وجوه وزكريــات مــن مـديــنة نــيالا

Quote: ابن مدينتنا اللاخ عبدالرازق تعرف سيرتك لليالى المدينة الثقافية والتى اعتقد تعنى بها الدورات المدرسية. تعرف انا حتى االان عندما اسمع اغنية وردى صدفة لا استمتع بها كما غنتها طالبة فى احدى تلك الدورات او قصيدة محى الدين فارس وطالبة نيالا الثانوية تلك ايام يا ابن امى وللجميع محبتى طارق محمد عثمان

شكراً طارق..

Quote: إن كانت السؤددة باجورا فسيركع طوعا لنيالا إن كان العالم جميلا فنيالا تسموه جمالا فالوادي الاخضر يكسوها اجمل ايات الإجلالا .................. (المقطع من قصيدة للاخ الشاعر / بدر الدين بريمة حفظه الله)

مرحبتين أمير..

Quote: وكانت الدنيا خريف كما ترى في اللوحة الطبيعية من خلفه

هذا هذا..

Quote: Tragie Mustafa Quote: سكنت بها اولا بحي الجمهوريه بمنزل خالنا محجوب الذي يسكن فيه الآن مكاوي لا حولاآآآآآه.. وكمان طلعتي قريبتي بالسكن وجارة بس من الجهة التانية.. تعرفي حكاية بت حينا دي يعني أقرب لينا من صلتكـ بخالكـ محجوب ذاتو.. ولو قلنا ليكـ خشي جوة يا بت.. يبقى إنتهى الكلام.. ولا شنو يا محجوب.. وعشان الشيء بالشيء يذكر.. حكاية القرابة دي ناس [خالد سمارة ـ وخالد أصيل] أقاربي برضو بالدم.. عشان تعرفي الدنيا دي ضيقة كيفن.. وزي ما قلنا ليكـ زمان الجمل بيقودوهو من قدام.. خلي بالكـ من نفسكـ وهدي نَفسكـ.. وبعدين شنو حكاية الصداقات الإسفيرية دي.. ولا يهمكـ؛ أعتبري الفات مات.. والجايات أحسن.. إنتبهي للجاي وما تخلي من نفسكـ دركـ مكاتلة.. نصيحتي ليك وإنتي حرة.. خالص المودة..

المهم يا ود الطالب تلعنا اولاد جيران
اها ثني افزع لي من الجماعه الصعاليك ديلاك جيرانك بهناك وطلع عكازك قليد
وقول ليهم البهبش بت جيرانا ديل الله قال بي قولوا.

تقديري ومعزتي
وتحياتي للصغيرونه اللذيذونه الكنت عايز تسميها تراجي وغيرت رايك.
ويازول صافيه لبن,حليب يا قشطه ي ما بيقولا جماعتنا المصرين.
تراجي.

Quote: يعني زمان ما قلت مكاوي ود خالي ,واظنك افتكرتني كذابه.

Quote: والله يا تراجى نادرين جدا القاعدين يصدقوك من كترة كذبك

Quote: غير مهتمه بالرد عليك ايها ال.... احتراما لاصحاب البوست اكف عنك ايها الرعديد.

Quote: الأخت / تراجي سلام الف مليون مرحب بيك بين أهلك وناسك واشكرك علي ترحيبك الحار بي انا والاخ / الصادق مصطفي زكريا 0 ولم اكن اعلم حينها بانك ابنة العم عمر ابو طالب وشقيقة الاخ وجدي والاخوات تغريد وتوسل التي كانت علي ما اذكر صديقة لشقيقتي عمائم علي عبد القادر 0 وكنتم جيراننا حيث كنتم تقيمون بمزل الاخ مكاوي الحالي ومنزلنا شرق منزل الخالة تمبش لها الرحمة فهي جارتنا بالحيطة 0 ووالدي رحمه الله كان صديق حميم لاحد اعمام والدك لكني لا اذكر إسمه الان 0 لكن ذاكرتك قوية ما شاء الله فاكره عمي البني كنا ونحنا صغار بنشتري منو الساند وتشات والباسطة من حلواني عثمان السماني ونادي البرش الكان يتجمعوا فيهو اباءنا زمان 0 معاي في البيت الان الاخ الصادق مصطفي زكريا ود ابوه وببلغك تحياته وحيكتب ليك بعد شويه لانو مشتبك في نقاش رهيب عبر التليفون 0 وإلي الملتقي اخوك / محمد علي عبد القادر

