|
|
 يابـــــــــــــــكري ابوبكر ...
|
سلامات
وعوافي
اولا اهنئك علي التجديدات الجميلة في الموقع ..
ثانيا ..
يابكري انا عندي بوستين "هما كل ما املك" في هذا البراح الاسفيري ..
هما ثمار عام كامل .. بذلت فيهما مشقات جسام .. يمثلان نقطة عودة لحياة قاطعتها لفترة ليست بالقصيرة .. خلالهما اكتشفت زوايا قصية في روحي "غيبتها العتمة وشقاء الحال" .. ظللت اكافح خمسة اعوام في هذا المنبر ... اكافح فقط من اجل استعادة عافية الكتابة .. علها تساعدني في "غسل" ادران الحياة "وانظف" من خلالها "الخلايا" واطيب عبرها "ريحة العصب" فرجاءا .. رجاءا امنحني "السعادة" وارفق لي "وردة وقنينة عطر" مع بوست "لو.." وبوست "داهلين" ..
اكون شاكر يا صديقي العالي ..
ولك ابتهال الامهات بالدعاء ..
عبدالرحيم عبدالله عبدالرحيم درار ..
ودرملية
|
|
 
|
|
|
|
|
|
|
|
Re: يابـــــــــــــــكري ابوبكر ... (Re: nourelhadi awad)
|
سلامات
وعوافي
ياذا البصيرة كذا التصاوير
المعلم العالي نور الهادي ...
موداتي وحنيني ..
وين انت ياحبيب .. انشاء الله انت وعيالك في تمام الحال والاحوال ..
شاكر لك وقوفك الي جانبي ..
اخر مرة كتبت فيها كلام يمكن ان نسميه "صالح للقراءة" كان في اوخر العام 95 عامذاك كانت الكتابة عادة شبه يومية "امارسها سرا" فافضحها في نهارات الاصدقاء ...
فترة بيات عنيفة "لوت" قلمي و "ضيقت" صدري ..تواقا للكتابة .. اشتهيها .. فهي الكائن الوحيد الذي يتحسس اوجاعي "ليمسح عليها بلطف الملائكة" .. اتخيرها فتتخير "مزاجاتي" .. احبها "ويشقيني هذا الحب" شقاوة قريبة الي قلبي ..
اشكرك مثنى وثلاث ورباع استاذ النور ..اتمني ان التقيك في القريب ..
.
.
ياهندسة اهو الرابط :-
داهلين
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
| Quote: هما ثمار عام كامل .. بذلت فيهما مشقات جسام .. يمثلان نقطة عودة لحياة قاطعتها لفترة ليست بالقصيرة .. خلالهما اكتشفت زوايا قصية في روحي "غيبتها العتمة وشقاء الحال" .. ظللت اكافح خمسة اعوام في هذا المنبر ... اكافح فقط من اجل استعادة عافية الكتابة .. علها تساعدني في "غسل" ادران الحياة "وانظف" من خلالها "الخلايا" واطيب عبرها "ريحة العصب" فرجاءا .. رجاءا امنحني "السعادة" وارفق لي "وردة وقنينة عطر" مع بوست "لو.." وبوست "داهلين |
والله يا ودرملية حننتني
انا لو بكري برجعم ليك ومعاهم لاب توب هدية
منعم
| |
|
|
|
|
|
|
|
|
|
Re: يابـــــــــــــــكري ابوبكر ... (Re: محمد سنى دفع الله)
|
| Quote: اكتشفت زوايا قصية في روحي "غيبتها العتمة وشقاء الحال" .. ظللت اكافح خمسة اعوام في هذا المنبر ... اكافح فقط من اجل استعادة عافية الكتابة .. علها تساعدني في "غسل" ادران الحياة "وانظف" من خلالها "الخلايا" واطيب عبرها "ريحة العصب" |
كضاب يا صاحب ..
كضاب ..
و الشاهدة كتاباتك , مرورك على كل كلام أعوج بيعدل مزاجه .. أسأل البيعرفوك , كلماتك متعافية و صادقة لدرجة الغيظ ..
كضاب يا صاحب .. كضاب .
لو كتاباتك لسه في طور النقاهة , و بتلمع و تضوي و تعدل و تسلك فينا الإستقامة .. يبقى كيف الحال لو العافية درت ؟؟
ريحة عصبك مسك ..
خلاياك بتداوي جروح الزيف ..
يا زول يا حريف و سمح .
أي مداخلة ليك يا عبدالرحيم في أي بوست بتدخل سيد البوست في أضافره ..
أسأل غيري يقول ليك ..
مداخلاتك بوستات يا ولد يا معلم ..
يا كبير و جميل .
| |
|
|
|
|
|
|
|
|
|
Re: يابـــــــــــــــكري ابوبكر ... (Re: Muna Khugali)
|
Quote: ياأخت داهلين ,
أين أنت الآن !
