كتب الكاتب الفاتح جبرا المتوفرة بمعرض الدوحة
|
Re: عاد يا ناس المنبر مااا بسألكم..!! (Re: SHIBKA)
|
يحنن يا شبكة، مش؟؟؟؟
وين ناس عمر الفاروق ديل زاغو كدة؟؟
كلميهم، كل واحد يزيد الشير بتاع المجاملة، الناس ديل الظاهر عليهم مفلسين جد،،
يالله يا جماعة، أولاد (المرحوم) ديل محتاجين السترة،،،،
إنعام، ما بنوصيكى،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: Hala Hassan)
|
كر علي ياهالة
والله ميتة جاكسون بالطريقة دي شينة الله لا ضوقها لي حبيب ولا عدو يارب
Quote: - الطب الأمريكي في الحضيض السيد العلوي (زائر) |29/06/2009 م، 11:10 صباحاً (السعودية) 08:10 صباحاً (جرينتش) والله الخبر مذهل ... تدمير القلب بالأدريانيل ، عدة كسور في القفص لإنعاش القلب ، حروق ، قطوعات في الجلد 13 جرح عميق بسبب عمليات ، والله أغرب الأخبار والله وفضائح طبية مي طبيعية |
يعني قفصو الصدري كسروه ليهو بعد مامات
ودمروا قلبو شفتي ده حالتو الطب الأمريكي ؟!
| |
|
|
|
|
|
|
Re: عاد يا ناس المنبر مااا بسألكم..!! (Re: نادية عثمان)
|
يا نادية،
Quote: يعني قفصو الصدري كسروه ليهو بعد مامات
ودمروا قلبو شفتي ده حالتو الطب الأمريكي ؟! |
الخوف يكون قبل ما يموت،،
لأنو لو لقوه ميت، ما أظن يعملوا دة كلو عشان ينعشوه،،
يعنى الدكتور الخاص عمل اللازم، و ناس الإسعاف تموا عليه،،،
Quote: والله ميتة جاكسون بالطريقة دي شينة الله لا ضوقها لي حبيب ولا عدو يارب |
اللهم لا تمحقنا ، لا تبلينا،،،
نسأل الله السلامة،،،
| |
|
|
|
|
|
|
Re: عاد يا ناس المنبر مااا بسألكم..!! (Re: Hala Hassan)
|
يا هالة خيتي: الليلة كر عليك يا مايكل ..الليلة كر عليك حبيب قساي ..الليلة كر عليك يا حشاي .. غايتو انا دكتور كوباني صحبي وهو زميل في المنبر بحاول بعدين اضرب ليهو تلفون اخليهو يجينا في بيت البكا ومن هناك نمشي المستشفى عشان يشوف معانا قصة القفص الصدري والقفص الذهبي دي .. ويا نادية الدنيا بيت بكا ما تهيجي فيني عشان كلمة (ذهبي) دي وتلمي فينا الخواجات ديل ..شكلتنا دي خليها بعدين لمن نركب الحافلة ..
تخريمة :
دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟
| |
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote: دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟ |
امس بالليل رسلنا سارة لسعد قشرة جابت ليها ستة تياب بيض ومعاهم ملايات بيض مطرزات بالابيض
والمرة هسة في الحبس
والاولاد وكلنا انعام عليهم
ما تشيلوا هم الامور بتتدبر
امانة الميتة ما صعبة خلاص
قلتلي ياهالة المرحوم كان مقطع ومشرط الصغير الجاهل ياحليلو
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
عمر الفاروق،،
شفت الراجل مسكين مات (جنازة)، و إنتو قلبكم قاسى كيف؟؟؟
لكن،
Quote: دحين يا هالة إنتو ديبي رو مرت جاكسون دي اشتريتو ليها توب ابيض للحبس ؟
امس بالليل رسلنا سارة لسعد قشرة جابت ليها ستة تياب بيض ومعاهم ملايات بيض مطرزات بالابيض
|
أجى يا ناس شبكة،
مش تنتظروا لمن نتأكد إنو الراجل كان مسلم ولا لأ؟؟ الشفقة العليكم شنو؟؟ دة كلو من عمر الفاروق، أنا عارفة،،
و بعدين هى (الولية) لسه على ذمتو؟؟؟ التانى .. التأنى يا جماعة،،،
| |
|
|
|
|
|
|
Re: عاد يا ناس المنبر مااا بسألكم..!! (Re: Hala Hassan)
|
Quote: مش تنتظروا لمن نتأكد إنو الراجل كان مسلم ولا لأ؟؟ الشفقة العليكم شنو؟؟ دة كلو من عمر الفاروق، أنا عارفة،،
و بعدين هى (الولية) لسه على ذمتو؟؟؟ التانى .. التأنى يا جماعة،،، |
قلنا احتياطيا كدا المرة تتحبس عشان لو بقى مسلم ما يكون في شي ما اتعمل ولي نقص
كان بقى مع النصارى تمشي تشوف درب الكنيسة وين
انت ياهالة المرحوم دا بقفصو الصدري دا بيكون في تلاجة ولي خاتينو برة ساي في السهلة
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
انت ياعمر
موت ميكي ده ماقطع فيك ؟
شكل شنو وذهبي شنو الفي الحافلة ؟
يا أخوي أنا بتعظ بالموت وببكي وقلبي حنين شديد
كان المات ذهبي اللون ببكي وكان بني اللون زيك كده ببكي برضو وأي زول حسب لونه !
