اولا نتفق انو بيت الشعر دا ماياهو نقل فؤادك حيث شئت من الهوى مالحب الا للحبيب الاول
ببساطة شديدة الواحد مننا بيحمل فى دماغو صورة لشريكه لكنها باهتة, و اثناء مشينا فى درب الحياة بنصادف و بنتلقى بكثير من الناس. بيقوم مؤشر نقاء الصورة بتحرك, فى ناس بيصل معاهم ل 40% و ناس ل 60% و بمشى لى قدام على حسب علاقتنا بالشخص. اها الحب بيحدث لمن يصل شخص لاكثر من 90%. بعد دا الصورة بتتضح و الريسلوشن بكون لمن بى هناك. اما بالنسبة ل بيت الشعر الفوق دا ممكن الربيلوشن يبقى ظابط فى التالتة و الرابعة. دا معناهو انو بيت الشعر دا هجم سيح و ريح ساكت.مايخوفكم
بالفهم دا بنكون اتخلصنا من عقدة الحب الاول و فى بالنا انو ريسلوشناتنا حتتحسن يوم من الايام بس الاهم انو اللحظة الريسلوشن يقفل الطبلون, بعد دا بكون الشريك المفروض نقاتل عشانو لانو الريسلوشن الكارب يخيلى و اكان ماخاف الكضب بجى مرة واحدة فى العمر
اما الريسلوشن البجى فجاءة و بدون تخطيط بكون جامد لانوبكون صادق.و دا عادة بكون عالى الجودة يعنى بمشى لى قدام. عشان كدا الواحداليومين دا رجع يتحاوم فى البوستات تانى. مين عارف يحصل ايه؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة