|
35 مليون سوداني شاهدوا قناة هارموني أمبارح !!
|
المنتخب المصري زرع الفرحة في شفاه 75 مليون مصري بعد البطولة الأفريقية وندى القلعة رسمت الدهشة في وشوش 35 مليون سوداني أمبارح .. لو ناس هارموني عندهم مقياس (ريختر) لقياس درجة مشاهدة البرامج لوجدوا إنو لحدي أمبارح الساعة 9 مساء عدد المشاهدين كانوا 9 أنفار بس .. أما ما بين الساعة العاشرة والثانية عشر مساء فمعتصم الجعيلي نفصو يكون ما قدر يشوف هارموني من كترة ما المشاهدين مشغلين القناة وأضعفوا لينا التردد من كترة ما ترددوا على القناة .. إتأكدت إنو35 مليون سوداني شاهدوا قناة هارموني بعد ما إتصل علي أكتر من 25 مليون سوداني هم عدد الذين أعرفهم في بقاع الدنيا المختلفة .. 12 مليون إتصال جاني من السودان بغرض إخباري بمتابعة قناة هارموني الساعة 10 مساء .. أمي الله يديها العافية عملت مس كول كم مرة انا قلقت وقلت إن شاء الله خير وضربت ليها يا حاجة إن شاء الله خير ؟ قالت لي : لالالا ماف شي بس قلت أكلمك تحضر ندى القلعة .. 7 مليون رسالة SMS من زين ومن أريبا ومن سوا ومن موبايلي ومن فودافون ومن سوداني وخليييييك سوداني مضمونها : يا عمر حصّل ندى القلعة في التلفزيون .. 5 مليون إتصال في تلفوني الثابت في البيت كلهم ما عرفت فيهم زول لأنو بس بيقول ليك جملتين بس: ألو ... أفتح قناة هارموني .. كجك ..تييييييت ..تييييت ..تيييييت ...
أمبارح من دون الأيام كان يوم تلفزيوني حافل بالنسبة لي لأنو يوم فيهو 4 مباريات متواصلة وكل كورة أجمل من التانية بداية بي مانشستر وأرسنال وروما ويوفنتس وريال مدريد وبيتيس ومن ثم برشلونة .. الكلام ده كلو من الساعة 8 لحدي الساعة 12 !!! بضرب لي الشباب عشان أقول ليهم جايي أحضر معاكم الكورة عشان المتعة لقيت ليك كل الناس قفّلت الموبايلات وما فهمت الحنك شنو هل هو النوم أم الوقار في حضرة ندى القلعة .. امبارح الرجال كانوا محظوظين للحد البعيد ومشاهدة ندى القلعة دون حدرة من النسوان والسبب بكل بساطة إنو النسوان زااااتهم كانوا منتظرين الحلقة دي .. وبالرغم من إختلاف وجهات النظر في أسباب مشاهدة الحلقة لكن كل الطرق أدت لروما وهو المطلوب .. النسوان كان كل همهن تياب ندى المباااااااالغة وفنايل البودي الطالعة موضة وما بتشبه حقات النسوان والحنة العنكبوتية وما أدراك ما الدهب .. الرجال أقنعوا نسوانهم إنو سبب حضور الحلقة صوت ندى الجهوري والغناء الحماسي مع العلم إنو الرجال نفسهم كانوا مركّزين على التوب والحنة والدهب إضافة للوش كمان .. أتحدّى أي واحد يوريني أمبارح تلفزيون السودان وساهور والشروق وزول والجزيرة وأكشن وروتانا كان فيهم شنو بين الساعة 10-12 مساء؟؟؟ ياخ معتصم الجعيلي زااااتو في روحو أمبارح جاب ليك أي لقطة وأي برنامج وأي دعاية في الفترة ما بين 10 و 12 !!! وما فضّل ليهو إلا يقول بعد الحلقة إنتهت : خلاااااص يا شباب شطّبنا يلا إتخارجو ونشوفكم السنة الجاية .. أجمل ما في ندى إنها وحدت بين الأجيال الأطفال والرجال !!! لاقيت لي راجل عمرو زي 65 سنة كده ومعاهو ولدو عمرو 10 سنوات تقريباً في محل إستيريو وتسجيلات في غبيرة ملتقى السودانيين !!! أسمع ليك الراجل بيقول لي بتاع الإستيريو : عليك الله ما عندك تسجيل لي حفة نيجيريا بتاع ندى القلعة ؟؟ الراجل قال ليهو : ايوة في !! قام شغّلوا ليهو في الكمبيوتر من أسطوانة CD.. قوووووووووم يا الراجل أبو 65 سنة قول ليهو : لالالالا ياخ ده تسجيل حفلة سكر كناااانة ده ما بتاع نيجيريا !!!
عاد ده كلام ده يا أخوانّا ؟ نبقى في جنس ده !!!