أجي ياولدي إنت مابتخلي ضحكك وكلامك في كورة الهلال حتى في موتة حارة زي دي يا أومر ياخي ؟!
| |
|
|
|
|
|
|
Re: عاد يا ناس المنبر مااا بسألكم..!! (Re: نادية عثمان)
|
يا جماعة مايكل ده لحدي الاسبوع الفات كان بيصوم اتنين وخميس وديبي رو دي انا سألتها قالت لي مايكل طلقني طلقتين بس ما تلاتة ورجعنا لي بعض واسألوا القرضاوي مشينا ليهو في قطر ايام المرحوم الله يرحمو كان في البحرين.. بالمناسبة انتو (البرينسات) اخبارهم شنو ؟ سارة الشترا دي اسة تفتكر البرينسات دي جمع بريسنة واللي هي البوكسي !! الزولة دي وعوووها وقولوا ليها ما تمشي تدرعا جمب اهل المرحوم البريسنات ديل مقصود بيهم اولاد المرحوم البرينس الاول والبرينس التاني وباريس .. شبكة يا اختي والله انتي تعبتي خشي ارقدي شوية يا بتي في الاوضة الورانية ديك راقدة فيها خالتك جوليا روبرتس بس براااحة عشان جوليا دي نوما خفيييف.. يا جماعة الغدا قرب والجيران اي زول جا شايل صينيتو ..لكن النديكم الشمار النصيييحة صينية استيف وندر مبااااالغة شي ديك رومي وشي نقانق وشي بيرقر ياخ لي الجبس ده فيها .. لكن ويل سميث النصييحة صينيتو جيعانة جا شايل ليهو صحن واااحد وجك بتاع جعة ..
| |
|
|
|
|
|
|
Re: عاد يا ناس المنبر مااا بسألكم..!! (Re: نادية عثمان)
|
والله يا نسوان شغلتونا الواحد ما قادر يرد على المتداخلين ..هي قصدي المعزيين .. محمد عبد الرحمن يا اخوي عارفك حساس والواحد كان ما شال معاك الفاتحة بتحرد البكا التقول مايكل ده قرا معاك في اربجي.. ياخ وبي مناسبة التعزية والفواتح دي انت حبوباتك كلهم عايشات ؟؟
| |
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote: شبكة يا اختي والله انتي تعبتي خشي ارقدي شوية يا بتي في الاوضة الورانية ديك راقدة فيها خالتك جوليا روبرتس بس براااحة عشان جوليا دي نوما خفيييف.. |
هههههههههههههههههههههههههههههههه
Quote: محمد عبد الرحمن يا اخوي عارفك حساس والواحد كان ما شال معاك الفاتحة بتحرد البكا |
ههههههههههههههههههههههههههههههههههههه
| |
|
|
|
|
|
|
Re: عاد يا ناس المنبر مااا بسألكم..!! (Re: انعام حيمورة)
|
حساس شنو ياخ ...بعد كتبت المداخلة ..قريتا مرة مرتين بينى وبينك لقيتا شترة ..مسحتها .. دا اول بادى ..تانى ارجو ان تهتموا باصدار اخر كتابات السيدة جدتكم المصون فقد علمت انها كانت تهتم فى ايامها الاخيرة بكتابة بحث عن الهندسة الوراثية ..مهمة مواصلة هذه المسيرة تقع على عاتقكم كأسرة ...خاصة ان الجامعة التى كانت تدرس بها تكفلت بنفقات طباعة البحث .. طبعا (للمتابعين) انا بتكلم عن جدة عمر الفاروق الماتت قبل ايام لها الرحمه والمغفرة ..
عمر ياخ حبوبتك ذاتا بتبالغ ..المقعدا لى اسى شنو ؟.. انا لما قريت البوست كنت فاكرهم قاصدين الفاروق (التانى ) ..اما فيما يخص حبوباتى ..كان لقيت ليك بوست نعى بخصهن (عليك الله ) فطو ..قصرت معاك ..
اخر ....(اجدع ) رقمك ..خلينا نشوف الحاصل شنو .. الواحد طول ماضحك ...
| |
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
إنت ياعمر ماملاحظ حاجة في بيت البكاء ده ؟
يا أخوي الرجال كلهم فرتقوا خلوك براك وسط الحي أووووب بتاعة ناس هالة وشبكة ونعوم ديل !!
عمر
إتخارج الناس ديل بجهزوا في القبر أمش شوف ليك طورية أحفر معاهم ماشايف صديق الموج ايدينو بقبقن كيف من الحفر طول الليل ؟!
بس أمانة في ذمتك مايكل ده تخلي د. كوباني يعيد
تشريحو تاني ونعرف قفصو الصدري الكسرو شنو ومنو وليه سمح ؟
كر على أمك يامايكل
الله يرحمو يارب
| |
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote: والله يا نادية انا قلت ليهم بقعد احرس ليكم الرجال الجايين من القرى والحلللال المجاورة .. |
ياعمر أعمام مايكل الفي أوهايو وصلوا بالبوكس من أمبارح وناس ود خالتو الفي ايوا الموصلى قال بجيبهم بالهمر بتاعتو باكر !! وناس حبوبته الفي نيويورك قالوا مابقدروا يجوا قبل اسبوع لانو الحجة حبوبته متأثرة شديد بموت ود بتها ده الله يرحمه يارب
Quote: بعدين ياخ انتو بناتنا ما بنخليكم للفرنجة ديل براكم . |
ياعمر الفرنجة مابعرفوا يحفروا ود اللحد ومايكل ده قالوا مات مسلم
ثم ياخ نحن بنقدر على روحنا والخواجات ديل ذاتهم مابعرفوا يشاغلوا
وبحترموا بيوت العزاء .. بكاء يعني بكاء موش لعب ضمنة وشكل هلال مريخ وسف صاعوط !
| |
|
|
|
|
|
|
Re: عاد يا ناس المنبر مااا بسألكم..!! (Re: حنين للبلد)
|
Quote: ....بس ماتقولي لي لسه مارجعتي البيت!!!1 |
ترجع وييييييييين يا حنين ؟؟ شبكة ليها تلااااتة يوم ما ولعت نار في بيتهم لاقيا لي العضة المجانية دي والاكل البلاش ده جابت ناس بيتهم كلللهم وعاملة فيها عاصرة الفراش .. الزولة دي حدها الاربعين باقي لي..
نادية : لالالا الخواجات شاغاليييييين بس عشان انتو لابسين كويس لكن شوف عيني البتشينو وروبت دينيرو لمن جات ماشة جينيفر لوبيز قعدو يتوشوشو وش وش وش و وس وس وس سمععععععععععععتهم بس ما بقول ليك ..
| |
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
عمر
Quote: نادية : لالالا الخواجات شاغاليييييين بس عشان انتو لابسين كويس لكن شوف عيني البتشينو وروبت دينيرو لمن جات ماشة جينيفر لوبيز قعدو يتوشوشو وش وش وش و وس وس وس سمععععععععععععتهم بس ما بقول ليك .. |
الرسوووووووول فيك توريني قالوا شنو بس ماهنا لأنو ده بيت بكاء ياخ
ممكن توريني في الباسنجر ومابكلم زول ؟!
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
شبكة
Quote: تشريح شنو العايزو تجيبي ليهو كوباني
الراجل براهو مخرم ومشرط اي مشرط تاني يدخل فيهو ناس الدافنة الا يشيلوا الجثمان في كيس نايلون |
عاد كمان يابت أمي حق الراجل يروح ساي ويكون ميت فطيس يعني ؟
لازمن نعرف مايكل ده الكسر عضام قفصو الصدري شنو ياخ !
ثم د. الكوباني ده حنين ورومانسي وشاعر وتشريحو براااااحة مازي الامريكان ديل سمح ؟!
| |
|
|
|
|
|
|
Re: عاد يا ناس المنبر مااا بسألكم..!! (Re: الملك)
|
عمر الفاروق..السلام عليكم..أرفعو الفراش....خلاص....وللا عايزين توصلو ألأربعين..وياجماعة البذخ ما كويس الصرف ده لو وظفتوهوا عشان نترحم بيهو للمرحوم ويستفيدوا منو ناس الدنياألأحياء مش كان افضل..
هسى اختى ناديه دى بترسل لينا فى رسالات إجتماعية جميلة عشان نستفيد منها....
Quote: وبحترموا بيوت العزاء .. بكاء يعني بكاء موش لعب ضمنة وشكل هلال مريخ وسف صاعوط |
ده حالنا...بعد الدفن إلحزن لجزء قليل من أهل ومعارف الميت..وونسه وضحك حتى يختلط عليك ألأمر ولا يذكرك ذلك إلا مرور كبابى الشاى وبعض المعزيين بقول الفاتحة يا جماعة..أو سكليبة سكليبتبن من جوه محل النسوان...
وتكسر من بعض عطالة الحله من أكل وشراب شاى وونسة عن الكورة ونميمة وبعض ألأوقات نكات..وضحكات عاليه كأنهم فى قهوة وليس بيت بكاء...ويبقى عل أهل المتوفى ميتة وخراب ديار..
شكرآ ليك يا عمر على هذا البوست الجميل..وشكرآ ليك ياناديه لرسالاتك الذكية.....................إسماعيل محمد احمد عباس...
| |
|
|
|
|
|
|
Re: عاد يا ناس المنبر مااا بسألكم..!! (Re: ismeil abbas)
|
اخجلتم تواضعي آل جاكسون..دة اقل واجب اعملو..
Quote: والد جاكسون: محاميه رفض كشف وصيته ولا نعرف أين سيُدفن..ويشكر كل من ابرق معزيا ..وشكر خاص للابنة سارة علي والتي لم تفارق أل جاكسون منذ سماع الخبر..وقفتها ساعدت من تخفيف وقع الخبر علينا..
وفي غضون ذلك، تجمعت عائلة ملك البوب العالمي مايكل جاكسون لإعداد ترتيبات الجنازة التي لم يتحدد موعدها، فيما استعانت بعيادة خاصة للمساعدة في عملية التشريح الثانية لجثته التي طالبوا بها لكشف غموض وفاته المفاجئة يوم الخميس الماضي إثر تعرضه لأزمة قلبية. |
المصدر http://www.alarabiya.net/articles/2009/06/29/77312.html
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
شبكة وهالة حسن.. ياخ كفاااااااااي هريتوني مراسيل للاسواق.. سارة امشي جيبي..سارة تعالي ودي..سارة اجري سوي.. حتبقوني هيكل عظمي تلحقوني المرحوم...
ثم انا ما حيطتكم القصيرة..ما يهندا عمر الفاروق قااااعد برة وما عندو شغلة غير فلانو جات محننة بالاوكسجين وفلانة جات مكحلة وفلانة جات بالاتوس وفلانة وفلانة وفلانة..انتو بتتستغلو فيني..بطريقتكم دي الفراش ما حاعصرو للسبوع والغسيل..وشي هاج واتملا حبوب من سخانة المطبخ والكفتيرات..
عمر هييييي..منو العجبو الشاي..؟؟ وبطل قتاتة
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
إسماعيل ياشقيقي
Quote: ده حالنا...بعد الدفن إلحزن لجزء قليل من أهل ومعارف الميت..وونسه وضحك حتى يختلط عليك ألأمر ولا يذكرك ذلك إلا مرور كبابى الشاى وبعض المعزيين بقول الفاتحة يا جماعة..أو سكليبة سكليبتبن من جوه محل النسوان...
وتكسر من بعض عطالة الحله من أكل وشراب شاى وونسة عن الكورة ونميمة وبعض ألأوقات نكات..وضحكات عاليه كأنهم فى قهوة وليس بيت بكاء...ويبقى عل أهل المتوفى ميتة وخراب ديار..
شكرآ ليك يا عمر على هذا البوست الجميل..وشكرآ ليك ياناديه لرسالاتك الذكية..... |
أقول شنو عاد ماياهو حالنا الشين !!
تسلم ياراقي ويارب أحوال البكاء في بيوتنا تتعدل والله !!
| |
|
|
|
|
|
|
Re: عاد يا ناس المنبر مااا بسألكم..!! (Re: نادية عثمان)
|
حنين
شلتي حسي مع الناس ديل
ياعمر يعني كيف امشي البيت واخلي البكا دا لازم اجيه الحال مع ناس انعام ونادية وسارة وهالة ما بقدر افوت الواجب
سارة جبي منقد وتعالي برة في الحوش امرقي من سخانة المطبخ دي عشان وشك ما يتملي حبوب ياختي المات مات لروحو
نادية كلمتك غايتو المشرط دا لو جا جنب المرحوم ساي\ المرحوم دا بجهجه عشان كدا التشريح دا خليه
قلتي لي طلع مسلم المرحوم
غايتو سمعت تحت تحت انو لما حصلت ليهو المشكلة في المحمة بتاعة 2003 ديك قالوا كان شايل ليهو مصحف صغير في جيبو لكن برضو المحامي ما متاكد انو مسلم ولي لا
عليك الله دي حالة دي
انعام النسوان ديل بتمحركن في شنو
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
النوريك انا بتمحركن في شنو يا شبكة.. طليقة المرحوم جات..بت الفيس بيرسلي..ومتلمين فيها لانها تقريبا جات البكا ما لابسة شي..وما خلت مكياج ما لطعتو في وشها..هسه هم متنحين فيها.. كان راجية منهم شئ واطاتك صبحت.... كدي اندهي لي الفاروق خلي يدخل عيال المرحوم جوة عشان يستحمو وياكلو لقمة..لانو عمر دة مع التقهي ما بيكون اكلهم حاجة..
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
شفتي شفتي يا شبكة وهالة.. اول مرة من بداية البكا عمر الفاروق يجي جاري من اول ندها..دة كلو عشان جاي يكشف لي ليزا بريسلي..عملتها واااضحة يا الفاروق..شمارك دة ما بتخلي؟؟نسيت انحنا في بيت بكا؟؟ قبيل انا مش ناديتك عشان تجي تشيل شاي الغدا وكنتا بتتجاهل فيني؟؟ هسه لمن بقت فيها ليزا بقيت تتجاري جري..
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
والله يا سارة الخواجيات ديل اظن اتلخبت عليهن الاختساس يعني .. الواحد بقا ما بيفرز عماد من اعتماد .. انتي ما حضرتي بت هيلتون داك جات كيف ...الليلة ووووووب ..اظن وقتها انتي كان مشيتي كوافير الحبشية الفاتح في شارع الظلط ورا ناس جاكسون .. والعجب خالتك نيكول كيدمان ...اووووووووووووووووووووووووووووو.. كدي دي خليها ونسة بعدين لمن نجي نعمل لينا دورانية بي الكراسي ونلم باقي الشباب عشان نتونس
تخريمة : إنتو الطباخ ده خاتي جلابيتو في صفحتو وبيأشر بي الكمشة هايج في منو فيكن ؟
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: طليقة المرحوم جات..بت الفيس بيرسلي..ومتلمين فيها لانها تقريبا جات البكا ما لابسة شي..وما خلت مكياج ما لطعتو في وشها..هسه هم متنحين فيها.. كان راجية منهم شئ واطاتك صبحت....
|
هي ياسارة ما بالغتي ما كلمتيني بالمولد دا عشان اجي اتفرج قبيل عمر قال لي امشي اخدي ليك رقدة في الحوش الورا اها اظني غمضت
لاني ما حاضرة
كان كدا النمشي علي بت الفيس دي واديها راسها كان تسمع الكلام
باقي راسها قوي زي ابوها الله يرحمو
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: شبكة هيييي ها ما تمشي..القبليك كلهم قالو زيك كدة وتاني ما شفتهم بي عيني.. بالجد انتو قاعدين تحقرو فيني.. قضو خدمتكم الاول والفرجة ملحوقة.. علي قول امي السترة والفضيحة متباريات |
انتي ياسارة براك تريدي الشقاوة
خلي الحوامة دي وانجمي الطباخين قالوا بعملوا اي حاجة وعمر جايب ليهو ناس للشاي ويوزعوه
انتي اقعدي واحضري الفرجة دي باقي احنا من الصباح ما قعدنا الا هسة وبعد رقنا جات المفعوصة بت الفيس دي هيجت الدنيا والشفع قعدوا يبكوا في امهم لما انعام غلبها تزحهم جاي ولي جاي
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
شبكة شبكة.. سامعة صوت الدلوكة دي؟؟؟ اقصد الدي جي
صحي الجيران عندهم عرس؟؟ يختي سمعتا انو مايكل ما كان مقصر معاهم وعمل ليهم حفلة سد المال..ورقص رقيص..اظن رقيصو اليوم داك هو الجاب اجلو.. وهسة عااادي حيعملو العرس؟؟
صحي المات فقد روحو..
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: صحي الجيران عندهم عرس؟؟
|
ياسارة جات ام العروس لزوجة المرحوم واستأذنت منها انو دا اول فرحتهم وبتهم الكبيرة ودايرين يفرحوا بيها
اها مرة المرحوم ما قصرت وحلفت عليها انو يعملوا اي حاجة
وزي ما قلتي المات فقد روحو
لكن بيني وبينك ابو العروس كان صاحب مايكل شديد وقال عمرو ما حينساه
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: انعام
النسوان ديل بتمحركن في شنو |
يابت امي النسوان ديل بتمحركن مختلفات في طريقة الفراش ..
ناس يقولوا الا واطــــــة الله دي وحالفين ما يقمن على حلين
والتانين يقولوا لا لازم كراسي وفاخرة كمان واطقم جلوس
عشان زمان الناس خلوا فراش الارض ..
اها المحركة في كدي
لكن والله عاد انا اللابسة (القنجة) دي الا لازماني الـــواطة دي اصلوا وين فايتنها ..
ماياهو الشبر دا جايبنوا جاينوا ..
خربانة ام بنايتاً قش
أستغرف الله
استغفرتك يا مالك روحي
هي هي هي هي .. أخ توف ..
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: البنات ديل هسه مسحو السيراميك دة.. |
خلي مسح السراميك يا مفعوصة ..
حضرتن الشربات للرجال البجوا من الدافنة ..
ولازم نوع واحد بس ما تكترن الانواع عشان الشي بكى ما عرس ..
احي يا صفحاتي قامن علي من الشلهتة ..
| |
|
|
|
|
|
|
Re: عاد يا ناس المنبر مااا بسألكم..!! (Re: نادية عثمان)
|
Quote: طرشتينا البيرجر والهوت دوج والجاتوه الأكلناهم ياخ !! |
اسولكن شنو كان انتن نفسك فاتحة للاكل ..
دا يوم اكل اسألك الله ياندوي ..
الليلة دا يوم السواد والرماد ..
اكان من الزمن دا ..
كان سويتن الرماد في وشكن جايات مبدرات كدي
واكان من الزمن دا
كان سويتن التراب في شعركن
احي ياود امي وجعتني في كبدتي ..
الليلة ياود الصرة .. الليلة ياود الحبيبة .. الليلة ياود القريبة
حي وووب حي وووب
خلني النفش عبرتي دي خلني واحدة فيكن تقول لي استغفري مافي ..
الليلة يا الخاتي اللوم الليلة حي ..
الليلة يا بتعرف العوم الليلة حي ..
مخيييير الله ..
| |
|
|
|
|
|
|
Re: عاد يا ناس المنبر مااا بسألكم..!! (Re: انعام حيمورة)
|
هوي ها
صرة شنو صورة الصرة شلناها زي ماقالت ماما دومة !
نعوم
والله وأجعني ميكي أكتر منك يشهد الله
لكن كمان يابت أمي الحي أبقى من الميت
أنا من عشاء بالليل ده بي حتة جبنة الافاش كيري
وحتة الجيكن بالمستردة مافي شئ دخل مصاريني ياخ !
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: حضرتن الشربات للرجال البجوا من الدافنة ..
|
كده ناولينى كباية عصير يا سارة
واسندنى اقعد فى الكرسي ده يا شبكة وانعام
واصبر لي يا انعام انا صادمة من ساعة سمعت الخبر يعنى ما بتفقدينى
الدنيا سداية ورضاية يعنى الميت اعز منى
احيي يا ود امى قطعت قلبى ....استغفر الله
وبت الامين وينها ما شايفها
| |
|
|
|
|
|
|
Re: عاد يا ناس المنبر مااا بسألكم..!! (Re: فادية اليمني)
|
Quote: واسندنى اقعد فى الكرسي ده يا شبكة وانعام
|
اقعدي يافادية ولي اقول ليك تعالي الحوض التاني هادي ومافيهو ناس كتار
Quote: احيي يا ود امى قطعت قلبى ....استغفر الله
|
استغفري الموت حق
Quote: وبت الامين وينها ما شايفها |
اماني قالوا مسافرة سفرية تبع الشغل
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: يا انعام ناجي قرا البوست دا كلو وما عرف يفرز اني بت ولي ولد واتغدا معاي في صينية واحدة وبرضو ما فرز
|
اسي خليتى اسامى "الرحمن" كلها وبقيتى فى شبكة دى
ياخ دا اسم زول صاحبنا وبغنى فى عقد الجلاد ... ...
