|
Re: آخر مراحل كبري توتي المعلق في الخرطوم ((((((((((توجد صور))))))))) (Re: Zakaria Joseph)
|
الأخ الزميل زكريا
شرفني مرورك الكريم ولك خالص التحية والتقدير
لم أنتبه لإسم الشارع باللغة الإنجليزية وفعلاً كتب بشكل غير موفق ومعناه غير لائق .
حاجة غريبة كيف فاتت عليهم .
ياربي الزول الإعتمد التسمية دي يكون شهادة عربية ولا درس بعد التعريب
أو يمكن يكون الإعتمدها الزول الثقيل الإسمو مبارك الكودة ؟
كيف يتم تنبيه الجهة المختصة بتسمية الشوارع بهذا الخطاء الفادح ؟
إلا زول من ناس الخرطوم معانا في البورد داير يكسب ثواب يبلغهم .
(####) تعني (( .... للمرأة) حاجة ما بتكتب ===> وجه خجول .
أخونا الكريم زكريا دي صورة هدية لبحيرة الرصيرص لعلها تنسيك إسم الشارع
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: عمار زكي)
|
Quote: لك ألف شكر أيها الأخ العزيز الأزهري وبصفتي واحدا من أبناء توتي أهنئك على تجميع هذه الصور ولكن خلينانركز على موضوع كبري توتي وتداعياته التي سيكون لها أثار وقضايا هي الأن في قمتها تتعلق ببقاء هذا الكيان الحضاري والثقافي والإجتماعي الضارب في عمق التاريخ عن هذه البقعة الطاهرة وسكانها أول من سكن في المنطقة والقضية الأن محور نقاش وجدل كبير ويسعدني أن أحيلك لتشاركنا الراي والمشورة من خلال البوستات المفتوحة لهذا الغرض وهي :
توتي الأرض والتاريخ ومحاولات تفتيت كيانها المتماسك Re: اللجنة التمهيدية لرابطة المهندسين بتوتي تتقدم بمقترح لتخطيط توتي اللجنة التمهيدي لمهندسي توتي تتقدم بمقترح لتخطيط توتي
آمل من الجميع الإطلاع على خلفيات الموضوع
|
أخي الكريم عمار زكي
شكراً لمرورك الكريم وللمعلومات التي طرحتها للنقاش وإن شاء الله يطلع الجميع على الرابط الذي أوردته .
ومعذرة لم أنتبه للمداخلة مع زحمة الصور .
تحياتي وتقديري
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: AYAD ELSUNNI)
|
مقبولة عزومتك يا إياد والف شكر ياحبيب
وياليت تكون معانافي البوست عشان توضح للناس الصور البكون أخوك الأزهري ماعارف مكانها وين .
الله يملاك عافية
أعتقد دا مطار الخرطوم
والصورة التحت دي أظنها واضحة في أمدرمان مسجد الخليفة وقبة المهدي
بالمناسبة في مشكلة في صور جميلة جداً لكن لما أرفعها على الجهاز وتحفظ في ملف الصور بكون اسمها موجود لكن الصورة ماظاهرة وامتداد الصورة gif. والمشكلة دي مابتواجهني إلا مع هذه الصيغة من الصور .
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: ALazhary2)
|
الأخ الأزهري .. السلام عليكم .. شكرآ علي إشراكنا بهذه المناظر التي ترد الروح وتدعو للتفاؤل .. وأتمني أن لا تركز الحكومات فقط علي إعمار الخرطوم حتي لا تصبح بؤرة تجمع سكاني شاذ عن باقي الوطن !! .. نتمني أن نري نهضة ثورة عمرانية أيضآ في بوتسودان وكوستي وعطبرة ونيالا والابيض مثل هذه ومثل الصور التي اتحفنا بها ايضآ الأخ دينق في الجنوب ..
أصلوا عربيتنا المعطلة دي أبت تقوم بنقرة استارتر ومحتاجة دفرة .. وأكيد لو دورت حتشيلنا كلنا ..
[/dakred]
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: ALazhary2)
|
الاخ الازهرى 2
لك التحية
الله يسعدك كما اسعدتنى بهذه الصور الرائعة والتى لم اكن اتخيل وجودها فى وطنى الجميل فقد طال بى الامد خارجه فاصبحت مشتاقا لكل شىء منه ولذا فقد عدت بى للوطن بهذه الصور الرائعة وقد عرفتنى بما لم اعرف واريتنى ما لم ارى قبلا من مستجدات هنالك ... كم انا سعيد ومسرور لذلك العمران وذلك البهاء وذلك الجمال كله ...
