|
|
 Re: المدرســـة فاتحة على الشارع.........اغنية.....وصورة!! (Re: bushra suleiman)
|
تحياتي أخي بشارة سليمان
والتحية إلي الشاعر محجوب شريف
بطـــاقة شخصية
الاسم بالكامل
إنسان
الشعب الطيب والدىّ
الشعب حبيبى وشريانى
أدانى بطاقة شخصيّه
من غيرو الدنيا وقبالو
قدامى جزائر وهميّه
لا لون..
لا طعم
ولا ريحه
وايام مطفيّه مصابيحها
زي نجمه بعيده ومنسيّه
المهنه:
بناضل وبتعلم..
تلميذ فى مدرسة الشعبِ
المدرسة..
فاتحه على الشارع
والشارع فاتح فى القلبِ
والقلب..
مساكن شعبيّه
ودينى محل ما تودينى
شرّد اخواتى واخوانى
فتش أصحابى وجيرانى
خلينى فى سجنك...
وانسانى
في سجنك جُوّه زنازين
أرمينى وكتّف ايدىّ
من أجل الشعب السودانى
وعشان أطفالنا الجايين..
والطالع ماشى الورديّه
وحياه الشعب السودانى
فى وش المدفع
تلقانى
قدام السونكى
حتلقانى
وانا بهتف تحت السكين
الثوره طريقى وايامى
معدوده
وتحيا الحرّيه
* * *
لا أتذكر من غني هذه الأغنية من السودانيين؟ كنت اتمني لو كانت بصوت سوداني وأن لاتحذف كلمة السودان اثناء الآداء
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست