|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
يا سلام عليك يا محمد السني وانت بتابع الفن والجمال في كل مكان وتنشره هنا في البورد وتدعو الجميع عشان يستمتعوا بكل ما هو جميل في هذه الدنيا
ود السني .. الجمال جمالك .. اهدي لي من فضلك قائمة بي اعمالك .. يا الجميل في اصلك
( عشان نستمتع بيها كثير)
وتحياتي للفنان هيثم الطيب مع التهنئة الحارة بهذا المعرض الجميل
ونؤكد لكم اننا سنرقص معكم من على البعد وياريت تنزلو لينا صور اللوحات هنا في بوست عشان نرقص كويس
جمال
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
من أعمال هيثم من معارض سابقة لكن عن هذا المعرض يقول الفنان هيثم : الأعمال منفذةبطريقة mixmedia وعلى مراحل مختلفةويدخل برنامج Illustrater من ضمنها ، ولكن يوجد في الأعمال تلوين وأقلام حبر أسود وأحبار متنوعة بجانب الحيل الفنيةفي التلاعب بالطابعة في المرحلة الأولى من العمل باللوحة، كما ان هناك تلاعب ميكانيكي وتحايل على الطابعةبأدخال ورق ملصق على سطح ورقة العمل المنفذ وإدخالها مرة أخرى واخرى وأخرى،، بجانب التصوير والكولاج .. هناك تعقيد في بعض التفاصيل يحتاج الى وقت اكثر للشرح .. لابد من التجربة / وهذا ما أفعله .. نقلا عن ملتقى التشكيليين السودانيين ...
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
العزيز السني
Quote: يا كريم ويا كيكي هيثم فنان شفيف |
كريم دي هناك في عكس الريح هنا كيكي بسسسسسسسسس ( وش عايز يموت من الضحك )
ـــــــــــــــــــــــــــــــــــــــــــــــــــــ ياسلااااااااام عليك يازعيم الفن هيثم الطيب ده خليك من انو فنان راجل تعجز الكلمات عن وصفو
وحباه لله موهبه بعثرة الجمال علي الورق ليستمتع به الاخرون ورقم لايمكن تجاوزه من التشكيليين السودانيين علي المستوي الداخلي والعالمي له اسهامات فاعله ومحسوسه في كل الفعاليات التي تقام بالدوحه والتي كان من اكبرها افتتاح المركز الثقافي السوداني بالدوحه
له كل التحيه والتقدير وحاضرين عشان نمتع عيونا
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد الطيب حسن)
|
محمد الطيب الود القيافة وعاشق الجمال لا تنسى بكرة المعرض الإفتتاح أهم يوم هو يوم الإفتتاح المشاركة مهمة لدعم الفنان وإلتقاء العديد من الأصدقاء والفنانيين والمهتمين بالفنون ومن هولاء نتعلم نتعلم فن الشوف وكل فنون الإهتمام بالفنون البصرية بكرة حضوركم يفرحنا
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
Quote: ومن هولاء نتعلم نتعلم فن الشوف |
ليتنا كنا معكم لغسلنا روحنا من تعب المسافات والمغتربات القصيه ولننعم ...بولادة (لوحات) التشكيلى هيثم ..... ومن المؤكد انه وكأى فنان تشكيلى سعى الى البحث عن ملامح شخصيته وبلورة صيغةٍ ما... تكشف عن اتجاه ما.. والانفلات من أسر التأثيرات الأخرى هنيئا لكم بهيثم ....وهنيئا للسودان بهيثم ...وهنيئا لهيثم بلوحاته...
واردد معك اخى السنى
ومن هؤلاء نتعلم فن الشوف .....
لك اخى السنى عاطر التحايا وللتشكيلى الرائع هيثم كل الود والتقدير....
ناهد بشير الطيب..جدة
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
.
العزيز الفنان (من مجاميعو ) محمد السني دفع الله
أخلص التحايا ... والتهاني بمعرض الصديق الفنان (الدفعة) هيثم الطيب، ولاشك هيثم فنان مميز، ننتظر منه الكثير لثقتي في قدراته الفنية المتنوعة، وثقافته البصرية العالية التي وسمت كل أعماله منذ سنوات ..
وجاييك تاني في كلام كبار كبار حول بعض الأعمال (شيل شيلتك يا السني)
تحياتي للفرد بطرفكم .. وقول لهيثم : سمنتا ولا جابو ليك!!
سيف اليزل
.
| |
|
|
|
|
|
|
Re: فـلنـرقـص مـع هــيـثـم الـطـيـب (Re: محمد سنى دفع الله)
|
سيف اليزل الفنان الجهبذ ليك التحية والمودة وشوقنا كتير لي كتاباتك ومقالاتك وبعد داك بنجيك للرسم وللمقتنيات الزول دفعتك ده عامل فن راقص وبديع وانت عارفو عشان كده انا بعرض في تجربتو الفاتت وبكرة دي بتشوفو الجديد وبنرقص كلنا مع الأسود اما بخصوص زرزرتك لي انا جاهز ومستعد ليك يازول ياجميل يافنان وليك المودة تابع معانا المعرض ومشاركتك حاضرة دام صفانا
| |
|
|
|
|
|
|
|