فضحتونا
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
ود الفاروق
ميكو ده حالة خاصة ياخي
والله انا حزنت لفراقو رغم بلاويهو البتفقع المرارة
عملت لي بوست وابيت ارفعوا ..
يعني حزن انصار سنة عديل
وشكرا للاثنين اللي اتعاطفو مع حزني ..
اليوم شوفت ابوه يتحدث في التلفزيون
ولا هاميهو شيئ .. تخيَل
| |
|
|
|
|
|
|
Re: عاد يا ناس المنبر مااا بسألكم..!! (Re: الملك)
|
والله العظيم المنبر دة يوم بيجيب لي الضغط.. والله وبي حليفتا..
مرات الكتابة مع الاستعجال بتتكتب غلط..وبالتالي ..
الحمد لله.. النحرر البكاء تااااااني..
احي احي احي...وووووووووب علي كررررررر كرررررررررررررررررررر
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: الطباخ هايج في حنين لانها فتحت الحلة وقالت ليه الحلة نجضت لمن مسكت .. قام ورور ليها بالكمشة وقال ليها انتي كمان جاية توريني شغلي..كمان ما فضل ناس امريكا يجو ينظرو لي في طبيخي!!!!! |
النصيحة يا جماعة، ناس أمريكا كمان فهمهم شنو فى طبيخ البكيات و تسبيك المناقد،،
لا لا لا يا حنين، أبعدى بعيد، الطباخ دة بروفيشنال،
دة السوى لاوباما الغداء بتاع الـinauguration
ما بنجيب زول ساى لبكا جاكسون،،
______________________________ سارة على، منقد شنو للشاى و النسكافه كمان، ابعدى يا بت من النار دى، و إستعملى الـkettles
هو ذاااتو الناس ديل جعانين ساكت سابو الخدمة كلها علينا، الشاى و القهاوى دى ما بجيبوا ليها مرة (ست شاى) تمسكها عديييل كدة،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: ستات الشاي مساكين يا هالة داخلة فيهم خلعة..من يوم ميتة نادية الله يرحمها.. خايفين من الكشة تحصلم حتي في بيوت البكيات.. |
أجججىىىىىى، هى الكشات دى حصلت لغاية LA؟؟؟
غايتو يا ناس أمريكا، برى منكم، ما سايبين زول فى حالو،،
طيب يا سارة، مافى حل، إلا نجيب ديلفرى من Starbucks ،،،
يا عمر الفاروق تعال،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: الليلة يا الخاتي اللوم الليلة حي ..
الليلة يا بتعرف العوم الليلة حي .. |
الليلو وووب الليلو وووب،،،
النصيحة يا إنعام، المرحوم يوم واحد ما غلت على زووول،،،
كر على ، صغير و جاهل،،،،
_______________________________ إنتو يا جماعة الخير، بت بريسلى دى جنت ولا شنو؟؟؟
كيف يعنى تنزل تاخد swim كدة قدام الرجال؟؟؟
برى برى برى،،، ناس الخرتوم و ضواحيها شالوا حسنا وأكلوا وشنا،،،،
شبكة إنتى ما أتكلمتى معاها؟؟؟ نادية، حاولى فهميها،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: سارة علي)
|
Quote: اجرن البسن تيابكن..تمبس جا يشيل الفاتحة.. لو ما اللوم والبكا اكان زغردتا لي جية تمبس.. |
يا بنات براحة ما تتجارن،، تمبس صحى طولنا منو، لكن خلوه أول يعزى أخوات المرحوم و أمو،،
بت إالفيس دى أبعدوها بعيد، الزول لسه صغير،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: محمد عبد الماجد الصايم)
|
اها يا بنات امي ..
بدل نسوي السابعة والخمستاشر والاربعين ..
أخير النجمعن فرد مرة ونسويهن كلهن ..
خلاص عمر دا اظنو بخجل ما بدخل على النسوان النكلم الملك دا يجيب لينا ..
