كتب الكاتب الفاتح جبرا المتوفرة بمعرض الدوحة
|
Re: كوريـــا .... أشهــر أحيـــاء الديـــم .. (Re: Salah Abdulla)
|
والله يا ابوصلاج البوست حقك ..من ظرافته .. أنا ساكن فيه سكنة عديل كده.. لأنه لايحمل في طياته غير الحنين لأيام جميلة خلت..، بعد انزال الأخ ابو العزائم لصورة الطرادة.. وذكر الأخ سري لبعض الأخوة.. منهم الصديق المرحو الأخ أحمد خمارة..لاعب الأهلي العاصمي .. والذي يعتبر أفضل مدافع عرفته مع الأخ كمال خلف الله..من الحلة الجديدة..، هاجت الذكرى في (نافوخي) ..وبدأت تتسلسل الحوادث.. ، في الديم كان لنا علاقات وطيدة وجميلة جدا.. أحمد خمارة..عمنا محمد أحمد موسي.. وابنه الصديق العزيز/ يحي محمد أحمد موسي.. كابو عازف الكمان..بدرالدين ... عمنا نورالدائم الامام.. مزيد من الابداع..
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: Salah Abdulla)
|
ولدنا بابكر التوم كيفك
ناس الامتداد ديل عندهم معزّة خاصة في القلب يا بكور ، ولنا في الامتداد ذكريات لا تُنسى مع مجموعة من الفرد الصواقع .. يمكن يجي يوم ونتكلم عنهم ..
Quote: للديم والامتداد والشيك والاحياء المماثلة التى استمدينا منها التفاتيح (المهذبة) |
طبعاً أنا مقتنع مية المية أنو الاحياء المماثلة للديم موجودة في كتير من المدن في السودان ، وفعلاً الأحياء دي خلتنا تفاتيح ، لكن مهذبين ، ما بنسأل زول ، ولو زول سالنا بنتخارج ، نخليهو.. بس المشكلة أنو الناس بتتحرج في تناول هذه الاحياء وما يحدث داخلها .. لكن طبعاً ما شرط إنك تحكى ذكريات شخصية ، يعني ممكن تحكي عن الحي وأسرارو وخباياه ، بلسان غيرك ، وتوصل نفس المعلومة. وللماعارفين كلمة ( الشِيك ) بكسر الشين ، الكتبها أخونا بكري مقصود بيها منطقة ( العشش ) سابقاً . وطبعاً يا بكور كانت لنا في ذلك المكان ذكريات وذكريات ، يمكن تكون متذكر بعض منها ، أو حكوا ليك بيها ، ولو ربك أراد ح نتكلم عن منطقة العشش دي زاااااااتها ، والكبسيبة الغريبة الكانت بتحصل هناك .
Quote: السحار (حيروا) اعنف باك فى الليق كان بلعب فى الخرطوم3 |
يا سلام على حيرو ( الله يرحمه ) طبعاً السحار ده كان دفعتي في الديم شرق ( 1 ) هو وشقيقه عبده الأطرش وكان سير باك منتخب الديم في فترة من الفترات .. وحيرو فعلاً كان باك عنيف جداً وقوي صخرة بس .. شقيقنا وحيد عبدالله كان حارس مرمى منتخب الديم ، والباك بتاعو حيرو. في واحدة من مباريات المنتخب وفي كورة عالية وحيد كورك لى حيرو ( خليها ) حيرو بيعاين للكورة وراجع خلف ما شايف وحيد وراهو ، ووحيد بيعاين للكورة ومفتكر حيرو خلى الكورة خلاص ، فتعثر حيرو في رجل وحيد اليمين ووقع فيها ، والله وقعة عادية جداً ، لكن لأنو حيرو ( حديدي ) وحيد رجلو اتختت في الجبس ستة شهور... رحم الله حيرو . طبعاً مؤخراً، حيرو اصبح مشهور جداً، على مستوى السودان كلو ، وانت عارف !!
تشكر على المرور الحلو .. يا حلو
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: صلاح الفكي)
|
يا صلاح الفكي
سلام
Quote: أحمد خمارة..عمنا محمد أحمد موسي.. وابنه الصديق العزيز/ يحي محمد أحمد موسي.. كابو عازف الكمان..بدرالدين ... عمنا نورالدائم الامام.. |
يا سلام ، ياخ انت طلعت ( ودالحلة ) عديييييل .. بتعرف الناس ديل كلهم ، ومتدسي يا أبوصلاح ؟؟ بالغت والله .. ورحم الله بدوي كابو العازف الماهر .. تعرف ، قصة كوريا دي ح تفتح سيرة الديم ، ولوانفتحت سيرة الديم ، أنا زاتي بفتح وما بقيف ، والايامات دي في شوية زنقة في الشغل ، وكثير علل ، نسأل الله الشفاء..
سأعود حتماً..
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: Salah Abdulla)
|
Quote: يا سلام على حيرو ( الله يرحمه ) طبعاً السحار ده كان دفعتي في الديم شرق ( 1 ) هو وشقيقه عبده الأطرش |
يا صلاح عبدالله انا بتذكر اني درست الابن السحار في الديم شرق 1 سنة 1974م الحكاية شنو الظاهر انا واخوي ابوساندرا بس العجائز هنا عشان كدا احسن نكون ساكتين ما نطلع فضائحنا مع ناس كوريا والله لي كوريا يا شباب سوريا
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: حمزاوي)
|
الأخ حمزاوي
سلام
Quote: انا بتذكر اني درست الابن السحار في الديم شرق 1 سنة 1974م |
هووووي يا حمزاوي عايز تطلعنا ( جلاكين ) واللا شنو ؟؟ السحار الله يرحمه ، أكبر مننا كتير لكن لحقناه في نهاية السبعينات ( تقريباً ) ..
رحمه الله ..
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: Salah Abdulla)
|
Quote: السحار الله يرحمه ، أكبر مننا كتير لكن لحقناه في نهاية السبعينات ( تقريباً ) .. |
يا صلاح اخوي انت عزرائيل قاعد في بوستك دا ولا شنو كلما اسأل من واحد تقولوا لي مات انا بتذكر كان مع السحار طالب اسمه مصطفى حلفاوي وساكن في بيوت الحجر سألت منه ابن اختي معاوية برضوا قال لي مات واهو مصطفى سري برضوا بيقول لي اخوه الكبير برضوا مات لا حول ولا قوة الا بالله انا بسأل عن نيكولا وشقيقه جرجس كانوا ساكنين في كوريا نيكولا كان لاعب كورة ممتاز الولدين دوول كانوا مؤدبين جداً واخلاقهم عالية وكانوا شطار جداً في اللغة العربية
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: حمزاوي)
|
أخونا حمزاوي
سلام
Quote: انا بتذكر كان مع السحار طالب اسمه مصطفى حلفاوي وساكن في بيوت الحجر سألت منه ابن اختي معاوية برضوا قال لي مات واهو مصطفى سري برضوا بيقول لي اخوه الكبير برضوا مات لا حول ولا قوة الا بالله انا بسأل عن نيكولا وشقيقه جرجس كانوا ساكنين في كوريا نيكولا كان لاعب كورة ممتاز الولدين دوول كانوا مؤدبين جداً واخلاقهم عالية وكانوا شطار جداً في اللغة العربية |
الأعمار بيد الله يا ( حاج ) .. مصطفى المقصود هنا ( رحمه الله ) هو مصطفي محمد علي بيك ، وأخوه هم المرحوم حيدر محمد علي بيك .. حيدر ده كان حافظ أي أغنية غناها ( وما غناها ) إبراهيم عوض نيكولا مغترب في السعودية من زمان جداً جداً ، وجرجس موظف بنك كبير ..