الله يديك العافية يا سيدى ....
وارجو ان تزيدنا ان كان هنالك مزيد ....
مع مودتى
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: قرشـــو)
|
Quote: الاخ الازهرى 2
لك التحية
الله يسعدك كما اسعدتنى بهذه الصور الرائعة والتى لم اكن اتخيل وجودها فى وطنى الجميل فقد طال بى الامد خارجه فاصبحت مشتاقا لكل شىء منه ولذا فقد عدت بى للوطن بهذه الصور الرائعة وقد عرفتنى بما لم اعرف واريتنى ما لم ارى قبلا من مستجدات هنالك ... كم انا سعيد ومسرور لذلك العمران وذلك البهاء وذلك الجمال كله ...
الله يديك العافية يا سيدى ....
وارجو ان تزيدنا ان كان هنالك مزيد ....
مع مودتى |
أخي الحبيب قرشو
سعدت بمرورك وكلماتك ومشاعرك الأخوية الصادقة.
أنا كمان لي سنوات طويلة جداً مارجعت السودان وبحاول أجمع أكبر عدد من الصور وقلت أشاركها معاكم لعلها تذكركم بمراتع الصبا.
وحبب اوطان الرجال إليهمُ مآرب قضاها الرجال هنالك
أدام الله عليك السعد أنت ومن تحب بجاه من بيته في طيبة حرم (ص)
لك خالص الود والتحية والتقدير
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: ALazhary2)
|
الحبيب الأزهري، شكراً لإمتاعنا بهذا البوست الجميل جداً... من حسن حظي أن أحد أصدقائي يعمل في مشروع كبري توتي المقرر إنتهاءه بعد شهرين تقريباً...ويمكن اذا سمح وقته يجيب صور لمختلف مراحل الإنشاء وكده...
بالنسبة لصوّر مدينتنا الحبيبة بورسودان...فالصور قديمة نسبياً...حيث حصلت تعديلات ملحوظة في المدينة في عهد محمد طاهر أيلا
مثلاً: لا يوجد شارع ولا زقاق داخل حي الا وأتسفلت في بورسودان...والما أتعمل، فالدور جايهو قريب
وأيضاً: البيوت يمين الصورة تم أزالتها، وجاري العمل في مستشفى للشرطة في هذا المكان...الصينية دي، أسمها صينية جوفر...
موقف الباصات في وسط السوق ده تمت فيهو تعديلات كتيرة...والصورة واضحة انها قديمة، نسبة لعدم وجود ركشة أو أمجاد أو هايس تدلل على المواكبة وكده
الصور الأخيرة المأخوذة من فندق هيلتون، حديثة نسبياً...
لو ربنا سهّل الأمور بنجيب صور لرفد البوست...خالص الشكر والتقدير
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: ALazhary2)
|
سلامات يا ازهري ...
تعرف قبل اسبوعين كنت في ماليزيا
مطار كوالالامبور غاية في الجمال والنظام ,
وانا في المطار راجع السودان علقنا انا وصاحبي الكان موصلنا المطار انو نحنا الشعوب الوحيدة البتقعد تعاين في المطارات
وتتكلم عن نضافة الشوارع وهلم جرا من بديهيات الحياة المعاصرة ...
يازول ما تقول لي كوبري توتي والا كوبري ثري (3) تي ! نحن دايرين لينا زي مية سنة كده ... وربك يسهل !!!
| |
|
|
|
|
|
|
Re: آخر مراحل كبري توتي المعلق في الخرطوم ((((((((((توجد صور))))))))) (Re: ALazhary2)
|
ماعارف ليه عندي إحساس إنو ناس كتيرة متضايقة من البوست دا.
يعني لازم أجيب صور محزنة عن السودان عشان أكون وطني وبحب بلدي ومشتاق ليه؟
الله يشهد إنو بوست شوق شديد وبس .
الله يكضب ظني الشين دا .
الغريبة أنا أقعد بالساعات أفتش صور للسودان وناس السودان القاعدين جوة البلد مافي زول فيهم يفكر يصور ليناحاجة.
أكرر الشكر لكل المتداخلين ولغير المتداخلين .
ربنا يملاكم عافية .
| |
|
|
|
|
|
|
|