10 شوالات دقيق للقيمات
10 ارباع بلح لي مديدة التمر (البربور)
والشاي والقهوة اصلن في !!
اكان جماعتن ديل دايرين (الدونات) بنسويها ليهن نجيب الشيف (أشرف) يسويها ليهن ..
اها قلتن شنو فوق الرأي دا !!
هملنا بيوتنا ووليداتنا بعد كدي كفانا النرجع ..
انا حجزت يوم 3-7 طيارتي بتكون زي الساعة 12 كدي
اها تعالن ودعني يا بنات امي سمح ..
| |
|
|
|
|
|
|
Re: عاد يا ناس المنبر مااا بسألكم..!! (Re: انعام حيمورة)
|
انعام
Quote: بدل نسوي السابعة والخمستاشر والاربعين ..
أخير النجمعن فرد مرة ونسويهن كلهن ..
خلاص عمر دا اظنو بخجل ما بدخل على النسوان النكلم الملك دا يجيب لينا ..
|
احسن حاجة لانو الناس بقت على سفر ومحصلين مصالحهم
Quote: انا حجزت يوم 3-7 طيارتي بتكون زي الساعة 12 كدي
|
بجيك المغرب اودعك وانا مسافرة بعد بشوية كدا
تخريمة المسافرة وصلت؟
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: بدل نسوي السابعة والخمستاشر والاربعين ..
أخير النجمعن فرد مرة ونسويهن كلهن .. |
غايتو يا إنعام، عين العقل،، اصلو البكا كان طال كان قصر، ما بجيب شى،،،
,إحنا ذاتنا تعبنا و فترنا من الخدمة، سارة بهناك وشها بقبق بالحبوب، و شبكة (تحجز) فى النساوين، و نادية يا حليلها، تعبت من (تقعد) الناس،،،
لكن يا إنعام، الكميات القلتيها دى بتكفى الخلق، عينى أمبارح لبراد بت و إنجلينا قربوا يتخابتوا فى اللقيمات حقت الصدقة،،،،
Quote: خلاص عمر دا اظنو بخجل ما بدخل على النسوان النكلم الملك دا يجيب لينا .. |
و الملك مالو؟؟؟؟
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: هالة كويس اتفقتي معانا في الراي بتاع انعام ونرفع خلاص وكل زول مسافر يشوف سفرو بي وين محلو
|
يا بنات هيييي روقن ساى فراش شنو البدورن ترفعن قبل الرجال
والفراش لدورهو بجيب زولهو
وميشيل لسه ما جات ترفعن كيفن يعنى
| |
|
|
|
|
|
|
Re: عاد يا ناس المنبر مااا بسألكم..!! (Re: فادية اليمني)
|
Quote: يا بنات هيييي روقن ساى فراش شنو البدورن ترفعن قبل الرجال
والفراش لدورهو بجيب زولهو
وميشيل لسه ما جات ترفعن كيفن يعنى |
يافادية فترنا من الخدمة خلينا النرفع وكل يوم بنطل عليهم
لانو انعام دي سفرها قرب لازم تتجهزلسفر دا
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: وميشيل لسه ما جات ترفعن كيفن يعنى |
هىىىىىىى يا فادية، ميشيل دى ولا بننتظرها و لا بننتظرها،،
مش كفاية جات كدة كم دقيقة لغاية تانى يوم؟؟؟
و أريتها كان قعدت و لا مدت يدها فى حاجة معانا، فالحة بس تعاين لإنعام فى جنس الكانت بتسوى فيه داك، و تمصمص فى خشمها (يعنى ما عاجبها العجب)، لا بكت المرحوم ، لا دايرة الناس يبكوا،،،
إحنا حالفين، لو جات راجعة تانى، إلا نورى ليها،،،،،
| |
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
نعوم ؟
ماشة محصلة شنو يعني المرحوم ده لسة مادفنوه ولا جابو عنقريبو راجع ؟
هالة ؟
يخسي عليك على الأقل تحضري الدافنة بعد نعرف د. الكوباني قال شنو نتيجة التشريح ولا شنو ؟
شبكة ؟
عاد انتي بالذااااااات المستعجلة ليها شنو دايرة حقك وتعبك ه كلو يروح وتسافري قبل الدفن ؟
لا ياخ يابنات مابصير هيك والموقف صعب عن جد !
وأوبرا متعشمة فيكن تكملن غسيل العدة المردومة دي سمح ؟
| |
|
|
|
|
|
|
|