والله يا حمزاوي لقيتك حافظ الحلة بيت بيت .. خطير والله
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: Salah Abdulla)
|
الأخ صلاح عبدالله و الأخ ذو اللغة الرشيقة عماد عبد الله وكل الديامة المعاصرين والديامة بالتاريخ أمثال مصطفى سرى:
ما طالبيننى حليفة، ولكن هذا البوست من امتع ما أقرأ، وهذه تحية من أحد سكان الإمتداد ذلك الحى المتفرد، وقد بدأت أسرتى رحلتها فى العاصمة من الديم حيث كانوا يقطنون لسنوات قبل الإنتقال إلى الإمتداد.هذا البوست هندسة بارعة فى استعادة احياء حميمة مسكوت عنها، ليت أبناء الإمتداد يتذكرون العشش. لكم ولأبناء الديم عموم تحياتى
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: عز الدين عثمان)
|
الصديق والشاعر الكبير ... عزالدين (شيش ) يعني الحتمية التاريخية الا تذكروها بعد ما نفضنا يدينا (الأخ صلاح عبدالله و الأخ ذو اللغة الرشيقة عماد عبد الله وكل الديامة المعاصرين والديامة بالتاريخ أمثال مصطفى سرى اها نحن الامتداد جيناهو كبار ... كملنا حقنا في الديم ... قصاد كوريا ... والبقية في (الشييك اوالجيك) وبعدها قعدنا زي ابوساندرا (نفرك في عيونا للشوف البقى قطاعي) وما كبرنا ... يا صلاح ... انت تقول الاخ حمزاوي ... استاذنا قرب يبقى وزير تربية اذا صبر في التربية والتعليم ... لكنه اغترب ، ونحن مدينين ليهو والذي درسنا في الديم شرق (2) وطبعا كنا احسن من مدرستكم الديم شرق (1) وكان اسمها مدرسة الزبالة ... وكوريا نعود ليها تاني ... كان عوض.ج ، ومحمد .ع .ف وصلاح .ا، في مدرسة الديم شرق (2) وكانوا في الصف السادس وطوال وكبار وكنت انا في الصف الاول (ب) وفي وقت الفطور لقيتهم دخلوا كوريا اللي جنبنا لا بسين بناطلين وعرفت عوض.ج ومحمد ، وكان معي اولاد الحلة ونحن رجعنا المدرسة ورحنا اشتكيناهم للاستاذ اسمو ميرغني ، طوالي عملو ليهم طابور لمن رجعوا المدرسة واتضربوا وطلبوا اولياء امورهم ... بعدها شعرت بالندم ، وانا لانو محمد .ع جارنا واخوهو مبارك صديق عمر ، قمت بعد اسبوع تقريبا مشيت قلت ليهو دة انا اللي كلمت الاستاذ لانو دة بيت بتاع كعبين .. وكنت خايف يلطشني كف وللا يضربني ، قال لي تاني ما تمشي تكلم الاساتذة باي شئ شفتو بتطلع بتاع فتن ... وسالت ان كان سيحدث الاخرين ، قال لي لا لكن اذا بدر منك مثل ذلك بضبحك وكنا بعدها نشوف اولاد اخرين من الحلة لكن نصمت ونعمل نايمين ...
| |
|
|
|
|
|
|
Re: كوريـــا .... أشهــر أحيـــاء الديـــم .. (Re: مصطفي سري)
|
استاذي حمزاوي كما قال الاخ (الكبير ) صلاح نيكولا اغترب ، واخيه جرجس موظف كبير في بنك الخرطوم - الى ان تم بيع البنك - وكنت التقيه باستمرار في فرع البرلمان ونقل الى فرع اخر ، وطبعا من اصول اثيوبية ، والشقيقان من اميز لاعبي كرة القدم ، ولديهما اخلاق عالية وادب جم ، طبعا يا استاذ هم كانوا اقرب سكنا لك ... وفي كوريا من ابناءها ، اسامة ابن ف.كورتي ، واحمد اخوه ، وعوض ود عمك كربشين ، وجهاد الحبشي وابراهيم ود عمك كربشين ، وفلاتي اللي كان ساكن في بيت خالة (خضرة ) وابراهيم ود الزلال وبنات ف.كورتي ، واولاد الحبشية ، بعدها سكنوا ناس الهادي واخوه عاطف في البيت الملاصق بيت كورتي مواجهين ترب فاروق وكانوا من ام درمان ، وهم ابناء بيت مجهبص ، وكانوا بيلعبوا معانا وكل هؤلاء الابناء دفعات معنا في المدارس والحي ... احدهم قبل خروجي من السودان التقيته في شرطة ولاية الخرطوم برتبة نقيب ، وتزوج ... يا سلام ...على الديم
| |
|
|
|
|
|
|
|