ان تظهر هذه الحافلة في شوارع حلّتنا حتى تتهلل الأسارير وتدب الحياة في الشباب بعد إشاعة مفادها إنو الحفلة دي ما فيها فنان .. والله قالوا عشا بس وغنا ماف .. العرس ده عقد وخلاص .. ظهور الحافلة ينفي الشاعئات ويبدأ الناس إستراق النظر عسى ولعل ملامح الراكب الأمامي تتبين .. مشهد جميل وإنت عينك للساوند مشعلق بي فوق وسماعات البيز كمان وكم شنطة كمنجة طايرة .. زمان لمن العازفين ديل ينزلوا من الحافلة وكأن اللي نازل رئيس دولة أو لاعبين كورة جايين بي كأس العالم .. إكتظاظ سكاني عجيب وكلنا يتفقد ملامح هؤلاء العازفين .. دايماً بيكون في غرام بين عازف البونقز والساكس والجيتار مع الجمهور إحتمال عشان الربة والهجيج .. عازف الكمان لا ينوبه من الحب جانب من العزابة لكن سبحان الله كل الجكس في الحفلة حايكون من نصيبو بعدين وكأنه يقول صبرت حتى نلت .. جو الحافلة يبدو عليهو إنو جو جميل جداً جداً دوماً ما كنت أشاهد حافلة العازفين والكل بداخلها في حالة ضحك وقرقرة وشريط ذكريات إما حفلة قادمة أو حفلة سابقة ومشهد لهذا وموقف لذاك .. حافلة العازفين كانت الملاذ الأخير لينا ونحن ضهب في حفلات بعيدة عن مساكننا ولمن خلاااااص يحير بي الدليل كنا نصاحب واحد من العازفين في الحفلة وفي النهاية نعتمد عليهو إعتماد كلي في خط الرجعة .. الغريبة العازفين ديل كانوا ناس طيبين خلاص ومستعدين يركبوا معاهم أي زول وينزلوهو في طريقهم .. كان الفنان دوماً يحتل المقعد الأمامي وفي حالة تلفت ما بين الشارع وما بين السواق وما بين العازفين في كل مداخلة .. كانت واحدة من أسباب نجاح الحفلة هذه الحافلة المدعوة حافلة العازفين لأنو الناس بتكون خلاص في مسافة الطريق بررفت وغنّت وفهمت شغلها كويس .. حتى السواق بيكون بقا عازف ولا فنان .. والأجمل صوت الشريط اللي طالع من الحافلة .. قمة الروعة كانت في توزيع العازفين ليلاً والناس نيام .. وأتوقع إنو العازفين المعانا هنا حا يكون عندهم طرائف لا تحصى ولا تعد .. يا يلاقيهم حرامي بيسرق في بيتهم يا قطاع طرق .. دوماً العافزين بعد ينزلوهم من الحافلة تسمعهم يغنوا بأعلى حس في الصمت الرهيب في الحي .. عن نفسي كنت أعرف إنو حمد الريح وعازفيه في حلتنا بعد أن أسمع صوت حسن جردل وهو يدندن بأعذ الألحان في تمام الساعة الثالثة صباحاً .. حافلة العازفين يبدو أنها في طريقها للإنقراض بعد أن اصبح لكل عازف عربية والجماعة بيتلاقو في الحفلة بس بعد ما ياخدو الوصف من الفنان .. اصبح العاذفين بال طعم ولا نكهة .. بدأت تختفي القفشات والحكاوي اللذيذة .. حتى عشا الفنانين بقا ما زي زمان .. أعيدوا لنا حافلة العازفين ..
|
|
|
|
|
|
|
العنوان |
الكاتب |
Date |
حافلة العازفين.. | عمر الفاروق | 02-06-08, 07:23 AM |
Re: حافلة العازفين.. | ناذر محمد الخليفة | 02-06-08, 03:10 PM |
Re: حافلة العازفين.. | عمر الفاروق | 02-06-08, 03:46 PM |
Re: حافلة العازفين.. | سلمى الشيخ سلامة | 02-06-08, 04:32 PM |
Re: حافلة العازفين.. | عمر الفاروق | 02-06-08, 04:51 PM |
Re: حافلة العازفين.. | ناذر محمد الخليفة | 02-06-08, 07:03 PM |
Re: حافلة العازفين.. | ALGARADABI | 02-06-08, 09:39 PM |
Re: حافلة العازفين.. | سلمى الشيخ سلامة | 02-06-08, 09:55 PM |
Re: حافلة العازفين.. | الفاتح ميرغني | 02-07-08, 05:14 AM |
Re: حافلة العازفين.. | نادر | 02-07-08, 07:23 AM |
Re: حافلة العازفين.. | عبد السلام أبوشنب | 02-07-08, 08:35 AM |
Re: حافلة العازفين.. | عبد السلام أبوشنب | 02-07-08, 08:39 AM |
Re: حافلة العازفين.. | ناهد علي | 02-07-08, 09:37 AM |
Re: حافلة العازفين.. | عصام دهب | 02-07-08, 09:50 AM |
Re: حافلة العازفين.. | Elmosley | 02-07-08, 12:44 PM |
Re: حافلة العازفين.. | Abd-Elrhman sorkati | 02-07-08, 02:29 PM |
Re: حافلة العازفين.. | ناذر محمد الخليفة | 02-08-08, 04:34 PM |
Re: حافلة العازفين.. | عمر الفاروق | 02-09-08, 06:35 AM |
Re: حافلة العازفين.. | حمد اسماعيل | 02-09-08, 08:32 AM |
Re: حافلة العازفين.. | عمر الفاروق | 02-09-08, 06:37 AM |
Re: حافلة العازفين.. | عمر الفاروق | 02-09-08, 09:52 AM |
Re: حافلة العازفين.. | بابكر التوم | 02-09-08, 10:56 AM |
Re: حافلة العازفين.. | ناذر محمد الخليفة | 02-09-08, 01:33 PM |
Re: حافلة العازفين.. | عمر الفاروق | 02-10-08, 07:05 AM |
Re: حافلة العازفين.. | محمد أبوالعزائم أبوالريش | 02-10-08, 10:42 AM |
Re: حافلة العازفين.. | الرفاعي عبدالعاطي حجر | 02-10-08, 11:00 AM |
Re: حافلة العازفين.. | عمر الفاروق | 02-10-08, 11:03 AM |
Re: حافلة العازفين.. | ناذر محمد الخليفة | 02-10-08, 03:36 PM |
Re: حافلة العازفين.. | عمر الفاروق | 02-11-08, 08:29 AM |
Re: حافلة العازفين.. | عثمان دغيس | 02-11-08, 11:08 AM |
Re: حافلة العازفين.. | عمر الفاروق | 02-16-08, 07:57 AM |
Re: حافلة العازفين.. | ناذر محمد الخليفة | 05-27-08, 02:35 PM |
Re: حافلة العازفين.. | ميسرة غاندي | 05-28-08, 00:32 AM |
|
|
|