تخريمة : أمبارح مزيعات هارموني حنّنوني شديييييييد ياخ !! تيابهم جيعااااااااااانة شديد بقت لي .... وبقن لي مسيخات مسيخات
|
|
|
|
|
|
|
العنوان |
الكاتب |
Date |
35 مليون سوداني شاهدوا قناة هارموني أمبارح !! | عمر الفاروق | 02-17-08, 09:29 AM |
Re: 35 مليون سوداني شاهدوا قناة هارموني أمبارح !! | أبوذر بابكر | 02-17-08, 09:43 AM |
Re: 35 مليون سوداني شاهدوا قناة هارموني أمبارح !! | سامى عبد الوهاب مكى | 02-17-08, 09:49 AM |
Re: 35 مليون سوداني شاهدوا قناة هارموني أمبارح !! | عمر الفاروق | 02-17-08, 09:57 AM |
Re: 35 مليون سوداني شاهدوا قناة هارموني أمبارح !! | عمر الفاروق | 02-17-08, 10:04 AM |
Re: 35 مليون سوداني شاهدوا قناة هارموني أمبارح !! | سامى عبد الوهاب مكى | 02-17-08, 10:06 AM |
Re: 35 مليون سوداني شاهدوا قناة هارموني أمبارح !! | ملكة سبأ | 02-17-08, 10:09 AM |
Re: 35 مليون سوداني شاهدوا قناة هارموني أمبارح !! | عمر الفاروق | 02-17-08, 10:11 AM |
Re: 35 مليون سوداني شاهدوا قناة هارموني أمبارح !! | عواطف ادريس اسماعيل | 02-17-08, 10:19 AM |
Re: 35 مليون سوداني شاهدوا قناة هارموني أمبارح !! | سامى عبد الوهاب مكى | 02-17-08, 10:16 AM |
Re: 35 مليون سوداني شاهدوا قناة هارموني أمبارح !! | ebrahim_ali | 02-17-08, 10:53 AM |
Re: 35 مليون سوداني شاهدوا قناة هارموني أمبارح !! | كمال ادريس | 02-17-08, 10:17 AM |
Re: 35 مليون سوداني شاهدوا قناة هارموني أمبارح !! | سامى عبد الوهاب مكى | 02-17-08, 10:20 AM |
Re: 35 مليون سوداني شاهدوا قناة هارموني أمبارح !! | عمر الفاروق | 02-17-08, 10:23 AM |
Re: 35 مليون سوداني شاهدوا قناة هارموني أمبارح !! | قرشـــو | 02-17-08, 10:24 AM |
Re: 35 مليون سوداني شاهدوا قناة هارموني أمبارح !! | جمال السنوسي | 02-17-08, 11:03 AM |
Re: 35 مليون سوداني شاهدوا قناة هارموني أمبارح !! | othman mohmmadien | 02-17-08, 11:33 AM |
Re: 35 مليون سوداني شاهدوا قناة هارموني أمبارح !! | maia | 02-17-08, 11:05 AM |
Re: 35 مليون سوداني شاهدوا قناة هارموني أمبارح !! | محمود بكر | 02-17-08, 11:08 AM |
Re: 35 مليون سوداني شاهدوا قناة هارموني أمبارح !! | شهاب الفاتح عثمان | 02-17-08, 11:29 AM |
Re: 35 مليون سوداني شاهدوا قناة هارموني أمبارح !! | عمر الفاروق | 02-17-08, 03:38 PM |
Re: 35 مليون سوداني شاهدوا قناة هارموني أمبارح !! | عمر الفاروق | 02-18-08, 06:15 AM |
Re: 35 مليون سوداني شاهدوا قناة هارموني أمبارح !! | mayada kamal | 02-18-08, 10:51 AM |
Re: 35 مليون سوداني شاهدوا قناة هارموني أمبارح !! | الطاهر عثمان | 02-18-08, 08:02 AM |
Re: 35 مليون سوداني شاهدوا قناة هارموني أمبارح !! | عبدالله كع | 02-18-08, 08:14 AM |
Re: 35 مليون سوداني شاهدوا قناة هارموني أمبارح !! | Abomihyar | 02-18-08, 08:38 AM |
Re: 35 مليون سوداني شاهدوا قناة هارموني أمبارح !! | بكري الخير | 02-18-08, 09:31 AM |
Re: 35 مليون سوداني شاهدوا قناة هارموني أمبارح !! | zico | 02-18-08, 10:47 AM |
Re: 35 مليون سوداني شاهدوا قناة هارموني أمبارح !! | قرشـــو | 02-18-08, 12:23 PM |
Re: 35 مليون سوداني شاهدوا قناة هارموني أمبارح !! | badr alkalika | 02-18-08, 03:19 PM |
Re: 35 مليون سوداني شاهدوا قناة هارموني أمبارح !! | عمر الفاروق | 02-18-08, 06:34 PM |
|
|
|