يا عصفورتى
المفقوده !
|
وبكت داهشين فى مثواها الأخير ,
وصرخت صائحة, أين أنت يا داهلين
يا أختى الكبيره, يا مُلهمتى , ويا صنو روحى !
لو ما داهلين , لما بُعثت داهشين , بعد أن كانت رميم !
ولو ما عبدالرحيم ودرمليه, لما كان البورد ربيع , والدنيا غيم
وزهور ياسمين , ولو ماترجع لو , وداهلين حنتعذب مرتين !
وكونوا ودرمليه يحزن ! ده هو ذاتو حزن كبير !!
مامون الحزين
| |
|
|
|
|
|
|
|
|
|
Re: يابـــــــــــــــكري ابوبكر ... (Re: محمد سنى دفع الله)
|
سلامات
وعوافي
السني "السني طمني" ..
كنت قد قلت ومازلت "ان شعر الهايكو الياباني المولد دخل السودان من نهرين "صلاح احمد ابراهيم - ومحمد السني دفع الله" وكلاكما اشتغل عليها "بيان بالعمل" ..
سعيد بتفردك يالسني في الهايكو ..
واستمالتني فكرة السايكو "غير ان السايكو هي اصطلاح علمي معرب المقصود به "الناس العندها نفسيات" .."
تسلم ياحبيب ..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
ياصاحب "الريشة" ..
اشكرك "ربما احتاج لتغيير مقاساتي" فقد صرت *منتفخا كالخروف من عذب الصفات التي "البستنيها" ..
تسلم ياحبيب القلب ..
قلت لي ..
Quote: كضاب يا صاحب ..
كضاب .. |
ياسلام ياعماد ... ياخي رجعتني ديشليون سنة "كضاب" دي لفظة حنينة خلاص .. والله ياعماد حلوة حلاة ..يعني مثلا نكون بنتونس في الحلة بعد المذاكرة ودرملية يسرد في الغزوات يقوم يجيهو واحد ناطي ليهو في حلقو :-
"والله ياودرملية انت كضاب كضب شديد خلاص "..
اها شفت الجملة دي بتفتح ابواب اخري للكضب الجميل .. هاهاهاهاهاهاهاهاها ...
تسلم يا جميل ..
* اقتبست الانتفاخ من حب في زمن الكوليرا ياعمدة..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
مني خوجلي ..
كيفنك ياسيدتي الطيبة الجميلة ..
| Quote: وماكنت لتكتب ماكتيت من حميم الكلام ان لم تكن معزتك لهما عظيمة.. |
هما من شحم ولحم معزاتي وشقاوتي ..من طينة اوجاعي وصلصالها ..
احتمي بهما "ماشاء الله لي من بكاء" ..
فكلاهما يحسني علي الحياة ..
شكر ليك دعمك يا فاضلة .. شاكر ليك كتير
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
مامون ..
صديقي الصوفي النبيل ..
كيفنك ابوي وكيف عيالك انشاء الله كلكم طيبين ..
معزاتي الشديدة "وخالص سلامي لداهشين" ...
شاكر ليك دعمك يامامون ... شاكر ليك وجودك في ايامي ..
تسلم ياطيب ..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
الأخ ودرملية
سلاماً من الله عليك
| Quote: عبدالرحيم عبدالله عبدالرحيم درار .. |
اول حاجة يا عبده ما تكتب لينا الإسم زي ده لانو بهيج فينا حاجات كتيرة وانت براك عارف قلب الواحد وطول السنين المتغرب فيها والله انا من ما قريت الإسم اشتقت بس اسه اشوف عمي واستاذي عمر ولو عندك ليهو تلفون رسلو لي عبر E-mail
| Quote: "لو.." وبوست "داهلين" .. |
وطبعاً بكري ده مافرق معاك براك لانو انا بصحى ب لو وبمسي ب داهلين ومعك حتى العودة..
| Quote: اكافح فقط من اجل استعادة عافية الكتابة |
عافية الكتابة الأ كان لزول تاني لكن انت كتّاب كتابة...
خالص الود...
| |
|
|
|
|
|
|
|
|
|
Re: يابـــــــــــــــكري ابوبكر ... (Re: مجاهد عبدالله)
|
سلامات
وعوافي
مجاهد الجميل ..
شاخي مشتاقين وكيف اخبارك "وانت تمشي في شوارع الفرنجة الناصعة".. "والحسان يزين الارصفة برائحتهن الطيبة " .. "هل مازالت الانسان الاحباب يطلقون القبول في الشوارع والمواصلات كـ النكات" ؟؟!!...عجاباني المسالة دي طبعا هاهاهاهاهاهاهاهاها ..
ياسيدي عمك عمر لسة تكنولوجيا العصر دا ما دخلا "يعني فترة صغيرة وتاني تلفونو بقا ما بيرن" ...