Quote: الاخت تراجى تحية واحترام من داخل حوش ابناء نيالا الكبير واهلا بك وسط اهلك واصدقائك... انت لامن من بلدياتنا ومن صميم اهلنا فى نيالا البحير، ليش حرمتينا من كل هذا الابداع والنغم والزكريات العطرة طيلة الشهر المنصرم وانت جالسة وبتعاينى من الشباك .. حقيقة والحق يقال لقد نورتى هذا الحوش واذداد بوجودك جمالا ورونقا.. فمشاركتك وبهذه القوة تعنى لنا الكثير ولاهلنا الطيبيين فى نيالا.. ارجو ان لا تنقطعى عن الزيارة بل والمواصلة فى سرد تلك الزكريات الجميلة.. فلقد عفونا عنك لغيابك فى الفترة الماضية ولكنا لن نعفو عنك مجددا... نحن قاعدين نتونس هنا عن زكرياتنا وزكريات اهلنا العطرة كما تفضلتى بتفصيل جزء منها هنا وهو ما يجمعنا جميعا بعد ان تفرقت بنا السبل وضربنا فى مشارق الارض ومغاربها... والظاهر لى انو الونسة دى ستكون طويلة جدا، فارجو ان تشمرى معنا السواعد والاستعداد لمحطات قطار نيالا القادمة فهى حتما ستكون مليئة بالمفاجآت والاخبار السارة لنا جميعا... الف الف مرحب بيك مرة اخرى فى داركم العامر بوجودك وسطنا.... أصيــل

Quote: الف تحية من شخص اقام بنيالا البحير 5 سنوات كانت من اجمل سنوات العمر

وهداني فتيل ريحة وجزمة قطيفة سوداء..

Quote: واظنك افتكرتني كذابه.

Quote: تتجازوا يا ناس نيالا حرمتوني من ركوب العجلات

يمين بالله يا تراجي البنات بقن يأجرن عجلات من بيلو العجلاتي.. [هويدا مثال]..
والبنات البقن يركبن عجلات في نيالا أكتر من الرقشات اللافة..
إلا بس ثقافة المجتمع ونظرتو ليهن حاجة تعقد فعلاً وبتخليهن يدارن جوه البيوت..
وديكـ مراحل مجتمعنا لساع ما وصل ليها..
خصوصاً وثقافة ليلة الدخلة اللا زالت سائدة مؤثرة جداً في نزعة الأهل على المحافظة على شرف البنت..
كدليل على حسن التربية والحفاظ على الشرف والعفة..
ولا شنو..!!

Quote: وقول ليهم البهبش بت جيرانا ديل الله قال بي قولوا.

إنتي بس أقيفي لي بعيد من أنصار القوم الفاسقين..
ونصيحتي ليكي..
ما تخليهم لابدين وراء ضهركـ يستخدموكـ دركـ مكاتلة بالنيابة عنهم..
زي ما عملوا ناس خالد كودي معاكي..
زحي بعيد عشان شلاع الدركـ ما يرشكـ، وبعد داكـ بتسمعي اللحن العجيب..

Quote: وتحياتي للصغيرونه اللذيذونه الكنت عايز تسميها تراجي وغيرت رايك.

والله إقترحت لأمها اسم تراجي حسب طلبكـ..

لكن أمها وبقية المصوتين رفضو الاسم بحجة إنو غريب على السمع ومكعوج..
وبعد عملية الإقتراح الشارك فيها كل الحاضرين..
تم إختيار اسم فاطمة على حبوبتها بالإجماع

المهم..
وصلت ليها غضبتكـ بتاعة قرصة العضان..
وتفهمت غضبتكـ، وقالت ليكي شكراً..
الجايات روابح..

..


والأعمال بالنيات..