|
|
 Re: " سبأ " و " ملكة سبأ " لي ملكة سبأ- بتحريض من زولة (Re: sympatico)
|
سيمباتكو, عثمان حامد, محمد صالح, راوية, حبيب بلدو ,لؤي
ويا بلقيس أسمحي لي أناديكي باسمك.
عصير البرتقال من يدين بلقيس الماضاقو فاتو نص عمره. طاعم ونديان ويروي العطشان, فيه تلجتين كريستال تسبح بين حبيبات برتقالة عصرت للتو بعد توجيهات ملكية, اظنها رسلت يقطفوا ليها برتقالة مخصوص من شجرتها. ومباشرة الى جوفك لتفعل به فعل السحر في ظهر يوم خرطومي قائظ. وتقعد قدام المكيف تنشف عرقك و هي تناولك الكباية مصرة تكملها لآخرها. وانت ما عارف تعمل شنو تتونس ولا تشرب خايف تفوتك حاجة من الاثنين. أها كفاية وصف ولا أزيدكم؟
بعد ده يا ملكة شيلي شيلتك البورداب حيجوك المكتب زيارات بالصف يجربوا بنفسهم.
الزولة دي والله العظيم ما مجاملة لاكن طيييييبة وظريييييفة بشكل ما تتصوروه
ووناسة ودمها خفيف وحلوة واحساسها مرهف وكل الناس بتحبها لأنها تستاهل.
وأكيد كل المعاها لمسوا كل هذا الجمال, لاكن بالنسبة لي كان يعني الكثير.
يعني تصدقوني طوالي لمن أقول ليكم بلقيس دي
رااااااائعة
شكرا يا لؤي على الأغنية وتاني ما تحرد
|
|
 
|
|
|
|
zola123
فيس بوك
تويتر
انستقرام
يوتيوب
بنتيريست