المهم انت كيف ياحبيب سلم لي علي كل الشباب عليك الله يامجاهد .. وخلينا نضًرب نمشي السودان سوا بعد عام من الدموع ..سمح .. "قول لي سمح" صبرني ساي ..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
Quote: كضاب يا صاحب ..
كضاب ..
و الشاهدة كتاباتك , مرورك على كل كلام أعوج بيعدل مزاجه .. أسأل البيعرفوك , كلماتك متعافية و صادقة لدرجة الغيظ ..
كضاب يا صاحب .. كضاب .
لو كتاباتك لسه في طور النقاهة , و بتلمع و تضوي و تعدل و تسلك فينا الإستقامة .. يبقى كيف الحال لو العافية درت ؟؟
ريحة عصبك مسك ..
خلاياك بتداوي جروح الزيف ..
يا زول يا حريف و سمح .
أي مداخلة ليك يا عبدالرحيم في أي بوست بتدخل سيد البوست في أضافره ..
أسأل غيري يقول ليك ..
مداخلاتك بوستات يا ولد يا معلم ..
يا كبير و جميل . |
صح لسانك يا عمدة ومافي قولا بعد قولك
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
ود رملية
زميل الصبا وود الفريق
عوافى سلامات كما يروق لك
عارف يا حبيب ونحن صغار وعندما كنا نلعب ونجرى ونضحك فى رفاعة لم اكن اعلم بان سامرى ود رملية سيصبح ذاك الاديب مرهف الاحساس مستقبلا لكان الاجدر بى ان اكون احد حواريك اخى
واصل عزيزى لنفاخر بشرف معرفتك عن قرب واصل ب ( داهلين و لو.... )
لك كل المودة
حسن طرا..... (قرض على كدة)
| |
|
|
|
|
|
|
|
|
|
Re: يابـــــــــــــــكري ابوبكر ... (Re: حسن الجيلى سعيد)
|
يهتز عصب القلم حينما تمسكه ... ترهقه الكلمات ونزف المداد... ثم تاتى لتقول انها محاولات.. فليكن ان كان تواضع الاديب الخجول يريد ذلك .. ولكن حسبك ان الكلمات تنصاع لامرك وتتشكل وفق هواك ... واصل يا مبدع ولك منا كل الود والمحبة ...
فى انتظار داهلين ولو ...
لو كنت ريس المنبر
لاعدت لك داهلينك مزينة كما العروس
ولشرعت الابواب اما "لو" بلا صدود
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
صديق الطفولة حسن الجيلي ..
مشتاقين ياحسن ..
مشتاقين شديد والله ..
| Quote: عارف يا حبيب ونحن صغار وعندما كنا نلعب ونجرى ونضحك فى رفاعة |
ياسلام ياحسن كل التفاصيل موجودة في نخاع الذاكرة .. لاغربة لا الم لا احزان ماهبشت حتة منها .. لما اقلب صفحات "الامس الوريفة" بكون زي "المسطول" وبكون متمني انو ما اطلع من حال التذكر دا ابدا "لو خيروني لجعلت عمري شريط الذكريات" ..
ياخي دي ايام ما بتتنسي .. بتذكر "بشير وحفيظ وحسن" .. كنتم في اجازاتكم تجعلون المدينة مرتعا للجمال ...
سلمت ياصديقي اخوك ماعندو شي غيركم ..
محبتي الشديدة ..
بلغ بشير سلامي وحفيظ برضك والناس دي وين هسي ؟؟؟ ..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
ريسنا العالي ..
رندا ..
شاكر ياعزيزة كريم ثناياك .. وفخور "بقلادتك الماهرة" التي طوقتيني بها ..شاكر وممتن ياريس ...
.
.
لو تخرجين "القصائد" من غرف الدفاتر المظلمة ..
نكون مبسوطين ومسرورين..
معزاتي ..
| |
|
|
|
|
|
|
|
|
|
Re: يابـــــــــــــــكري ابوبكر ... (Re: ودرملية)
|
سلامات
وعوافي
..
لو ..
اعود غدا "الي هنا" ..
واجد "لو.." فارعة القوام ..
لو ان صحبي يلتقون "شعاع اشتياقاتي" ..
لو يرقصون في حفل معزاتي ..
.
.
لو ان * "هذه الارض التي تغطت بالتعب" ..
لو انها اغتسلت .. ونامت في سلام ..
* من اغنيةللراحل المقيم مصطفى سيد احمد طيب الله ثراه
| |
|
|
|
|
|
|
| |
ودرملية
عبد المنعم سليمان
محمد سنى دفع الله
Emad Abdulla
Muna Khugali
عبدالكريم الامين احمد
معتز القريش
حسن الجيلى سعيد
nazar hussien
فيس بوك
تويتر
انستقرام
يوتيوب
بنتيريست